9
(ၥဎွၩ ၥဝ:ၥ-ၥ၃).
1 ထီးၡံဘၫအနးဎွၩမုၪနါဂၧၫ့ စစီလမၧၫ့အလၩအဖၩ့ အဂဲးအကၠီၪ့တၭ, ဂဲၫဝ့ၫလၧယရုစလံၫ့ဘဲၫၥိၭအမိမၩ ခွါအဝ့ၫလၧဆၧချဲၩ့ကၪလဖၪ, အီၪလၧၦၡၩအဒီၪ့ဖၭ ဒိၪ,ဒဲကလအူၭၥံၪလၧအဆိၬဆၧနၧၫ့မၧၫ့လဖၪ, ဒဲထီၫ့ အၪအၪလ့ၬ, ဒဲလိးဂ့ၩလဖၪလီၫ. ထီးအဂဲၫထီၩ့လၧ စစီလမၧၫ့အအီၪနီၪ, ချဲၩ့ဒုၪ့အဝ့ၫလၧကယဲဆၧလၧအ
2 အီၪလၧအၥၭခံဖၧၩ့လီၫ.- စစီလမၧၫ့လီၩဘၪဝ့ၫကယဲ အအၪ့စၪ့ဆၧလမံၩ့လါလါ ထီးအလူၬတၭး ဆၧလၧ အလလီၩဘၪၦမုၪနီၪ ဆၧအီၪဘံၭဝ့ၫလၧစစီလမၧၫ့နး မံၩ့အ့ၬ.
3 ထီးၡံဘၫ အနးဎွၩမုၪနီၪဒၪဘၪစစီလမၧၫ့ အဆၧ ကိၪ့ၥ့ၪ, ဒဲဂံၪ့လၧအမၩထၪ့ဝ့ၫ, ဒဲဆၧအၪ့လၧအစပွဲ
4 ခိၪနီၪ,- ဒဲအခ့ၫအၡၩၥံၪဆၧၫ့နၩ့ဝ့ၫ, ဒဲၦၡၩၥံၪမၩအ ဆၧမၩ,ဒဲအဝ့ၫၥံၪအကီၩ့အၥိၭနီၪ, ဒဲၦလၧအဆိၬလိၫ့ လဖၪဆ့, ဒဲအဝ့ၫၥံၪအကီၩ့အၥိၭနီၪး ဒဲဎၫ့ၥံၪလၧအ လ့ၩထၪ့လၧယဟိဝၩအဂံၪ့ဖၧၩ့တၭ, အၥၭအီၪလၧၩ့
5 လၧအဖၧၩ့အ့ၬ.- တၭစံၭစဎွၩနီၪ, ဆၧပရၧၫ့လၧနဆၧ မၩ,ဒဲနဆၧကိၪ့ၥ့ၪအဂဲး လၧယနါဂၧၫ့လၧယခးဒၪယ ဝ့ၫအဖၧၩ့နီၪ, မွဲယူၭတီၩယူၭး မွဲလါနၫ့ဘိၩလၧယလ ချႃၭထီၩ့ဒံၭဘၪ, ဒဲလဒၪဒံၭဘၪလၧယမ့ၬၥၪဒၪယဝ့ၫ
6 တၭ,ယနဲၩဆၧချဲၩ့လဖၪနီၪၥ့ၪအ့ၬ. တၭ,ယိခွါ,နဆၧ ကိၪ့ၥ့ၪအဆၧဖၭဒိၪအဖိၭဖၫ့နီၪ ဆၧလီၩဘၪယၧၩ အ့ၬးအဂဲးဘဲၫယီၩ နဆၧလၩဆၧဖၩ့ အၪနဲၪ့ဒိၪနဲၪ့ဒံၭ
7 လၧယနါဂၧၫ့ဘၪလီၫ.- နၡၩလဖၪမုၬဝ့ၫ, နခ့ၫနၡၩလ ဖၪယီၩလၧအဆၧၫ့ထုၪ့လၧ နမ့ၬယၫလထံၪဎးဘီၩ့ဎး
