1 ယၥၭၡီၩ့ဧ့,စံၭထၪ့အၪ့အူၭယဟိဝၩဆံၭ. ယဟိ ဝၩယယွၩဧ့, နဝ့ၫဒၪနဒိၪမၬလီၫ. နကီၩ့နၥိၭမွဲဆၧလၩ 2 ဖၩ့,ဒဲဆၧစီၩ့ဆၧမၩ့လီၫ.- တၭနလုၬဘံၭနနၫ့ဆါဒၪန ဝ့ၫလၧဆၧဖၩ့ဘဲၫလၧဖၬဘဲၩ့အၥိၭနီၪ, နပၠၪထၪ့မူၭခိၪ 3 ဘဲၫကလကၫအၥိၭနီၪ,- နမွဲၦလၧအမၩအဒူၭလၧထၭ လဖၪလၧထံၫကျၩတၭ, မၩအလဲၪ့ၥုၭလၧဆၧအုၪ့လ 4 ဖၪတၭ, ထူၬဆၧလၧလံၩအဒံၭအဖၫ့ခိၪလီၫ.- တၭမွဲ အအီၪက့ၪလံၩလၧအၥီၫ့, ဒဲမ့ၪလၪလၧအမွဲအခ့ၫအ 5 ၡၩလီၫ.- အီၪက့ၪဂၪ့ခိၪအခၪ့ထံၭနီၪ, ဘဲၫၥိၭအလဂဲၩ လဝၭဘၪအဆိၩဆိၩအကၠၪကၠၪလီၫ.

6 တၭနလုၬဘံၭဝ့ၫလၧမၫဆမံၭ ဘဲၫဆၧကီၩ့ဆၧၥိၭ အၥိၭနီၪတၭး ထံၫၥံၪအီၪဝ့ၫလၧခိၪလီၩ့ထိၩ့ချိၬအဖၫ့ 7 ခိၪလီၫ.- တၭလၧနအၪ့ၥီၪ့ဆၧနီၪ အဝ့ၫၥံၪစဲၪ့ဖျိၭဝ့ၫး လၧနလၫ့ဎွံၩ့ၥီၫအကၠီၩ့နီၪ စဲၪ့ခွံၬဝ့ၫချဲၫ့ချဲၫ့လ့ၬလီၫ. 8 ခိၪလီၩ့ၥံၪထၪ့ဝ့ၫတၭ, ထိၩ့ချိၬၥံၪလၩ့ဝ့ၫ ထီးအလး 9 လၧနအီၪက့ၪလၧအဂးလီၫ.- နအီၪက့ၪလၩ့အဆၧၫ့ တၭ,အဝ့ၫၥံၪခၫ့ဂၬဝ့ၫအ့ၬ. တၭမိဂဲၫထဲၩ့ထဲၩ့ဘဲၫၥိၭ 10 အမိလုၬဘံၭဒီၭဂၪ့ခိၪဆ့အ့ၬ.- အဝ့ၫဒၪအၪ့မၧၫ့လၩ့ ထံၫထၪ့ဖျိၭလၧခိၪလီၩ့ဆူၭဖၧၩ့ လၧအယွၩလၩ့လၧခိၪ 11 လီၩ့ထိၩ့ချိၬအကျၩလီၫ.- ဆၧဖိၪဆၧဎါအမံၩ့လၧမံၩ့ လၬကျၩ ထီးအလူၬနီၪအီၩဝ့ၫတၭ, ကၥ့ၪယီၩ့ဘျဲၩ 12 အီၩအၥၭလၧထံၫနီၪလီၫ.- ထိၪလၧမူၭခိၪအီၪဝ့ၫလၧ 13 အဖၫ့ခိၪလၧၥံၪ့ထဲၩ့အကျၩဎွံၩ့ဝ့ၫလီၫ.- အဝ့ၫဒၪမၩ ဘၪစီၪခိၪလီၩ့ၥံၪလၧအဒူၭ လၧထၭလခီၫး ဂၪ့ခိၪနီၪ 14 ဘျဲၩအၪ့လၧနမၩအၥၪလီၫ.- အဝ့ၫဒုၭမဲၪထၪ့နၪ့ၥံၪမံၩ့ ၥံၪလၧဆၧဖိၪဆၧဎါအဂး, ဒဲဘုၪၥံၪဂူၫၥံၪလၧၦၡၩအ ဂး,ဘဲၫၥိၭအမိဒုၭမဲၪထၪ့ဆၧအၪ့ လၧဂၪ့ခိၪဖၧၩ့လီၫ. 15 လၧစဘံၭထံၫအကၠီၩ့ မၩဎွံၫၦၡၩအၥၭတၭ, မၩဖၩ့ ထၪ့ၦမ့ၬလၧၥိၪတၭ, မၩခၧၫ့ထၪ့ၦၡၩအၥၭ လၧကိၪ 16 လီၫ.- ယဟိဝၩအၥံၪ့ဎွ့ၩဝ့ၫ လၧလ့ၭဘနၧၫ့အၥံၪ့ၡိၫ 17 အ့ရ့ၭလၧအၥုၪ့ဝ့ၫ,- ထီးထိၪၥံၪလံၪၥံၪမၩအၥွံၫနီၪ, 18 ၥံၪ့ၡိၫလဖၪမွဲထိၪဖၭဒိၪအဂံၪ့လီၫ.- ခိၪလီၩ့ထီၫလဖၪ မွဲလၧဘ့ၪမံၩ့အဂးတၭ, လိးၥံၪလဲၫ့ၥံၪမွဲဆၧဖီၩ့ဖျ့ၭအ လးလၧပဒဲၩအဂးလီၫ.

