15
1 တၭစစၫမုၫအ့လၭစံၭစစီလူၫ, ယဟိဝၩအၪ့မၧၫ့ ယဂဲၫဂုၪဝဲၩနၧၩလၧစဎွၩ, လၧအၡၩခမျၧးအဖၫ့ခိၪ, အံၫစရ့လၭအဖၫ့ခိၪနီၪလီၫ. မၩအၥၭဘဲၫနီၪတၭ, ဘိၩ့ နဲၪ့ယီၩခိၭနၪယဟိဝၩအဆၧချဲၩ့လဖၪ အလူနီၪဆံၭ.
2 တၭဆၧၥုၭမုခမျၧးအယဟိဝၩ စံၭဝ့ၫဘဲၫယီၩ, ယယိ ဆီၫ့မီၪ့ယူၭဆၧလၧအၫမလ့ၭမၩအံၫစရ့လၭ, လၧအ အီၪက့ၪဆၧထၫ့ဒုၪဒၩ လၧဖၧၩ့ၥၭထီးအဝ့ၫၥံၪဂဲၫထၪ့ လၧအံဇံၭအဘိၩ့ဘၭနီၪလီၫ.
3 ဘိၩ့နဲၪ့ယီၩလ့ၩဆၧတၭ, ဖ့ၬခွံၬအၫမလ့ၭတၭ,မၩ ဂၭဂီၩ့ကယဲဆၧလၧအအီၪ လၧအဝ့ၫၥံၪတၡါဆံၭ. လီၫ့ကီၩ့ဆၧလဂ့ၩ, မၩၥံၫလၧၦခွၫထီၩ့လၧၦမုၪ,လၧ ဖိၪၥၪနီၪထီၩ့လၧအအၪ့နူ, လၧချီဖၫထီၩ့လၧၥိၪလၧ ဘ့ၪ,လၧအကလအူၭထီၩ့လၧ အကၥ့ၪယီၩ့နီၪဆံၭ.
4 စစီလူၫဒုၭအီၪကိၩ့အီၪကီၪ့ၦခမျၧးတၭ, ဝံထၪ့နၬ ထၪ့ဝ့ၫလၧတံလံၫ့အဖၧၩ့ ၦခၪ့ၥုၭဖိၪအီၪနံၫကုၬ, ဒဲၦယု
5 ဒၫဖိၪလလၬလီၫ.- တၭစစီလူၫလ့ၩဝ့ၫလၧအၫမလ့ၭ အဒိၩ့လဖျိၪ့တၭ, အီၪခိၭၥူၪဝ့ၫလၧခိၪလီၩ့ဆူၭဖၧၩ့
6 လီၫ.- တၭစစီလူၫစံၭၦကံၫ့နဲၭဖိၪ, လ့ၩဘီၪ, ဂၭထၪ့, စဲၪ့ထၪ့ခွံၬလၧအၫမလ့ၭဖိၪအကျၩဘီၪ. ဘၪလဘၪ ယမိမၩဂၭဂီၩ့ဘၪခိၬနၥံၪ လၧအဝ့ၫၥံၪအၥိၭလီၫ. အ ဂဲးဘဲၫယီၩထီးၦအံၫစရ့လၭဖိၪ ဂဲၫစဲၪ့ထၪ့ခွံၬလၧအံ ဇံၭတၭ,နၥံၪမၩဝ့ၫလၧဆၧအခိးအတၩ ထီးအလူၬ လီၫ.တၭၦကံၫ့နဲၭဖိၪ စဲၪ့ထၪ့ခွံၬ လၧၦအၫမလ့ၭဖိၪ
7 အကျၩလီၫ.- တၭစစီလူၫဖ့ၬခွံၬ ၦအၫမလ့ၭဖိၪလၧ ဟၭဝလၫထီးနလ့ၩနုၬ လၧၡၧၫအဖၧၩ့လၧအအီၪဎၩ့
8 လၧအံဇံၭလီၫ.- တၭအဝ့ၫဒၪဖီၪ့န့မၧၫ့ၦအၫမလ့ၭဖိၪ အစဎွၩစအၫဂၭတၭ, မၩဂၭဂီၩ့ၦခမျၧး ထီးအလူၬ
9 ထူၬဆံၫ့ဘၩ့လၧနၭအနါလီၫ.- တၭစစီလူၫဒဲၦခမျၧး နီၪလီၫ့ကီၩ့စအၫဂၭ, ဒဲၥိၪၥံၪဘ့ၪၥံၪ, လၧအဂ့ၩထုၬ လဖၪ,ဒဲလၧချီဖၫၥံၪအကျၩ, ဒဲဆၧဖိၪဆၧဎါအဘီၪ့, ဒဲၥိၪဖိၪလဖၪ, ဒဲကယဲဆၧလၧအဂ့ၩ ထီးအလူၬနီၪ,မိ မၩဂၭဂီၩ့ဝ့ၫလူၬထူၬအ့ၬ. အ့ၪမွဲကယဲဆၧလၧအလၬ အၧၩ့,ဒဲလန့ကဲၩ့န့ကၩဘၪဆၧနီၪ မၩဂၭဂီၩ့ခွံၬဝ့ၫလူၬ ထူၬလီၫ.
