1 စံၭထၪ့အၪ့အူၭယဟိဝၩ, ကိၭထၪ့အမံၩ့းဒုၭၥ့ၪယၫ 2 ၦခမျၧးၥံၪလၧအမၩဆၧနီၪဆံၭ.- ၥံၫကျံၩထၪ့အဝ့ၫ ဒၪတၭ,ၥံၫကျံၩအၪ့အူၭထၪ့အဝ့ၫတၭ, လီၩဘၪလိၬန 3 ၥံၪအၥၭလၧအဆၧမၩလၩ့လၭထီးအလူၬအဂဲး,- အီၪ က့ၪဖိၫလိၫနၥံၪအၥၭလၧအမံၩ့ဆံၫ့ဎံၪအဖၧၩ့ဆံၭ. ၦ လၧအအၪ့ဎၬယဟိဝၩလဖၪနီၪ, မွဲအၥုၪ့ထိၬၥၭထိၬ 4 လၧအၥၭခံဖၧၩ့ဆံၭ.- အၪ့ဎၬယဟိဝၩဒဲအဂဲးအဘၭ 5 တၭ,အၪ့ဎၬအမ့ၬထံၪဎးဘီၩ့ဎးဆံၭ.- နၪ့ထၪ့ထဲၩ့ ဆၧလၩ့လၭ လၧအမၩယူၭဝ့ၫလဖၪနီၪ, အဆၧလၩ့ 6 လၭဒဲအဆၧစ့ၩရၫ့လၧအနိၭနီၪဆံၭ.- အခ့ၫအၡၩ စအၫဘြဟၫ့ အချံၫအၥၪၥံၪဧ့, ၦလၧအရွံန့ဝ့ၫစယၫ 7 ကူၭ အဖိၪအလံၩၥံၪဧ့,- အဝ့ၫဒၪယဟိဝၩမွဲပယွၩ, အဆၧစ့ၩရၫ့လဖၪအီၪဝ့ၫ လၧဂၪ့ခိၪထၧၫ့ဖျိၪ့ယၫလီၫ.

8 တၭအဝ့ၫဒၪနၪ့ထၪ့ထဲၩ့ ဆၧအုၩ့လၩ့အဆိၩအကၠၪ, 9 ဆၧချဲၩ့လၧအမၪလူၬ ၦအဆိၩအထီၫ့ၥံၪလီၫ.- ဆၧ လၧအအုၩ့လၩ့ စအၫဘြဟၫ့, ဒဲအဆိၪလၩ့အၥၭလၧ 10 စအံစၭနီၪ.- ဒဲအီၪက့ၪဂုးဝ့ၫ လၧဆၧၥီၪ့ဆၧၥၫ့လၧစ ယၫကူၭအဂး, ဒဲအံၫစရ့လၭ လၧဆၧအုၩ့လၩ့အဆိၩ 11 အကၠၪအဂးလီၫ.- စံၭဝ့ၫဒၪ, ယမိဖ့ၪလၫ့နၧၩလၧခး 12 ကၫနအၫ့,ဆၧဖၭန့လမံၩ့လၧနၥံၪန့ၥၫဆၧလီၫ.- လၧအ ဝ့ၫၥံၪအီၪၡၩဂၩနီၪတၭ, မွဲယူၭ,ၦၡၩဂၩ,ဒဲမွဲၦမွံၩလၧ 13 အဖၧၩ့ဆ့လီၫ.- အဝ့ၫၥံၪလ့ၩဆၧလၧၦလဆၨၩထီၩ့ လၧၦလဆၨၩ, လၧလခီၫဘၩ့မုးထီၩ့လၧၦခမျၧးအဂူၫ 14 ဂၩအအီၪလီၫ.- အဝ့ၫဒၪဖ့ၪလၫ့ၦမၩၡၪ့မၩနၭအဝ့ၫ ၥံၪနးဂၩအ့ၬ. တၭမွဲအအၪ့ၥီၪ့စဎွၩၥံၪလၧအဝ့ၫၥံၪအ 15 ကၠီၩ့တၭဎစံၭဝ့ၫဒၪ,ၭ- ထီးထိၭယၡၩဂုၪအၥၭလဂ့ၩ, ဒဲမၩအၧၩ့ယမီၪၥံၪလဂ့ၩ.

