32
1 ၦလၧအဆၧမၪဖျါယူၭ, လၧအဆၧဒဲၩဘၭဘၪဆၧ
2 ချႃၬဘံၭယူၭနီၪ, ဘၪဆိၪဂ့ၩဝ့ၫလီၫ.- ၦလၧယဟိဝၩ လအီၪက့ၪဘၪဆၧအၧၩ့လၧအလီၩ့, ဒဲအၪ့လီၫဆၧလ အီၪဘၪလၧအၥၭခံဖၧၩ့နီၪ, ဘၪဆိၪဂ့ၩဝ့ၫလီၫ.
3 ထီးယဎွံၪလဖၪကျၪခွံၬဝ့ၫ လၧယကိၭၡၭထၪ့ၥံၫ့ၥံၫ့
4 နံၩအကၠီၩ့တၭ, ယအီၪလၩ့မါပံၭလီၫ.- အဂဲးဘဲၫယီၩ လၧမုဆၫဒဲလၧမုနၩနီၪနစူၪအီၪဎၧၫ့လၧယလီၩ့လီၫ. ယဆၧၥံၫ့ဆ့ၬကဲၪထၪ့ဆၧခိအထီ အဆၧဎဲၫ့ထၬလီၫ. (စ့လၫ.)
5 ယမိဒုၭၥ့ၪယၫနၧၩလၧယဆၧဒဲၩဘၭတၭ, ယဆၧ အၧၩ့နီၪယအီၪက့ၪၥူၪအ့ၬ. ယစံၭယမိလီၩလၩ့လၬ လၩ့ယဆၧမၪ လၧယဟိဝၩနီၪတၭ, နဖျါခွံၬယဆၧ ဒဲၩဘၭလီၫ.
6 မွဲလၧဆၧနီၪအကၠီၩ့တၭ, လၧၦဒၪန့ဘၪနၧၩအ ဆၧၫ့အထီနီၪ ကယဲၦဆံၫ့ဎံၪထီးအလူၬ မိဘၩဆိၪဖၪ နၧၩကိၭဂၩဒ့ၭလီၫ. မွဲမၬ, လၧထံၫအၪလုၬဘံၭဆၧနီၪ
7 ချႃၭန့ဘၪအဝ့ၫနီၪအ့ၬ.- နဝ့ၫဒၪယီၩ နမွဲယအီၪကဒုၩ အလးလီၫ. နမိမၩဖီၩ့မၩဖျ့ၭယၧၩ လၧဆၧခိဆၧဝီၩ တၭ,နမိဒုၭအီၪဝၬဖီၩ့ယၧၩ လၧဆၧၥံၫကျံၩဘၪဆဲၫ့လၧ ဆၧမၩဖီၩ့မၩဖျ့ၭဆၧလီၫ.(စ့လၫ.)
8 ယမိၥီၪ့ထဲၩ့ၥၫ့ထဲၩ့နၧၩ, ဒဲဒုၭနဲၪနၧၩလၧဖၧၩ့ၥၭ လၧနမိဘၪဖိၬဝ့ၫလဘီၩ့နီၪလီၫ. ယမိဒုၭကိၪ့နၧၩတၭ,
9 ယမ့ၬမိအီၪလၧနလီၩ့လီၫ.- တၭအီၪက့ၪနၥံၪအၥၭ ဘဲၫကၥ့ၪ, ဘဲၫကၥ့ၪလၫလၧအနၪဆၧလၥ့ၪဘၪအၥိၭ နီၪလဂ့ၩ, ဆၧဘၪပဒၩ့အဝ့ၫၥံၪလၧနိၭထၭဒဲဖျံၩနီၪ, မိဂဲၫဘူၭဘၪခိၬလၧနအီၪအကၠီၩ့လီၫ.
10 ဆၧၥုၪ့အုၭၥၭအုၭ အီၪလၧၦလတီၩလလီၩ့ဘၪအ လီၩ့လီၫ. အ့ၪမွဲၦလၧအဒိၭနဲၩ့အၥၭလၧယဟိဝၩနီၪ
11 ဆၧယၫ့ၥုၪ့ယၫ့ၥၭမိအီၪဝၬဖီၩ့ဝ့ၫဒၪလီၫ.- ၥၭထိၬလၧ ယဟိဝၩအဖၧၩ့, ဒဲၥုၪ့ဎွံၫၥၭယီၫ, ၦအတီၩအလီၩ့ၥံၪဧ့, ဒဲကယဲၦလၧအၥၭဆုးလီၩ့ ထီးအလူၬၥံၪဧ့, ကိၭၡၭ ထၪ့လၧဆၧၥၭထိၬအကၠီၩ့ဆံၭ.