8 တၭ,နါဂၧၫ့နဆၧကိၪ့နီၪမုၬဝ့ၫဒၪဆ့လီၫ.- ယဟိဝၩန ယွၩလၧအမုၬအၥၭ လၧနဖၧၩ့အီၪက့ၪထၪ့နၧၩလၧအ လးဆီၩ့ဆီအလီၩ့နီၪ ဘဲၫနမိကဲၪစဎွၩလၧယဟိဝၩန ယွၩအဂးတၭ, ဘၪဆၧစံၭထၪ့အၪ့အူၭဝ့ၫလီၫ. အဂဲး ဘဲၫယီၩလၧနယွၩအဲၪယူၭ အံၫစရ့လၭအကၠီၩ့တၭ, ဘဲၫၥိၭအမိမၩဂုးထၪ့ခၧၫ့ထၪ့အဝ့ၫၥံၪ အဆိၩဆိၩအ ကၠၪကၠၪနီၪ, မွဲအဒုၭကဲၪထၪ့နၧၩလၧစဎွၩလၧအဝ့ၫၥံၪ အဖၫ့ခိၪ,ဘဲၫၥိၭ နမိစ့ၩရၫ့ဆၧဒဲမၩဆၧတီၩဆၧလီၩ့
9 လီၫ.- ၦမုၪနီၪဖ့ၪလၫ့စဎွၩလၧထီၫ့အကံကၫလယၩနံၫ ဆံၫ, ဒဲဆၧနၧၫ့မၧၫ့လဖၪအၪအၪလ့ၬ, ဒဲလိးဂ့ၩလဖၪ တၭး ဆၧနၧၫ့မၧၫ့ၥံၪ ဘဲၫၡံဘၫအနးဎွၩမုၪ ဖ့ၪလၫ့စစီ လမၧၫ့အၥိၭအီၪဝ့ၫနးစီၪ့အ့ၬ.
10 စဟုရၫ့အခ့ၫအၡၩ, ဒဲစစီလမၧၫ့အခ့ၫအၡၩလဖၪ, လၧအဂဲၫထဲၩ့ဆိၬထီၫ့လၧအိဖၧၫနီၪ, ဂဲၫထဲၩ့ဆိၬဆ့ၥံၪ့
11 အလၫမၧၭလဖၪ ဒဲလိးဂ့ၩၥံၪဆ့လီၫ.- တၭလၧၥံၪ့အ လၫမၧၭလဖၪနီၪ, စဎွၩမၩဎၫ့ၥံၪ လၧယဟိဝၩအဂံၪ့ အဂး,ဒဲစဎွၩအနီးအဂးဆ့, ဒဲနါဒံၩ့,ၥၫ့ထီးလဖၪလၧ ၦၥံၫကျံၩဆၧအဂးလီၫ. တၭလၧခးယုဒၫ အဖၧၩ့နီၪ ဆၧဒၪဘၪဆၧဘဲၫနီၪၥိၭနးဆိၭအ့ၬ.
12 စဎွၩစီလမၧၫ့ဖ့ၪလၫ့ၡံဘၫ အနးဎွၩမုၪလၧဆၧလၧ အဂဲၫန့ဝ့ၫ လၧစဎွၩအအီၪနီၪအဖၫ့ခိၪ, ကယဲဆၧလၧ အဘၪအၥၭထီးဒၪအအၪ့ကံၩ့ ဆၧလမံၩ့လါလါလီၫ. ၦမုၪကၠၪအၥၭတၭ, ထဲၩ့ထဲၩ့ဝ့ၫလၧအခးဒၪဝ့ၫ,အဝ့ၫ ဒၪဒဲအခ့ၫအၡၩလဖၪလီၫ.
(ၥဎွၩ ၥဝးၥ၄-၂၅)
13 တၭထီၫ့လၧအဂဲၫထီၩ့လၧစစီလမၧၫ့ အအီၪလၧလ နံၪ့အထးဖၧၩ့အလယၧးမွဲကံကၫ ဎူၫယၩဎူၫဆံၫဎူၫကံ
14 ကၫလီၫ.- လၧနီၪအမ့ၬယၫၦအၪ့ဎၬဆၧလဖၪဒဲၦဖနံၬ ဖိၪလဖၪဂဲၫဆိၬဝ့ၫဒၪဆ့လီၫ. တၭအရ့ဘၠၫ အစဎွၩ ထီးအလူၬလဖၪ, ဒဲထံၫၥံၪခးၥံၪ အၦဒိၪလဖၪဂဲၫဆိၬ ထီၫ့ၥံၪလွ့ၫၥံၪ, ကျိၪၥံၪစ့ၩၥံၪလၧစစီလမၧၫ့အအီၪလီၫ.
