14
1 တၭလၧမုလနံၩနီၪဆၧမၩအၥၭ လၧစစီလူၫအဖိၪ ခွၫစစၪ့နၥၧၫ့စံၭၦဖိၪၥၪခွၫ လၧအဆိၬအစူၪဝဲၩ, ဂဲၫ ဘီၪးမွဲပလ့ၩၡီၩ့လၧၦဖလံၡၫဖိၪ ခိၭဆၧအလးအီၪ လၧဝါလခီၫနီၪဘီၪ. မွဲလါနၫ့ဘိၩ,လီၩဘၪအဖါအ့ၬ.
2 တၭစစီလူၫအီၪဝ့ၫလၧဂံၭဘအၫအထုၬ လၧၥံၪ့ၥလဲၩ အဖၫ့လၬလၧအအီၪဝ့ၫလၧမံဂၧၫ့အဖၧၩ့, ၦခမျၧးလၧ
3 အအီၪလၧအၥိၭနီၪအီၪဝ့ၫဖိၭဘိၭဎူၫယၩလီၫ.- တၭ စအဟဲအၫ, စအဟံၭတၧၭ အဖိၪခွၫစအံၭခဘၧၭအ ထၧၫ့ဖုဝဲစဖံနဟၭအဖိၪခွၫ, စအံလဲၫအဖိၪခွၫ, ယဟိ ဝၩအၡၩလုဆၧ လၧၡဲလိၫအဖၧၩ့လဂၩနီၪ ၥိၭဝ့ၫလၧ အ့ဖိၭနီၪလီၫ. တၭလၧစစၪ့နၥၧၫ့လ့ၩထၪ့ဝ့ၫနီၪၦခမျၧး
4 ၥ့ၪယၫဝ့ၫအ့ၬ.- တၭလၧခၫ့ဂၬဆၧလဖၪ အဘိၩ့ဆၧၩ့ လၧစစၪ့နၥၧၫ့အၪ့ဎၬခၫ့ဂၬ လၧၦဖလံၡၫဖိၪအၥုၭဖိၪ အအီၪနီၪလိးခိၪစူၩအီၪဝ့ၫလၧ ယီၩလခီၫလဖျိၪ့ ဒဲလၧ နီၪလခီၫလဖျိၪ့လီၫ. အလဖျိၪ့အမံၩ့မွဲဘိဇ့ၭ, အနီၪလ
5 ဖျိၪ့အမံၩ့မွဲစံၫန့ၫလီၫ.- အလဖျိၪ့အမ့ၬလီၩ့လၧမုဖၩ လခီၫဎၩ့လၧမံၭမၭတၭ, အနီၪလဖျိၪ့လၧမုခံၫ့လခီၫ
6 ဎၩ့လၧဂံၭဘအၫလီၫ.- တၭစစၪ့နၥၧၫ့စံၭ ၦဖိၪၥၪခွၫ လၧအဆိၬအစူၪဝဲၩလဂၩ, ဂဲၫဘီၪ, မွဲပလ့ၩခၫ့ဂၬၡီၩ့ ဆၧလၧၦလဒိၭဘၪ ဆၧကူၭတရံၭလဖၪယီၩ ခိၭဆၧ အလးအအီၪနီၪဘီၪ. ဘၪလဘၪ ယဟိဝၩမိမၩဆၧ လၧပဂးလီၫ. အဂဲးဘဲၫယီၩ မၩဖီၩ့မၩဖျ့ၭ ဆၧလၧၦ အၪအကၠီၩ့မွဲဂ့ၩ. အၡၩအကၠီၩ့မွဲဂ့ၩ, ဆၧပဒၩ့ယဟိ
7 ဝၩအီၪအ့ၬ.- တၭၦဆိၬအစူၪဝဲၩနီၪစံၭဝ့ၫ, မၩကယဲ ဆၧလၧအအီၪလၧနၥၭခံဖၧၩ့ဘီၪ. ကၠၪနၥၭ,ယိခွါ,ယ
