1 လၧစဒၫဝံၭဆၧၫ့နၩ့ လၧဂံၪ့ဖၧၩ့နီၪဆၧမၩအၥၭ, လၧစဒၫဝံၭစံၭမီၪစနၫၥၫ့လဂၩနီၪ, ယိခွါ, ယအီၪယ ဝ့ၫလၧဂံၪ့ၥံၪ့ၡိၫအ့ရ့ၭ, အ့ၪမွဲယဟိဝၩ အဆၧအုၩ့ လၩ့အတလၫနီၪ အီၪဒံၭ လၧကလကၫအဖၫ့လၬ ဒံၭ 2 လီၫ.- ထီးနီၪလဖၧၫ့စနၫၥၫ့စံၭစဒၫဝံၭ, ကယဲဆၧလမံၩ့ လါလါအီၪလၧနၥၭခံဖၧၩ့နီၪ, မၩနဝ့ၫဘီၪး အဂဲးဘဲၫ 3 ယီၩယွၩအီၪလၧနၥိၭလီၫ.- တၭဆၧမၩအၥၭ မုလ နၩဎးနီၪ, လၧယွၩအလူလၩ့ဘၪစနၫၥၫ့, စံၭဝ့ၫဒၪ, 4 လ့ၩလီၩဘၪယခ့ၫယၡၩစဒၫဝံၭ, ယဟိဝၩစံၭဝ့ၫဘဲၫ ယီၩ,ဂံၪ့လၧယမိအီၪလၧအဖၧၩ့နီၪ, နမၩထၪ့ဘၪနဝ့ၫ 5 လၧယဂးအ့ၬး- အဂဲးဘဲၫယီၩ လၧမုနံၩလၧယဒုၭစဲၪ့ အံၫစရ့လၭခီးမုဆၫလနံၩယီၩ, ယအီၪယဝ့ၫလၧဂံၪ့ ဖၧၩ့နးဆိၭအ့ၬး အ့ၪမွဲယလ့ၩယူၭလၧ လတဲၩဘၪလ 6 တဲၩ,ဒဲလၧတဲၩဆံၫ့ဎံၪလစီၪ့စီၪ့နီၪလီၫ.- ထီးဒၪအလး လၧယလ့ၩဆၧလၧအံၫစရ့လၭအကျၩ လစီၪ့လါလါ နီၪ,ၦလၧအစ့ၩရၫ့အံၫစရ့လၭလဖၪ, လၧယအၪ့မၧၫ့ အလုအၪ့လုအီၩ ယၡၩခမျၧးၥံၪ, မွဲယချဲၩ့ဆၧလမံၩ့ မံၩ့လၧအဝ့ၫၥံၪ, စံၭ,ဂံၪ့ၥံၪ့ၡိၫအ့ရ့ၭနီၪနၥံၪလမၩထၪ့ 7 ဘၪလၧယဂးနီၪ, မွဲအဂဲးဘဲၫၥ့ၪလဲၪ, နီၪဆ့ဧၪ.- အ ခိးမွဲဘိၩ့နဲၪ့ယီၩ နဘၪလီၩဘၪယခ့ၫယၡၩစဒၫဝံၭဘဲၫ ယီၩ,ဆၧၥုၭမုခမျၧး အယဟိဝၩစံၭဝ့ၫဘဲၫယီၩ, ယ မၩန့ထၪ့နၧၩ လၧၥိၪဖီၩ့အဖၧၩ့နီၪ, လၧနယိၥိၪၥံၪ အဆၧမၩဘဲၫၥိၭနမိပၧၩ့ယၡၩခမျၧး အံၫစရ့လၭနီၪ 8 လီၫ.- တၭထီးဒၪအလးလၧနဂၭဖၬယူၭ လစီၪ့လါလါ နီၪ,ယအီၪယူၭလၧနၥိၭကိၭစီၪ့ဒ့ၭ, ဘဲၫၥိၭယမိဒၪ့ထ့ၬ ခွံၬကယဲနဒုၪနဒၩၥံၪလၧနမ့ၬယၫကိၭဂၩဒ့ၭ, ဒဲမၩဒိၪ 9 ထၪ့နမံၩ့လၧဂၪ့ခိၪချိၫ့ယီၩအၥိၭနီၪလီၫ.