10 ထီးနီၪလဖၧၫ့ယဟိဝၩအလူ လၩ့ဘၪဝ့ၫလၧစစၫ
11 မုၫအ့လၭတၭ,စံၭဝ့ၫဒၪ,- မွဲယအီၪက့ၪထၪ့စစီလူၫ လၧစဎွၩတၭ,ယနီၫ့ယါလၩ့ထဲၩ့ယၥၭလီၫ. အဂဲးဘဲၫ ယီၩလၧအလီၩ့ဖိၬယခဲၫ့နီၪ ထဲၩ့ထဲၩ့ယူၭဝ့ၫတၭ,ထီး န့ယဆၧမၪလူၬအ့ၬ. စစၫမုၫအ့လၭအၥၭအုၭနီၪကိၭ
12 ထၪ့ယဟိဝၩၥၫ့နၩချီၩ့လီၫ.- ထီးစစၫမုၫအ့လၭဂဲထုၪ့ ဂီၩဂီၩဘဲၫၥိၭအမိလ့ၩဒၪလိၬအၥၭ လၧစစီလူၫနီၪ,ၦ ဒုၭနဲၪဆၧလၧစစၫမုၫအ့လၭတၭ, စံၭဝ့ၫဒၪ,စစီလူၫဂဲၫ လၧကၫမလၭတၭ,ယိခွါ, အီၪက့ၪထၪ့ဆၧမၩနဲၪ့လၧ အဂးတၭ,လ့ၩဝံၩ့ဝၩ့ခၫ့ဂၬဆၧတၭ လ့ၩလၩ့လၧဂံလ ဂၫလၭလီၫ.
13 တၭစစၫမုၫအ့လၭ လ့ၩလၧစစီလူၫအအီၪတၭ,စ စီလူၫစံၭအဝ့ၫ, မွဲနဘၪဆၧဆိၪဂ့ၩ လၧယဟိဝၩဆံၭ. ယမၩယူၭဆၧလၧယဟိဝၩ မၪလူၬဝ့ၫလီၫ.
14 တၭစစၫမုၫအ့လၭစံၭဝ့ၫဒၪ, ၥိၪၥံၪဘ့ၪၥံၪ ဂၪ့ကိၭ လၧယနါဖၧၩ့, ဒဲချီဖၫၥံၪဂၪ့ကိၭလၧယနါဂၧၫ့နီၪ, မွဲ
15 ဘဲၫၥ့ၪလဲၪ.- စစီလူၫစံၭဝ့ၫဒၪ, ၦဂဲၫဆိၬဝ့ၫလၧၦအၫ မလ့ၭဖိၪအကျၩလီၫ. အဂဲးဘဲၫယီၩ ၦခမျၧးလီၫ့ကီၩ့ ဆၧအဂ့ၩလၧၥိၪၥံၪဘ့ၪၥံၪ, ဒဲချီဖၫၥံၪအကျၩဘဲၫၥိၭ အမိလုထၪ့ဆၧလၧယဟိဝၩနယွၩတၭ, ဆၧအီၪလၩ့ ထးလဖၪနီၪပမၩဂၭဂီၩ့ယူၭလူၬထူၬ ဆံၫ့ဘၩ့လီၫ.
16 တၭစစၫမုၫအ့လၭစံၭစစီလူၫ, အီၪဒၪခလူၬတၭ,ယမိ လီၩဘၪနၧၩလၧဆၧလၧယဟိဝၩ စံၭယၧၩလၧမုလနၩ ယီၩလီၫ. တၭအဝ့ၫဒၪစံၭဝ့ၫ, ချဲၩ့ထၪ့ဘီၪ.