15 တၭစဎွၩစီလမၧၫ့မၩကဲၪထၪ့ ထၩ့ဖံၭလဖၪနံၫယၩ လၧထီၫ့ခိလီၪ့နီၪ, ထီၫ့ၡက့လၭဎူၫယၩလၧထၩ့ဖံၭလ
16 ဘံၪ့လီၫ.- ဒဲထၩ့ဖံၭဖိၪၥၧၫ့ယၩလၧထီၫ့ခိလီၪ့, ထီၫ့ၡ က့လၭၥၧၫ့ယၩ အီၪလၧထၩ့ဖံၭလဘံၪ့လီၫ. တၭစ ဎွၩအီၪက့ၪအဝ့ၫၥံၪ လၧလ့ၭဘနၧၫ့အမံၩ့လၬကျၩအ ဂံၪ့ဖၧၩ့နီၪလီၫ.
17 လၧနီၪအမ့ၬယၫ စဎွၩမၩလးဆီၩ့ဆီ ဖၭဒိၪလၧက
18 ဆၫ့မဲၪတၭ, ဖၩ့ဝ့ၫလၧထီၫ့ဆံၫ့လီၫ.- လးဆီၩ့ဆီနီၪ အီၪလၧဎၫ့ဎူၫၥွၫ ဒဲခၪ့ယဲးလးထီၫ့လၧဆၧမၩထၬဝ့ၫ လၧလးဆီၩ့ဆီနီၪ, ဒဲစူၪဘီၩ့ၥံၪအီၪလၧဆၧၫ့နၩ့အလး လါခီၫလါခီၫ ဒဲဆၬလၥၧၫ့နံၫဒုၩဆၧၫ့ထုၪ့ဝ့ၫ လၧစူၪ
19 ဘီၩ့အနဲၩ့ထံၭတၭ,- ဒဲဆၬလၥၧၫ့လဆံၫနံၫဒုၩဆၧၫ့ ထုၪ့လၧဎၫ့ဎူၫၥွၫၥံၪအလီၩ့ လၧအလခီၫအလီၩ့,ဒဲလၧ အလခီၫဒၪအလီၩ့နီၪဆ့လီၫ. တၭဆၧလၩ့ဂၬဘဲၫနီၪ
20 လၧဘၩ့ၥံၪမုးၥံၪအဖၧၩ့အီၪနးစီၪ့အ့ၬ.- စစီလမၧၫ့အ လိၫ့ၥံၪလၧအအီၩဆၧလၧအဖၧၩ့နီၪ မွဲထီၫ့ထီးအလူၬ တၭ,ဒဲလ့ၭဘနၧၫ့မံၩ့လၬကျၩအဂံၪ့ဖၧၩ့နီၪ, ဖၧၩ့ၥံၪ ထွ့ၫၥံၪနီၪထီးအလူၬ မွဲထီၫ့ဆံၫ့လီၫ. လၧစ့ၩနီၪမၩဝ့ၫ နးဖျိၪ့အ့ၬ. လၧစစီလမၧၫ့အမုနံၩလဖၪနီၪ, ၦအီၪက့ၪ
21 စ့ၩဘဲၫဆၧလူဒိၪဎွ့ၩဒိၪအၥိၭနးမံၩ့အ့ၬ.- အဂဲးဘဲၫ ယီၩစဎွၩအကဘၩ့ၥံၪလ့ၩလၧ တၫၡံၭလၧစဟုရၫ့အ ခ့ၫအၡၩအၥိၭတၭး လၧၥၧၫ့နံၪ့အထးဖၧၩ့နီၪကဘၩ့ ၥံၪဂဲၫထဲၩ့လၧတၫၡံၭလကၠၪတၭ, ဂဲၫထဲၩ့ဆိၬထီၫ့ဒဲ စ့ၩ,ကဆၫ့မဲၪ,ဒဲကယုၩဖၫၥံၪ, ဒဲထိၪၡၬၥံၪနီၪလီၫ.
