149
1 နၥံၪဝ့ၫဧ့,စံၭထၪ့အၪ့အူၭယွၩဆံၭ. ၥံၫကျံၩထၪ့ယ ဟိဝၩလၧထၭခိၪအၥၫ့, ဒဲအဆၧစံၭထၪ့အၪ့အူၭလၧ
2 အၡၩဆံၫ့ဎံၪအဆၧအီၪကီၪ့အကျၩနီၪဆံၭ.- မွဲအံၫစ ရ့လၭၥၭထိၬ လၧၦတဲၩ့လၩ့အဝ့ၫအဖၧၩ့ဆံၭ. မွဲၦဇံ အိၫ့အဖိၪၥံၪအၥုၪ့ဎွံၫၥၭယီၫ လၧအစဎွၩအဖၧၩ့ဆံၭ.
3 မွဲအစံၭထၪ့အၪ့အူၭအမံၩ့ လၧဆၧဂဲထုၪ့လံအဖၧၩ့ ဆံၭ.မွဲအၥံၫကျံၩစံၭထၪ့အၪ့အူၭအဝ့ၫနီၪ လၧဒိၩ့ဒဲ
4 နါဒံၩ့ဆံၭ.- အဂဲးဘဲၫယီၩယဟိဝၩမုၬလၩအၥၭ လၧ အၡၩခမျၧးတၭး အဝ့ၫဒၪမိမၩဎံၫမၩလၩ ၦအၥုၪ့ ဆၧၩ့အၥၭဆၧၩ့ လၧဆၧထိးထဲၩ့တၩ့ထဲၩ့လီၫ.
5 မွဲၦဆံၫ့ဎံၪၥံၪၥုၪ့ထိၬၥၭထိၬ လၧဆၧလၩဖၩ့အကျၩ ဆံၭ. မွဲအဝ့ၫၥံၪၥံၫကျံၩထၪ့ ဆၧလၧအလးမံၫခိၪနီၪ
6 ဆံၭ.- မွဲယွၩအဆၧစံၭထၪ့အၪ့အူၭ အီၪလၧအနိၭဖၧၩ့ တၭ, အနၭလၧအအဲၪ့နံၫခီၫလူၬ အီၪလၧအဝ့ၫၥံၪအ
7 စူၪဖၧၩ့ဆံၭ.- ဘဲၫၥိၭအမိဖ့ၪဆၧၫ့ထဲၩ့ဆၧအၧၩ့လၧၦ
8 ဆၨၩၥံၪ,ဒဲဖ့ၪလၫ့ဆၧၡၪ့ဆၧနၭ လၧၦခမျၧး,- ဘဲၫၥိၭ အမိစၧၩ့ထၬအစဎွၩလၧၥွ့ၫထၭ, ဒဲအၦဒိၪဖၭဒိၪလၧ
9 ဖျံၩထၭ,- ဘဲၫၥိၭအမိမၩဆၧစ့ၩရၫ့ကွ့ၭအၥၭလၧအ ဂးလီၫ. အခိးမွဲဆၧလၩဖၩ့ လၧအၡၩဆံၫ့ဎံၪထီးအ လူၬအဂးလီၫ. နၥံၪဝ့ၫဧ့,စံၭထၪ့အၪ့အူၭယွၩဆံၭ.