147
1 နၥံၪဝ့ၫဧ့, စံၭထၪ့အၪ့အူၭယွၩဆံၭ.အဂဲးဘဲၫယီၩ ၥံၫကျံၩစံၭထၪ့အၪ့အူၭပယွၩနီၪ, မွဲဆၧအဂ့ၩ အဂဲး ဘဲၫယီၩမွဲဆၧအမုၬ, ဆၧစံၭထၪ့အၪ့အူၭနီၪ, မွဲအဂ့ၩ အဘၪလီၫ.
2 ယဟိဝၩမၩကဲၪထၪ့ထဲၩ့ဒိၩ့ယရုစလံၫ့, ဒုၭအီၪကိၩ့ အီၪကီၪ့အံၫစရ့လၭအၡၩ လၧအဘၪဆၧနၫ့ထၪ့ခွံၬဝ့ၫ
3 လီၫ.- မၩဘျၪထဲၩ့ၦအၥုၪ့ခါအၥၭလၩ့တၭ, ဘီၪ့ထၪ့
4 အဖၧၩ့လးၥံၪလီၫ.- အဝ့ၫဒၪဝံထၪ့နၬထၪ့ၡၪၥံၪအဆၧ
5 ဝံဆၧနၬတၭ, ကိၭဝ့ၫအမံၩ့ထီးအလူၬလီၫ.- ပကဆါ နီၪမွဲအဒိၪတၭ, အစီၩ့အမၩ့ဒိၪမၬလီၫ. တၭအၥုၪ့ဖၭ
6 အၥၭဖၭနီၪၦဝံထၪ့နၬထၪ့ၥ့ၪအ့ၬ.- ၦလၧအဆၪ့လၩ့ အၥၭလဖၪနီၪယဟိဝၩဘိၭထၪ့ဝ့ၫ အ့ၪမွဲၦလတီၩလ လီၩ့ဘၪနီၪမၩလၩ့ထံၩဖါဝ့ၫထီၩ့လၧဂၪ့ခိၪလီၫ.
7 တၭစံၭဆၧၫ့ယဟိဝၩ အီၪလၧဆၧစံၭထၪ့အၪ့အူၭ ဆံၭ.ၥံၫကျံၩစံၭထၪ့အၪ့အူၭပယွၩ လၧနါဒံၩ့ဆံၭ.
8 အဝ့ၫနီၪလုၬဘံၭမူၭဖိၭဖၫ့ လၧဆၧအုၪ့တၭ,တဲၩ့ဝဲၩ
9 ဆၧဆၧၩ့လၧဂၪ့ခိၪအဂးတၭး- ဒုၭမဲၪထၪ့နၪ့ၥံၪမံၩ့ ၥံၪလၧခိၪလီၩ့အလီၩ့လီၫ. ဖ့ၪလၫ့ဆၧအၪ့ဆၧအီၩ လၧဆၧဖိၪဆၧဎါ, ဒဲလၧကျၭဖိၪလၧအကိၭထၪ့ဆၧ
10 လီၫ.- လဘၪဘၪအၥၭလၧကၥ့ၪအဂဲးအဘၭနီၪ, အဲၪ
11 ဒိၭၦၡၩအခၪ့ဆ့အ့ၬ.- ယဟိဝၩမုၬလၩအၥၭလၧၦ လၧအၥၭမဲၪအဝ့ၫ, ၦလၧအယိလါအခိးအတၩအ ဖၧၩ့ၥၭလီၫ.
12 ယရုစလံၫ့ဧ့, ၥံၫကျံၩထၪ့ယဟိဝၩဆံၭ. ဇံအိၫ့ဧ့,
13 စံၭထၪ့အၪ့အူၭနယွၩဆံၭ.- အဂဲးဘဲၫယီၩ မွဲအမၩဆီၪ့ ယူၭနတရၫ့အနိၪဘီၩ့လဖၪတၭ, ဆိၪဂ့ၩယူၭနဖိၪန
14 လံၩအီၪလၧနဖၧၩ့လီၫ.- အဝ့ၫဒၪအီၪက့ၪလၩ့ဆၧဘၪ လိၬအိၭလိၬလၧနခးအနဲၩ့ထံၭ, ဒုၭဘျဲၩအၪ့နၧၩလၧ
15 ဘုၪကၠိၩ့အဂ့ၩလီၫ.- ဖ့ၪယုအဆၧမၪလူၬလ့ၩဆၧလၧ
16 ဂၪ့ခိၪချိၫ့, အဆၧချဲၩ့စဲၪ့တလဲးဝ့ၫချဲၫ့မၬလီၫ.- ဖ့ၪလၫ့ မူၭခိၪဖီၫဘဲၫၥိၪဆီၪ့အၥိၭ, ဎွံၪပၩဆၩ့ထံၫလၩ့ဒၭဘဲၫ
17 ဖံၫ့ချၪအၥိၭနီၪလီၫ.- ခွံၬလၩ့ခွံၬအထံၫလိးဘဲၫဆၧလ ကုၭလကုၭအၥိၭတၭ, မွဲပလၫဆၧၫ့ထုၪ့လၧအဆၧဂီး
18 အမ့ၬယၫမိၥ့ၪလဂၩလဲၪ.- အဝ့ၫဒၪဖျါလၩ့အလူတၭ မၩဖံထၪ့အဝ့ၫၥံၪ, ဒုၭအူၪအလံၩတၭ, ထံၫၥံၪယွၩ
19 လၩ့ဝ့ၫလီၫ.- အဝ့ၫဒၪဒုၭနဲၪအလူလၧစယၫကူၭ, အ ဆၧမၪလူၬၥံၪ, ဒဲအဆၧစ့ၩရၫ့ၥံၪ လၧအံၫစရ့လၭနီၪ လီၫ.
20 အဝ့ၫဒၪမၩဆၧဘဲၫနီၪၥိၭ လၧၦအဆၨၩၥံၪနးဆၨၩ အ့ၬ.တၭအဆၧစ့ၩရၫ့လဖၪနီၪ အဝ့ၫၥံၪၥ့ၪယၫဝ့ၫအ့ၬ. နၥံၪဝ့ၫဧ့, စံၭထၪ့အၪ့အူၭယွၩဆံၭ.