8
(ၥဎွၩ ၉:ၥဝ-၂၈).
1 ထီးအနံၪ့နံၫဆံၫလဖၪထုၬဝ့ၫတၭ, အဆၧၫ့အထီလၧ စစီလမၧၫ့မၩထၪ့ယဟိဝၩအဂံၪ့, ဒဲအဂံၪ့ဒၪဝ့ၫနီၪး
2 ဆၧမၩအၥၭလၧဒိၩ့လဖၪ, လၧစဟုရၫ့ဖ့ၪထဲၩ့ယူၭ လၧစစီလမၧၫ့အစူၪဖၧၩ့နီၪ, စစီလမၧၫ့မၩဂ့ၩထၪ့ထဲၩ့ အဝ့ၫၥံၪတၭ, ဒုၭအီၪအံၫစရ့လၭဖိၪၥံၪ လၧဒိၩ့လဖၪ နီၪအဖၧၩ့လီၫ.
3 တၭစစီလမၧၫ့လ့ၩထၫ့ဒၩ ဟၫမၭဇိဘၫ ဒဲမၩနၧၩ့
4 မၩစၪဝ့ၫဒၪလီၫ.- အဝ့ၫမၩထၪ့တဒၫမီၫ လၧမံၩ့လၬ ကျၩ,ဒဲဒိၩ့ၥံၪထီးအလူၬ လၧဆၧအီၪက့ၪကီၪ့ဆၧဖိၪ ဆၧလံၩလၧအဖၧၩ့ လၧအမၩထၪ့ဝ့ၫလၧဟၫမၭအ
5 ဖၧၩ့နီၪလီၫ.- မၩဆ့ဘ့ၭၥဟိရၫ့လၧထၭ, ဒဲဘ့ၭၥဟိရၫ့ လၧလၬလၧအမွဲဒိၩ့ၥံၪအီၪလၧခိၪဒၧၩ့လဖၪ, အီၪလၧ
6 တရၫ့ၥံၪ,ဒဲနိၪဘီၩ့ၥံၪ,- ဒဲဘၫအလၭ,ဒဲဒိၩ့ၥံၪထီးအ လူၬလၧဆၧအီၪက့ၪကီၪ့ဆၧဖိၪဆၧလံၩ လၧအဖၧၩ့ လၧအအီၪလၧစစီလမၧၫ့အစူၪဖၧၩ့, ဒဲအလဲၪ့ၥုၭၥံၪအ ဒိၩ့လဖၪထီးအလူၬ, ဒဲၦထူၬကၥ့ၪလဖၪအဒိၩ့ၥံၪဒဲက ယဲဆၧလၧစစီလမၧၫ့မိမၩထၪ့ဘၪအၥၭ လၧယရုစလံၫ့ အဖၧၩ့ထီးအလူၬနီၪ, ဒဲလၧလ့ၭဘနၧၫ့အဖၧၩ့, ဒဲကယဲ ဆၧထီးအလူၬ လၧထံၫၥံၪခးၥံၪအဖၧၩ့ လၧအပၧၩ့ဝ့ၫ လစီၪ့လါလါဎံၩ့ဎံၩ့လ့ၬလီၫ.
7 ကယဲၦလၧအအီၪလၩ့ထးလၧ ၦဟံၥၭဖိၪ,ၦအၫ မၧၫ့ဖိၪ,ဒဲၦပံရ့ၭဖိၪ,ၦဟံဝဲၫဖိၪ, ဒဲၦယ့ဘုၫဖိၪ,လၧအလ
8 ဘၪဆဲၫ့ဘၪ လၧအံၫစရ့လၭနီၪး- အဝ့ၫၥံၪအဖိၪအ လံၩ,လၧအအီၪလၩ့ထးလၧခးဖၧၩ့နီၪ, လၧၦအံၫစရ့ လၭဖိၪလမၩဂၭဂီၩ့ဘၪတၭ, အဝ့ၫၥံၪနီၪ စစီလမၧၫ့ အၪ့မၧၫ့အဖ့ၪလၫ့ခီၫ့ထီၩ့လၩ့ ခီးမုဆၫလနံၩယီၩ
9 လီၫ.- အ့ၪမွဲၦအံၫစရ့လၭဖိၪၥံၪ စစီလမၧၫ့အၪ့မၧၫ့အ မၩဎီးအဆၧမၩနးဂၩအ့ၬး အ့ၪမွဲအဝ့ၫၥံၪ ကဲၪၦၥုၭ ဖိၪလဖၪ,ဒဲၦၥုၭခိၪၥံၪအၦဒိၪလဖၪ, ဒဲလဲၪ့ၥုၭၥံၪအခိၪ လဖၪ,ဒဲၦထူၬကၥ့ၪအခိၪလဖၪလီၫ.
10 တၭၦလဖၪယီၩမွဲစစီလမၧၫ့ အၦဒိၪဖၭဒိၪလဖၪ,နံၫ ယၩယဲဆံၫ, လၧအအီၪလၧၦခမျၧးၥံၪအဖၫ့ခိၪလီၫ.