8 မိအီၪလၧနၥိၭထီးဒၪနၥၭလီၫ.- စစၪ့နၥၧၫ့စံၭဝ့ၫဒၪ, ယိခွါ,ပမိလ့ၩခၫ့ဂၬဆၧလၧၦလဖၪနီၪအအီၪတၭ,ပ
9 မိဒုၭနဲၪပၥၭလၧအမ့ၬယၫလီၫ.- တၭအဝ့ၫၥံၪအ့ၪစံၭ ပၧၩဘဲၫယီၩ,အီၪခိၭဒၪခလူၬ ထီးပဂဲၫလၧနၥံၪအအီၪ နီၪဘီၪးပမိအီၪဆၧၫ့ထုၪ့ဒၪဆၧလၧပလးတၭ, ပလ့ၩ
10 ထၪ့လၧအအီၪအ့ၬ.- အ့ၪမွဲအဝ့ၫၥံၪအ့ၪစံၭပၧၩဘဲၫ ယီၩ,ဂဲၫထၪ့ဘီၪနီၪ, တၭပမိလ့ၩထၪ့လီၫ. အဂဲးဘဲၫ ယီၩယဟိဝၩဖ့ၪလၫ့ယူၭဝ့ၫ လၧပစူၪဖၧၩ့ယူၭ. တၭ ဆၧနီၪမိကဲၪထၪ့ဆၧမၩနဲၪ့လၧပဂးလီၫ.
11 တၭၦဒုၭနဲၪအၥၭနံၫဂၩလူၬ လၧၦဖလံၡၫအၥုၭဖိၪ အမ့ၬယၫတၭ, ၦဖလံၡၫဖိၪစံၭဝ့ၫဒၪ,ယိခွါ, ၦဟံဘြူၫ ဖိၪဂဲၫထၪ့ယူၭလၧဆၧအိၩဖၧၩ့ ထီးအအီၪက့ၪၥူၪအ
12 ၥၭအလးနီၪယူၭ.- တၭထိၬအၥုၭဖိၪၥံၪစံၭဆၧၫ့စစၪ့ နၥၧၫ့ဒဲၦလၧအဆိၬအစူၪဝဲၩတၭ, စံၭဝ့ၫဒၪ, ဂဲၫထၪ့ လၧပအီၪယီၩဘီၪ. တၭပမိဒုၭနဲၪနၥံၪ လၧဆၧလမံၩ့ လီၫ.တၭစစၪ့နၥၧၫ့စံၭၦဆိၬအစူၪဝဲၩလဂၩနီၪ, ဂဲၫဖိၬ ယခဲၫ့ဘီၪ. အဂဲးဘဲၫယီၩ ယဟိဝၩဖ့ၪလၫ့ယူၭအဝ့ၫ
13 ၥံၪလၧအံၫစရ့လၭအစူၪဖၧၩ့ယူၭ.- တၭစစၪ့နၥၧၫ့လ့ၩ ဖုၭဖးထၪ့ဝ့ၫတၭ, ၦဆိၬအစူၪဝဲၩလဂၩနီၪ ဖိၬအခဲၫ့ လီၫ.တၭအဝ့ၫၥံၪနီၪလၩ့ထံၩဖါ လၧစစၪ့နၥၧၫ့အမ့ၬ ယၫတၭ, ၦဆိၬအစူၪဝဲၩလဂၩနီၪ မၩၥံၫဖိၬအခဲၫ့လီၫ.
14 တၭဆၧမၩၥံၫအခၪ့ထံၭ လၧစစၪ့နၥၧၫ့, ဒဲၦဆိၬအစူၪ ဝဲၩမၩဝ့ၫနီၪမွဲၦဖိၭဘိၭနံၫဆံၫ, လၧဆၧအကၠီၪ့ဖၧၩ့ဘဲၫ လၧချီဖၫလခိၪကၠူၭခရါလၧဆံၬဖၧၩ့ ဎလၧလနံၩအထး ဖၧၩ့ၭ မိၥ့ၪအၥိၭနီၪလီၫ.
