34
(၂ဎွၩ ၂၂:ၥ-၂).
1 စယိၫစဲအၫကဲၪၥၫ့စဎွၩနီၪအၥၭအီၪဎိၭနံၪ့တၭ, ကဲၪ
2 စဎွၩလၧယရုစလံၫ့အဖၧၩ့ ၥၧၫ့ဆံၫလနံၪ့လီၫ.- အဝ့ၫ ဒၪမၩဆၧဂ့ၩလၧယဟိဝၩအမ့ၬယၫတၭ, ဖိၬအဖါစ ဒၫဝံၭအဖၧၩ့ၥၭလဖၪတၭ, လၧစူၪထွ့ၪမွဲဂ့ၩ, လၧစူၪစ့ၪ မွဲဂ့ၩ,ကၠၪအၥၭအ့ၬ.
3 တၭလၧအကဲၪထၪ့စဎွၩအနံၪ့ဎိၭနံၪ့လနံၪ့, ဘိၩ့အၥၭ ဘၪ့ဒံၭနီၪ, အၪ့ဎၬၥၫ့အဖါစဒၫ ဝံၭအယွၩတၭ, လၧလ ဆံၫနံၫနံၪ့လနံၪ့နီၪ မၩဆံၫ့ထၪ့ခွံၬၥၫ့ယုဒၫဒဲယရုစလံၫ့ လၧဆၧအလးထၪ့ထီၫၥံၪဒဲအ ၡ့ရိၫၥံၪ, ဒဲဆၧဂၩ့စိၭ
4 ဖျၩအၥၭၥံၪ, ဒဲဆၧဂၩ့ၥိၫ့အၥၭ ၥံၪလီၫ.- ၦလဖၪမၩလၩ့ ဎီးခွံၬဘၫအလၭၥံၪအဆၧလု အလးလဖၪလၧအဝ့ၫဒၪ အမ့ၬယၫ, ဒဲဆၧဂၩ့လဖၪလၧ အအီၪထၪ့ထီၫလၧအဖၫ့ ခိၪနီၪခူၬလၩ့ခွံၬဝ့ၫလီၫ. တၭအၡ့ရိၫဒဲဆၧဂၩ့စိၭဖျၩအၥၭ, ဒဲဆၧဂၩ့ၥိၫ့အၥၭနီၪ မၩလၩ့ဘျ့ၭခွံၬဝ့ၫတၭ, မၩလၩ့မုၬဝ့ၫ တၭ, ဎွံၪဝ့ၫလၧၦလၧအလုထၪ့ဆၧဂၩ့ၥံၪနီၪ အၥွၪခိၪ
5 အဖၫ့ခိၪလီၫ.- ဆူၭထၪ့ခွံၬၦလုဆၧလဖၪအဎွံၪလၧမ့ၪ, လၧအဝ့ၫၥံၪ အဆၧလုလးၥံၪအဖၫ့ခိၪတၭ, မၩဆံၫ့
6 ထၪ့ယုဒၫဒဲယရုစလံၫ့လီၫ.- တၭလၧမနၭစ့ၫဒဲအံဖြံၫ့ ဒဲစံမအၧၫ့အဒိၩ့ လဖၪအဖၧၩ့ထီၩ့ဒၪလ့ၬလၧစနၭၥ လဲၫနီၪ, မၩဝ့ၫလၧအဝ့ၫၥံၪအစၭခုၫၥံၪ့ၥံၪဝၬဖီၩ့ဝ့ၫလီၫ.
7 ထီးအမၩလၩ့ဎီးခွံၬဆၧလုအလးၥံၪ, ဒဲအၡ့ရိၫၥံၪ, ဒဲထးလၩ့ဘျ့ၭဆၧဂၩ့စိၭဖျၩအၥၭ, ဒဲခူၬလၩ့ခွံၬဆၧဂၩ့ ၥံၪထီးအလူၬ လၧအံၫစရ့လၭ အခးထၧၫ့ဘံၪ့ယၫဂီၩ့တၭ, ထဲၩ့ကဒၩထဲၩ့ဝ့ၫလၧယရုစလံၫ့လီၫ.
(၂ဎွၩ ၂၂;၃-၂ဝ).