11 တၭစစီလမၧၫ့ဂဲၫထၪ့ဆိၬခွံၬ ဖၫရိၫအဖိၪမုၪလၧစဒၫ ဝံၭအဒိၩ့ဖၧၩ့ထီၩ့လၧဂံၪ့လဖျိၪ့ လၧအမၩထၪ့လၧၦမုၪ နီၪအဂးလီၫ. အဂဲးဘဲၫယီၩအဝ့ၫစံၭဝ့ၫဒၪ, ယမၫအီၪ လၧအံၫစရ့လၭ အစဎွၩဒၫဝံၭအဂံၪ့ဖၧၩ့အ့ၬး အဂဲး ဘဲၫယီၩယဟိဝၩအတလၫ ဂဲၫထဲၩ့အီၪထီးနီၪတၭ,မွဲ ဆၧအလးဆံၫ့ဎံၪလီၫ.
12 ထီးနီၪလဖၧၫ့စစီလမၧၫ့လုထၪ့ ဆၧလုမ့ၪလဖၪလၧ ယဟိဝၩအဂး, လၧယဟိဝၩ အဆၧလုလးအလီၩ့,
13 လၧအမၩထၪ့ဝ့ၫလၧထိၬချိၫ့အမ့ၬယၫး- လနံၩအဂး, လနံၩအဂးလုထၪ့ဝ့ၫဘဲၫစမိစ့ၭ မၪလူၬဝ့ၫအၥိၭ,လၧ မးၥံၫအနံၩလဖၪ, ဒဲလၧလၩၥံၫအခၫ, ဒဲလၧဆၧမၩဘိၪ့ ဆံၫ့ဎံၪလဖၪ လနံၪ့အထးဖၧၩ့ၥၧၫ့ဘျၩ့, ဆၧဘိၪ့ကိၪလ အီၪဘၪလၧမံၪ ဒဲဆၧဘိၪ့နွ့ၫလဖၪ, ဒဲဆၧဘိၪ့တဲၩၥံၪ
14 နီၪလီၫ.- ဘဲၫအဖါစဒၫဝံၭစ့ၩရၫ့ဝ့ၫအၥိၭ, အဝ့ၫဒၪအီၪ က့ၪၦလုဆၧလဖၪလဒီၪ့လဒီၪ့ ဘဲၫအဝ့ၫၥံၪ အဆၧမၩ အီၪဝ့ၫအၥိၭ, ဒဲၦလံဝဲၫဖိၪလဖၪအဆၧယိဝ့ၫ, ဘဲၫၥိၭ အမိစံၭထၪ့အၪ့အူၭဆၧ, ဒဲမၩဆၧအခ့ၫအၡၩအဆၧ မၩလၧၦလုဆၧလဖၪအမ့ၬယၫ, ဘဲၫအဆၧမၩလၧလ နံၩအဂးလနံၩအဂးအီၪဝ့ၫအၥိၭနီၪလီၫ. ဒဲၦပၧၩ့တရၫ့ လဖၪဘဲၫအဒီၪ့အီၪဝ့ၫအၥိၭ လၧကယဲတရၫ့ထံၭကိၭစီၪ့ ဒ့ၭလီၫ. အဂဲးဘဲၫယီၩ ယွၩအၡၩစဒၫဝံၭလဂၩနီၪမၪ
15 လူၬဝ့ၫဘဲၫနီၪၥိၭလီၫ.- တၭစဎွၩအဆၧမၪလူၬ,လၧအ မၪလူၬၦလုဆၧလဖၪ ဒဲၦလံဝဲၫဖိၪလဖၪလၧကယဲဆၧ လမံၩ့လါလါအဂး, ဒဲလၧဆၧအီၪက့ၪကီၪ့ဆၧဖိၪဆၧ
16 လံၩအဂးနီၪအဝ့ၫၥံၪစဲၪ့ဒၪဝ့ၫအ့ၬ.- တၭကယဲဆၧမၩ လၧစစီလမၧၫ့မၩဝ့ၫနီၪ, ဆၧတဲၩ့ဝဲၩဝ့ၫလၧမုနံၩ လၧ ဆၧအီၪက့ၪလၩ့ယဟိဝၩအဂံၪ့ အခၪ့ထံၭနီၪထီၩ့လၩ့ လၧဆၧမၩထၪ့ဂံၪ့ဂီၩ့ဝ့ၫဒၪလီၫ. တၭယဟိဝၩအဂံၪ့ နီၪဘၪဆၧမၩထီးအဂီၩ့ဂ့ၩဘၪစဲၪလီၫ.
17 ထီးနီၪလဖၧၫ့ စစီလမၧၫ့ လ့ၩထီၩ့လၧအံဇအၧၫ့ ဂံဘၧၫ,ဒဲလၧအံလီၭ လၧမၫဆမံၭနဲၩ့ လၧခးအံဒၧၫ့အ
18 ဖၧၩ့လီၫ.- တၭစဟုရၫ့အၪ့မၧၫ့လၩ့ ကဘၩ့ၥံၪလၧအ ခ့ၫအၡၩလဖၪအစူၪဖၧၩ့, ဒဲၦၡၩၥံၪလၧအၥ့ၪယၫမၫ ဆမံၭအဂဲးအကၠီၪ့တၭ, အဝ့ၫၥံၪလ့ၩလၧစစီလမၧၫ့အ ခ့ၫအၡၬ အၥိၭလၧအိဖၧၫနီၪတၭ, မၩန့ထီၫ့အကံကၫ လံယၩယဲဆံၫ လၧအလးထီးနီၪတၭ, ဂဲၫထဲၩ့ဆိၬဝ့ၫ လၧစဎွၩစီလမၧၫ့အအီၪလီၫ.