15 တၭဆၧဝၭထိၬအီၪဝ့ၫလၧၦၥုၭမုအကျၩ, လၧဆၧ ပျၩ့ဖၧၩ့, ဒဲလၧၦခမျၧးထီးအလူၬအကျၩ, ဒဲလၧထိၬ ဖၧၩ့,ဒဲၦလၧအအၪ့ဂူၬန့ဆီၪ့ဆၧဝၭထိၬဆ့တၭ, ဂၪ့ခိၪ ဝၭတၭ, မွဲအဝၭထိၬဖၭဒိၪလီၫ.
16 စစီလူၫအၡၩ ခိၭဆၧလၧဂံဘအၫဘံၪ့ယမံၫ့လဖၪ နီၪယိဝ့ၫတၭ,ယိခွါ, ၦခမျၧးဖံၪထၪ့ခွံၬဝ့ၫတၭ,လ့ၩဆၧ
17 ထီးအံၩထီးအိၩလီၫ.- ထီးနီၪလဖၧၫ့ စစီလူၫစံၭၦ ခမျၧးလၧအအီၪလၧအၥိၭ, ဝံဆၧနၬဆၧတၭ, မွဲပလၫ လအီၪဘၪလၧပၥိၭလဲၪ, ယိဘီၪ,အဝ့ၫၥံၪဝံထၪ့ဝ့ၫဂီၩ့ တၭ,ယိခွါ, စစၪ့နၥၧၫ့, ဒဲၦဆိၬအစူၪဝဲၩလဂၩနီၪ,အီၪ
18 အ့ၬ.- စစီလူၫစံၭစအဟဲအၫ,ဂဲၫဆိၬယွၩအတလၫထီး ယီၩဆံၭ. (အဂဲးဘဲၫယီၩ ဆၧလၧမုလနံၩနီၪ ယွၩအ
19 တလၫအီၪဝ့ၫ လၧၦအံၫစရ့လၭဖိၪအၥိၭလီၫ.)- တၭ စစီလူၫချဲၩ့ဆၧလၧၦလုဆၧအဘိၩ့ဘၭနီၪ, ဆၧမၩအ ၥၭလၧဆၧအၥီၫအီၪ လၧၦဖလံၡၫဖိၪအၥုၭမုအကျၩ အၪထၪ့တၭ,ၥူၭဝ့ၫနီၪ, စစီလူၫစံၭၦလုဆၧနီၪ,ထုၭထၪ့
20 ထဲၩ့နစူၪဘီၪ.- စစီလူၫဒဲၦခမျၧးလၧအအီၪလၧအၥိၭ ထီးအလူၬအီၪကိၩ့အီၪကီၪ့တၭ, အဝ့ၫၥံၪလ့ၩဒုၭဆၧ လီၫ.ယိခွါ, လဂၩအနၭထၫ့ဒၩဝ့ၫလၧအလိၬဖၪ့ဆုၬ
21 ဆုၬတၭ, ဆၧမၩစၪဖၭဒိၪအီၪဝ့ၫလီၫ.- တၭၦဟံဘြူၫ ဖိၪလၧအအီၪဝ့ၫ လၧၦဖလံၡၫဖိၪအၥိၭလၧအခၪ့ထံၭ နီၪလၧအလ့ၩဆၧလၧအၥိၭ လစီၪ့လါလါလၧၥုၭဖိၪ အၥိၭနီၪ,အီၪထဲၩ့ဝ့ၫလၧအံၫစရ့လၭ အၥိၭလၧစစီလူၫ,
22 ဒဲစစၪ့နၥၧၫ့အအီၪလီၫ.- တၭကယဲအံၫစရ့လၭအၡၩ လၧအအီၪက့ၪၥူၪအၥၭ လၧခိၪလီၩ့အံဖြံၫ့ထီးအလူၬ ထီးအနါဂၧၫ့လၧၦဖလံၡၫဖိၪစဲၪ့ဖျိၭတၭ, အဝ့ၫၥံၪဒၪ
23 လ့ၬလီၩ့ဆီးဆ့လၧဆၧဒုၭနီၪလီၫ.- တၭဆၧလၧမုလ နံၩနီၪယဟိဝၩမၩဖီၩ့မၩဖျ့ၭအံၫစရ့လၭတၭ, ဒုၭၥုၭ နီၪခၫ့ဂၬဆၧလၧဘ့ၭၥအ့ဝံၫ့နီၪလီၫ.
