18
(၂စၫ ၈:ၥ-ၥ၈).
1 လၧဆၧယီၩလမံၩ့အလးခဲၫ့တၭ ဆၧမၩအၥၭလၧ စဒၫဝံၭကျီၪ့ခွံၬၦဖလံၡၫဖိၪၥံၪ, ဒဲမၩနၧၩ့မၩစၪအဝ့ၫ ၥံၪ,ဒဲမၩန့ခွံၬဂၭၥၫ ဒဲအတဝၫ့လဖၪလၧၦဖလံၡၫဖိၪ
2 ၥံၪအစူၪဖၧၩ့လီၫ.- တၭအဝ့ၫဒၪကျီၪ့မိအၭနီၪး ၦမိအၭ ဖိၪၥံၪကဲၪစဒၫဝံၭ အခ့ၫအၡၩ ဒဲဂဲၫဆိၬဆၧဖ့ၪလၫ့လ
3 ဖၪလီၫ.- တၭစဒၫဝံၭကျီၪ့ဇိဘၫအစဎွၩ စဟၭဒရံဇၧၫ ထီၩ့လၧဟၫမၭ, လၧအလ့ၩမၩဂုးထၪ့ အဘၩ့အမုး
4 လၧထံၫမိၡါယုၫဖ့တံၫအနဲၩ့နီၪလီၫ.- တၭစဒၫဝံၭမၩ န့ခွံၬလဲၪ့ၥုၭလထီၫ့, ဒဲၦကၥ့ၪၥုၭနွ့ၫထီၫ့,ဒဲၦခၪ့ၥုၭနံၫ လၬလၧအဝ့ၫဒၪအစူၪဖၧၩ့း တၭစဒၫဝံၭဖ့ၬထ့ၬခွံၬလဲၪ့ ၥုၭအကၥ့ၪအခၪ့ထီၪ့ထီးအလူၬ, မွဲလါနၫ့တၭအီၪက့ၪ လၩ့ထးလဲၪ့ၥုၭၥံၪလယၩနီၪလီၫ.
5 တၭထီးၦဘၪဆဲၫ့ လၧဒမၭစကၧၭၦစံရအၫဖိၪလ ဖၪဂဲၫဘဲၫၥိၭအမိမၩဘိၭမၩဆၧၩ့ ဇိဘၫအစဎွၩဟၭ ဒရံဇၧၫနီၪ, စဒၫဝံၭ ဖ့ၬခွံၬၦစံရအၫ အၡၩနံၫလၬနံၫ
6 ထီၫ့လဖၪနီၪလီၫ.- ထီးနီၪလဖၧၫ့စဒၫဝံၭအီၪက့ၪၦၡၩ ခိၭဆၧလၧစံရအၫဒမၭစကၧၭအဖၧၩ့တၭး ၦစံရအၫ ဖိၪလဖၪကဲၪထၪ့စဒၫဝံၭအခ့ၫအၡၩ ဒဲဂဲၫဆိၬဆၧဖ့ၪ လၫ့လဖၪနီၪလီၫ. ဘဲၫနီၪၥိၭ ထီးဒၪအလးလၧစဒၫဝံၭ လ့ၩဝ့ၫလစီၪ့လါလါနီၪ, ယဟိဝၩယိထဲၩ့ခွါထဲၩ့မၩ
7 ဖီၩ့မၩဖျ့ၭဝ့ၫဒၪဆ့လီၫ.- တၭစဒၫဝံၭမၩန့ထၩ့ဖံၭထီၫ့ ၥံၪလၧအအီၪဝ့ၫ လၧစဟၭဒရံဇၧၫ အခ့ၫအၡၩလဖၪ
8 အလီၩ့နီၪတၭ, ဂဲၫဆိၬဝ့ၫလၧယရုစလံၫ့လီၫ.- ဘဲၫနီၪ ၥိၭဆ့လၧထံဘဟၭ, ဒဲလၧဆုၫ့နီၪ, မွဲဒိၩ့ၥံၪဘၪဆဲၫ့ လၧစဟၭဒရံဇၧၫတၭ, စဒၫဝံၭဂဲၫဆိၬန့ခွံၬထီးဘၩ့ အၪအၪလ့ၬ, လၧစစီလမၧၫ့မၩထၪ့ကမၫထီးဘၩ့နီၪ, ဒဲထုၪ့လဖၪ, ဒဲထွ့ၫထီးဘၩ့ၥံၪနီၪလီၫ.
