148
1 နၥံၪဝ့ၫဧ့, စံၭထၪ့အၪ့အူၭယွၩဆံၭ. ဆၧအီၪလၧမူၭ ခိၪၥံၪဧ့, စံၭထၪ့အၪ့အူၭယဟိဝၩဆံၭ. ဆၧအီၪလၧ
2 ဆၧထၪ့ထီၫၥံၪဧ့, စံၭထၪ့အၪ့အူၭအဝ့ၫဒၪဆံၭ.- အၥီၫ့ ထီးအလူၬၥံၪဧ့, စံၭထၪ့အၪ့အူၭအဝ့ၫဒၪဆံၭ. အၥုၭ မုခမျၧးထီးအလူၬၥံၪဧ့, စံၭထၪ့အၪ့အူၭအဝ့ၫဒၪဆံၭ.
3 မုဒဲလၩၥံၪဧ့, စံၭထၪ့အၪ့အူၭအဝ့ၫဒၪဆံၭ. ဆၧဖၩ့အ
4 ၡၪထီးအလူၬၥံၪဧ့, စံၭထၪ့အၪ့အူၭအဝ့ၫဒၪဆံၭ.- မူၭ ခိၪအထီၫထုၬ, ဒဲထံၫၥံၪလၧမူၭခိၪအဖၫ့ခိၪဧ့, စံၭထၪ့
5 အၪ့အူၭအဝ့ၫဒၪဆံၭ.- မွဲအဝ့ၫၥံၪစံၭထၪ့အၪ့အူၭယ ဟိဝၩအမံၩ့ဆံၭး အဂဲးဘဲၫယီၩ အဝ့ၫဒၪမၪလူၬဆၧ
6 တၭ,အဝ့ၫၥံၪကဲၪထၪ့ဝ့ၫလီၫ.- တၭအဝ့ၫဒၪမၩဂုးမၩ ခၧၫ့အဝ့ၫၥံၪ လၩ့ဆိၩလၩ့ကၠၪး အီၪက့ၪလၩ့အဆၧၫ့ လၧအမိခၫ့ဖၬဘၪအ့ၬ.
7 မွဲအစံၭထၪ့အၪ့အူၭယဟိဝၩ လၧဂၪ့ခိၪဆံၭး မၫဆ
8 မံၭအၡီၩ့ၥံၪ, ဒဲကယဲထံၫယိၬဖၧၩ့,- မ့ၪဒဲမုၥၪ, မူၭခိၪ ဖီၫ,ဒဲဆၩ့ခူၪ, လံၩမုလၧအမၩထီးဒၪအဆၧမၪလူၬး
9 ခိၪလီၩ့ထိၩ့ချိၬ, ဒဲကယဲဆၧစီၩ့ခိၪး ၥံၪ့လၧအၥၪထၪ့း ဒဲ
10 ကယဲၥံၪ့ၡိၫအ့ရ့ၭ,- ဆၧဖိၪဆၧဎါအမံၩ့, ဒဲဆၧဖိၪဆၧ ဎါအဒိၩ့, ဆၧလၧအစွၩၥံၪ, ဒဲထိၪၥံၪလၧအယူၩဝ့ၫ,
11 ဂၪ့ခိၪအစဎွၩၥံၪ, ဒဲၦဆၨၩထီးအလူၬၥံၪ, ၦဒိၪဖၭဒိၪ,
12 ဒဲဂၪ့ခိၪအၡၩစ့ၩရၫ့ခွးထီးအလူၬ,- ၦဖိၪၥၪခွၫၥံၪဒဲၦ
13 မုၪနၩ့ၥံၪ,ၦၥၭၡါၥံၪ, ဒဲၦဖိၪၥၪၥံၪ,- မွဲအစံၭထၪ့အၪ့ အူၭယဟိဝၩအမံၩ့ဆံၭ. အဂဲးဘဲၫယီၩ ဆၧအီၪက့ၪ ထၪ့ထီၫဝ့ၫအမံၩ့, န့ၫအဝ့ၫဒၪအမံၩ့အၥၪတၭး အလၩ အဖၩ့အီၪဝ့ၫလၧမူၭခိၪ ဒဲဂၪ့ခိၪအဖၫ့ခိၪလီၫ.
14 တၭမွဲအအီၪက့ၪထၪ့အၡၩခမျၧးအနိၩ့ လၧဆၧထၪ့ ထီၫ, အၡၩဆံၫ့ဎံၪၥံၪ ထီးအလူၬ အဆၧစံၭထၪ့အၪ့ အူၭးၦအံၫစရ့လၭဖိၪ, ၦလဆၨၩအီၪဘူၭလၧအဝ့ၫ နီၪလီၫ. နၥံၪဝ့ၫဧ့, စံၭထၪ့အၪ့အူၭယွၩဆံၭ.