24 တၭအံၫစရ့လၭအၡၩ ဘၪဆၧခိဆၧဝီၩလၧမုလနံၩ နီၪလီၫ. အဂဲးဘဲၫယီၩ စစီလူၫဒုၭဆိၪလၩ့ၦခမျၧးအ ၥၭစံၭဝ့ၫဒၪ, ၦလၧအအၪ့ဆၧလၧမုလချႃၭဂၪလၩ့ဒံၭ ဘၪနီၪ,မွဲအဘၪဆၧဆိၪအၧၩ့ဆံၭ. ဘဲၫၥိၭယမိမၩ ဆၧၫ့ဆၧအၧၩ့လၧယဒုၪယဒၩအလီၩ့လီၫ. တၭၦထဲး
25 ယိဆၧအၪ့နးဂၩအ့ၬ.- တၭကယဲၦခးဖိၪလ့ၩထီၩ့လၧ
26 ၥံၪ့လဝၩ့နီၪ,န့ၫစၩ့အီၪဝ့ၫလၧဂၪ့ခိၪအဖၫ့ခိၪလီၫ.- တၭ ထီးၦခမျၧးလ့ၩနုၬလၧၥံၪ့လဝၩ့အကျၩနီၪ, ယိခွါ,န့ၫ စၩ့လၩ့ဆၩ့နီၪ, မွဲလါနၫ့ၦအီၪက့ၪအစူၪလၧအနိၭဖၧၩ့ နးဂၩအ့ၬ, အဂဲးဘဲၫယီၩ ၦခမျၧးၥၭမဲၪဆၧဆိၪလၩ့
27 အၥၭနီၪလီၫ.- အ့ၪမွဲစစၪ့နၥၧၫ့နါဂၧၫ့အဖါဒုၭဆိၪလၩ့ ၦခမျၧးအၥၭအ့ၬ. မၩအၥၭဘဲၫနီၪတၭ ယူၬထၪ့နိၪ ထိၭဘီၩ့အခံၫလၧအအီၪလၧအစူၪဖၧၩ့တၭ, ဘၧၩ့လၩ့ ဝ့ၫလၧန့ၫအခိၪထံၫဖၧၩ့တၭ, အီၪက့ၪအစူၪလၧအနိၭ
28 ဖၧၩ့တၭအမ့ၬဖၩ့ထၪ့လီၫ.- ၦလၧၦခမျၧးအကျၩလ ဂၩချဲၩ့ဆၧတၭ, စံၭဝ့ၫဒၪ, နဖါဒုၭဆိၪလၩ့တၡါၦခမျၧး အၥၭတၭ,စံၭဝ့ၫဒၪ, ၦလၧအအၪ့ဆၧလၧမုဆၫလနံၩ ယီၩ,မွဲအဘၪဆၧဆိၪအၧၩ့ဆံၭ. တၭၦခမျၧးလၩ့ဘဲၩ
29 ဝ့ၫဒၪလီၫ.- တၭစစၪ့နၥၧၫ့စံၭဝ့ၫဒၪ, ယဖါမၩထံၬထၬ ယူၭထံၫၥံၪခးၥံၪလီၫ. ယမ့ၬဖၩ့ထၪ့နီၪ,ယိခွါဘီၪ,ယ
30 ထဲးယိန့ၫစၩ့လဆံၭဖိၪနီၪလီၫ.- ၦခမျၧးအ့ၪအၪ့ဘၪ ဆၧတၭ,အၪ့ဘျဲၩအၪ့ဆၧလၧအအၪ့ဂူၬန့ လၧအဒုၪ အဒၩၥံၪမုဆၫလနံၩယီၩတၭ, မွဲအဂ့ၩဒၪဆၧဆံၭအၪ လဲၪ.အဂဲးဘဲၫယီၩ ဆၧမၩၥံၫၦဖလံၡၫဖိၪမိအီၪယူၭ ဒိၪနဲၪ့ဒံၭဖၭဒိၪမွဲအ့ၬဧၪ.
