31
1 ယဒိၭနဲၩ့ယၥၭလၧနၧၩ, ယဟိဝၩဧ့, မွဲယမ့ၬထီး ဘၪမဲနးဖၧၫ့လဂ့ၩ. မၩဖီၩ့မၩဖျ့ၭယၧၩ လၧနဆၧတီၩ
2 ဆၧလီၩ့အကၠီၩ့နီၪဆံၭ.- ဒိၭနနါလၧယၧၩ မၩဖီၩ့မၩ ဖျ့ၭယၧၩချဲၫ့ချဲၫ့, ကဲၪထၪ့ထိၬအလဲၫ့လၧယဂး, ဂံၪ့ဖ လ့ၬလၧယဂး, ဂံၪ့ဖလ့ၬလၧယမိဖီၩ့ဖျ့ၭအဂးနီၪဆံၭ.
3 အဂဲးဘဲၫယီၩ နမွဲယလဲၫ့, ဒဲယထိၬလီၫ. တၭနမိၥိၫ့
4 ယၧၩ,ဒဲမီၩ့န့ယၧၩ လၧနမံၩ့အကၠီၩ့လီၫ.- နမိဒုၭစဲၪ့ ထၪ့ခွံၬယၧၩ လၧဖျံၩခွၩ့အဖၧၩ့ လၧၦအီၪက့ၪၥူၪလၧ ယဂးလီၫ. အဂဲးဘဲၫယီၩ နမွဲယဂဲးယဘၭလီၫ.
5 ယအီၪက့ၪလၩ့ယၥၭ လၧနစူၪဖၧၩ့, ယဟိဝၩဆၧမွဲဆၧ
6 တီၩအယွၩဧ့, နဎွ့ၩန့ထဲၩ့ယၧၩလီၫ.- ယမ့ၬလဲၩၦ လၧအထီးန့ဆၧအၪ့လီၫ အဆၧပျီၩပျီၩနီၪ, အ့ၪမွဲယ
7 ဒိၭနဲၩ့ယၥၭလၧယဟိဝၩလီၫ.- ယမိၥုၪ့ဎွံၫၥၭယီၫဒဲ ၥုၪ့ထိၬၥၭထိၬ လၧနခိးနတၩအဖၧၩ့, နယိလၩ့ယဆၧ ၡၪ့ဆၧနၭ, နၥ့ၪယၫယၥၭလၧအဘၪခိဘၪဝီၩအဖၧၩ့,
8 တၭနဒုၭထၬယၧၩ လၧယဒုၪယဒၩအစူၪဖၧၩ့အ့ၬ, န ဒုၭဆၧၫ့ထုၪ့ယခၪ့ လၧအလးဖၭလဲအဖၧၩ့လီၫ.
9 ယၫ့ၥုၪ့ယၫ့ၥၭယၧၩဆံၭ, ယဟိဝၩဧ့,အဂဲးဘဲၫယီၩ ယဘၪဆၧခိဆၧဝီၩလီၫ. ယမ့ၬၥၪဒဲယၥၭ, ဒဲယဂူၭဂၭ
10 ဂီၩ့လၧဆၧၥုၪ့အုၭၥၭအုၭ အကၠီၩ့လီၫ.- အဂဲးဘဲၫယီၩ ယၥၭမၧၫ့လူၬဝ့ၫလၧဆၧၥုၪ့အုၭၥၭအုၭ, ဒဲယနံၪ့လဖၪ နီၪလၧဆၧဂၪ့အုၩ့ဂၪ့ထိၬအဖၧၩ့တၭ, ယဂဲးယဘၭ လၩ့ဆါထဲၩ့ဝ့ၫလၧယဆၧဒဲၩဘၭအကၠီၩ့တၭ, ယဎွံၪ
11 ၥံၪဂၭဂီၩ့လီၫ.- ယကဲၪထၪ့ဆၧဒုၪဒွ့ၪအလးလၧယဒုၪ ယဒၩထီးအလူၬအကျၩ, ဒဲၦအီၪလၧယနဲၩ့ထံၭနီၪနၭ နဲၪ့ဒံၭလီၫ. ဒဲဆၧၥၭမဲၪအလးလၧၦၡၩလၧအၥ့ၪယၫ ယၧၩလဖၪလၧအမ့ၬယၫလီၫ. တၭၦလဖၪလၧအဒၪဘၪ
12 ယၧၩလၧခီၫနီၪစဲၪ့ခွံၬလၧယအီၪလီၫ.- တၭဆၧၥၭနၪ့ ယၧၩ, ဘဲၫၦၥံၫလၧအလအီၪဘၪလၧ ၦၥၭခံဖၧၩ့အၥိၭ နီၪလီၫ. ယမၩယၥၭဘဲၫထွ့ၫထ့ဖၭ လဘံၪ့အၥိၭနီၪ
13 လီၫ.- အဂဲးဘဲၫယီၩ ယနါဂၧၫ့ၦအၪဂၩ အဆၧဒုၪဒွ့ၪ နီၪ, လၧအကိၪ့လိၬအၥၭလစီၪ့ဎးထၫ့ဒုၪဒၩယၧၩနီၪ, ဆၧၥၭမဲၪၥၭဖျဲၩ့အီၪဝၬဖီၩ့ဝ့ၫလီၫ. တၭအဝ့ၫၥံၪကိၪ့ ထၪ့ဝ့ၫဘဲၫၥိၭအမိမၩၥံၫယၧၩလီၫ.
