လံၬလၧစအ့ဇရၫကွ့ၭဝ့ၫလီၫ.
1
1 တၭလၧပၧၡၫအစဎွၩစဲရၧၭ အနံၪ့အခၪ့ထံၭလနံၪ့ နီၪ, ဘဲၫၥိၭယဟိဝၩအလူလၧ စယ့ၫရမဲအၫအနိၭနီၪ မိလၧၫ့ထၪ့ဎွ့ၩထၪ့တၭ, ယဟိဝၩထိၪဂဲၩပၧၡၫအစဎွၩ စဲရၧၭအၥၭတၭး အဝ့ၫဒၪဒုၭဂၧၫ့ထၪ့ၥၩလၩ့ဆၧလၧ အဘၩ့အမုးအဖၧၩ့ ဎံၩ့ဎံၩ့လ့ၬး ဒဲဒုၭကွ့ၭလၩ့ဝ့ၫဆ့ တၭ,စံၭဝ့ၫဒၪ,
2 ပၧၡၫအစဎွၩစဲရၧၭနီၪစံၭဝ့ၫဘဲၫယီၩ, ယဟိဝၩမူၭ ခိၪအယွၩနီၪဖ့ၪလၫ့ယူၭယၧၩ လၧကယဲဂၪ့ခိၪအဘၩ့ အမုးၥံၪထီးအလူၬတၭ, အဝ့ၫဒၪမၪလူၬယၧၩဘဲၫၥိၭ ယမိမၩထၪ့ဂံၪ့လၧအဂး လၧယရုစလံၫ့အဖၧၩ့,လၧ
3 အအီၪဝ့ၫလၧယုဒၫအဖၧၩ့နီၪလီၫ.- ၦဘၪဆဲၫ့လၧအဝ့ၫ ဒၪအခ့ၫအၡၩထီးအလူၬနီၪ လၧနၥံၪအကျၩ, မွဲပလၫ လဂၩလဲၪ. မွဲအယွၩအီၪလၧအၥိၭတၭ, မွဲအလ့ၩထၪ့ လၧယရုစလံၫ့, လၧအအီၪလၧယုဒၫအဖၧၩ့တၭ, မၩ ထၪ့ဂံၪ့လၧယဟိဝၩ အံၫစရ့လၭအယွၩအဂးနီၪဆံၭ. (အဝ့ၫဒၪမွဲယွၩနီၪ) လၧအအီၪဝ့ၫလၧယရုစလံၫ့အဖၧၩ့
4 လီၫ.- လၧၦမၩဘိၪ့ဒၪဆၧလၧယွၩအဂံၪ့အဂး လၧအ အီၪလၧယရုစလံၫ့အဖၧၩ့နီၪအဖၫ့ခိၪ, ထီးဒၪၦလဂၩ လါလါလၧအအီၪလၩ့ထးလၧ အလးလၧအအီၪၦမွံၩ နီၪ,မွဲၦၡၩလၧအအီၪလၧအလးလစီၪ့နီၪ, မၩဘိၭမၩ ဆၧၩ့အဝ့ၫလၧကျိၪၥံၪစ့ၩၥံၪ, ထီၫ့ၥံၪလွ့ၫၥံၪ, ဒဲလၧဆၧ ဖိၪဆၧလံၩၥံၪ, ဒဲလၧဆၧဖိၪဆၧဎါၥံၪဆံၭ.
5 ထီးနီၪလဖၧၫ့ယုဒၫဒဲဘံၪ့ယမံၫ့ အဖါၥံၪအခိၪလဖၪ ဂဲထုၪ့ဝ့ၫ,ဒဲၦလုဆၧလဖၪ, ဒဲၦလံဝဲၫဖိၪၥံၪ, ဒဲကယဲၦ လၧယွၩအၥၭထိၪဂဲၩဝ့ၫဘဲၫၥိၭ အမိလ့ၩထၪ့မၩထၪ့
6 ယဟိဝၩအဂံၪ့လၧယရုစလံၫ့အဖၧၩ့နီၪလီၫ.- တၭက ယဲၦလၧအအီၪဝၬဖီၩ့အဝ့ၫၥံၪနီၪ မၩဆီၪ့ထၪ့အစူၪ လၧဖၧၩ့စ့ၩၥံၪ, လၧထီၫ့, လၧဆၧဖိၪဆၧလံၩၥံၪ, ဒဲလၧ ဆၧဖိၪဆၧဎါၥံၪ, ဒဲလၧဆၧလူဒိၪဎွ့ၩဒိၪၥံၪနီၪး လၧနီၪ အမ့ၬယၫကယဲဆၧလၧ ၦမၩဘိၪ့ထီးဒၪအၥၭနီၪလီၫ.
7 တၭစဎွၩစဲရၧၭနီၪ ဂဲၫဆိၬန့ဆ့ယဟိဝၩ အဂံၪ့အ ဎၧၩ့အဎီလၧစန့ၭဘူၫခၭန့ဇၫ ဂဲၫဆိၬန့ခွံၬလၧယရုစ လံၫ့တၭ,အီၪက့ၪအဝ့ၫၥံၪ လၧအယွၩဒၪဝ့ၫအဂံၪ့ဖၧၩ့
8 နီၪး- ဆၧနီၪလဖၪဒၪလ့ၬပၧၡၫအစဎွၩ စဲရၧၭနီၪဂဲၫထၪ့ န့ဝ့ၫလၧၦပၧၩ့စ့ၩ စမံၭၥဒၭအစူၪဖၧၩ့တၭ, ဝံထၪ့နၬ ထၪ့ဝ့ၫလၧယုဒၫအၦဒိၪ စၡ့ၭၡဘၭဇၫနီၪအဂးလီၫ.
9-10 တၭအဆၧဝံဆၧနၬနီၪ မွဲဘဲၫယီၩ, လိၫ့ထီၫ့ၥံၪအဖျိၪ့ ၥၧၫ့ဆံၫ,လိၫ့စ့ၩၥံၪအဖျိၪ့လထီၫ့, ဒီၩၥံၪနံၫဆံၫခွံၫဘံၪ့, ထွ့ၫထီၫ့ၥံၪအဖျိၪ့ၥၧၫ့ဆံၫ, ထွ့ၫစ့ၩ, နံၫမံၩ့လမံၩ့နီၪ,လံ ယၩလဆံၫ, ဒဲအဎၧၩ့အဎီဂူၫဂၩၥံၪလထီၫ့နီၪလီၫ.
11 တၭထွ့ၫထီၫ့ဒဲထွ့ၫစ့ၩၥံၪ ထီးအလူၬလဖၪနီၪမွဲယဲထီၫ့ လံယၩနီၪလီၫ. ဆၧနီၪလဖၪ ထီးအလူၬနီၪ, မွဲစၡ့ၭ ၡဘၭဇၫဂဲၫထၪ့ဆိၬန့ဝ့ၫလၧ ၦဘၪဆၧအၪ့မၧၫ့ဎီးဝ့ၫ အၥိၭ,လၧအဘၪဆၧဆိၬထၪ့ခွံၬဝ့ၫ လၧဘၭဘလၧၫ့ ထီၩ့လၧယရုစလံၫ့နီၪလီၫ.