10
(ၥဎွၩ ၥ၂:ၥ-၂ဝ).
1 စရံၫဟဘိအၫ့လ့ၩထီၩ့လၧၡံခံၫ့, အဂဲးဘဲၫယီၩ အံၫစရ့လၭထီးအလူၬနီၪ အီၪကီၪ့လၧၡံခံၫ့ဘဲၫၥိၭအ မိဒုၭကဲၪထၪ့အဝ့ၫလဂၩလၧစဎွၩလီၫ.
2 တၭစနံဘၭအဖိၪခွၫစယ့ၫရဘိအၫ့နီၪ, လၧအအီၪ လၧအံဇံၭအဖၧၩ့, လၧအစဲၪ့ဖျိၭခွံၬလၧစဎွၩစီလမၧၫ့ အမ့ၬယၫနီၪး ဆၧမၩအၥၭ ထီးအနါဂၧၫ့ဝ့ၫတၭ,စ ယ့ၫရဘိအၫ့နီၪ ဂဲၫထဲၩ့ကဒၩထဲၩ့လၧ အံဇံၭလီၫ.
3 တၭၦလဖၪအၪ့မၧၫ့ၦလ့ၩကိၭန့အဝ့ၫဒၪလီၫ. စယ့ၫရ ဘိအၫ့ဒဲအံၫစရ့လၭထီးအလူၬ ဂဲၫချဲၩ့ဒုၪ့စရံၫဟဘိ
4 အၫ့တၭ,စံၭဝ့ၫဒၪ,- နဖါမၩပနိၪယိၭဘီၩ့ကၪမၬတၭ, ဘိၩ့နဲၪ့ယီၩနဖါအဆၧမၩကၪနီၪ, ဒဲအနိၪယိၭဘီၩ့ဎၧၫ့ ဆ့လၧအဝ့ၫဒၪ အီၪက့ၪလၧပလီၩ့ မၩဎွံၫထၪ့နဝ့ၫနး
5 ဆံၭဘီၪၬ တၭပမိမၩနဆၧလီၫ.- အဝ့ၫဒၪစံၭအဝ့ၫၥံၪ, ၥၧၫ့နံၩဖီၩ့ခွံၬတၭ, ဂဲၫထဲၩ့ဒီၭလၧယအီၪဆံၭ. တၭၦ ၡၩၥံၪနီၪထဲၩ့ထဲၩ့ဝ့ၫဒၪလီၫ.
6 စဎွၩရံၫဟဘိအၫ့ကိၪ့လိၬအၥၭလၧၦၥၭၡါလဖၪ, လၧအဆၧၫ့ထုၪ့လၧအဖါ စစီလမၧၫ့အမ့ၬယၫလၧအ မၧၫ့ဒံၭအဘိၩ့ဘၭတၭ, စံၭဝ့ၫဒၪ, ဘဲၫၥိၭယမိစံၭဆၧၫ့ၦ ၡၩၥံၪနီၪ, မွဲနၥံၪမိဒုၭကိၪ့ယၧၩလၧဆၧနီၪလမံၩ့လဲၪ.
7 အဝ့ၫၥံၪချဲၩ့ဆၧၫ့ဝ့ၫတၭ, စံၭဝ့ၫဒၪ, နအ့ၪမၩၦၡၩလၧ ဆၧအခိးအတၩနီၪ, ဒဲမၩဆၧလၧအဘၪ အဝ့ၫၥံၪအ ၥၭတၭ,ချဲၩ့ဒုၪ့အဝ့ၫၥံၪ လၧဆၧအဂ့ၩတၭ, အဝ့ၫၥံၪ မိကဲၪနခ့ၫနၡၩလဖၪ အဆိၩဆိၩအကၠၪကၠၪလီၫ.
8 မွဲလါနၫ့ဘိၩ အဝ့ၫဒၪခွံၬၡိၭခွံၬဆၧလၧ ၦၥၭၡါလ ဖၪဒုၭကိၪ့ဝ့ၫတၭ, ကိၪ့လိၬအၥၭ လၧၦၥၭဘၪ့လဖၪ လၧအဒိၪထၪ့ဎုၬလၧအဝ့ၫဒၪ, လၧအဆၧၫ့ထုၪ့ဝ့ၫလၧ
9 အမ့ၬယၫလီၫ.- တၭစံၭအဝ့ၫၥံၪ, ဘဲၫၥိၭယမိစံၭဆၧၫ့ ၦၡၩၥံၪနီၪ, လၧအချဲၩ့ဒုၪ့ယၧၩတၭ, စံၭဝ့ၫဒၪ,နိၪယိၭ ဘီၩ့လၧနဖါအီၪက့ၪလၧပလီၩ့နီၪ, မၩဎွံၫထၪ့နဝ့ၫနး ဆံၭဘီၪၬ မွဲနၥံၪမိဒုၭကိၪ့ယၧၩ လၧဆၧနီၪလမံၩ့လဲၪ.
10 ၦၥၭဘၪ့လဖၪ လၧအဒိၪထၪ့ဎုၬလၧ အဝ့ၫဒၪအၥိၭချဲၩ့ ဆၧၫ့ဝ့ၫတၭ, စံၭဝ့ၫဒၪ, ၦလၧအချဲၩ့ဒုၪ့နၧၩလဖၪနီၪ, လၧအစံၭဝ့ၫ, နဖါမၩဎၧၫ့ပနိၪယိၭဘီၩ့, အ့ၪမွဲနဝ့ၫဒၪ ယီၩမၩဎွံၫထၪ့လၧပဂးလဆံၭဘီၪ. နဘၪစံၭဆၧၫ့အ ဝ့ၫၥံၪဘဲၫယီၩ, ယစူၪနိၩ့ဆံၭလဘီၩ့မိတၪ့နဲၪ့ဒံၭယဖါ
11 အယးဒံၩ့နီၪလီၫ.- အဂဲးဘဲၫယီၩ ယဖါမၩဎၧၫ့နၥံၪ အနိၪယိၭဘီၩ့တၭ, ယမိမၩဎၧၫ့ထၪ့ဒံၭနၥံၪအနိၪယိၭ ဘီၩ့ဒံၭတၭး ယဖါအၪ့ၥီၪ့နၥံၪ လၧနိၪဖျ့ၪလဖၪ,အ့ၪမွဲ ယဝ့ၫဒၪယီၩ ယမိမၩလၧဆၧကဲၪ့မ့ၥံၪလီၫ.