16 တၭအဝ့ၫဒၪကိၭန့ဆၧၥၭဝံလၩ့ဒိၩ လၧခးအဖၫ့ခိၪ, 17 မၩခါကိၪအနိၪထိၭ ထီးအလူၬလီၫ.- အဝ့ၫအၪ့မၧၫ့ လၩ့ၦလဂၩလၧအဝ့ၫၥံၪအမ့ၬယၫ, စယိၥၭလဂၩလၧ 18 အဘၪဆၧအၪ့ဆၫခွံၬဝ့ၫလၧဎီးအဂးလီၫ.- ၦမၩဆၫ အခၪ့လၧၥွ့ၫထၭတၭ, မၩၡၪ့မၩနၭဝ့ၫ လၧထၭအ 19 ဖၧၩ့,- ထီးအဆၧၫ့အထီလၧအချဲၩ့ဆၧနီၪ ထီၩ့ဝ့ၫဒၪ တၭးယဟိဝၩ အဆၧချဲၩ့နီၪ မၩဖီၩ့ဖျ့ၭယူၭ အဝ့ၫ 20 ယူၭ.- တၭစဎွၩအၪ့မၧၫ့လၩ့ဆၧမၩဖျ့ၭထၪ့ဝ့ၫ, ၦလၧ 21 အပၧၩ့ၦခမျၧးလဂၩနီၪဖျါခွံၬအဝ့ၫလီၫ.- တၭအီၪက့ၪ ဝ့ၫလၧအဂံၪ့အကဆါ, ဒဲၦပၧၩ့အဆၧဖိၪဆၧလံၩထီး 22 အလူၬ,- ဘဲၫၥိၭအမိစၧၩ့ထၬအၦဒိၪဖၭဒိၪလဖၪထီး ဒၪအၥၭ, ဒဲၥီၪ့လိၪအၡၩၥုၪ့က့ၭၥၭၡါ လၧဆၧကိၪ့ၥ့ၪ 23 လီၫ.- အံၫစရ့လၭဂဲၫနုၬ လၧအံဇံၭအဖၧၩ့တၭ, စယၫ 24 ကူၭအီၪၦမွံၩ လၧစဟၫ့အခးဖၧၩ့လီၫ.- အဝ့ၫဒၪဒုၭ အၪထၪ့အၡၩခမျၧးအၪအၪလ့ၬတၭ, ဒုၭဆီၪ့ထၪ့အ 25 ဝ့ၫၥံၪအၪနဲၪ့အဒုၪအဒၩဒံၭလီၫ.- တၭဘိၭကၠၪၦလဖၪ အၥၭထီးအဝ့ၫၥံၪမ့ၬလဲၩအၡၩခမျၧး, ဒဲမၩအခ့ၫအ ၡၩလၧဆၧအၪ့လီၫလီၫ.

26 အဝ့ၫဒၪအၪ့မၧၫ့အခ့ၫအၡၩစမိစ့ၭ, ဒဲစအၫရၧၫ့လၧ 27 အရွံန့ဝ့ၫနီၪလီၫ.- အဝ့ၫၥံၪအီၪက့ၪဆၧမၩနဲၪ့လၩ့လၭ ဒဲဆၧလၩ့လၭလၧအဝ့ၫၥံၪ အကျၩထီးအလူၬလၧစဟၫ့ 28 အခးဖၧၩ့နီၪလီၫ.- အဝ့ၫဒၪအၪ့မၧၫ့လၩ့ဆၧခံၭ, ဆၧ 29 ခံၭလၩ့ဝ့ၫတၭ, အဝ့ၫၥံၪပိၩ့ထၪ့အလူဆ့အ့ၬ.- အၪ့မၧၫ့ အထံၫၥံၪကဲၪထၪ့ဆၧၥွံၪတၭ, မၩၥံၫအဒ့ၪၥံၪယၪၥံၪ 30 လီၫ.- အဝ့ၫၥံၪအထံၫအခးနီၪ ဖၭထၪ့န့ဒ့ၪလဖၪအၪ 31 အၪလ့ၬလၧအစဎွၩအဒူၭဖၧၩ့လီၫ.- အဝ့ၫဒၪချဲၩ့ဆၧ တၭ,ဒူၩလၫဂဲၫထၪ့, ဒဲဆၧဎါအီၪထၪ့ ထၧၫ့ခးယၫ 32 လီၫ.