33
1 ၥုၪ့ဎွံၫၥၭယီၫလၧယဟိဝၩအဖၧၩ့, ၦအတီၩၥံၪဧ့,
2 ဂ့ၩလၧၦအတီၩအလီၩ့ စံၭထၪ့အၪ့အူၭဆၧလီၫ.- စံၭ ထၪ့အၪ့အူၭယဟိဝၩ လၧၥၫ့ထီးအလီၩ့တၭ, ၥံၫကျံၩ
3 ထၪ့အဝ့ၫ လၧနါဒံၩ့အီၪလၧဖျံၩဆံၫဘီၩ့.- တၭၥံၫကျံၩ ထၪ့အဝ့ၫလၧဆၧၥံၫကျံၩအၥၫ့, ဒံၩ့ဆၧဂ့ၩဘၪစဲၪအီၪ လၧဆၧၥၭထိၬအၥီၫဆံၭ.
4 အဂဲးဘဲၫယီၩယဟိဝၩအလူနီၪမွဲအတီၩ, ဒဲက
5 ယဲအဆၧမၩနီၪအီၪဝ့ၫလၧအမွဲအတီၩလီၫ.- မွဲအအဲၪ ဆၧတီၩဆၧလီၩ့ ဒဲဆၧစ့ၩရၫ့တီၩလီၫ. ဂၪ့ခိၪဎွ့ၩလၧ ယဟိဝၩအခိးအတၩလီၫ.
6 လၧယဟိဝၩအလူအကၠီၩ့နီၪ, မူၭခိၪကဲၪထၪ့ဝ့ၫ, ဒဲလၧအနိၭအၥၪအကၠီၩ့နီၪ, ကယဲအဎၧၩ့အဎီထီး
7 အလူၬလီၫ.- တၭမွဲအဒုၭအီၪကီၪ့မၫဆမံၭ ဘဲၫဆၧ ပိၩ့အၥိၭနီၪတၭ, အီၪက့ၪထံၫယိၬလဖၪလၧဆၧအီၪ က့ၪကီၪ့အလးဖၧၩ့နီၪလီၫ.
8 မွဲဂၪ့ခိၪထီးအလူၬၥၭမဲၪယဟိဝၩဆံၭ. ကယဲၦ အီၪဝ့ၫလၧဂၪ့ခိၪချိၫ့နီၪ, မွဲအဆၧၫ့ထုၪ့အီၪလၩ့မါပံၭလၧ
9 အဝ့ၫနီၪအကၠီၩ့ဆံၭ.- အဂဲးဘဲၫယီၩအဝ့ၫဒၪစံၭဆၧ တၭ,ဆၧကဲၪထၪ့ဝ့ၫအဝ့ၫဒၪမၪလူၬဆၧတၭ, ဆၧအီၪ
10 ခၧၫ့ဝ့ၫလီၫ.- ယဟိဝၩမၩဂၭဂီၩ့ ၦဆၨၩၥံၪအဆၧကိၪ့ လီၫ.တၭမွဲအဒုၭကဲၪထၪ့ၦခမျၧး အဆၧကိၪ့ထၪ့ဖၭ
11 လၩ့လၧဆၧနးမံၩ့အ့ၬ.- ယဟိဝၩအဆၧကၩ့ကၩဝ့ၫ အီၪဂုးအီၪခၧၫ့ အဆိၩဆိၩအကၠၪကၠၪနီၪ, ဒဲအၥၭအ ဆၧဆီၫ့မီၪ့လဖၪနီၪ လဆိၩဘၪလဆိၩထီးအလူၬလီၫ.
12 ၦလဆၨၩလၧယဟိဝၩမွဲအယွၩ, ၦခမျၧးလၧ ယွၩ ရွံန့ဝ့ၫ လၧအဆၧန့ၥၫအဂးနီၪ, ဘၪဆိၪဂ့ၩဝ့ၫလီၫ.
13 လၧမူၭခိၪနီၪယဟိဝၩ ယိလၩ့ဝ့ၫတၭ, ဒၪဘၪၦၡၩအ
14 ဖိၪခွၫၥံၪကိၭဂၩဒ့ၭလီၫ.- လၧအအီၪဝ့ၫအလးနီၪယိ
15 လၩ့ဒၪဘၪၦအီၪလၧဂၪ့ခိၪချိၫ့ထီးအလူၬလီၫ.- အဝ့ၫ ဒၪတဲၩ့လၩ့အဝ့ၫၥံၪအၥၭထီးအလူၬ, ယိနဲၪ့အဆၧမၩ
16 ထီးအလူၬလီၫ.- စဎွၩလၧအထီၩ့လၧဆၧထိးထဲၩ့ တၩ့ထဲၩ့လၧအၥုၭမုခမျၧးအၪအကၠီၩ့နီၪ အီၪဝ့ၫနးဂၩ အ့ၬ.ၦအဆီၪ့နီၪ ဖီၩ့ဖျ့ၭလၧအဂဲးဆီၪ့အဘၭဆီၪ့အကၠီၩ့
17 နီၪဆ့အ့ၬ.- တၭကၥ့ၪနီၪမွဲဆၧပျီၩပျီၩ လၧဆၧထိး ထဲၩ့တၩ့ထဲၩ့အဂးတၭ, မၩဖီၩ့မၩဖျ့ၭဆၧလၧအဂဲး
18 ဆီၪ့အဘၭဆီၪ့အကၠီၩ့နီၪၥ့ၪအ့ၬ.- ယိခွါ, ယဟိဝၩ အမ့ၬအီၪလၧၦလၧအၥၭမဲၪဝ့ၫအလီၩ့, လၧၦလၧ အယိလါအခိးအတၩ အဖၧၩ့ၥၭလဖၪနီၪအလီၩ့လီၫ.
19 မွဲဘဲၫၥိၭ အမိမၩဖီၩ့မၩဖျ့ၭ အဝ့ၫၥံၪလၧဆၧၥံၫနီၪ, ဒဲဘဲၫၥိၭအမိဒုၭမၧၫ့ဒံၭ လၧဆၧၥၭဝံလၩ့ဒိၩ အဖၧၩ့ လီၫ.
20 ပၥၭယိလါယဟိဝၩအဖၧၩ့ၥၭတၭ, အဝ့ၫဒၪမွဲ
21 ဆၧမၩဆၧၩ့ပၧၩ, ဒဲပထၩ့ဖံၭလဘံၪ့နီၪလီၫ.- အဂဲး ဘဲၫယီၩပၥၭထိၬလၧအဖၧၩ့နီၪ, အဂဲးဘဲၫယီၩ ပဒိၭ
22 နဲၩ့ပၥၭလၧအမံၩ့ဆံၫ့ဎံၪအဖၧၩ့လီၫ.- ယဟိဝၩဧ့, န့ၫဎီၩ့လၧပယိလါဆၧလၧနၧၩနီၪ, မွဲနခိးနတၩဘၪ ပၧၩဆံၭ.