36
(၂ဎွၩ ၂၃;၃ဝ-၃၅).
1 ထီးနီၪလဖၧၫ့ထံၫၥံၪခးၥံၪ အၡၩခမျၧးမၩန့စယိၫစဲ အၫအဖိၪခွၫစယဟိအဟၭတၭ, အီၪက့ၪဝ့ၫလၧစဎွၩ
2 လၧအဖါအလးလၧယရုစလံၫ့အဖၧၩ့လီၫ.- လၧစယ ဟိအဟၭကဲၪၥၫ့စဎွၩနီၪ အၥၭအီၪနံၫဆံၫၥၧၫ့နံၪ့တၭ,
3 ကဲၪစဎွၩလၧယရုစလံၫ့အဖၧၩ့ လၩၥၧၫ့ဘံၪ့လီၫ.- အံ ဇံၭအစဎွၩထုၭခွံၬအဝ့ၫ လၧယရုစလံၫ့ အဖၧၩ့တၭ ဒုၭလိၭၦခးဖိၪလၧစ့ၩ အကံကၫလယၩ, ဒဲထီၫ့လကံ
4 ကၫလီၫ.- အံဇံၭအစဎွၩအီၪက့ၪလၩ့အထၧၫ့ဖုဝဲစအံၫ လဲအကံၫ့လၧစဎွၩလၧ ယုဒၫဒဲယရုစလံၫ့အဖၫ့ခိၪတၭ, အၪ့လဲၩဝ့ၫအမံၩ့ လၧစယဟီအကံၫ့လီၫ. စနံကိၫမၩ န့အဝ့ၫဒၪအထၧၫ့ဖုဝဲစယဟိအဟၭ, ဆိၬန့ဝ့ၫထီၩ့လၧ အံဇံၭနီၪလီၫ.
(၂ဎွၩ ၂၃;၃၆-၂၄;၇).
5 စယဟီအကံၫ့ကဲၪၥၫ့စဎွၩနီၪ အၥၭအီၪနံၫဆံၫယဲ နံၪ့တၭ, ကဲၪစဎွၩလဆံၫလနံၪ့လၧယရုစလံၫ့အဖၧၩ့တၭ, မၩဆၧအၧၩ့လၧယဟိဝၩ လၧအမွဲအယွၩအမ့ၬယၫ
6 လီၫ.- ဘၭဘလၧၫ့အစဎွၩစန့ၭဘူၫခၭန့ဇၫဂဲၫထၪ့ထၫ့ ဒၩအဝ့ၫတၭ, စၧၩ့ထၬဝ့ၫလၧၥွ့ၫထၭဘဲၫၥိၭအမိဆိၬန့
7 ဝ့ၫထီၩ့လၧဘၭဘလၧၫ့နီၪလီၫ.- စန့ၭဘူၫခၭန့ဇၫဆိၬ န့ဆ့ယဟိဝၩအဂံၪ့အဎၧၩ့အဎီ ထီၩ့လၧဘၭဘလၧၫ့ တၭ,အီၪက့ၪဝ့ၫလၧအနီးဖၧၩ့ လၧဘၭဘလၧၫ့အဖၧၩ့ နီၪလီၫ.
8 ဆၧအီၪလၩ့ထးဘၪဆဲၫ့လၧ စယဟီအကံၫ့ဒဲအဆၧ ဘၪၥၭလိၪလၧအမၩဝ့ၫနီၪ, ဒဲဆၧလၧဆၧဒၪန့ဝ့ၫလၧ အဖၧၩ့ယိခွါ, ကွ့ၭအၥၭလၧအံၫစရ့လၭ ဒဲယုဒၫအ စဎွၩၥံၪအလံၬဖၧၩ့တၭ, အဖိၪခွၫစယဟီအခံၫ့ကဲၪထၪ့ စဎွၩလၧအလးနီၪလီၫ.
(၂ဎွၩ ၂၄;၈-ၥ၇).
9 လၧစယဟီအခံၫ့ ကဲၪၥၫ့စဎွၩနီၪအၥၭအီၪလဆံၫ ဎိၭနံၪ့တၭ, ကဲၪစဎွၩလၩၥၧၫ့ဘံၪ့ ဒဲဆံၫၥၫ့လၧယရုစ လံၫ့အဖၧၩ့တၭ, မၩဆၧအၧၩ့လၧယဟိဝၩအမ့ၬယၫ
10 လီၫ.- ထီးနံၪ့ဆၧၫ့ထဲၩ့အလးနီၪ, စဎွၩန့ၭဘူၫခၭန့ဇၫ အၪ့မၧၫ့လၩ့ဆၧတၭ, ဂဲၫထဲၩ့ဆိၬအဝ့ၫထီၩ့လၧယဟိ ဝၩအဂံၪ့အဎၧၩ့အဎီ လၧအဘၪၦအၥၭ လဖၪတၭ, အီၪက့ၪအထၧၫ့ဖုဝဲစဇ့ၭဒကဲအၫ လၧစဎွၩလၧယုဒၫဒဲ ယရုစလံၫ့အဖၫ့ခိၪလီၫ.
