19
(၂စၫ ၥဝ:ၥ-ၥ၉).
1 လၧဆၧယီၩလမံၩ့အလးခဲၫ့တၭ, ဆၧမၩအၥၭလၧ ၦအၫမၧၫ့ဖိၪၥံၪအစဎွၩနၫဟၭနီၪၥံၫဝ့ၫဒၪတၭ, အဖိၪ
2 ခွၫပၧၩ့ဆၧလၧအလးလီၫ.- တၭစဒၫဝံၭစံၭဝ့ၫဒၪ,ယမိ ဒုၭနဲၪဆၧအခိးအတၩ လၧစနၫဟၭအဖိၪခွၫစဟၫနၧၫ့ နီၪ,အဂဲးဘဲၫယီၩ အဝ့ၫဒၪအဖါဒုၭနဲၪဆၧအခိးအတၩ လၧယၧၩလီၫ. တၭစဒၫဝံၭအၪ့မၧၫ့ၦၡၩလ့ၩချဲၩ့မုၬ အဝ့ၫဒၪလၧဆၧဘၪဆဲၫ့ လၧအဖါလဂၩနီၪလီၫ. တၭ စဒၫဝံၭအခ့ၫအၡၩၥံၪဂဲၫလၧၦအၫမၧၫ့ဖိၪၥံၪ အထံၫအ ခးလၧစဟၫနၧၫ့အအီၪ ဘဲၫၥိၭအမိမၩမုၬထၪ့အၥၭ
3 လီၫ.- မွဲလါနၫ့ဘိၩ ၦအၫမၧၫ့ဖိၪၥံၪအၦဒိၪဖၭဒိၪလ ဖၪစံၭစဟၫနၧၫ့, စဒၫဝံၭအၪ့မၧၫ့ၦမၩမုၬဆၧၥံၪဂဲၫ လၧနအီၪတၭ, မွဲနဆီၫ့မီၪ့လၧအဒူၩယၪ့နဖါဆ့ဧၪး အ ခ့ၫအၡၩၥံၪဂဲၫလၧနအီၪ ဘဲၫၥိၭအမိအၪ့ဎၬယိဂူၪဂၪ့
4 ခိၪယီၩ,ဒဲမၩဂၭဂီၩ့ခွံၬဝ့ၫ, မွဲအ့ၬဧၪ.- မၩအၥၭဘဲၫ နီၪတၭ,စဟၫနၧၫ့မၩန့စဒၫဝံၭ အခ့ၫအၡၩလဖၪနီၪ, လိၩ့ခွံၬအနိၭဆီၪ့, ဒဲထံၬခွံၬအကီၩ့အၥိၭ လၧအကျၩ
5 ထီးအခဲၫ့ခွးနီၪတၭ, ဒုၭထဲၩ့ထဲၩ့အဝ့ၫၥံၪလီၫ.- ထီးနီၪ လဖၧၫ့ၦၡၩလ့ၩလီၩဘၪစဒၫဝံၭ လၧဆၧမၩၦၡၩနီၪ အဂဲးအကၠီၪ့လီၫ. တၭအဝ့ၫဒၪအၪ့မၧၫ့ၦၡၩလ့ၩထၪ့ အၪ့ဂၬအဝ့ၫၥံၪး အဂဲးဘဲၫယီၩၦၡၩၥံၪနီၪအမ့ၬမဲဖၭ ဒိၪလီၫ.တၭစဎွၩစံၭအဝ့ၫၥံၪ, အီၪခိၭဒၪခလူၬလၧယ့ၫ ရခိၫနီၪထီးနၥံၪအနိၭဆီၪ့ဂဲၫထၪ့ထဲၩ့ဒီၭတၭ, ဂဲၫထဲၩ့ ထဲၩ့နၥံၪဝ့ၫဆံၭ.