8 လၧစယိၫစဲအၫကဲၪစဎွၩ လဆံၫဎိၭနံၪ့လနံၪ့အဖၧၩ့ နီၪထီးအမၩဆံၫ့ထၪ့ ထံၫၥံၪခးၥံၪ, ဒဲဂံၪ့နီၪဂီၩ့တၭ,စ ဎွၩအၪ့မၧၫ့လၩ့ၦကွ့ၭလံၬစအၭဇလဲအၫ, အဖိၪခွၫစ ၡၫဖၫ့,ဒဲဒိၩ့အခိၪစမၫအစဲအၫ, ဒဲၦကွ့ၭနဲၪ့ဆၧစယဟိ အဟၭအဖိၪခွၫ စယိအၫၥံၪဘဲၫၥိၭ အဝ့ၫၥံၪမိမၩဂ့ၩ
9 ထၪ့ထဲၩ့ယဟိဝၩအဝ့ၫဒၪအယွၩအဂံၪ့လီၫ.- ထီးအ ဝ့ၫၥံၪဂဲၫဝ့ၫလၧၦလုဆၧအခိၪ စဟံၫလကဲအၫအအီၪ တၭ,ဖ့ၪလၫ့စ့ၩလၧၦဂဲၫဆိၬလၧယွၩအဂံၪ့ဖၧၩ့, လၧ လံဝဲၫဖိၪလၧအပၧၩ့တရၫ့လဖၪ အၪ့ထုၫ့ကီၪ့လၧမနၭ စ့ၫဒဲအံဖြံၫ့အစူၪဖၧၩ့, ဒဲလၧၦအီၪလၩ့ထးလၧအံၫစရ့ လၭအကျၩထီးအလူၬ, ဒဲလၧယုဒၫဒဲဘံၪ့ယမံၫ့ထီးအ
10 လူၬ,ဒဲၦအီၪဝ့ၫလၧယရုစလံၫ့အဖၧၩ့လီၫ.- ဖ့ၪလၫ့ဝ့ၫ လၧၦမၩဆၧၥံၪ လၧအယိယဟိဝၩ အဂံၪ့အစူၪဖၧၩ့ တၭ,အဝ့ၫၥံၪဖ့ၪလၫ့ထဲၩ့ ၦမၩဆၧလၧအမၩဆၧလၧ ယဟိဝၩအဂံၪ့ဖၧၩ့, ဘဲၫၥိၭအဝ့ၫၥံၪမိမၩဂ့ၩထၪ့ထဲၩ့
11 ဒဲမၩဂုးထၪ့ခၧၫ့ထၪ့ဂံၪ့နီၪလီၫ.- ဖ့ၪလၫ့ဝ့ၫလၧၦစိၭဖျၩ ဆၧဒဲၦၥုၪ့ထၪ့ဆၧဘဲၫၥိၭ အမိဎွ့ၩလိးစိၭဖျၩအၥၭ,ဒဲ ၥံၪ့လၧဆၧထၫ့ထိၪဘုၭအဂးတၭ, ဒဲလၧအမၩထဲၩ့ ထီၩ့ခိၪလၧဂံၪ့ၥံၪ လၧယုဒၫအစဎွၩလဖၪမၩဂၭဂီၩ့
12 ယူၭဝ့ၫလီၫ.- တၭၦၡၩလၧအမၩဆၧလဖၪနီၪ မၩဝ့ၫ လၧအလူတီၩလီၫ. တၭၦအီၪလၧအဝ့ၫၥံၪ အဖၫ့ခိၪ နီၪ,မွဲစယၫဟၭ, ဒဲစအိၫဘဒဲအၫ ၦလံဝဲၫဖိၪစမရၫရဲၫ အဖိၪခွၫအကျၩ, စဇ့ၭခရဲအၫ,ဒဲစၡၧလၫ့, ၦကိဟၭ ဖိၪလဖၪအဖိၪခွၫၥံၪအကျၩ ဒုၭမၩဆၧ,ဒဲၦလံဝဲၫဖိၪ ၥံၪ,ကယဲၦၥ့ၪဆၧဒံၩ့နါဒံၩ့ၥံၪ ၥၫ့ထီးၥံၪ ထီးအလူၬ
13 လီၫ.- အဝ့ၫၥံၪအီၪဝ့ၫလၧ အွံၪဆၧယိၭဆၧအဖၫ့ခိၪ ဒဲမွဲၦမၩဆၧမၩနီၪလမံၩ့လါလါ ထီးအလူၬအခိၪလဖၪ တၭး ၦကွ့ၭလံၬဒဲၦပၧၩ့တရၫ့လဖၪနီၪ, မွဲၦလံဝဲၫဖိၪ လီၫ.