9 ထီးဟၫမၭအစဎွၩစထူနီၪ နါဂၧၫ့လၧစဒၫဝံၭကျီၪ့ ခွံၬဇိဘၫအစဎွၩ စဟၭဒရံဇၧၫ အၥုၭမုခမျၧးထီးအ
10 လူၬတၭး- အဝ့ၫဒၪအၪ့မၧၫ့အဖိၪခွၫစဟဒိရၫ့လ့ၩလၧ စဎွၩဒၫဝံၭအအီၪ, ဘဲၫၥိၭအမိအၪ့စၪ့အအီၪမုၬဝ့ၫအ ဂဲးအကၠီၪ့နီၪ, ဒဲချဲၩ့မုၬအၥၭလၧအဒုၭထၫ့ဒၩစဟၭဒ ရံဇၧၫဒဲဖ့ၬခွံၬဝ့ၫဒၪဆ့, (အဂဲးဘဲၫယီၩ စဟၭဒရံဇၧၫ ဒဲစထူဒုၭလိၬအၥၭနီၪ) ဒဲမၩန့ကယဲထွ့ၫထီၫ့,ထွ့ၫစ့ၩ,
11 ထွ့ၫထီးဝီၩၥံၪလမံၩ့လါလါကိၭအမံၩ့ဒ့ၭလီၫ.- တၭ ဆၧလဖၪနီၪစဎွၩဒၫဝံၭ အီၪက့ၪလၧဆၧဆံၫ့ဎံၪလၧ ယဟိဝၩအဂး, ဒဲစ့ၩ, ဒဲထီၫ့လၧအဂဲၫဆိၬထၪ့ခွံၬလၧ ၦဆၨၩၥံၪထီးအလူၬယီၩ, လၧအံဒၧၫ့,ဒဲလၧမိအၭ,ဒဲ လၧၦအၫမၧၫ့ဖိၪလဖၪ, ဒဲလၧၦဖလံၡၫဖိၪၥံၪ, ဒဲလၧ အၫမလ့ၭနီၪလီၫ.
12 လၧနီၪအမ့ၬယၫနးဇ့ၫရုၫအဲအၫ အဖိၪခွၫစအၭဘၡဲၫ ဖ့ၬခွံၬၦအံဒၧၫ့ဖိၪၥံၪလလၬဎိၭထီၫ့ လၧခိၪလီၩ့ထံၫလၪ
13 အဆူၭဖၧၩ့နီၪလီၫ.- အဝ့ၫဒၪအီၪက့ၪၦၡၩခိၭဆၧလၧ အံဒၧၫ့အဖၧၩ့တၭး ၦအံဒၧၫ့ဖိၪလဖၪကဲၪစဒၫဝံၭအခ့ၫ အၡၩကိၭဂၩဒ့ၭလီၫ. ဘဲၫနီၪၥိၭ ထီးဒၪအလးလၧစ ဒၫဝံၭလ့ၩဝ့ၫလစီၪ့လါလါနီၪ, ယဟိဝၩယိထဲၩ့ခွါထဲၩ့ မၩဖီၩ့မၩဖျ့ၭဝ့ၫဒၪဆ့လီၫ.
14 တၭစဒၫဝံၭပၧၩ့အံၫစရ့လၭထီးအလူၬနီၪ, ဒဲဒုၭအီၪ ထၪ့ဆၧစ့ၩရၫ့လၧဆၧတီၩဆၧလီၩ့ လၧအၡၩခမျၧးၥံၪ
15 ထီးအလူၬအကျၩနီၪလီၫ.- တၭနးဇ့ၫရုၫအဲအၫအဖိၪ ခွၫစယိအၭနီၪ အီၪလၧၦၥုၭမုခမျၧးၥံၪ အဖၫ့ခိၪနီၪး ဒဲစအဟဲလၧၭအဖိၪခွၫစယဟီၡဖၭ မွဲၦကွ့ၭနဲၪ့ဆၧ
16 လီၫ.- တၭစအဟဲတၧၭအဖိၪခွၫစဇၫဒီၭ, ဒဲစအဘဲအ ၥၫအဖိၪခွၫစအဘံမလ့ၭၥံၪ မွဲၦလုဆၧတၭး စၡ့ၫဝၭ
17 ၡၫမွဲၦကွ့ၭလံၬး- ဒဲစယဟီအဒၫအဖိၪခွၫစဘံၫ့နအဲအၫ အီၪလၧၦခ့ၫရ့ၭဖိၪဒဲၦဖံလ့ၭဖိၪၥံၪအဖၫ့ခိၪတၭး စဒၫ ဝံၭအဖိၪခွၫလဖၪ မွဲၦလၧစဎွၩအဂၩ့ထံၭလဖၪအခိၪ ၥံၪလီၫ.