31 တၭလၧမုလနံၩနီၪ အဝ့ၫၥံၪဖ့ၬခွံၬၦဖလံၡၫဖိၪလၧ မံၭမၭဖိးလၧအၭဇလၧၫ့လီၫ. တၭၦခမျၧး လၩ့ဘဲၩ
32 နၭမၬလီၫ.- တၭၦခမျၧးစဲၪ့ၥၡိၫထၪ့ လၧဆၧလၧအ အၪ့ဂူၬန့ဝ့ၫတၭ,မၩန့ၥိၪၥံၪဘ့ၪၥံၪ, ဒဲချီဖၫဒဲချီဖိၪတၭ, မၩၥံၫဝ့ၫလၧဂၪ့ခိၪအလီၩ့တၭ, ၦခမျၧးနီၪအၪ့ဝ့ၫအီၪ
33 လၧအၥွံၪလီၫ.- တၭၦလီၩဘၪစစီလူၫတၭ စံၭဝ့ၫဒၪ, ယိခွါ,ၦခမျၧးအၪ့ဆၧလၧအၥွံၪတၭ, မၩမၪဘၪယ ဟိဝၩနီၪလီၫ. တၭအဝ့ၫဒၪစံၭ, နၥံၪမၩမၪယူၭဆၧ ယူၭ,ချံးစိၩလိးဖၭဒိၪလဖျိၪ့ လၧယအီၪလၧမုဆၫလ
34 နံၩယီၩဆံၭ.- တၭစစီလူၫစံၭဝ့ၫဒၪ, မၩလၩ့ပြံၩလၩ့ ပၩလိၬနၥံၪအၥၭ လၧၦခမျၧးအကျၩတၭ, စံၭအဝ့ၫ ၥံၪ,ဂဲၫဆိၬန့ယၧၩ ထီးယီၩလဂၩအချီဖၫလဒုၩလဂၩ အချီဖၫလဒုၩ, ဒဲလဂၩအၥိၪလဒုၩလဂၩအၥိၪလဒုၩ တၭ,မၩၥံၫဆၧထီးယီၩတၭး အၪ့ဆၧဆံၭ. အၪ့ဆၧ လၧအၥွံၪတၭမၩမၪဘၪယဟိဝၩလဂ့ၩ. တၭၦခမျၧး ထီးအလူၬဂဲၫဆိၬဝ့ၫလဂၩအချီဖၫလဒုၩ, လဂၩအချီ
35 ဖၫလဒုၩလၧမုနၩနီၪး မၩၥံၫဝ့ၫထီးနီၪလီၫ.- စစီလူၫ မၩထၪ့ဆၧလုလးလၧယဟိဝၩအဂးတၭ, အနီၪမွဲဆၧ လုလးလၧအမၩထၪ့ဆိၫဝ့ၫ လၧယဟိဝၩအဂးလီၫ.
36 စစီလူၫစံၭဝ့ၫဒၪ, မွဲပလီၩ့ဆီးၦဖလံၡၫဖိၪလၧမုနၩ လခီၫတၭ,မၩဂၭဂီၩ့ၡီၩ့အဝ့ၫၥံၪ ထီးဆၧဖၩ့ထၪ့ဆံၭ. မွဲပထီးဒုၭအီၪလၩ့ထးနးဂၩလဂ့ၩ, တၭအဝ့ၫၥံၪစံၭ ဝ့ၫဒၪ,မၩကယဲဆၧလၧအဂ့ၩ လၧနမ့ၬယၫဆံၭ. တၭၦ လုဆၧလဂၩစံၭဝ့ၫဒၪ, မွဲပၥုၭဘူၭၡီၩ့ပၥၭလၧယွၩအ
37 အီၪဆံၭ.- တၭစစီလူၫအၪ့စၪ့ယွၩ, မွဲယမိလီၩ့ဆီးဘၪ ၦဖလံၡၫဖိၪနီၪဆ့ဧၪ, နမိဖ့ၪလၫ့လၧအံၫစရ့လၭအ စူၪဖၧၩ့နီၪဆ့ဧၪး တၭဆၧလၧမုလနံၩနီၪ အဝ့ၫဒၪစံၭ ဆၧၫ့ဘၪအ့ၬ.