14 ထီးၦဂဲၫဆိၬထၪ့စ့ၩ လၧၦၡၩဆိၬနုၬလၧယဟိဝၩ အဂံၪ့ဖၧၩ့တၭ, ၦလုဆၧစဟံၫလကဲအၫဒၪန့ယဟိဝၩ အလံၬဆၧၥီၪ့ဆၧၥၫ့ဆၧဖ့ၪလၫ့ဝ့ၫ လၧစမိစ့ၭအစူၪ
15 ဖၧၩ့လီၫ.- စဟံၫလကဲအၫချဲၩ့ဆၧတၭ, စံၭၦကွ့ၭလံၬ စၡၫဖၫ့,ယဒၪန့ယူၭ လံၬဆၧၥီၪ့ဆၧၥၫ့လၧယဟိဝၩအ ဂံၪ့ဖၧၩ့ယူၭ. စဟံၫလကဲအၫဖ့ၪလၫ့ စၡၫဖၫ့လၧလံၬ
16 နီၪလီၫ.- စၡၫဖၫ့လ့ၩဆိၬလံၬနီၪလၧစဎွၩအအီၪတၭ, ဂဲၫထဲၩ့ဆိၬဒီၭဆၧချဲၩ့လဖၪ လၧစဎွၩအအီၪတၭ, စံၭ ဝ့ၫဒၪ,ကယဲဆၧလၧ အဘၪဆၧအီၪက့ၪလၩ့ဝ့ၫလၧနခ့ၫ နၡၩအစူၪဖၧၩ့ထီးအလူၬနီၪ အဝ့ၫၥံၪမၩတၡါဝ့ၫလီၫ.
17 အဝ့ၫၥံၪအၪ့ထုၫ့ကီၪ့ယူၭစ့ၩ လၧအဒၪန့ဝ့ၫလၧယဟိ ဝၩအဂံၪ့ဖၧၩ့တၭ, ဖ့ၪလၫ့ယူၭလၧၦယိဆၧလဖၪအစူၪ
18 ဖၧၩ့,ဒဲလၧၦမၩဆၧၥံၪအစူၪဖၧၩ့ယူၭ.- ထီးနီၪလဖၧၫ့ ၦကွ့ၭလံၬစၡၫဖၫ့လီၩဘၪစဎွၩတၭ, စံၭဝ့ၫဒၪ,ၦလုဆၧ စဟံၫလကဲအၫနီၪဖ့ၪလၫ့ယၧၩ လၧလံၬလထူၫ လီၫ. တၭ
19 စၡၫဖၫ့ဖီဝ့ၫလၧစဎွၩအမ့ၬယၫလီၫ.- ထီးစဎွၩနါဂၧၫ့ လံၬဆၧၥီၪ့ဆၧၥၫ့အလူတၭ, ဆၧမၩအၥၭလၧအၡၫ့
20 အကီၩ့အၥိၭလီၫ.- စဎွၩမၪလူၬစဟံၫလကဲအၫ,ဒဲစၡၫ ဖၫ့အဖိၪခွၫစအဟဲကၫ့, ဒဲစမဲခၫအဖိၪခွၫစအၭဘဒၫ့, ဒဲၦကွ့ၭလံၬစၡၫဖၫ့ ဒဲစဎွၩအခ့ၫအၡၩ, စအၭစအဲအၫ
21 တၭစံၭဝ့ၫဒၪ,- လ့ၩထၪ့အၪ့စၪ့ယဟိဝၩလၧယဂး,ဒဲ ၦလၧအအီၪလၩ့ထးဝ့ၫ လၧအံၫစရ့လၭဒဲယုဒၫအဖၧၩ့ လဖၪအဂး, လၧလံၬလထူၫလၧၦဒၪန့ဝ့ၫအလူအထၫ အဂဲးအကၠီၪ့ဆံၭး အဂဲးဘဲၫယီၩ ယဟိဝၩအဆၧၥၭ ထၪ့လၧအဂါလၩ့အၥၭ လၧပဖၫ့ခိၪ မွဲအဒိၪမၬလီၫ. အဂဲးဘဲၫယီၩ ပဖါၥံၪလထီးန့ဘၪ ယဟိဝၩအလူဘဲၫ ၥိၭအမိမၩကယဲဆၧကွ့ၭအၥၭ လၧလံၬယီၩအဖၧၩ့ လီၫ.