- အဝ့ၫဒၪဖ့ၪလၫ့မုၥၪလၧအဆၧဆၧၩ့အဂး, ဒဲမ့ၪ 33 လၪလၧအခးဖၧၩ့လီၫ.- ဒဲအမၩဂၭဂီၩ့ အဝ့ၫၥံၪအစ ဘံၭမုလဖၪ, ဒဲအချိၪ့ဒိၩ့,ဒဲမၩခါလၩ့အၥံၪ့ၥံၪလၧအ 34 နဲၩ့ထံၭလဖၪလီၫ.- အဝ့ၫဒၪချဲၩ့ဆၧတၭ, ထွ့အၪဘၫ ၥံၪဂဲၫထၪ့, ဒဲထွ့ယ့ၫလ့ၬနီၪတၭ, ဆၧဝံထၪ့နၬထၪ့ၥ့ၪ 35 အ့ၬ.- တၭအဝ့ၫၥံၪအၪ့နၪ့ၥံၪမံၩ့ၥံၪ လၧအခးဖၧၩ့ထီးအ 36 လူၬတၭ,အၪ့ဝ့ၫအဂၪ့ခိၪအဆၧၥၪဆ့လီၫ.- တၭအဝ့ၫ ဒၪကျီၪ့ခွံၬဝ့ၫ အဖိၪဝဲၡါထီးအလူၬ လၧအဝ့ၫၥံၪအခး 37 ဖၧၩ့အဆၧဂဲးဆၧဘၭ ထီးအလူၬအခိၪလီၫ.- အဝ့ၫ ၥိၫ့ထၪ့ခွံၬအၡၩခမျၧးလၧကျိၪၥံၪ စ့ၩၥံၪ ဒဲထီၫ့ၥံၪလွ့ၫ ၥံၪ,ၦလၧအဂဲးဆါအီၪ လၧအဒီၪ့ၥံၪအကျၩနးဂၩအ့ၬ. 38 ထီးအဝ့ၫၥံၪ စဲၪ့ထၪ့ခွံၬတၭ, ၦအံဇံၭဖိၪ ၥၭထိၬဝ့ၫ လီၫ.အဂဲးဘဲၫယီၩ မွဲဆၧၥၭမဲၪအဝ့ၫၥံၪလၩ့ဘၪလၧ 39 အလီၩ့လီၫ.- အဝ့ၫဒၪဒၩလၩ့ဆၧအုၪ့နီၪ လၧဆၧချႃၬ ဘံၭအဂး, ဒဲမ့ၪလၧမုနၩလခီၫ ဘဲၫၥိၭအမိဖၩ့ထၪ့ဝ့ၫ 40 လီၫ.- ၦအၪ့ကံၩ့ဝ့ၫတၭ, အဝ့ၫဒၪဒုၭဂဲၫထိၪဝံၪၥံၪတၭ, 41 ဒုၭဘျဲၩအၪ့အဝ့ၫၥံၪ လၧမူၭခိၪအကိၪလီၫ.- အိၭထၪ့ လိးၥံၪလဲၫ့ၥံၪတၭ, ထံၫဖျိၭထၪ့ယွၩလၩ့ဝ့ၫ ဘဲၫထံၫချိၬ 42 အၥိၭလၧဆၧအလး ဎဲၫ့ထၬအဖၧၩ့နီၪလီၫ.- အဂဲး ဘဲၫယီၩအဝ့ၫဒၪနၪ့ထၪ့ထဲၩ့ အဆၧချဲၩ့ဝဲၩဆံၫ့ဎံၪလၧ 43 အခ့ၫအၡၩစအၫဘြဟၫ့း- တၭၥိၫ့ထၪ့ခွံၬအၡၩခမျၧး လၧၥုၪ့ဎွံၫၥၭယီၫ, အၡၩရွံန့ဖိၪ လၧၥုၪ့ထိၬၥၭထိၬ 44 လီၫ.- တၭဖ့ၪလၫ့အဝ့ၫၥံၪ လၧၦဆၨၩလဖၪအထံၫအ 45 ခးတၭ,န့ၥၫဆၧလၧၦခမျၧးအမၩဆၧနီၪ,- ဘဲၫၥိၭ အမိထီးန့အဆၧမၪလူၬ, ဒဲထီးန့ဖံၭထၬအဆၧၥီၪ့ဆၧ ၥၫ့လီၫ. နၥံၪဝ့ၫဧ့, စံၭထၪ့အၪ့အူၭယွၩဆံၭ.