1 စံၭထၪ့အၪ့အူၭယွၩဆံၭ. စံၭထၪ့အၪ့အူၭယဟိဝၩ ဆံၭ. အဂဲးဘဲၫယီၩအဝ့ၫဒၪဂ့ၩဝ့ၫလီၫ. အဂဲးဘဲၫယီၩ 2 အခိးအတၩအီၪဝ့ၫလၩ့ဆိၩလၩ့ကၠၪလီၫ.- မွဲပလၫမိ လီၩလၩ့လၬလၩ့ ယဟိဝၩအဆၧမၩလၧအဒိၪလဖၪ နီၪလဂၩလဲၪး မွဲပလၫမိဒုၭနါဂၧၫ့ အဆၧစံၭထၪ့အၪ့ 3 အူၭထီးအလူၬလဂၩလဲၪ.- တၭၦလၧအထီးန့အဆၧ စ့ၩရၫ့, ၦလၧအမၩဆၧတီၩဆၧလီၩ့ကိၭအဆၧၫ့အထီ 4 ဒ့ၭနီၪဘၪဆိၪဂ့ၩဝ့ၫလီၫ.- နၪ့ထၪ့ထဲၩ့ယၧၩလၧဆၧ ဘၪနၥၭလၧနၡၩခမျၧး, ယဟိဝၩဧ့, အီၪၡီၩ့ယၧၩလၧ 5 နဆၧထိးထဲၩ့တၩ့ထဲၩ့,- ဘဲၫၥိၭယမိဒၪဘၪနၡၩရွံန့ ၥံၪအဆၧဂ့ၩ, ဘဲၫၥိၭယမိၥၭထိၬ လၧနၡၩလဆၨၩအ ဆၧၥၭထိၬ, ဘဲၫၥိၭယမိၥုၪ့ဎွံၫၥၭယီၫလၧနဆၧန့ၥၫနီၪ 6 ဆံၭ.- ပမၩယူၭဆၧဒဲၩဘၭဘဲၫပဖါၥံၪအၥိၭ, ပမၩမၪ 7 ယူၭ,ပမၩယူၭဆၧလတီၩလလီၩ့ဘၪယူၭ.- ပဖါၥံၪ လယိဆီၫ့မီၪ့ဘၪနဆၧလၩ့လၭ လၧအံဇံၭအဖၧၩ့တၭ, နခိးနတၩအၪအၪလ့ၬနီၪ, အဝ့ၫၥံၪနၪ့ထၪ့ထဲၩ့ဆ့အ့ၬ. တၭအဝ့ၫၥံၪပိၩ့ထၪ့ဆၧလၧမၫဆမံၭနဲၩ့ထံၭ, ထီးမၫ 8 ဆမံၭဝီၩအနဲၩ့ထံၭနီၪလီၫ.- အ့ၪမွဲအဝ့ၫဒၪ မၩဖီၩ့ မၩဖျ့ၭအဝ့ၫၥံၪ လၧအမံၩ့အကၠီၩ့ ဘဲၫၥိၭအမိဒုၭၥ့ၪ 9 ယၫဝ့ၫလၧအစီၩ့ဒိၪအမၩ့ဒိၪလီၫ.- အဝ့ၫဒၪအၪ့ၥီၪ့ မၫဆမံၭဝီၩတၭ, လၩ့ၥံၭခွံၬဝ့ၫလီၫ. တၭအဝ့ၫဒၪဒုၭ လ့ၩအဝ့ၫၥံၪလၧထံၫယိၬဖၧၩ့ ဘဲၫလၧမံၩ့လၬကျၩအ 10 ၥိၭနီၪလီၫ.- မၩဖီၩ့ဖျ့ၭအဝ့ၫၥံၪလၧၦလၧအမ့ၬလဲၩဝ့ၫ အစူၪဖၧၩ့တၭ, ဎွ့ၩန့ထဲၩ့ဝ့ၫလၧအဒုၪအဒၩအစူၪဖၧၩ့ 11 လီၫ.- တၭထံၫလုၬဘံၭအဝ့ၫၥံၪအဒုၪအဒၩတၭး အီၪ 12 လၩ့ထးဝ့ၫနးဂၩအ့ၬ.- ထီးနီၪလဖၧၫ့အဝ့ၫၥံၪနဲၩ့ထဲၩ့ ဝ့ၫအလူအထၫတၭ, ၥံၫကျံၩထၪ့ဝ့ၫလၧဆၧစံၭထၪ့အၪ့ အူၭနီၪလီၫ.