22 တၭစဟံၫလကဲအၫ, ဒဲၦလၧစဎွၩလဖၪဒုၭလ့ၩဝ့ၫ နီၪလ့ၩလၧၦခိၭဆၧကီၩ့ဆၧၥိၭ စဟၭစရၫ အဖိၪခွၫ စတံၭဝၫအဖိၪခွၫစၡၫလၧၫ့အမၫမီၪမုၪ နးဟၧလဒၫလ ဂၩအအီၪတၭ, လီၩဘၪၦမုၪနီၪလၧဆၧအဂဲးအကၠီၪ့ နီၪလီၫ. တၭအဝ့ၫဒၪအီၪဝ့ၫလၧယရုစလံၫ့လၧဆၧအ
23 လးနံၫစီၪ့လစီၪ့နီၪလီၫ.- တၭၦမုၪလီၩဘၪအဝ့ၫၥံၪ, ယဟိဝၩအံၫစရ့လၭအယွၩစံၭဝ့ၫဘဲၫယီၩ, လီၩဘၪ
24 ၦလၧအအၪ့မၧၫ့လၩ့နၥံၪလၧယအီၪ.- ယဟိဝၩစံၭ ဘဲၫယီၩ,ယိခွါ, ယမိဒုၭဂဲၫဘၪဆၧအၧၩ့လၧအလး ယီၩအဖၫ့ခိၪ ဒဲၦလၧအအီၪဝ့ၫလၧအဖၧၩ့အလီၩ့ဆ့, ကယဲဆၧဆိၪအၧၩ့လမံၩ့လါလါ လၧအကွ့ၭအၥၭလၧ လံၬဖၧၩ့လၧအဝ့ၫၥံၪဖီဘၪဝ့ၫ လၧယုဒၫအစဎွၩအမ့ၬ
25 ယၫလီၫ.- အဂဲးဘဲၫယီၩအဝ့ၫၥံၪစဲၪ့ဒၪယၧၩ, ဒဲဆူၭခဲၩ ဆၧနၧၫ့မၧၫ့လၧယွၩအဂူၫဂၩၥံၪအဂး, ဘဲၫၥိၭအမိဒုၭ ၥၭထၪ့ယၧၩလၧအစူၪ လၧအမၩဆၧအၧၩ့ထီးအလူၬ အကၠီၩ့လီၫ. အခိးမွဲယဆၧၥၭထၪ့မိဘၪဆၧဂါလၩ့ အၥၭလၧဆၧအလးယီၩတၭ, ဆၧမၩရှူၪလၩ့အၥၭ
26 ၥ့ၪအ့ၬ.- အ့ၪမွဲယုဒၫအစဎွၩ လၧအအၪ့မၧၫ့နၥံၪဂဲၫ အၪ့စၪ့ယဟိဝၩနီၪ, နၥံၪမိဘၪစံၭအဝ့ၫ, ယဟိဝၩအံၫ စရ့လၭအယွၩစံၭဝ့ၫဘဲၫယီၩ, ဆၧချဲၩ့လၧနနါဂၧၫ့နီၪ,
27 မွဲနၥၭဆၫတၭ, ထီးနနါဂၧၫ့ဆၧချဲၩ့လၧအချဲၩ့ထၫ့ဒၩ ဆၧအလးယီၩ ဒဲထၫ့ဒၩၦလၧအအီၪလၧအဖၧၩ့တၭ, နဆၪ့လၩ့နၥၭလၧယွၩအမ့ၬယၫ, ဒဲနဆၪ့လၩ့နၥၭလၧ ယမ့ၬယၫဒဲနၡၫ့နကီၩ့နၥိၭ ဒဲနမ့ၬထံၫလၩ့လၧယမ့ၬ ယၫအကၠီၩ့နီၪတၭး ယဝ့ၫဒၪယီၩယခိၭနၪဆ့ယူၭနၧၩ,
28 ယဟိဝၩစံၭဝ့ၫဒၪ,- ယိခွါ,ယမိအီၪက့ၪကီၪ့နၧၩလၧ နဖါၥံၪအၥိၭတၭ, ဆၧမိအီၪက့ၪလၩ့နၧၩ လၧဆၧၥွၪ ခိၪဖၧၩ့မုၬမုၬတၭ, နမ့ၬၥၪမိဒၪဘၪဆၧအၧၩ့ထီးအလူၬ လၧယဒုၭဂဲၫဘၪဆၧအလးယီၩ, ဒဲၦလၧအအီၪလၧ အဖၧၩ့အ့ၬ. တၭအဝ့ၫၥံၪနီၪဂဲၫဆိၬန့စဎွၩ လၧဆၧ ချဲၩ့နီၪလီၫ.