38 စစီလူၫစံၭဝ့ၫဒၪ, ၦခမျၧးအခိၪထီးအလူၬၥံၪဧ့,ၥုၭ ဘူၭနၥံၪအၥၭထီးယီၩတၭ, မၩဆၧနီၫလဲၪနီၫလဲၪနီၪ, လၧဆၧမၩမၪဘၪဆၧ မုလနံၩယီၩၥ့ၪယၫနၥံၪဝ့ၫတၭ,
39 ယိဆံၭ.- အဂဲးဘဲၫယီၩ ယဟိဝၩမၧၫ့ဝ့ၫလၧဆၧမၩ ဖီၩ့မၩဖျ့ၭအံၫစရ့လၭနီၪ, မွဲလၧယဖိၪခွၫစစၪ့နၥၧၫ့ လါနၫ့တၭ,မိဘၪၥံၫတၡါလီၫ. တၭၦချဲၩ့ဆၧၫ့ဆၧလၧ
40 ၦခမျၧးအကျၩနးဂၩအ့ၬ.- ထီးနီၪလဖၧၫ့အဝ့ၫစံၭအံၫ စရ့လၭထီးအလူၬ, အီၪနၥံၪဝ့ၫနးခီၫတၭ, ယၧၩဒဲယ ဖိၪခွၫစစၪ့နၥၧၫ့ မိအီၪနးခီၫလီၫ. တၭၦခမျၧးစံၭစစီ
41 လူၫ,မၩဆၧထီးဒၪအဘၪနၥၭဘီၪ.- မၩအၥၭဘဲၫနီၪ တၭစစီလူၫစံၭ ယဟိဝၩအံၫစရ့လၭအယွၩ, ဖ့ၪလၫ့ လါဆၧဖၭလၧၫ့ဎွ့ၩဆံၭ. တၭဆၧမၩန့စစီလူၫဒဲစစၪ့
42 နၥၧၫ့တၭၦခမျၧးဖီၩ့ဖျ့ၭဝ့ၫဒၪလီၫ.- တၭစစီလူၫစံၭဝ့ၫ ဒၪ,ဖၭဆၧလၧယၧၩ ဒဲယဖိၪခွၫစစၪ့နၥၧၫ့အဂးဆံၭ.
43 တၭဆၧမၩန့စစၪ့နၥၧၫ့လီၫ.- ထီးနီၪလဖၧၫ့စစီလူၫစံၭ စစၪ့နၥၧၫ့,ဆၧလၧနမၩနီၪ, ဒုၭနဲၪယၧၩဘီၪ.တၭစစၪ့ နၥၧၫ့ဒုၭနဲၪဝ့ၫတၭ, စံၭဝ့ၫဒၪ, န့ၫယထဲးယိန့ၫစၩ့လ ဆံၭလၧနိၪထိၭဘီၩ့အခံၫထိၭ လၧအအီၪလၧယစူၪ
44 ဖၧၩ့,ယိခွါ,ယမိဘၪၥံၫလီၫ.- တၭစစီလူၫချဲၩ့ဆၧၫ့ဝ့ၫ ဒၪ,မွဲယွၩမၩဘဲၫနီၪ, ဒဲမၩအၪနဲၪ့အနီၪဆံၭ. အဂဲးဘဲၫ
45 ယီၩစစၪ့နၥၧၫ့ဧ့, နဘၪၥံၫတၡါလီၫ.- တၭၦခမျၧးစံၭ စစီလူၫ,မွဲစစၪ့နၥၧၫ့လၧအမၩဆၧ မၩဖီၩ့မၩဖျ့ၭဖၭဒိၪ လၧအံၫစရ့လၭအကျၩနီၪ မိၥံၫဆ့ဧၪ. မွဲဆၧထီးမၩ အၥၭဘဲၫနီၪလဂ့ၩ, ယဟိဝၩမၧၫ့ဝ့ၫနီၪ, အခိၪၥူၫလၩ့ ထ့ၬဘၪလၧဂၪ့ခိၪနးဘီၩ့အ့ၬ. အဂဲးဘဲၫယီၩအဝ့ၫမၩ ဆၧလၧယွၩအၥိၭမုလနံၩယီၩလီၫ. ၦခမျၧးမၩဖီၩ့ဖျ့ၭ
46 စစၪ့နၥၧၫ့တၭၥံၫဝ့ၫအ့ၬ.- တၭစစီလူၫထဲၩ့ထဲၩ့ဝ့ၫလၧ အလီၩ့ဆီးၦဖလံၡၫဖိၪတၭ ၦဖလံၡၫဖိၪထဲၩ့ဝ့ၫလၧအ လးဒၪဝ့ၫနီၪလီၫ.
