13
1 စစီလူၫကဲၪစဎွၩလနံၪ့တၭ, ထီးအကဲၪစဎွၩလၧ
2 အံၫစရ့လၭအဖၫ့ခိၪနံၫနံၪ့နီၪ,- စစီလူၫရွံန့ၦၥၧၫ့ထီၫ့လၧ အံၫစရ့လၭအကျၩလီၫ. ၦနံၫထီၫ့အီၪဝ့ၫလၧစစီလူၫ အၥိၭလၧမံၭမၭ, ဒဲလၧခိၪလီၩ့ဘ့ၥလၭအလီၩ့း တၭ ၦလထီၫ့အီၪဝ့ၫလၧစစၪ့နၥၧၫ့အၥိၭ လၧဂံၭဘအၫဘံၪ့ ယမံၫ့အဖၧၩ့တၭ, ၦအီၪလၩ့ထး လၧၦခမျၧးအကျၩ နီၪဖျါလၩ့ခွံၬဝ့ၫလဂၩ လၧအတဲၩဒၪဝ့ၫ, လဂၩလၧအ တဲၩဒၪဝ့ၫဆုၬဆုၬလီၫ.
3 စစၪ့နၥၧၫ့ဖ့ၬခွံၬၦဖလံၡၫဖိၪ လၧအခိၭဆၧလဆၫ့ လၧဂ့ဘၫအဖၧၩ့တၭ, ၦဖလံၡၫဖိၪနါဂၧၫ့ဝ့ၫလီၫ. တၭ စစီလူၫအူၪထၪ့ခွ့ၩ လၧခးထၧၫ့ဘံၪ့ယၫအဖၧၩ့တၭ,
4 စံၭဝ့ၫဒၪ,မွဲၦဟံဘြူၫဖိၪနါဂၧၫ့ဆံၭ.- တၭအံၫစရ့လၭ ထီးအလူၬနါဂၧၫ့ဝ့ၫ လၧၦစံၭလၧစစီလူၫဖ့ၬခွံၬယူၭၦ ဖလံၡၫဖိၪလၧအခိၭဆၧလဆၫ့, ဒဲလၧအံၫစရ့လၭကဲၪ ထၪ့ဆၧၥၭလိၪ လၧၦဖလံၡၫဖိၪအမ့ၬယၫလီၫ. တၭ ၦခမျၧးဘၪဆၧကိၭကီၪ့ဖိၬထွ့ၫ စစီလူၫအခဲၫ့လၧဂံလ
5 ဂၫလၭလီၫ.- တၭၦဖလံၡၫဖိၪအီၪကိၩ့အီၪကီၪ့ဘဲၫ ၥိၭအမိဒုၭၥုၭ လၧအံၫစရ့လၭလီၫ. လဲၪ့ၥုၭအီၪၥၧၫ့ လၬ,ဒဲၦကၥ့ၪၥုၭဖိၪအီၪဎူၫထီၫ့တၭ, ၦခမျၧးအီၪအၪ အၪဘဲၫမ့ၭၥံၪဂၪ့ၥံၪ လၧမၫဆမံၭနဲၩ့ အၥိၭနီၪလီၫ. အဝ့ၫၥံၪဂဲၫထၪ့တၭ, ၥုၪ့အတဲၩလၧမံၭမၭအဖၧၩ့အီၪ ဝ့ၫလၧဘ့ၭၥအၫဝံၫ့လၧမုထၪ့လခီၫလီၫ.