6 တၭထီးၦအၫမၧၫ့ဖိၪၥံၪဒၪဘၪ လၧအမၩနၧၫ့အုၪ အၥၭလၧစဒၫဝံၭအမ့ၬယၫနီၪ, စဟၫနၧၫ့ဒဲၦအၫမၧၫ့ ဖိၪလဖၪဖ့ၪယုစ့ၩအကံကၫလထီၫ့နီၪ ဘဲၫၥိၭအမိအၪ့ လံၩ့န့အလဲၪ့ၥုၭလဖၪ ဒဲၦကၥ့ၪၥုၭၥံၪ လၧမ့ၭစိၫပတ့
7 မၠၫနီၪ,ဒဲလၧစံရအၫမၫအခၫ, ဒဲလၧဇိဘၫနီၪလီၫ.- အ ခိးမွဲအဝ့ၫၥံၪအၪ့လံၩ့န့လဲၪ့ၥုၭၥံၪၥၧၫ့လၬနံၫထီၫ့,ဒဲမၫ အခၫအစဎွၩဒဲအၡၩခမျၧးလဖၪတၭး အဝ့ၫၥံၪဂဲၫၥုၪ့ အတဲၩၥံၪလၧမ့ၭဒဘၫအမ့ၬယၫနီၪလီၫ. တၭၦအၫ မၧၫ့ဖိၪၥံၪဂဲၫထၪ့ၡီၩ့လၧအဒိၩ့အတဝၫ့ၥံၪ အီၪကိၩ့ အီၪကီၪ့လၧအမိဒုၭၥုၭဝ့ၫဒၪနီၪလီၫ.
8 ထီးစဒၫဝံၭနါဂၧၫ့ဝ့ၫတၭ, မွဲအအၪ့မၧၫ့လၩ့စယိအၭ, ဒဲကယဲၦၥုၭမုခမျၧး အဂဲးဆီၪ့လဖၪထီးအလူၬလီၫ.
9 တၭၦအၫမၧၫ့ဖိၪလဖၪဂဲၫထၪ့နီၪ, တဲၩ့ဝဲၩဆၧဒုၭၥုၭ လၧဒိၩ့အတရၫ့အမ့ၬယၫနီၪလီၫ. တၭစဎွၩၥံၪလၧအ ဂဲၫနီၪ အီၪလၧဆၧပျၩ့ဖၧၩ့ လၧအလးလစီၪ့ဒၪလီၫ.
10 ဘိၩ့နဲၪ့ယီၩ ထီးစယိအၭဒၪဘၪ လၧဆၧဒုၭၥုၭအီၪ တဲၩ့ဝဲၩအၥၭ ထၫ့ဒၩဝ့ၫလၧအမ့ၬယၫမွဲဂ့ၩ, လၧအ လးခဲၫ့မွဲဂ့ၩ,မွဲအရွံန့ၦဂဲးဆီၪ့လဖၪထီးအလူၬနီၪတဲၩ့
11 ဝဲၩအဝ့ၫၥံၪထၫ့ဒၩ ၦစံရအၫဖိၪလဖၪနီၪလီၫ.- တၭၦ ၡၩဂူၫဂၩၥံၪမွဲအအီၪက့ၪဝ့ၫ လၧအထၧၫ့ဖုဝဲစအၭဘ ၡဲၫအစူၪဖၧၩ့တၭ, အဝ့ၫၥံၪတဲၩ့ဝဲၩအၥၭထၫ့ဒၩၦအၫ
12 မၧၫ့ဖိၪၥံၪလီၫ.- တၭအဝ့ၫဒၪစံၭ, ၦစံရအၫဖိၪၥံၪအ့ၪ ဆီၪ့နဲၪ့ယၧၩတၭ, ထီးနီၪလဖၧၫ့ နဘၪဂဲၫမၩဘိၭမၩ ဆၧၩ့ယၧၩတၭး အ့ၪမွဲၦအၫမၧၫ့ဖိၪၥံၪအ့ၪဆီၪ့နဲၪ့နၧၩ တၭ,ထီးနီၪလဖၧၫ့ ယမိမၩဘိၭမၩဆၧၩ့နၧၩလီၫ.
13 အီၪလၧနၥၭဒူၩဘီၪး မွဲပမၩဆီၪ့ပၥၭ လၧၦၡၩခမျၧး ၥံၪအဂး, ဒဲလၧပယွၩအဒိၩ့ၥံၪအဂးဘီၪ. တၭမွဲယဟိ ဝၩမၩထီးဒၪဆၧအဂ့ၩလၧအမ့ၬယၫနီၪဆံၭ.