47 စစီလူၫမၩန့ဘၩ့မုး လၧအံၫစရ့လၭအဖၫ့ခိၪတၭ, ဒုၭၥုၭလၧအဒုၪအဒၩအီၪဝၬဖီၩ့ဝ့ၫ ထီးအလူၬတၭ, ထၫ့ဒုၪဒၩမိအၭ, ဒဲၦအၫမၧၫ့ဖိၪ, ဒဲအံဒၧၫ့,ဒဲဇိဘၫအ စဎွၩလဖၪ,ဒဲၦဖလံၡၫဖိၪလီၫ. တၭထီးဒၪအလးလၧ အကၠၪအၥၭလၧၦၡၩအအီၪနီၪ, မွဲအမၩစၪဆၧလီၫ.
48 မၩဆၧဆီၪ့ဆီၪ့လ့ၬတၭ, ဖ့ၬခွံၬ ၦအၫမလ့ၭဖိၪတၭ, မၩဖီၩ့မၩဖျ့ၭအံၫစရ့လၭ လၧၦလၧအမၩန့ဆီၪ့အဆၧ လဖၪအစူၪဖၧၩ့လီၫ.
49 တၭစစီလူၫအဖိၪခွၫလဖၪနီၪ, မွဲစစၪ့နၥၧၫ့,ဒဲစအံ စုၫအဲၫ,ဒဲစမ့ၫလခရှုၫအ့ၫလီၫ. တၭအဖိၪမုၪနံၫဂၩလဖၪ နီၪ,အဝဲၡါလဂၩအမံၩ့မွဲနးမံရၭ, အဆံၭလဂၩအမံၩ့
50 မွဲနးမဲၫခၫလၭလီၫ.- တၭစစီလူၫအမၫ စအဟံမအၭ အဖိၪမုၪအမံၩ့မွဲနးအဟံၫ့နိၫအၫ့လီၫ. တၭစစီလူၫအ မၩ့စနၧၫအဖိၪခွၫအမံၩ့ စအၭဘနၧၫ, မွဲအၥုၭမုအခိၪ
51 လီၫ.- စစီလူၫအဖါမွဲစကံၭတၭ, စအၭဘနၧၫအဖါစနၧၫ
52 နီၪမွဲစအဘဲၫအ့လၭအဖိၪခွၫလီၫ.- တၭဆၧဒုၭၥုၭထၫ့ ဒၩၦဖလံၡၫဖိၪနီၪအီၪဝ့ၫဆီၪ့ဆီၪ့လ့ၬ လၧစစီလူၫအ မုနံၩထီးအလူၬ အဖၧၩ့လီၫ. တၭစစီလူၫအ့ၪဒၪန့ၦ အဆီၪ့လဂၩဂၩမွဲဂ့ၩ, ၦအၥၭဒူၩလဂၩဂၩမွဲဂ့ၩ, မၩ န့ဝ့ၫလၧအဂးလီၫ.