35
(၂ဎွၩ ၂၃;၂ၥ-၂၃).
1 စယိၫစဲအၫမၩဆၧဘိၪ့လ့ၩဖၬ လၧယဟိဝၩအဂး လၧယရုစလံၫ့အဖၧၩ့တၭ, လၧလၩအခၪ့ထံၭလဘံၪ့ လၩထၪ့လဆံၫလံနံၩလနံၩနီၪ မၩၥံၫဆၧလ့ၩဖၬလီၫ.
2 အီၪက့ၪၦလုဆၧလဖၪ လၧအဆၧမၩအလးဖၧၩ့တၭ, ဒုၭဆီၪ့ထၪ့ဝ့ၫလၧအမိမၩ ယဟိဝၩအဂံၪ့အဆၧမၩ
3 လီၫ.-တၭစံၭၦလံဝဲၫဖိၪၥံၪ လၧအၥီၪ့လိၪအံၫစရ့လၭ ထီးအလူၬ, လၧအမွဲၦဆံၫ့ဎံၪလၧယဟိဝၩအဂး, အီၪ က့ၪတလၫဆံၫ့ဎံၪလၧဂံၪ့ဖၧၩ့ လၧအံၫစရ့လၭအစဎွၩ စဒၫဝံၭအဖိၪခွၫစစီလမၧၫ့ ၥုၪ့ဝ့ၫနီၪဆံၭ. မွဲအထီးကဲၪ ဆၧယိၭဎၧၫ့လၧနၥံၪအခိၬထံၭခိၪလဂ့ၩ, မၩယဟိဝၩ
4 နၥံၪအယွၩ ဒဲၦခမျၧးအံၫစရ့လၭအဆၧဆံၭ.- တၭ တဲၩ့ဝဲၩဆၧဘဲၫနၥံၪအဖါၥံၪအဂံၪ့အၥိၭနီၪ, ဘဲၫနၥံၪ အဆၫ့,လဆၫ့ဘၪလဆၫ့အၥိၭ, ဘဲၫအံၫစရ့လၭအစ ဎွၩစဒၫဝံၭအလံၬအၥိၭတၭ, ဘဲၫအဖိၪခွၫစစီလမၧၫ့
5 အလံၬအၥိၭနီၪဆံၭ.- တၭဆၧၫ့ထုၪ့လၧဆၧအလး ဆံၫ့ဎံၪအဖၧၩ့ ဘဲၫၦခမျၧးနၥံၪအထၧၫ့ဖုဝဲအဖါၥံၪအ ၡၩဂံၪ့ဒီၪ့လဖၪ အဆၧအၪ့နၩ့ဖၭၥံၪ အၥိၭနီၪဆံၭ.
6 မၩၥံၫဆၧဘိၪ့လ့ၩဖၬတၭ, တဲၩ့ဝဲၩနၥံၪအထၧၫ့ဖုဝဲဘဲၫ ၥိၭအမိမၩဝ့ၫဘဲၫယဟိဝၩ အလူအထၫ လၧစမိစ့ၭအ စူၪဖၧၩ့အၥိၭနီၪဆံၭ.
7 လၧၥိၪၥံၪဘ့ၪၥံၪအကျၩနီၪ, စယိၫစဲအၫဖ့ၪလၫ့ၦ ခမျၧးအၥိၪဖိၪဒဲဘ့ၪဖိၪၥံၪ, ထီးအလူၬလၧဘိၪ့လ့ၩဖၬ အဆၧမၩဘိၪ့အဂး, လၧကယဲၦလၧအအီၪဝ့ၫထီးအ လူၬထီးအဎွ့ၩထၪ့ၥၧၫ့လၬ ဒဲချီဖၫၥၧၫ့ထီၫ့လီၫ. ဆၧ
8 လဖၪနီၪမွဲဝ့ၫလၧစဎွၩအဖိၪအလံၩအကျၩလီၫ.- တၭ ၦဒိၪဖၭဒိၪလဖၪ ဖ့ၪလၫ့ယီၫဆၧလၧၦခမျၧးလၧၦလု ဆၧလဖၪ, ဒဲၦလံဝဲၫဖိၪလီၫ. ၦပၧၩ့ယွၩအဂံၪ့စဟံၫလ ကဲအၫ, ဒဲစဇ့ၭခရဲအၫ, ဒဲစယဟဲအ့လၭလဖၪနီၪဖ့ၪ လၫ့ၦလုဆၧလၧဆၧအဒုၩနံၫထီၫ့ဎူၫယၩ, ဒဲချီဖၫၥၧၫ့
9 ယၩလၧဘိၪ့လ့ၩဖၬအဆၧမၩဘိၪ့အဂးလီၫ.- တၭၦ လံဝဲၫဖိၪအခိၪလဖၪစကိၫ့အနဲအၫ, ဒဲစၡံၫမအဲအၫ,ဒဲ စနၥၫ့နအ့လၭအထၧၫ့ဖုဝဲလဖၪ စဟၭၡဘဲအၫ,စယ အဲၫအ့လၭ, ဒဲစယီၭစဘၭလဖၪဖ့ၪလၫ့ၦလံဝဲၫဖိၪလၧ ဆၧအဒုၩယဲထီၫ့ဒဲချီဖၫ ယဲယၩလၧဘိၪ့လ့ၩဖၬအဆၧ ဘိၪ့အဂးလီၫ.