14 တၭယဝ့ၫဒၪယီၩ, ယဒိၭနဲၩ့ယၥၭလၧနၧၩ, ယဟိ
15 ဝၩဧ့, ယစံၭ,နဝ့ၫဒၪယီၩနမွဲယယွၩလီၫ.- ယဆၧၫ့ယ ထီလဖၪအီၪဝ့ၫလၧနစူၪဖၧၩ့လီၫ. မၩဖီၩ့မၩဖျ့ၭယၧၩ လၧယဒုၪယဒၩအစူၪဖၧၩ့, ဒဲလၧၦလၧအမၩအၧၩ့
16 ယၧၩဆံၭ.- ဒုၭဖၩ့ဘၪနမ့ၬ လၧနခ့ၫနၡၩလဂၩယီၩ အလီၩ့ဆံၭ, တၭလၧနခိးနတၩ အကၠီၩ့နီၪ ထိးထဲၩ့
17 တၩ့ထဲၩ့ယၧၩဆံၭ.- မွဲယထီးဘၪဆၧမ့ၬမဲလဂ့ၩ. ယ ဟိဝၩဧ့, အဂဲးဘဲၫယီၩ ယကိၭထၪ့နၧၩလီၫ. မွဲၦလ တီၩလလီၩ့ဘၪနီၪဘၪဆၧမ့ၬမဲဆံၭ. မွဲအအီၪလၩ့မါ
18 ပံၭလၧဖျႃဖၧၩ့နီၪဆံၭ.- ၦအဘျံၭအဘျၪ အနိၭဖျံၩ လၧအချဲၩ့ဆၧကၪထၫ့ဒုၪဒၩ ၦတီၩၦလီၩ့တၭ, အီၪ က့ၪထၪ့ထီၫအၥၭတၭ, မၩကြၩ့ထမးဆၧနီၪ, မွဲဆၧဒုၭ အီၪလၩ့မါပံၭဝ့ၫဆံၭ.
19 နဆၧဂ့ၩဆၧဘွၩလၧနအီၪက့ၪကီၪ့ လၧၦလၧအၥၭ မဲၪနၧၩအဂး, လၧနမၩဝဲၩလၧၦလၧအဒိၭနဲၩ့အၥၭ လၧနၧၩအဂး, လၧၦၡၩအဖိၪခွၫၥံၪအမ့ၬယၫနီၪ, မွဲ အဆံၭဒိၪဆံၭအၪလဲၪ.
20 နမိအီၪက့ၪၥူၪၦလဖၪနီၪလၧနမ့ၬယၫ အဆၧအီၪ ကဒုၩအလး, ဖီၩ့ခွံၬဝ့ၫလၧၦၡၩအမၩအၧၩ့ဆၧလီၫ. နမိခိၭထၬၥူၪအဝ့ၫၥံၪ လၧတဲၩဖၧၩ့ဖီၩ့ခွံၬ လၧၦနိၭ အဲၪ့လိၬဆိၭချဲၩ့လိၬနီၪလီၫ.
21 မွဲယဟိဝၩဘၪဆၧစံၭထၪ့အၪ့အူၭဝ့ၫဆံၭ, အဂဲး ဘဲၫယီၩ မွဲအမၩယၧၩ လၧအခိးအတၩ လၩ့လၭဝ့ၫ
22 ဎဘဲၫၭလၧဒိၩ့အီၪလၧအခိၪဒၧၩ့ခၧၫ့အၥိၭလီၫ.- မွဲလါ နၫ့တၭလၧယစဲၪ့ဖျိၭချဲၫ့ချဲၫ့နီၪယစံၭ, ယဘၪဆၧဒၪ့ ထ့ၬခွံၬလၧနမ့ၬယၫလီၫ. အ့ၪမွဲထီးယကိၭၡၭထၪ့လၧ နၧၩနီၪ,နခိၭနၪယအၪ့ယၫဆၧအလူလီၫ.
23 ယဟိဝၩအၡၩဆံၫ့ဎံၪထီးအလူၬၥံၪဧ့, အဲၪယဟိ ဝၩဆံၭ, ယဟိဝၩပၧၩ့ၦအလူတီၩတၭ, ၦလၧအအီၪ က့ၪထၪ့ထီၫအၥၭနီၪ ဖ့ၪဆၧၫ့ထဲၩ့ဝ့ၫအဆၧအၪမၬလ
24 ခီၫလီၫ.- ကယဲၦလၧအယိလါ ဆၧလၧယဟိဝၩ ထီး အလူၬၥံၪဧ့, အီၪက့ၪဆီၪ့နၥံၪအဂဲးအဘၭတၭ, မၩဒူၩ နၥံၪအၥၭဆံၭ.