14 အခိးမွဲစယိအၭဒဲၦခမျၧးၥံၪ လၧအၥိၭၥုၭဘူၭအၥၭ လၧဆၧဒုၭၥုၭလၧၦစံရအၫဖိၪၥံၪ အမ့ၬယၫတၭး အ
15 ဝ့ၫၥံၪစဲၪ့ဖျိၭလၧအမ့ၬယၫလီၫ.- တၭထီးၦအၫမၧၫ့ ဖိၪဒၪဘၪလၧၦစံရအၫဖိၪၥံၪစဲၪ့ဖျိၭယူၭတၭ, အဝ့ၫၥံၪ စဲၪ့ဖျိၭဆ့လၧအဝ့ၫဒၪအထၧၫ့ဖုဝဲ စအၭဘၡဲၫအမ့ၬ ယၫတၭ, နုၬဝ့ၫလၧဒိၩ့ဖၧၩ့နီၪလီၫ. ထီးနီၪလဖၧၫ့ စယိအၭဂဲၫထီၩ့လၧယရုစလံၫ့လီၫ.
16 ထီးၦစံရအၫဖိၪၥံၪဒၪဘၪ လၧအဝ့ၫၥံၪစၪဝ့ၫလၧၦ အံၫစရ့လၭအမ့ၬယၫနီၪ, အဝ့ၫၥံၪအၪ့မၧၫ့အၥီၫ့ၥံၪ, ကိၭန့ၦစံရအၫဖိၪ လၧအအီၪလၧထံၫမိၡါဝါလခီၫနီၪး တၭစဟၭဒရံဇၧၫ အၥုၭမုခမျၧးအခိၪ စၡိဖၭနီၪလ့ၩ
17 လၧအဝ့ၫၥံၪအမ့ၬယၫလီၫ.- ဆၧလီၩဘၪစဒၫဝံၭတၭး အဝ့ၫဒၪကိၭကီၪ့ၦအံၫစရ့လၭထီးအလူၬတၭ, ခၫ့ဂၬ ယီၫဒၫ့,ဘၪခီၩ့အဝ့ၫၥံၪတၭ, တဲၩ့ဝဲၩဆၧဒုၭၥုၭထၫ့ဒၩ အဝ့ၫၥံၪလီၫ. အခိးမွဲထီးစဒၫဝံၭတဲၩ့ဝဲၩဆၧဒုၭၥုၭထၫ့ ဒၩၦစံရအၫဖိၪလဖၪတၭ, အဝ့ၫၥံၪဒုၭဝ့ၫဒၪဆ့လီၫ.
18 အ့ၪမွဲၦစံရအၫဖိၪလဖၪစဲၪ့ဖျိၭလၧအံၫစရ့လၭအမ့ၬ ယၫတၭး စဒၫဝံၭကျီၪ့ၥံၫၦစံရအၫဖိၪလဖၪဘၪဆဲၫ့လၧ လဲၪ့ၥုၭၥံၪနွ့ၫထီၫ့,ဒဲၦခၪ့ၥုၭဖိၪၥံၪလံလၬ, ဒဲမၩၥံၫၦ
19 ၥုၭမုခမျၧးအခိၪစၡိဖၭနီၪလီၫ.- ထီးစဟၭဒရံဇၧၫအ ခ့ၫအၡၩဒၪဘၪလၧအစၪဝ့ၫလၧၦအံၫစရ့လၭ အမ့ၬ ယၫနီၪ,အဝ့ၫၥံၪမၩဘၪလိၬထဲၩ့အၥၭလၧစဒၫဝံၭတၭ, ကဲၪထၪ့အဝ့ၫဒၪအခ့ၫအၡၩလီၫ. တၭၦစံရအၫဖိၪၥံၪ မၩဘိၭမၩဆၧၩ့လၧၩ့ၦအၫမၧၫ့ဖိၪၥံၪဆ့အ့ၬ.