10 ဆၧမၩနီၪဘၪတဲၩ့ဝဲၩအၥၭဂီၩ့တၭ, ၦလုဆၧလဖၪ ဆၧၫ့ထုၪ့လၧအလး, ဒဲၦလံဝဲၫဖိၪလဆၫ့လဆၫ့ဘဲၫစဎွၩ
11 အဆၧမၪလူၬအၥိၭနီၪလီၫ.- ၦၡၩမၩၥံၫဆၧဘိၪ့လ့ၩ ဖၬတၭ,ၦလုဆၧလဖၪ ဎွံၪဆၧလၧအစူၪၥံၪတၭ, ၦလံ
12 ဝဲၫဖိၪမွဲၦလၧအဘျူၭခွံၬအဖံၭလီၫ.- အဝ့ၫၥံၪၥုၭခွံၬ ဆၧလုမ့ၪၥံၪဘဲၫၥိၭ အမိဖ့ၪလၫ့ဆၧဘဲၫၦခမျၧးအဂံၪ့ ဒီၪ့ၥံၪအဆၧအၪ့နၩ့ဖၭလဖၪအၥိၭ, ဘဲၫၥိၭအမိလုထၪ့ ယဟိဝၩဘဲၫဆၧကွ့ၭအၥၭ လၧလံၬစမိစ့ၭ အဖၧၩ့အ
13 ၥိၭနီၪလီၫ. တၭချီဖၫလဖၪဘဲၫနီၪအၥိၭလီၫ.- အၪ့ကၪ ဆၧဘိၪ့လ့ၩဖၬလၧမ့ၪ ဘဲၫဆၧစ့ၩရၫ့အၥိၭနီၪး အ့ၪလ မွဲဘၪဆၧဆံၫ့ဎံၪလဖၪအၪ့ဎွံဝ့ၫ လၧဖၧၩ့ဖၧၩ့,ဒဲလၧဖၧၩ့ အၪ့ဎွံဆၧအဖၧၩ့, ဒဲလၧဖၧၩ့ပၪပဲၪအဖၧၩ့တၭ, အၪ့နၩ့ ဖၭဝ့ၫချဲၫ့ချဲၫ့လၧၦခမျၧး ထီးအလူၬအကျၩလီၫ.