19 အဝ့ၫဒၪအီၪက့ၪလၩ့လၩ လၧဆၧအဆၧၫ့အထီအ 20 ဂး မုနီၪၥ့ၪယၫအလၩ့နုၬလီၫ.- နမၩဆၧခံၭတၭ, မု နၩအီၪထၪ့ဝ့ၫ, ထီးဆၧဖိၪဆၧဎါအမံၩ့လၧမံၩ့လၬကျၩ 21 ထီးအလူၬနီၪဂဲၫထၪ့ဝ့ၫလီၫ.- ဆၬလၥၧၫ့ဖိၪဂၪ့ကိၭ လၧအဆၪအဂးတၭ, အၪ့ဎၬအဆၧအၪ့လၧယွၩလီၫ. 22 မုထၪ့နီၪအဝ့ၫၥံၪထဲၩ့ဝ့ၫတၭ, ခိၬလၩ့ဝ့ၫလၧအအီၪ 23 အလးဖၧၩ့နီၪလီၫ.- တၭၦၡၩလ့ၩထၪ့လၧအဆၧမၩ, ဒဲလၧအဆၧဖံၭဆၧမၩထီးမုဂၪလၩ့လီၫ.

24 ယဟိဝၩဧ့, နမၩဆၧလမံၩ့ဘၪလမံၩ့လမံၩ့ဘၪလ မံၩ့အၪမၬလဲၪၬ နမၩဆၧထီးအလူၬ လၧဆၧကိၪ့ၥ့ၪ လီၫ.တၭဂၪ့ခိၪဎွ့ၩဝ့ၫ လၧဆၧဖိၪဆၧလံၩနစူၪလးန 25 ခၪ့ခိၪလဖၪနီၪလီၫ.- မၫဆမံၭနီၪဒိၪဝ့ၫလဲဝ့ၫကိၭခီၫ ဒ့ၭတၭ,လၧအဖၧၩ့နီၪ, ဆၧအဂဲၩလၧဆၧဝံထၪ့နၬထၪ့ လၥ့ၪဘၪအီၪဝ့ၫတၭ, ဆၧဖိၪဆၧဎါအဒိၪဂ့ၩ, အဆံၭ 26 ဂ့ၩ,အီၪဝ့ၫဆ့လီၫ.- ထီးနီၪကဘၩ့ၥံၪ လ့ၩဆၧတၭ, မၪလၧနမၩကဲၪထၪ့ဝ့ၫ ဘဲၫၥိၭအမိလိၬကွ့ၩ လၧအ 27 ဖၧၩ့နီၪအီၪဝ့ၫလီၫ.- ဆၧထီးအလူၬနီၪ အီၪခိၭနၧၩ တၭ,လၧအဆၧၫ့အထီဘၪနီၪ နဖ့ၪလၫ့အဝ့ၫၥံၪလၧ 28 အဆၧအၪ့လီၫ.- နဖ့ၪလၫ့ဝ့ၫတၭ, အဝ့ၫၥံၪအၪ့ထုၫ့ ထၪ့ဝ့ၫတၭး နပၠၪထၪ့နစူၪ, အဝ့ၫၥံၪဘျဲၩအၪ့လၧဆၧ 29 ဂ့ၩလီၫ.- နအီၪက့ၪၥူၪနမ့ၬတၭ, အဝ့ၫၥံၪအၥုၪ့ခိၥၭ ဝီၩးနအၪ့မၩန့ခွံၬအၥၪ, အဝ့ၫၥံၪလၩ့ယံၭတၭ, ထဲၩ့ 30 ထဲၩ့လၧဂၪ့ခိၪအမုၬလီၫ.- နအၪ့မၧၫ့လၩ့နၥၭနီၪအဝ့ၫ ၥံၪဘၪဆၧမၩကဲၪထၪ့ဝ့ၫတၭ, နမၩၥၫ့ထၪ့ထဲၩ့ဂၪ့ခိၪ ချိၫ့လီၫ.

31 မွဲယဟိဝၩ အလၩအဖၩ့အီၪဝ့ၫ လၩ့ဆိၩလၩ့ကၠၪ ဆံၭး မွဲအၥုၪ့ထိၬၥၭထိၬလၧအစူၪၥံၪမၩဆၧလဖၪအ 32 ဖၧၩ့ဆံၭ.- အဝ့ၫဒၪယိလၩ့ဝ့ၫလၧဂၪ့ခိၪချိၫ့တၭ, အ ဆၧၡိၩ့ၡိၬ, အဝ့ၫဒၪထိၭခိၪလီၩ့ၥံၪတၭ, အဝ့ၫၥံၪခူၪ ထၪ့ဝ့ၫလီၫ.

33 ယၥၭမၧၫ့ဒံၭအဘိၩ့ဘၭတၭ, ယမိစံၭထၪ့အၪ့အူၭ ယဟိဝၩ, ယအီၪဒံၭအဘိၩ့ဘၭတၭ, ယမိၥံၫကျံၩအၪ့ အူၭထၪ့ဆၧလၧယယွၩလီၫ.

34 ယဆီၫ့မီၪ့အဂဲးအကၠီၪ့နီၪမုၬမၬတၭး ယဝ့ၫဒၪယီၩ, ယမိၥၭထိၬလၧယဟိဝၩအဖၧၩ့လီၫ.

35 ၦဆၧဒဲၩဘၭဖိၪ မိဘၪဆၧမၩလူၬခွံၬဝ့ၫ လၧဂၪ့ခိၪ ချိၫ့တၭ, ၦလတီၩလလီၩ့ဘၪ လမိအီၪလၧၩ့ဘၪလီၫ. ယၥၭၡီၩ့ဧ့, စံၭထၪ့အၪ့အူၭ ယဟိဝၩဆံၭ. စံၭထၪ့ အၪ့အူၭယွၩဆံၭ.