22 တၭစဎွၩစီလမၧၫ့ဒိၪနဲၪ့ဒံၭ ကယဲဂၪ့ခိၪအစဎွၩၥံၪ ထီးအလူၬလၧအဆၧလူဒိၪဎွ့ၩဒိၪ, ဒဲလၧဆၧကိၪ့ၥ့ၪ
23 ကိၪ့ဘၪအဖၧၩ့နီၪလီၫ.- တၭကယဲဂၪ့ခိၪအစဎွၩထီး အလူၬလဖၪအၪ့ဎၬ စစီလမၧၫ့အမ့ၬး ဘဲၫၥိၭအမိနါ ဂၧၫ့အဆၧကိၪ့ၥ့ၪ, လၧယွၩအီၪက့ၪဝ့ၫ လၧအၥၭခံ
24 ဖၧၩ့လီၫ.- အဝ့ၫၥံၪဂဲၫဆိၬအဆၧဖ့ၪလၫ့လဂၩဘၪလ ဂၩဆုၬဆုၬ,လၧထွ့ၫစ့ၩၥံၪ, ထွ့ၫထီၫ့ၥံၪ,ဒဲဆၧကီၩ့ဆၧ ၥိၭ,ဒဲကၥ့ၪအပိၭအလၫ့ဒဲဆၧနၧၫ့မၧၫ့ၥံၪ, ကၥ့ၪၥံၪ,ဒဲ ကၥ့ၪလၫၥံၪ, လနံၪ့ဘၪလနံၪ့လနံၪ့ဘၪလနံၪ့လီၫ.
25 တၭစစီလမၧၫ့အီၪလၧတၩ့ခူၬ အဒူၭၥံၪလံထီၫ့လၧ အလဲၪ့ၥုၭကၥ့ၪအဂး, ဒဲၦနၫ့ကၥ့ၪလဖၪလလၬနံၫထီၫ့, လၧအအီၪက့ၪဝ့ၫလၧလဲၪ့ၥံၪအဒိၩ့ဖၧၩ့ ဒဲလၧစဎွၩအ အီၪလၧယရုစလံၫ့အဖၧၩ့လီၫ.
26 တၭအဝ့ၫဒၪပၧၩ့ဆၧလၧ စဎွၩထီးအလူၬၥံၪအဖၫ့ ခိၪ,လၧထံၫမိၡါနီၪ ထီၩ့လၧဖလံၡၫဖိၪအခး, ဒဲထီၩ့
27 လၧအံဇံၭအနဲၩ့ထံၭနီၪဆ့လီၫ.- တၭစဎွၩနီၪဒုၭကဲၪ ထၪ့စ့ၩလၧယရုစလံၫ့အဖၧၩ့ ဘဲၫလိးၥံၪအၥိၭ, ဒဲၥံၪ့ ၡိၫအ့ရ့ၭလဖၪဘဲၫၥံၪ့ကူၪၥံၪ လၧအအီၪဝ့ၫလၧဆၧပျၩ့
28 ဖၧၩ့လဖၪအၪအၪလ့ၬအၥိၭနီၪလီၫ.- တၭၦလ့ၩလၧ အံဇံၭဂဲၫထဲၩ့ဆိၬကၥ့ၪလဖၪ လၧစစီလမၧၫ့အအီၪ,ဒဲ လၧထံၫၥံၪခးၥံၪထီးအလူၬဆ့လီၫ.
(ၥဎွၩ ၥၥ;၄ၥ-၄၃).
29 တၭစစီလမၧၫ့အဆၧမၩ ဂူၫဂၩၥံၪ, လၧအခၪ့ထံၭ ထီးအထုၬနီၪ, အီၪကွ့ၭအၥၭ လၧမီၪစနၫၥၫ့ အလံၬ ဖၧၩ့,ဒဲၦၡဲလိၫဖိၪစအဟဲယၫအမီၪ အဆၧချဲၩ့လဖၪအ ဖၧၩ့,ဒဲလၧမီၪစအံဒိၫအဆၧဒၪ လၧယၫလခီၫအဖၧၩ့ ထၫ့ဒၩစနံဘၭအဖိၪခွၫစယ့ၫရဘိအၫ့ လဂၩနီၪ,မွဲအ့ၬ
30 ဧၪ.- တၭစစီလမၧၫ့ပၧၩ့ဆၧလၧ အံၫစရ့လၭထီးအ လူၬအဖၫ့ခိၪလၧယရုစလံၫ့အဖၧၩ့ အနံၪ့လံဆံၫလီၫ.
31 တၭစစီလမၧၫ့မံၫလၧအဖါလဖၪအၥိၭနီၪ, ဒဲၦၡၩခုၪ့ လၩ့ဘၧၩ့ဝ့ၫလၧအဖါ စဒၫဝံၭအဒိၩ့ဖၧၩ့တၭး အဖိၪ ခွၫစရံၫဟဘိအၫ့ပၧၩ့ဆၧလၧ အလးနီၪလီၫ.