(၂ဎွၩ ၂၃:ၥ-၂ဝ).
29 ထီးနီၪလဖၧၫ့စဎွၩအၪ့မၧၫ့လၩ့ဆၧတၭ, ၦဒုၭအီၪ ကီၪ့ယုဒၫဒဲယရုစလံၫ့အၡၩ ၥုၪ့က့ၭၥၭၡါထီးအလူၬ
30 လီၫ.- တၭစဎွၩလ့ၩထၪ့လၧယဟိဝၩအဂံၪ့ဖၧၩ့ဒဲယု ဒၫအၡၩထီးအလူၬ, ဒဲၦအီၪလၧယရုစလံၫ့အဖၧၩ့ဒဲၦ လုဆၧၥံၪဒဲၦလံဝဲၫဖိၪၥံၪ ဒဲၦခမျၧးထီးအလူၬ, ဒဲဒိၪဒဲ ဆံၭတၭ, အဝ့ၫဒၪဖီကယဲဆၧချဲၩ့လၧလံၬဆၧအုၩ့လၩ့ လၧၦဒၪန့ဝ့ၫလၧယဟိဝၩအဂံၪ့ဖၧၩ့နီၪ လၧအဝ့ၫၥံၪ
31 အနါဖၧၩ့လီၫ.- တၭစဎွၩဆၧၫ့ထုၪ့လၧအလးတၭ,မၩ ဆၧအုၩ့လၩ့လၧယဟိဝၩအမ့ၬယၫ လၧအမိလ့ၩဖိၬ ယဟိဝၩအခဲၫ့ ဒဲထီးန့အဆၧမၪလူၬၥံၪ, ဒဲအဆၧထိး အၥၭလဖၪ, ဒဲအဆၧမၪလူၬလဖၪ လၧအၥၭထၧၫ့ဖျိၪ့ ယၫ,ဒဲလၧအၥၭၡီၩ့ထီးအလူၬ ဘဲၫၥိၭအမိမၩဆၧ အုၩ့လၩ့အဆၧချဲၩ့ယီၩလၧအကွ့ၭအၥၭ လၧလံၬယီၩ
32 အဖၧၩ့လီၫ.- တၭအဝ့ၫဒၪမၩဂုးမၩခၧၫ့ကယဲၦလၧအ အီၪလၧယရုစလံၫ့အဖၧၩ့, ဒဲလၧၦဘံၪ့ယမံၫ့ဖိၪအ ကျၩနီၪလီၫ. တၭၦအီၪလၧယရုစလံၫ့အဖၧၩ့လဖၪ မၩဝ့ၫဘဲၫယွၩအဆၧအုၩ့လၩ့ အီၪဝ့ၫအၥိၭအဝ့ၫၥံၪအ ဖါၥံၪအယွၩနီၪလီၫ.
33 တၭစယိၫစဲအၫၥုၭခွံၬ ကယဲဆၧဘၪၥၭလိၪလၧခး ကိၭဘံၪ့ဒ့ၭအဖၧၩ့ လၧအဘၪဆဲၫ့လၧၦအံၫစရ့လၭ ဖိၪတၭ,ဒုၭမၩကယဲၦလၧအအီၪ လၧအံၫစရ့လၭအ ကျၩဒုၭမၩဝ့ၫလၧယဟိဝၩအဝ့ၫၥံၪအယွၩ အဆၧမၩ လီၫ.တၭလၧအဝ့ၫဒၪအမုနံၩမုနၩ ထီးအလူၬအဖၧၩ့ နီၪၦၡၩဖိၬယဟိဝၩအဝ့ၫၥံၪအဖါလဖၪ အယွၩအခဲၫ့ တၭ,စဲၪ့ဒၪခွံၬဝ့ၫအ့ၬ.