17 စစၫမုၫအ့လၭစံၭဝ့ၫဒၪ, အဆၧၫ့အထီလၧနမွဲၦအ ဆံၭလၧနနၫ့ဆါအမ့ၬယၫနီၪ, နကဲၪထၪ့အံၫစရ့လၭအ ဒီၪ့လဖၪအခိၪတၭ, ယဟိဝၩဂုၪနၧၩလၧအံၫစရ့လၭ
18 အစဎွၩမွဲအ့ၬဧၪ.- တၭယဟိဝၩ အၪ့မၧၫ့နလ့ၩဖိၬ ဖၧၩ့ၥၭလဘီၩ့တၭ,စံၭ, လ့ၩမၩဂၭဂီၩ့ခွံၬ ၦဆၧဒဲၩ ဘၭဖိၪၦအၫမလ့ၭဖိၪတၭ, ဒုၭၥုၭလၧအဝ့ၫၥံၪထီးအ
19 လူၬခွံၬကိၭဂၩဒ့ၭဆံၭ.- နလခိၭနၪဘၪယဟိဝၩအလူ တၭ,နစဲၪ့ၥၡိၫလၧဆၧအၪ့ဂူၬန့အဖၫ့ခိၪတၭ, မၩဆၧ
20 အၧၩ့လၧယဟိဝၩအမ့ၬယၫနီၪ, မွဲဘၪလဲၪ.- တၭစစီ လူၫစံၭစစၫမုၫအ့လၭ,မွဲယူၭ, ယခိၭနၪယူၭယဟိဝၩ အလူယူၭ, ယလ့ၩဖိၬယူၭဖၧၩ့ၥၭလၧယဟိဝၩ အၪ့ မၧၫ့ယလ့ၩယူၭ, ဒဲယဂဲၫထဲၩ့ဆိၬယူၭၦအၫမလ့ၭဖိၪ အစဎွၩအၫဂၭတၭ, ယမၩဂၭဂီၩ့ယူၭၦအၫမလ့ၭဖိၪ
21 ထီးအလူၬယူၭ.- အ့ၪမွဲၦခမျၧးမၩန့ဆၧလၧအအၪ့ဂူၬ န့အကျၩ, ၥိၪၥံၪဘ့ၪၥံၪဒဲချီဖၫၥံၪ, ဆၧအခိၪလဖၪလၧ ဆၧလၧအကြၨၭထီၩ့ လၧဆၧဂၭဂီၩ့လူၬထူၬဝ့ၫအ ကျၩ,ဘဲၫၥိၭယမိလုထၪ့ဆၧလၧ ယဟိဝၩနယွၩလၧဂံ လဂၫလၭနီၪလီၫ.
22 တၭစစၫမုၫအ့လၭစံၭအဝ့ၫဒၪ, မွဲအဘၪယဟိဝၩ အၥၭလၧဆၧလုမ့ၪ, ဒဲဆၧလုနီၪ, န့ၫဎီၩ့လၧအဘၪအ ၥၭလၧဆၧခိၭနၪယဟိဝၩအလူနီၪဆ့ဧၪ. ယိခွါ,ခိၭနၪ ဆၧနီၪဂ့ၩနဲၪ့လုထၪ့ဆၧ, ဒဲဒိၭအနါနီၪဂ့ၩနဲၪ့ၥိၪဖၫ
23 အၥိၪနီၪဒံၭလီၫ.- အဂဲးဘဲၫယီၩဆၧပိၩ့ထၪ့အဆၧဒဲၩ ဘၭနီၪန့ၫဎီၩ့လၧဆၧအူၪဆၧပီၩတၭ, ဆၧအနၧၫ့ထၧၫ့ နီၪန့ၫဎီၩ့လၧဆၧဂၩ့ဆၧဖၪ့အဆၧအၧၩ့လီၫ. မွဲနခွံၬ ၡိၭယဟိဝၩအလူတၭ, ယဟိဝၩခွံၬၡိၭနၧၩ လၧစဎွၩ
24 အလးလီၫ.- တၭစစီလူၫစံၭစစၫမုၫအ့လၭ, ယမၩမၪ ဘၪယူၭဆၧယူၭ, အဂဲးဘဲၫယီၩ ယလၨၪခၫ့ဖၬဘၪ ယဟိဝၩအဆၧမၪလူၬ, ဒဲနလူယူၭ, အဂဲးဘဲၫယီၩ, ယၥၭမဲၪၦခမျၧးတၭ, ယခိၭနၪအဝ့ၫၥံၪအလူလီၫ.
25 တၭဘိၩ့နဲၪ့ယီၩ ဖျါခွံၬယဆၧမၪဆံၭ. ထဲၩ့ထဲၩ့လၧ ယၥိၭဘဲၫၥိၭယမိဘိၪ့ထၪ့ဘၩထၪ့ ယဟိဝၩဆံၭ.