14 တၭလၧခဲၫ့ထဲၩ့နီၪ တဲၩ့ဝဲၩဆၧလၧအနၫ့ဆါဒၪဝ့ၫ အဂးဒဲလၧၦလုဆၧလဖၪအဂးဆ့လီၫ. အဂဲးဘဲၫယီၩ စအၫရၧၫ့အဖိၪခွၫၦလုဆၧလဖၪ လုထၪ့ဆၧလုမ့ၪဒဲအ ၥိၪထီၩ့လၩ့လၧမုနၩလခီၫလီၫ. တၭၦလံဝဲၫဖိၪတဲၩ့ ဝဲၩဆၧလၧအဂးဒၪဝ့ၫ, ဒဲလၧစအၫရၧၫ့အဖိၪခွၫၥံၪ,ၦ
15 လုဆၧလဖၪအဂးလီၫ.- တၭၦၥံၫကျံၩဆၧစအၫစဖၭ အဖိၪခွၫၥံၪ အီၪလၧအလး ဘဲၫစဒၫဝံၭအဆၧမၪလူၬ အၥိၭ,ဒဲစအၫစဖၭ, ဒဲစဟံမၫ့,ဒဲစဎွၩအၡၩဒၪဆၧလၧ ယၫစယ့ၭဒုၫၥၫ့, ဒဲၦခိၭတရၫ့အီၪဝ့ၫလၧတရၫ့ထံၭကိၭ စီၪ့ဒ့ၭတၭ, စဲၪ့ဒၪအဆၧမၩအ့ၬ, အဂဲးဘဲၫယီၩအထၧၫ့
16 ဖုဝဲၦလံဝဲၫဖိၪတဲၩ့ဝဲၩဆၧလၧအဝ့ၫၥံၪအဂးလီၫ.- တၭ ဆၧမၩယဟိဝၩအဆၧထီးအလူၬနီၪ, ဘၪဆၧတဲၩ့ဝဲၩ အၥၭမုလနံၩဎးဘဲၫၥိၭ အမိမၩဆၧဘိၪ့လ့ၩဖၬ, ဒဲလု ထၪ့ဆၧလုမ့ၪလၧယဟိဝၩ အဆၧလုအလးအဖၫ့ခိၪ,
17 ဘဲၫစဎွၩယိၫစဲအၫအဆၧမၪလူၬ အၥိၭနီၪလီၫ.- ၦအံၫ စရ့လၭဖိၪလၧအအီၪဝ့ၫလဖၪနီၪ မၩဆၧဘိၪ့လ့ၩဖၬ လၧအထီထီးနီၪ, ဒဲဆၧဘိၪ့ကိၪလအီၪဘၪ လၧမံၪနွ့ၫ နံၩလီၫ.
18 တၭလၧမီၪစစၫမုၫအ့လၭ အမုနံၩလဖၪနီၪအလး ခဲၫ့,ၦမၩဘိၪ့လ့ၩဖၬဘဲၫနီၪအၥိၭ လၧအံၫစရ့လၭအကျၩ နးဖၧၫ့အ့ၬ. တၭဆၧဘိၪ့လ့ၩဖၬ လၧစယိၫစဲအၫဒဲၦ လုဆၧၥံၪ,ဒဲၦလံဝဲၫဖိၪၥံၪ, ဒဲယုဒၫ,ဒဲအံၫစရ့လၭထီး အလူၬလၧအအီၪဝ့ၫ, ဒဲၦလၧအအီၪဝ့ၫလၧယရုစလံၫ့ အဖၧၩ့လဖၪမၩဝ့ၫနီၪး အံၫစရ့လၭအစဎွၩၥံၪထီးအ
19 လူၬမၩဘိၪ့လ့ၩဖၬဘဲၫနီၪအၥိၭဆ့အ့ၬ.- လၧစယိၫစဲ အၫပၧၩ့ဆၧအနံၪ့လဆံၫဎိၭနံၪ့လနံၪ့အဖၧၩ့, ၦၡၩမၩ ဆၧဘိၪ့လ့ၩဖၬနီၪလီၫ.
(၂ဎွၩ ၂၃;၂၈-၃ဝ).