13 အဝ့ၫၥံၪၥၭနၪ့ဝ့ၫအဆၧမၩချဲၫ့ချဲၫ့တၭ, ခိၭနၪအဆၧ 14 ကိၪ့ထၪ့ဖၭလၩ့ဆ့အ့ၬ.- ၥၭကွံၩဆၧလၧၡါမုနၧၫ့ဖၫ 15 တၭ,မၩခွါယွၩလၧပွ့ၪခိၪပွ့ၪနါအဖၧၩ့လီၫ.- ဆၧလၧ အဝ့ၫၥံၪအၪ့ကံၩ့ဝ့ၫနီၪ, မွဲအဖ့ၪလၫ့ဝ့ၫလါနၫ့ဘိၩ,ဒုၭ 16 ဎွ့လၩ့အဝ့ၫၥံၪအၥၭခံဖၧၩ့လီၫ.- တၭအဝ့ၫၥံၪၥၭခ့ၬ စမိစ့ၭလၧၦၥုၪ့တဲၩအလးဖၧၩ့, ဒဲယဟိဝၩအၡၩဆံၫ့ 17 ဎံၪစအၫရၧၫ့နီၪလီၫ.- ဂၪ့ခိၪအိၭထၪ့အၥၭ ယုလၩ့ခွံၬ 18 စဒၫၥၫ့တၭ,ချႃၬဘံၭစဘဲရၫ့အဆၧအီၪကီၪ့,- မ့ၪဆူၭ ခဲၩအၥၭလၧအဆၧအီၪကီၪ့အဖၧၩ့တၭ, မ့ၪလၪအၪ့ 19 ခွံၬၦလတီၩလလီၩ့ဘၪလဖၪနီၪလီၫ.- တၭအဝ့ၫၥံၪ တဲၩ့ချီဖိၪလၧဟိရ့ၭတၭ, ဘိၪ့ထၪ့ဘၩထၪ့ဆၧဂၩ့ၥိၫ့ 20 ဝ့ၫလဒုၩနီၪလီၫ.- တၭအဝ့ၫၥံၪအၪ့လဲၩအလၩအဖၩ့ 21 လၧဆၧလၩ့ဂၬချီလၧအအၪ့နၪ့ၥံၪနီၪအဂးလီၫ.- အဝ့ၫ ၥံၪၥၭနၪ့ဆၧထိးထဲၩ့တၩ့ထဲၩ့ဝ့ၫ ယွၩလၧအမၩဆၧ 22 ဒိၪလဖၪလၧအံဇံၭအဖၧၩ့,- ဆၧလၩ့လၭၥံၪလၧစဟၫ့ အခးဖၧၩ့, ဆၧၥၭမဲၪအလးလၧမၫဆမံၭဝီၩနီၪလီၫ. 23 တၭအဝ့ၫဒၪစံၭဝ့ၫလၧအမိမၩဂၭဂီၩ့အဝ့ၫၥံၪနီၪး အ့ၪ လမွဲဘၪအၡၩရွံန့, စမိစ့ၭဆၧၫ့ထုၪ့လၧအမ့ၬယၫလၧ ဆၧမၩဂၭဂီၩ့ဆၧအဖၧၩ့, ဘဲၫၥိၭအမိဘိၭကၠၪခွံၬအ ဆၧၥၭထၪ့လၧအထီးမၩဂၭဂီၩ့ဆၧလဂ့ၩတၭ, မိမၩ ဝ့ၫလီၫ.