(၂ဎွၩ ၂၄:ၥ၈-၂ဝ, မဲအၫ ၅၂:ၥ-၃ က).
11 လၧစဇ့ၭဒကဲအၫ ကဲၪထၪ့ၥၫ့စဎွၩနီၪ အၥၭအီၪအ နံၪ့နံၫဆံၫတၭ, ကဲၪစဎွၩလၧယရုစလံၫ့အဖၧၩ့လဆံၫ
12 လနံၪ့လီၫ.- တၭမၩဆၧအၧၩ့လၧယဟိဝၩလၧအမွဲအ ယွၩအမ့ၬယၫလီၫ. ဆၪ့လၩ့အၥၭလၧမီၪစယ့ၫရမဲအၫ လၧအချဲၩ့ဆၧလၧယဟိဝၩအနိၭလဂၩ အမ့ၬယၫဆ့ အ့ၬ.
(၂ဎွၩ ၂၅:ၥ-၂ၥ, မဲအၫ ၅၂;၃ က-ၥၥ).
13 အဝ့ၫဒၪပိၩ့ထၪ့စန့ၭဘူၫခၭန့ဇၫ လၧအဒုၭဆိၪ လၩ့အၥၭလၧယွၩအမ့ၬယၫတၭ, အီၪက့ၪဆီၪ့ထၪ့အ ခိၬတၭ, မၩနီၩ့အၥၭဘဲၫၥိၭ အထီးကၠၪအၥၭလၧ ယဟိဝၩအံၫစရ့လၭအယွၩအအီၪလဂ့ၩလီၫ.
14 လၧနီၪအမ့ၬယၫ ၦလုဆၧလဖၪဒဲၦခမျၧးထီးအလူၬ မၩမၪထွ့ၫၦဆၨၩလဖၪ အဆၧဘၪၥၭလိၪထီးအလူၬ အၪအၪလ့ၬတၭ, မၩဘၪၥၭလိၪယဟိဝၩအဂံၪ့လၧအ
15 အီၪက့ၪဆံၫ့ဎံၪဝ့ၫလၧယရုစလံၫ့အဖၧၩ့နီၪလီၫ.- တၭ ယဟိဝၩအဝ့ၫၥံၪအဖါလဖၪအယွၩ အၪ့မၧၫ့လၩ့ဆၧ လၧအဝ့ၫၥံၪအအီၪလၧအၥီၫ့ၥံၪ, ဂဲထုၪ့ဝ့ၫဂီၩဂီၩအၪ့ မၧၫ့လၩ့ဆၧလီၫ. အဂဲးဘဲၫယီၩယၫ့ၥၭအၡၩခမျၧး,
16 ဒဲအအီၪဝ့ၫအလးနီၪလီၫ.- အဝ့ၫၥံၪဒုၪဒွ့ၪယွၩအၥီၫ့ လဖၪတၭ, ယူၭထၪ့ယၪ့ထၪ့အလူအ့ၬ. မၩအၧၩ့အမီၪ ၥံၪထီးယဟိဝၩၥၭထၪ့ဘၪအၡၩခမျၧးတၭ, ဆၧမၩ ဘျၪထဲၩ့ဝ့ၫနီၪအီၪအ့ၬ.