6 တၭအံၫစရ့လၭ အၡၩဒၪဘၪဝ့ၫ လၧအဘၪဆၧခိ ဆၧဝီၩနီၪ, (အဂဲးဘဲၫယီၩၦခမျၧးနီၪ အၥုၪ့အုၭအၥၭ အုၭလီၫ.) တၭမွဲအအီၪက့ၪၥူၪအၥၭ လၧဆၧအိၩဖၧၩ့ လဖၪ,လၧၡိၬကျၩ, ဒဲလၧလဲၫ့ဖၧၩ့, ဒဲလၧဆၧထၪ့ထီၫ
7 ဖၧၩ့ဒဲလၧဆၧဖၧၩ့လဖၪအဖၧၩ့လီၫ.- ၦဟံဘြူၫဖိၪလ့ၩ ခၫ့ဂၬယီၫဒၫ့ထီၩ့လၧဂၭ, ဒဲဂံလအၭအခးလီၫ. တၭ စစီလူၫအီၪဒံၭဝ့ၫလၧဂံလဂၫလၭတၭ, ၦခမျၧးထီးအ
8 လူၬဝၭထိၬဝ့ၫတၭ, ဖိၬအခဲၫ့လီၫ.- အဝ့ၫအီၪဝ့ၫနွ့ၫနံၩ ဘဲၫစစၫမုၫအ့လၭဖၭဝ့ၫ အဆၧၫ့အထီအၥိၭနီၪ, အ့ၪ မွဲစစၫမုၫအ့လၭဂဲၫထီၩ့ဒံၭလၧ ဂံလဂၫလၭဒံၭအ့ၬတၭ,
9 ၦခမျၧးလၩ့ပြံၩလၩ့ပၩခွံၬလၧအအီၪလီၫ.- တၭစစီ လူၫစံၭဝ့ၫဒၪ,ဂဲၫဆိၬန့ယၧၩလၧဆၧလုမ့ၪ, ဒဲဆၧလုမၩ ဘၪလိၬအိၭလိၬၥံၪဆံၭ. တၭအဝ့ၫဒၪ လုထၪ့ဆၧလု မ့ၪလီၫ.
10 ထီးအလုထၪ့ဆၧလုမ့ၪဂီၩ့တၭ, ယိခွါ,ဆၧမၩအ ၥၭလၧစစၫမုၫအ့လၭဂဲၫဝ့ၫတၭ, စစီလူၫလ့ၩထၪ့အၪ့
11 ဂၬဝ့ၫလၧအမိချဲၩ့ဒုၪ့ဝ့ၫအဂးလီၫ.- တၭစစၫမုၫအ့လၭ စံၭဝ့ၫဒၪ,မွဲနမၩယူၭဆၧနီၪလမံၩ့လဲၪ. စစီလူၫစံၭဝ့ၫ ဒၪ,အဂဲးဘဲၫယီၩ ယဒၪဘၪၦခမျၧးလၩ့ပြံၩလၩ့ပၩ ခွံၬလၧယအီၪတၭ, လၧဖၭနံၩဖၭၥၫ့နီၪ နဂဲၫထီၩ့အ့ၬ.
12 တၭၦဖလံၡၫဖိၪအီၪကီၪ့ထီးမံၭမၭနီၪလီၫ.- တၭယ စံၭ,ဘိၩ့နဲၪ့ယီၩၦဖလံၡၫဖိၪ မိဂဲၫလၩ့ဘၪယဖၫ့ခိၪလၧ ဂံလဂၫလၭတၭ, ယအၪ့ကံၩ့ယဟိဝၩဒံၭအ့ၬ. ယမၩ
13 ဆီၪ့ယၥၭတၭ, ယလုထၪ့ဆၧလုမ့ၪလီၫ.- တၭစစၫမုၫ အ့လၭစံၭစစီလူၫ နမၩယူၭဘဲၫၦအဂီၩ့အၥိၭယူၭ. န ထီးန့ယဟိဝၩနယွၩ အဆၧမၪလူၬလၧအမၪလူၬနၧၩ အ့ၬ.အ့ၪလမွဲဘၪဘဲၫနီၪတၭ, ဘိၩ့နဲၪ့ယီၩယဟိဝၩ မိဒုၭအီၪဂုးအီၪခၧၫ့နဘၩ့နမုး လၧအံၫစရ့လၭအဖၫ့ခိၪ
14 အဆိၩဆိၩအကၠၪကၠၪလီၫ.- အ့ၪမွဲဘိၩ့နဲၪ့ယီၩနဘၩ့ နမုးအီၪဂုးအီၪခၧၫ့ဘၪအ့ၬ. ယဟိဝၩမိအၪ့ဎၬၦဘဲၫ အၥၭဒၪဝ့ၫအၥိၭလဂၩတၭ, ယဟိဝၩမၪလူၬယူၭလၧ အမိကဲၪထၪ့ၦခမျၧးအခိၪယူၭး အဂဲးဘဲၫယီၩနထီးန့ ဆၧလၧယဟိဝၩမၪလူၬနၧၩအ့ၬ.