24 အဝ့ၫၥံၪမၩကြၩ့ထမးထံၫမုၬခးမုၬတၭ, နဲၩအလူအ 25 ထၫဆ့အ့ၬ.- အဝ့ၫၥံၪၥူၭဝံၪၥူၭလၩဆၧလၧအတဲၩလ 26 ဖၪအဖၧၩ့တၭ,ခိၭနၪယဟိဝၩအလူအ့ၬ.- တၭအဝ့ၫဒၪ ယၩ့ထၪ့အစူၪလၧအဝ့ၫၥံၪအလီၩ့တၭ, မိမၩလၩ့ထံၩ 27 ဖါဝ့ၫလၧၡါမုနၧၫ့ဖၫ,- မိမၩလၩ့ထံၩဖါအဝ့ၫၥံၪအချံၫ အၥၪလၧၦဆၨၩၥံၪအကျၩတၭ, မိမၩလၩ့မုလၩ့ဖၭ 28 အဝ့ၫၥံၪလၧခးလဖၪအဖၧၩ့လီၫ.- တၭအဝ့ၫၥံၪမၪဘုၭ ထၬအၥၭလၧဘၫအလၭပံအီၫတၭ, အၪ့ဆၧၥံၫအဆၧ 29 လုလဖၪလီၫ.- အဝ့ၫၥံၪမၩၥၭထၪ့အဝ့ၫနီၪ လၧအမၩ မၪဆၧလဖၪတၭ, ဆၧၥံၫချဲၫ့အီၪထၪ့လၧအကျၩလီၫ. 30 ထီးနီၪလဖၧၫ့ စဖံနအၭ ဆၧၫ့ထုၪ့မၩဖီၩ့ဖျ့ၭဆၧတၭ, 31 ဆၧၥံၫချဲၫ့အီၪထီဝ့ၫလီၫ.- တၭဆၧအီၪက့ၪဆၧနီၪလ မံၩ့လၧအဆၧတီၩဆၧလီၩ့အဂး, လဆိၩဘၪလဆိၩ 32 လၩ့ဆိၩလၩ့ကၠၪလီၫ.- အဝ့ၫၥံၪမၩၥၭထၪ့ဝ့ၫထီးထံၫ မ့ရဘၫဆ့တၭ, စမိစ့ၭဘၪဆၧအၧၩ့ လၧအဝ့ၫၥံၪအ 33 ကၠီၩ့လီၫ.- အဂဲးဘဲၫယီၩအဝ့ၫၥံၪမၩခိမၩဝီၩအၥၭတၭ, အဝ့ၫၥံၪချဲၩ့မၪဆၧလၧအနိၭလီၫ.

34 ၦဆၨၩလဖၪလၧယဟိဝၩလီၩဘၪဝဲၩ အဂဲးအကၠီၪ့ 35 နီၪအဝ့ၫၥံၪမၩဂၭဂီၩ့အ့ၬ.- အ့ၪမွဲအမၩဎုၬအၥၭလၧ 36 ၦဆၨၩၥံၪတၭ, မၩလိၪအဝ့ၫၥံၪအဆၧမၩလီၫ.- မၩ အဝ့ၫၥံၪအဆၧဂၩ့နီၪအဆၧမၩတၭ, ဆၧကဲၪထၪ့ဖျံၩ 37 ခွၩ့လၧအဂးလီၫ.- တၭလုထၪ့ဆၧဂၩ့လၧအဖိၪခွၫၥံၪ, ဒဲအဖိၪမုၪၥံၪနီၪ, လူၫလၩ့ဆၧၥွံၪလၧအဆၧဒဲၩဘၭလ 38 အီၪဘၪး- အဖိၪခွၫၥံၪဒဲအဖိၪမုၪၥံၪအၥွံၪလၧအလုထၪ့ လၧကၫနအၫ့ အဆၧဂၩ့ဆၧဖၪ့အဂးလီၫ. တၭခးနီၪ 39 ဘၪၥၭလိၪလၧဆၧၥွံၪလီၫ.