- တၭယမိအီၪ က့ၪလၩ့အလး လၧယၡၩခမျၧး အံၫစရ့လၭၥံၪအဂး ဆ့,ဒဲမိၥုၪ့လၩ့အဝ့ၫၥံၪတၭ, မိဘၪအီၪဂုးခၧၫ့လၧအ လးဒၪဝ့ၫနီၪ, မိၥုၭလၧၩ့အလးအ့ၬ. ဒဲၦအၧၩ့ဖိၪၥံၪမိ မၩၡၪ့မၩနၭလၧၩ့ဝ့ၫဘဲၫအမၩလၧအခၪ့ထံၭအၥိၭ, 10 ဒဲခီၫလၧယအီၪက့ၪၦစ့ၩရၫ့ဆၧလဖၪ လၧယၡၩခမျၧး အံၫစရ့လၭၥံၪအဖၫ့ခိၪ ခီးဘိၩ့နဲၪ့ယီၩအ့ၬ. လၧနီၪအ မ့ၬယၫယမိမၩနၧၩ့မၩစၪ နဒုၪနဒၩၥံၪ ကိၭဂၩဒ့ၭဆ့ လီၫ.လၧနီၪအမ့ၬယၫ ယလီၩဘၪနၧၩ လၧယဟိဝၩ 11 မိမၩထၪ့ဂံၪ့လၧနဂးဒၪနဝ့ၫလီၫ.- တၭဆၧမိမၩအၥၭ ထီးမုနံၩလဖၪ မိလူၬလၧနဘၪလ့ၩလၧ နဖါၥံၪအၥိၭ နီၪ,ယမိဒုၭဂဲထုၪ့နချံၫနၥၪ လၧနလးခဲၫ့လၧအဘၪဆဲၫ့ လၧနဖိၪခွၫၥံၪတၭး မိဒုၭဂုးခၧၫ့အဝ့ၫဒၪအဘၩ့အမုး 12 နီၪလီၫ.- တၭအဝ့ၫဒၪမိဘၪမၩထၪ့ယဂံၪ့, ဒဲယမိဒုၭ အီၪဂုးခၧၫ့အဝ့ၫဒၪ အလးဆီၩ့ဆီနီၪ အဆိၩအကၠၪ 13 လီၫ.- တၭယမိကဲၪအဝ့ၫဒၪအဖါ, ဒဲအဝ့ၫဒၪမိကဲၪယ ဖိၪခွၫဆ့လီၫ. တၭယမိမၩန့ခွံၬယဆၧယၫ့ၥၭလၧအ ဝ့ၫဒၪ,ဘဲၫယမၩန့ခွံၬ လၧၦအီၪလၧနလချႃၭအီၪဒံၭ 14 ဘၪအၥိၭနီၪဆ့အ့ၬ.- အ့ၪမွဲယမိဒုၭအီၪဂုးခၧၫ့အဝ့ၫ ဒၪလၧယဂံၪ့ဒၪယဝ့ၫအဖၧၩ့ ဒဲလၧယဘၩ့ယမုးအဖၧၩ့ အဆိၩဆိၩအကၠၪကၠၪတၭး အလးဆီၩ့ဆီနီၪမိအီၪ 15 ဂုးခၧၫ့လၩ့ဆိၩလၩ့ကၠၪလီၫ.- ဘဲၫဆၧချဲၩ့လဖၪယီၩ အၥိၭ, ဒဲဘဲၫဆၧဒၪဘၪ လၧယၫလခီၫယီၩအၥိၭနီၪ, ဘဲၫနီၪၥိၭစနၫၥၫ့ ချဲၩ့ဆၧလၧစဒၫဝံၭနီၪလီၫ.

16 စဎွၩဒၫဝံၭနီၪဂဲၫဆၧၫ့နၩ့ လၧယဟိဝၩအမ့ၬယၫ တၭ,စံၭဝ့ၫဒၪ, ယဟိဝၩယွၩဧ့, လၧနၥိၫ့ယၧၩခီးဘိၩ့ နဲၪ့ယီၩနီၪယဝ့ၫဒၪယမွဲၦလဂၩလဲၪ, ဒဲယဂံၪ့နီၪမွဲဆၧ 17 နီၪလမံၩ့လဲၪ.- မွဲလါနၫ့ဘိၩ, ယွၩဧ့,ဆၧယီၩလမံၩ့မွဲ ဆၧအဆံၭ လၧနမ့ၬၥၪလဖၪ အဖၧၩ့တၭး အဂဲးဘဲၫ ယီၩနလီၩဘၪယူၭနခ့ၫနၡၩအဂံၪ့အဂဲးအကၠီၪ့လၧ ယၫလခီၫယံၬယံၬလ့ၬ, တၭနအီၪက့ၪယူၭယၧၩဘဲၫၦ ၡၩလၧအလၩအဖၩ့အလးထီၫအၥိၭ, ယဟိဝၩယွၩ 18 ဧ့.- မွဲစဒၫဝံၭချဲၩ့ဆၧလၧနၧၩ လၧနခ့ၫနၡၩအလၩအ ဖၩ့အဂးၥ့ၪဒံၭဘဲၫၥ့ၪလဲၪ. အဂဲးဘဲၫယီၩနၥ့ၪယၫနခ့ၫ 19 နၡၩလီၫ.