17 အခိးမွဲအဝ့ၫဒၪဒုၭဂဲၫထၫ့ဒၩအဝ့ၫၥံၪ လၧၦခၫလဒံ အၫဖိၪအစဎွၩလၧအမၩၥံၫၦဖိၪၥၪခွၫ လၧနၭလၧအ လးဆံၫ့ဎံၪအဂံၪ့ဖၧၩ့တၭ, ၦဖိၪၥၪခွၫမွဲဂ့ၩ,ၦမုၪနၩ့မွဲ ဂ့ၩ,ၦၥၭၡါမွဲဂ့ၩ, ၦလၧအယးဒံၩ့ကူၭလၩ့ဝ့ၫလၧအ ၥၭၡါအကၠီၩ့မွဲဂ့ၩ, ယၫ့ၥၭဝ့ၫအ့ၬ. ဖ့ၪလၫ့ခွံၬဝ့ၫထီး
18 အလူၬလၧအဝ့ၫဒၪ အစူၪဖၧၩ့လီၫ.- တၭယွၩအဂံၪ့ အဎၧၩ့အဎီအဒိၪအဆံၭ ဒဲဆၧလူဒိၪဎွ့ၩဒိၪလၧယဟိ ဝၩအဂံၪ့ဖၧၩ့နီၪ, စဎွၩဒဲအၦဒိၪဖၭဒိၪၥံၪအဆၧလူဒိၪ ဎွ့ၩဒိၪနီၪဆ့, ဂဲၫထဲၩ့ဆိၬဝ့ၫလၧဘၭဘလၧၫ့အဖၧၩ့
19 ထီးအလူၬလီၫ.- ၦဆူၭထၪ့ခွံၬယွၩအဂံၪ့ လၧမ့ၪတၭ, မၩလၩ့ဎီးခွံၬယရုစလံၫ့အခိၪဒၧၩ့တၭ, ဆူၭထၪ့ခွံၬအ နီးလဖၪလၧမ့ၪတၭ, မၩဂၭဂီၩ့ခွံၬအဎၧၩ့အဎီလၧအ
20 ဘၪၦၡၩအၥၭလီၫ.- တၭၦလၧအဖီၩ့ဖျ့ၭဝ့ၫ လၧနၭ လဖၪနီၪ,အဝ့ၫဒၪဆိၬန့ခွံၬဝ့ၫ ထီၩ့လၧဘၭဘလၧၫ့ ထီးအကဲၪထၪ့အဖိၪခွၫလဖၪ အဎီးအၡၩထီၩ့လၩ့လၧ
21 ပၧၡၫအဘၩ့အမုးပၧၩ့ဆၧ,- ဘဲၫၥိၭအမိမၩလၧၫ့ထၪ့ ဎွ့ၩထၪ့ယဟိဝၩအလူလၧ စယ့ၫရမဲအၫအနိၭဘဲၫၥိၭ ထံၫၥံၪခးၥံၪနီၪမိမုၬလၩလၧ အမးၥံၫအနံၩလဖၪလီၫ. ကိၭမုနံၩမုနၩလၧအအီၪယူဝ့ၫနီၪ, ထီးန့မးၥံၫအနံၩၥံၪ ထီးအဎွ့ၩထၪ့အနံၪ့နွ့ၫဆံၫလီၫ.
(ရၫ ၥ:ၥ-၄).
22 တၭလၧပၧၡၫအစဎွၩစဲရၧၭ အခၪ့ထံၭလနံၪ့နီၪဘဲၫ ၥိၭယဟိဝၩအလူလၧစယ့ၫရမဲအၫအနိၭ မိလၧၫ့ထၪ့ ဎွ့ၩထၪ့တၭ, ယဟိဝၩထိၪဂဲၩပၧၡၫအစဎွၩစဲရၧၭအ ၥၭတၭ,အဝ့ၫဒၪဒုၭဂၧၫ့ထၪ့ၥၩလၩ့ ဆၧလၧအဘၩ့အ မုးအဖၧၩ့ဎံၩ့ဎံၩ့လ့ၬ, ဒဲဒုၭကွ့ၭလၩ့ဝ့ၫဆ့တၭ, စံၭဝ့ၫ
23 ဒၪ,- ပၧၡၫအစဎွၩစဲရၧၭစံၭဝ့ၫဘဲၫယီၩ. ယဟိဝၩမူၭ ခိၪအယွၩနီၪဖ့ၪလၫ့ယူၭယၧၩ လၧကယဲဂၪ့ခိၪအဘၩ့ အမုးထီးအလူၬတၭ, အဝ့ၫဒၪမၪလူၬယၧၩဘဲၫၥိၭယ မိမၩထၪ့ဂံၪ့ လၧအဂးလၧယရုစလံၫ့အဖၧၩ့, လၧအ အီၪဝ့ၫလၧယုဒၫအဖၧၩ့နီၪလီၫ. ၦဘၪဆဲၫ့လၧအဝ့ၫ ဒၪအခ့ၫအၡၩထီးအလူၬနီၪ လၧနၥံၪအကျၩ မွဲပလၫ လဂၩလဲၪ. မွဲယဟိဝၩ အဝ့ၫဒၪအယွၩအီၪလၧအၥိၭ တၭ,မွဲအဝ့ၫဒၪလ့ၩထၪ့ဒၪဝ့ၫဆံၭ.