12 တၭထီးအဘၪၥၧၫ့နံၩလနံၩနီၪ စယ့ၫရဘိအၫ့ဒဲၦ ၡၩထီးအလူၬလဖၪဂဲၫထီၩ့လၧစရံၫဟဘိအၫ့အအီၪ, ဘဲၫစဎွၩမၪလူၬဝ့ၫအၥိၭ, လၧအစံၭဝ့ၫ, လၧၥၧၫ့နံၩလ
13 နံၩနီၪဂဲၫထဲၩ့ဒီၭလၧယအီၪယီၩဆံၭ.- တၭစဎွၩစံၭ ဆၧၫ့အဝ့ၫၥံၪ လၧဆၧချဲၩ့ကၪမၬတၭး စဎွၩရံၫဟဘိ
14 အၫ့ခွံၬၡိၭခွံၬ ၦၥၭၡါလဖၪအဆၧဒုၭကိၪ့ဝ့ၫနီၪ,- ဒဲ ချဲၩ့ဆၧၫ့အဝ့ၫၥံၪဘဲၫၦၥၭဘၪ့လဖၪ ဒုၭကိၪ့ဝ့ၫအၥိၭ, စံၭဝ့ၫဒၪ,ယဖါမၩဎၧၫ့နၥံၪ အနိၪယိၭဘီၩ့နီၪ, အ့ၪမွဲ ယဝ့ၫဒၪယမိမၩဎၧၫ့နဲၪ့ဒံၭ, ယဖါအၪ့ၥီၪ့နၥံၪလၧနိၪ ဖျ့ၪလဖၪ, အ့ၪမွဲယဝ့ၫဒၪ ယမိမၩ လၧဆၧကဲၪ့မ့ၥံၪ လီၫ.
15 တၭစဎွၩလခိၭနၪဘၪ ၦခမျၧးၥံၪ, အဂဲးဘဲၫယီၩ ဆၧနီၪလမံၩ့ ဂဲၫဝ့ၫလၧယွၩ, ဘဲၫၥိၭယဟိဝၩမိမၩ လၧၫ့ထၪ့ဎွ့ၩထၪ့အလူ, လၧအချဲၩ့ဝ့ၫ လၧၦၡဲလိၫဖိၪ စအဟဲယၫအစူၪဖၧၩ့တၭ, လီၩဘၪစနံဘၭ အဖိၪခွၫ
16 စယ့ၫရဘိအၫ့နီၪလီၫ.- ထီးအံၫစရ့လၭထီးအလူၬဒၪ ဘၪလၧစဎွၩ လမိခိၭနၪဘၪအဝ့ၫၥံၪတၭ, ၦခမျၧးၥံၪ စံၭဆၧၫ့စဎွၩနီၪ, စံၭဝ့ၫဒၪ, ပဂးအီၪလၧစဒၫဝံၭအဖၧၩ့ ဘဲၫၥ့ၪလဲၪး ဒဲပဆၧန့ၥၫအီၪလၧစယ့ၭစံၫအဖိၪခွၫအ ဖၧၩ့နးမံၩ့အ့ၬ. အံၫစရ့လၭဧ့, လၧနၥံၪအတဲၩဒၪနၥံၪ ဝ့ၫအဖၧၩ့ဆုၬဆုၬဆံၭၬ ဘိၩ့နဲၪ့ယီၩ, စဒၫဝံၭဧ့, ယိန ဝ့ၫ,လၧနဂံၪ့ဒၪနဝ့ၫဘီၪၬ တၭအံၫစရ့လၭ ထီးအလူၬ
17 ထဲၩ့ထဲၩ့လၧအတဲၩလီၫ.- အ့ၪမွဲၦအံၫစရ့လၭဖိၪလၧ အအီၪဝ့ၫလၧယုဒၫအဒိၩ့လဖၪနီၪ, စရံၫဟဘိအၫ့ပၧၩ့ ဆၧလၧအဝ့ၫၥံၪအဖၫ့ခိၪလီၫ.
18 ထီးနီၪလဖၧၫ့ စဎွၩရံၫဟဘိအၫ့အၪ့မၧၫ့ စဟၫဒိ ရၫ့,လၧအပၧၩ့ဘၪအခီၫ့တၭ, ၦအံၫစရ့လၭဖိၪၥံၪခွံၬ ဝ့ၫလၧလိးထီးအၥံၫဝ့ၫဒၪလီၫ. အ့ၪမွဲစဎွၩ ရံၫဟဘိ အၫ့မၩချဲၫ့ချဲၫ့နုၬ လၧအလဲၪ့ၥုၭအဖၧၩ့တၭ, စဲၪ့ဖျိၭ
19 ထီၩ့လၧယရုစလံၫ့အဖၧၩ့လီၫ.- တၭအံၫစရ့လၭပိၩ့ ထၪ့,ထၫ့ဒုၪဒၩစဒၫဝံၭအဂံၪ့ ထီးမုဆၫလနံၩယီၩလီၫ.