15 စစၫမုၫအ့လၭဂဲထုၪ့တၭ, စဲၪ့ထၪ့ခွံၬလၧဂံလဂၫလၭ ထီၩ့လၧဂံၭဘအၫဘံၪ့ယမံၫ့လီၫ. တၭစစီလူၫဝံထၪ့နၬ ထၪ့ၦလၧအဒၪန့ဝ့ၫလၧအၥိၭ, ၦဎူၫယၩကၪယူၭလီၫ.
16 တၭစစီလူၫဒဲအဖိၪခွၫစစၪ့နၥၧၫ့, ဒဲၦခမျၧးလၧအအီၪ လၧအၥိၭလဖၪနီၪ အီၪဝ့ၫလၧဂံၭဘအၫ ဘံၪ့ယမံၫ့ လီၫ.တၭၦဖလံၡၫဖိၪ ၥုၪ့အတဲၩလၧမံၭမၭလီၫ.
17 တၭၦမၩဂၭဂီၩ့ ဆၧလဖၪဂဲၫထၪ့လၧၦဖလံၡၫဖိၪ ၥုၪ့တဲၩအလးၥၧၫ့ဒီၪ့လီၫ. အလဒီၪ့ကၠၪအၥၭလၧအီၭ
18 ဖၫအဖၧၩ့ၥၭလၧအလ့ၩဖိးလၧခးရှုအလၭလီၫ.- တၭ အလဒီၪ့ဒၪကၠၪအၥၭ လၧဘ့ၭၥဟိရၫ့အဖၧၩ့ၥၭတၭ, အလဒီၪ့ဒၪကၠၪအၥၭလၧခးနဲၩ့ထံၭ, လၧအယိဝ့ၫလၧ ခိၪလီၩ့ဆူၭဇဘိအံၫ့လၧၡါမုနၧၫ့ဖၫလခီၫလီၫ.
19 လၧအံၫစရ့လၭအခးထၧၫ့ဘံၪ့ယၫနီၪ ၦထမၬဖိၪ အီၪနးဂၩအ့ၬ. (အဂဲးဘဲၫယီၩ ၦဖလံၡၫဖိၪစံၭဝ့ၫဒၪ,
20 ၦဟံဘြူၫဖိၪမိနဲၫ့ဘၪခိၬနၭၥံၪ, ဖၩ့ၥံၪလီၫ.)- တၭအံၫ စရ့လၭဖိၪထီးအလူၬလ့ၩလၩ့လၧ ၦဖလံၡၫဖိၪအအီၪ ဘဲၫၥိၭအမိကျဲၩ့လဂၩအထဲၫနါ, ဒဲလဂၩအစူၪဝဲၩ,
21 လဂၩအကွၩ, လဂၩအဎ့ၬချီၩ့လီၫ.- မွဲလါနၫ့အီၪဝ့ၫ လၧထၭကျဲၩ့လၧဎ့ၬချီၩ့အဂး, ဒဲလၧစူၪဝဲၩအဂး,ဒဲဖျဲၩ့ ၥၧၫ့ထါအဂး, ဒဲလၧကွၩအဂး, ဒဲဘဲၫၥိၭအမိကျဲၩ့ထၭ
22 ဆ့ၭချီၥံၪနီၪလီၫ.- တၭဒုၭၥုၭလၧမုလနံၩနီၪဆၧမၩအ ၥၭလၧနၭမွဲဂ့ၩ, ဖၩ့မွဲဂ့ၩ, အီၪလၧၦခမျၧးအစူၪဖၧၩ့ လၧအအီၪလၧစစီလူၫ, ဒဲစစၪ့နၥၧၫ့အၥိၭနီၪနးဂၩအ့ၬ. အီၪဝ့ၫန့ၫလၧစစီလူၫ, ဒဲစစၪ့နၥၧၫ့နီၪလီၫ.
23 တၭၦဖလံၡၫဖိၪလၧအခိၭဆၧလဆၫ့နီၪ စဲၪ့ထၪ့ဝ့ၫ လၧဆၧခၫ့ဂၬ ဆၧလၧမံၭမၭနီၪလီၫ.