20 ဆၧယီၩထီးအလူၬအလးခဲၫ့နီၪ ထီးစယိၫစဲအၫတဲၩ့ ဝဲၩယူၭနီးနီၪတၭ, အံဇံၭအစဎွၩနံကိၫ, ဂဲၫထၪ့ဘဲၫၥိၭ အမိဒုၭဆၧလၧခၫခံမံၭ လၧထံၫမိၡါယုၫဖ့တံၫအနဲၩ့
21 တၭ,စယိၫစဲအၫလ့ၩထၪ့ထၫ့ဒၩအဝ့ၫလီၫ.- အဝ့ၫဒၪ အၪ့မၧၫ့လၩ့အၥီၫ့ၥံၪလၧအအီၪတၭ, စံၭဝ့ၫဒၪ,ယုဒၫ အစဎွၩဧ့, ယၧၩဒဲနၧၩမွဲဆၧဘၪဆဲၫ့လိၬပၥၭ ဘဲၫၥ့ၪ လဲၪး ဆၧလၧမုလနံၩယီၩယဂဲၫထၫ့ဒၩနၧၩမွဲအ့ၬ. အ့ၪ မွဲယထၫ့ဒၩဂံၪ့လဖျိၪ့လၧယဒုၭဆၧလၧ အဝ့ၫနီၪလီၫ. အဂဲးဘဲၫယီၩယွၩမၪလူၬယၧၩ မၩချဲၫ့ချဲၫ့တၭ, ထီး လၩ့နၥၭလၧယွၩလၧအအီၪလၧယၥိၭ, ဘဲၫၥိၭအထီး
22 မၩဂၭဂီၩ့နၧၩလဂ့ၩလီၫ.- မွဲလါနၫ့ဘဲၫနီၪတၭ, စယိၫ စဲအၫလကၠၪခွံၬဘၪအမ့ၬလၧအဝ့ၫဒၪ, အ့ၪမွဲမၩလၩ့ မဲၩအနၫ့ဆါဒၪဝ့ၫနီၪ ဘဲၫၥိၭအမိဒုၭၥုၭ လၧအဝ့ၫဒၪ တၭ,လခိၭနၪဘၪစနံကိၫအလူ လၧယွၩအနိၭတၭ,ဂဲၫ
23 ဒုၭၥုၭလၧမကံဒိၫခိၪလီၩ့ဆူၭအဖၧၩ့လီၫ.- ၦခၭဆၧ ၥံၪခၭဘၪစယိၫစဲအၫတၭ, စဎွၩစံၭအခ့ၫအၡၩ, ဆိၬ ထၪ့ခွံၬယၧၩဆံၭ. အဂဲးဘဲၫယီၩ, ယဘၪဆၧခၭယၧၩ
24 တၭနုၬဝ့ၫဒၪလီၫ.- အခ့ၫအၡၩဆိၬထၪ့ခွံၬဝ့ၫလၧလဲၪ့ ၥုၭအဖၧၩ့တၭ, အီၪက့ၪဝ့ၫလၧလဲၪ့နံၫခိၪလခိၪအဖၧၩ့ လၧအအီၪလၧအဝ့ၫတၭ, ဂဲၫဆိၬဝ့ၫထီၩ့လၧယရုစလံၫ့ တၭ,ၥံၫဝ့ၫနီၪၦခုၪ့လၩ့ဘၧၩ့ခွံၬဝ့ၫ လၧအဖါၥံၪအဆၧ ၥွၪခိၪအဖၧၩ့တၭ, ယုဒၫဒဲယရုစလံၫ့ထီးအလူၬဂၪ့ဝ့ၫ
25 လၧစယိၫစဲအၫအကၠီၩ့လီၫ.- စယ့ၫရမဲအၫဂၪ့ဝ့ၫယၧၩ့ ဝ့ၫလၧစယိၫစဲအၫအကၠီၩ့တၭ, ၦၥံၫကျံၩဆၧအခွၫ,ဒဲၦ ၥံၫကျံၩဆၧအမုၪလဖၪချဲၩ့ဆၧလၧ စယိၫစဲအၫအဂဲးအ ကၠီၪ့လၧအမီၪ့ဘၪၥၭယူဆၧအဖၧၩ့ ထီးမုဆၫလနံၩယီၩ တၭ, မၩဆၧအထူၫအရူၫလၧအံၫစရ့လၭ အဖၧၩ့တၭ, ယိခွါ, ကွ့ၭအၥၭလၧလံၬယၧၩ့ဘၪဆၧအဖၧၩ့လီၫ.
26 တၭဆၧအီၪလၩ့ထးဘၪဆဲၫ့လၧ စယိၫစဲအၫဒဲအ ဂ့ၩအဘွၩဘဲၫဆၧကွ့ၭအၥၭ လၧယဟိဝၩအဆၧၥီၪ့ဆၧ
27 ၥၫ့အဖၧၩ့အၥိၭနီၪး- ဒဲအမၩဆၧလဖၪလၧအခၪ့ထံၭ, ဒဲအထုၬနီၪ,ယိခွါ, ကွ့ၭအၥၭလၧအံၫစရ့လၭ, ဒဲယုဒၫ အစဎွၩၥံၪအလံၬဖၧၩ့လီၫ.