26 တၭစစၫမုၫအ့လၭစံၭစစီလူၫ, ယထဲၩ့ထဲၩ့လၧနၥိၭ အ့ၬ.အဂဲးဘဲၫယီၩနခွံၬၡိၭခွံၬယူၭ ယဟိဝၩအလူယူၭ တၭ,ယဟိဝၩခွံၬၡိၭခွံၬနၧၩ လၧစဎွၩအလးလၧအံၫ
27 စရ့လၭအဖၫ့ခိၪယူၭ.- စစၫမုၫအ့လၭကၠၪအၥၭဘဲၫၥိၭ အမိစဲၪ့ထၪ့ခွံၬတၭ, အဝ့ၫဒၪဖီၪ့ထၬအဖၬဘဲၩ့အနဲၩ့
28 ထံၭတၭ, ယၬခွံၬဝ့ၫလီၫ.- တၭစစၫမုၫအ့လၭစံၭဝ့ၫ, ယဟိဝၩၡၫ့ခွံၬအံၫစရ့လၭ အဘၩ့အမုးလၧနၧၩလၧ မုလနံၩယီၩတၭ, ဖ့ၪလၫ့ဝ့ၫလၧၦလၧနနဲၩ့ထံၭလဂၩ
29 လၧအဂ့ၩနဲၪ့နၧၩနီၪလီၫ.- လၧနီၪအမ့ၬယၫဆၧလၧ အကဲၪအံၫစရ့လၭအဂဲးအဘၭလဂၩနီၪ ချဲၩ့ဘျံၭချဲၩ့ ဘျၪဆၧအ့ၬ. နၪ့ထၪ့နီၫ့ယါလၩ့ထဲၩ့အၥၭအ့ၬ. အဂဲး ဘဲၫယီၩအဝ့ၫဒၪမွဲၦၡၩလဂၩ, လၧအမိဘၪနၪ့ထၪ့နီၫ့
30 ယါလၩ့ထဲၩ့အၥၭနီၪ, မွဲအ့ၬ.- တၭအဝ့ၫဒၪစံၭဝ့ၫ,ယ မၩမၪဘၪယူၭဆၧယူၭ. ဘိၩ့နဲၪ့ယီၩ ဒုၭလၩဒုၭဖၩ့ လါယၧၩလၧယၡၩခမျၧး အၥၭၡါအမ့ၬယၫ, ဒဲလၧ အံၫစရ့လၭအမ့ၬယၫတၭ, ထဲၩ့လၧယၥိၭ, ဘဲၫၥိၭယ မိဘိၪ့ထၪ့ဘၩထၪ့ယဟိဝၩနယွၩနီၪဆံၭ.
31 အခိးမွဲစစၫမုၫအ့လၭထဲၩ့ဖိၬ စစီလူၫအခဲၫ့တၭ, စစီလူၫဘိၪ့ထၪ့ဘၩထၪ့ယဟိဝၩလီၫ.
32 ထီးနီၪလဖၧၫ့စစၫမုၫအ့လၭစံၭဝ့ၫဒၪ, ဂဲၫဆိၬၦအၫ မလ့ၭဖိၪအစဎွၩအၫဂၭ လၧယအီၪဆံၭ. တၭစအၫ ဂၭဂဲၫဝ့ၫလၧအၥၭဎွံၫတၭ, စအၫဂၭစံၭဝ့ၫဒၪ,မွဲမၬဆၧ
33 နၭဆၧၥံၫအဆၧနၭဆၧၡၪ့ဖီၩ့ခွံၬယူၭ.- တၭစစၫမုၫ အ့လၭစံၭဝ့ၫဒၪ, ဘဲၫနနၭဒုၭကဲၪထၪ့ယူၭ ၦမုၪလၧအ ဖိၪလအီၪဘၪအၥိၭနီၪ, နမိလဂၩနီၪဘၪကဲၪထၪ့ၦအ ဖိၪလအီၪဘၪလဂၩ လၧၦမုၪအကျၩ ဘဲၫနီၪအၥိၭဆ့ လီၫ.တၭစစၫမုၫအ့လၭ တဲၩခွံၬစအၫဂၭလၧယဟိ ဝၩအမ့ၬယၫလၧဂံလဂၫလၭ အဖၧၩ့နီၪလီၫ.
34 စစၫမုၫအ့လၭလ့ၩထၪ့လၧရၫမၫတၭ, စစီလူၫလ့ၩ ထၪ့လၧအဂံၪ့ထီးဂံဘအၫစီလူၫနီၪလီၫ.
35 တၭစစၫမုၫအ့လၭ လဂဲၫဒၪလၧၩ့ဘၪစစီလူၫထီၩ့ လၩ့လၧမုလနံၩ လၧအၥံၫနီၪလီၫ. မွဲလါနၫ့စစၫမုၫအ့ လၭအၥၭအုၭလၧစစီလူၫအကၠီၩ့လီၫ. တၭယဟိဝၩ နီၫ့ယါလၩ့ထဲၩ့အၥၭ လၧအအီၪက့ၪထၪ့စစီလူၫလၧ စဎွၩလၧအံၫစရ့လၭအဖၫ့ခိၪအကၠီၩ့လီၫ.