- ယဟိဝၩဧ့, လၧနခ့ၫနၡၩအဂး,ဒဲဘဲၫနၥၭ ဒၪနဝ့ၫအီၪဝ့ၫအၥိၭ, နမၩယူၭဆၧဖၭဒိၪလမံၩ့ယီၩ, လၧနဒုၭဖျီၪထၪ့ဆၧဖၭဒိၪလဖၪယီၩထီးအလူၬလီၫ. 20 ယဟိဝၩဧ့, ၦလၩ့ဂၬနၧၩအီၪနးဂၩအ့ၬ, တၭအ့ၪလမွဲ ဘၪနၧၩယွၩအီၪဆ့အ့ၬ, ဘဲၫပနါဂၧၫ့လၧပနါဖၧၩ့အၥိၭ 21 နီၪလီၫ.- တၭလၧဂၪ့ခိၪချိၫ့ယီၩမွဲၦလဆၨၩလၧအလၩ့ ဂၬနၡၩခမျၧးၥံၪအံၫစရ့လၭနီၪလဲၪး ၦလၧယွၩလ့ၩ ဎွ့ၩန့ဝ့ၫဘဲၫၥိၭအမိကဲၪထၪ့အၡၩခမျၧးဒၪဝ့ၫ, လၧအ မိမၩထၪ့နမံၩ့လၧဆၧဖၭဒိၪဒဲဆၧၥၭမဲၪအလး, လၧန နၫ့ထၪ့ခွံၬၦဆၨၩၥံၪ လၧနၡၩခမျၧးလဖၪ အမ့ၬယၫ ၦလဖၪလၧနဎွ့ၩန့ထဲၩ့ယူၭ လၧအံဇံၭအဖၧၩ့နီၪလီၫ. 22 အဂဲးဘဲၫယီၩ နၡၩခမျၧးအံၫစရ့လၭလဖၪနီၪ မွဲနဒုၭ ကဲၪထၪ့နၡၩဒၪနဝ့ၫ အဆိၩအကၠၪနီၪလီၫ. ဒဲနဝ့ၫဒၪ, 23 ယဟိဝၩဧ့, နကဲၪထၪ့အဝ့ၫၥံၪအယွၩလီၫ.- အခိးမွဲ ဘိၩ့နဲၪ့ယီၩ, ယဟိဝၩဧ့, ဆၧလၧနလီၩဘၪယူၭလၧ နခ့ၫနၡၩအဂဲးအကၠီၪ့, ဒဲအဂံၪ့အဂဲးအကၠီၪ့နီၪ, မွဲအ အီၪဂုးခၧၫ့အဆိၩအကၠၪ, ဒဲမၩဘဲၫနစံၭဆၧအၥိၭနီၪဆ့ 24 ဆံၭ.- မွဲအအီၪဂုးခၧၫ့ဒၪလ့ၬဘဲၫၥိၭနမံၩ့မိဒိၪထၪ့ဝ့ၫ အဆိၩအကၠၪ, စံၭဝ့ၫ, ဆၧၥုၭမုခမျၧးၥံၪအယဟိဝၩ နီၪ,မွဲအံၫစရ့လၭအယွၩတၭ, မွဲယွၩလၧအံၫစရ့လၭ အဂးတၭး မွဲနခ့ၫနၡၩစဒၫဝံၭအဂံၪ့နီၪအီၪဂုးခၧၫ့လၧ 25 နမ့ၬယၫဆံၭ.- အဂဲးဘဲၫယီၩနဝ့ၫဒၪ,ယယွၩဧ့,နလီၩ ဘၪယူၭနခ့ၫနၡၩယူၭ, လၧနမိမၩထၪ့ဂံၪ့လၧအဂး အခိးမွဲနခ့ၫနၡၩအၥၭအီၪ လၧအမိအၪ့ကံၩ့ဘၩဆိၪ 26 ဖၪလၧနမ့ၬယၫလီၫ.- တၭဘိၩ့နဲၪ့ယီၩယဟိဝၩဧ့,နမွဲ ယွၩ,ဒဲနအုၩ့လၩ့ဝဲၩယူၭဆၧဂ့ၩလမံၩ့ယီၩလၧနခ့ၫန 27 ၡၩအဂးလီၫ.- အခိးမွဲဘိၩ့နဲၪ့ယီၩ, မွဲအဘၪနၥၭလၧန မိဆိၪဂ့ၩနခ့ၫနၡၩအဂံၪ့, ဘဲၫအမိအီၪလၧအမ့ၬယၫ အဆိၩဆိၩအကၠၪကၠၪဆံၭး အဂဲးဘဲၫယီၩ နဆိၪဂ့ၩ ဆၧ,ယဟိဝၩဧ့, တၭမွဲအဘၪဆၧဆိၪဂ့ၩအဆိၩဆိၩ အကၠၪကၠၪလီၫ.