- အဝ့ၫၥံၪဘၪၥၭလိၪဝ့ၫလၧ အဆၧမၩဒၪဝ့ၫအကၠီၩ့တၭ, မၩမၪမုၪမၩမၪခွၫလၧအ 40 ဆၧမၩလဖၪနီၪလီၫ.- ယဟိဝၩအၥၭထၪ့ခဲၩထၪ့ဘၪ အၡၩခမျၧးဒၪဝ့ၫတၭ, ၥၭလိၪအဆၧန့ၥၫဒၪဝ့ၫလီၫ. 41 ဖ့ၪလၫ့ခွံၬအဝ့ၫၥံၪလၧၦဆၨၩၥံၪအစူၪဖၧၩ့တၭ, ၦလၧ 42 အမ့ၬလဲၩအဝ့ၫၥံၪနီၪပၧၩ့ဘၪဝ့ၫလီၫ.- အဒုၪအဒၩၥံၪ မၩၡၪ့မၩနၭအဝ့ၫၥံၪတၭ, ဆၪ့လၩ့ဝ့ၫလၧအဝ့ၫၥံၪအ 43 စူၪဖၫ့လၬလီၫ.- အဝ့ၫနီၪမၩဖီၩ့မၩဖျ့ၭအဝ့ၫၥံၪအၪ ဘျၩ့လါနၫ့ဘိၩ, အဝ့ၫၥံၪပိၩ့ထၪ့ဝ့ၫလၧအကိၪ့လိၬအ ၥၭအဖၧၩ့တၭ, ဘၪဆၧမၩၡၪ့မၩနၭဝ့ၫ လၧအဆၧ အၧၩ့အကၠီၩ့လီၫ.

44 ထီးအနါဂၧၫ့အဝ့ၫၥံၪအၪ့ကံၩ့အၪ့ယၫဆၧတၭ, ယိ 45 ဝ့ၫအဆၧၡၪ့ဆၧနၭလီၫ.- အဝ့ၫဒၪနၪ့ထၪ့ထဲၩ့အဆၧ အုၩ့လၩ့လၧအဝ့ၫၥံၪအဂးတၭ, ယၫ့ၥုၪ့ယၫ့ၥၭဝ့ၫဘဲၫ 46 အခိးအတၩအၪအၥိၭနီၪလီၫ.- တၭဒုၭကဲၪထၪ့အဝ့ၫ ၥံၪလၧၦဘၪဆၧယၫ့ၥၭ လၧကယဲၦအၪ့မၧၫ့ဎီးဝ့ၫလ ဖၪအမ့ၬယၫထီးအလူၬလီၫ.

47 ထိးထဲၩ့တၩ့ထဲၩ့ပၧၩ, ယဟိဝၩ,ပယွၩဧ့,တၭအၪ့ ထုၫ့ကီၪ့ပၧၩလၧၦဆၨၩၥံၪအကျၩ, ဘဲၫၥိၭပမိစံၭထၪ့ အၪ့အူၭနမံၩ့ဆံၫ့ဎံၪဒဲအီၪက့ၪဖိၫလိၫပၥၭ လၧနဆၧစံၭ 48 ထၪ့အၪ့အူၭအဖၧၩ့ဆံၭ.- မွဲယဟိဝၩအံၫစရ့ၭလၭအ ယွၩနီၪဘၪဆၧစံၭထၪ့အၪ့အူၭ လၧအဆိၩဆိၩအ ကၠၪကၠၪထီၩ့လၧအဆိၩဆိၩအကၠၪကၠၪနီၪဆံၭ. တၭ မွဲၦခမျၧးထီးအလူၬနီၪစံၭ, အၩမံၩ့, ဆံၭ. စံၭ ထၪ့အၪ့အူၭယွၩဆံၭ.