29
1 ၦလၧအဘၪဆၧအၪ့ၥီၪ့အၪဖၧၫ့တၭ, မၩဆီၪ့ထၪ့အ ခိၬနီၪ, မိဘၪဆၧဂၭဂီၩ့ရှုၭဝ့ၫတၭ, ဆၧမၩဖီၩ့မၩဖျ့ၭ ဝ့ၫအီၪအ့ၬ.
2 ထီးၦတီၩၦလီၩ့ အ့ၪအၪထၪ့နီၪ, ၦခမျၧးၥံၪၥုၪ့ထိၬ ၥၭထိၬး အ့ၪမွဲထီးၦလတီၩလလီၩ့ဘၪ အ့ၪပၧၩ့ဆၧ တၭ, ၦခမျၧးၥံၪ ၥုၪ့အုၭၥၭအုၭဝ့ၫဒၪလီၫ.
3 ၦလဂၩအ့ၪအဲၪ ဆၧကိၪ့ဘၪကိၪ့ၥ့ၪနီၪ ဒုၭၥုၪ့ထိၬၥၭ ထိၬအဖါး အ့ၪမွဲၦထၧၫ့ထံၩထၧၫ့ၥိၭ လၧၦမဲၩဎွဲၩမုၪ ၥံၪ, လူၬခွံၬပျီၩပျီၩ ဆၧအဎၧၩ့အဎီနီၪလီၫ.
4 လၧဆၧစ့ၩရၫ့တီၩအကၠီၩ့နီၪ စဎွၩဒုၭဂုးထၪ့ခၧၫ့ထၪ့ ထံၫၥံၪခးၥံၪ, အ့ၪမွဲၦလၧအအၪ့ကံၩ့ဆီၪ့ အခီၫ့ၥံၪအ ကီၭၥံၪနီၪ, မၩလၩ့ချႃၬဝ့ၫဒၪလီၫ.
5 ၦလၧအချဲၩ့မုၬၦလၧအနဲၩ့ထံၭနီၪ, ခွံၬလၩ့ၡၬလၧ အခၪ့အဂးလီၫ.
6 လၧၦအအၧၩ့ လၩ့မၪဆၧအဖၧၩ့နီၪ, အီၪလၧဖျံၩ ခွၩ့တၭး အ့ၪမွဲၦတီၩၦလီၩ့ ၥုၪ့ဎွံၫၥၭယီၫဒဲမုၬလၩအ ၥၭလီၫ.
7 ၦတီၩၦလီၩ့ ဒူၩယၪ့ၦၡၪ့ဖိၪယၬဖိၪအမူၭနီၪး အ့ၪ မွဲၦလတီၩလလီၩ့ဘၪၥံၪ မိဒၪဘၪဆၧၥ့ၪယၫ အဂဲးအ ကၠီၪ့နးစီၪ့အ့ၬ.
8 ၦလၧအမၩကြၩ့ထမးဆၧနီၪ ဆူၭခဲၩထၪ့ဒိၩ့, အ့ၪ မွဲၦကိၪ့ၥ့ၪလဖၪ ဘိၭကၠၪခွံၬဆၧၥၭထၪ့လီၫ.
9 ၦကိၪ့ဆၧၥ့ၪလဂၩ အ့ၪချဲၩ့ခွးလၧၦအဂီၩ့လဂၩနီၪး အ့ၪၥၭထၪ့မွဲဂ့ၩ, အ့ၪနံထၪ့မွဲဂ့ၩ, ဆၧအီၪပွံၭအလး အီၪအ့ၬ.
10 ၦလၧအဆိၫ့န့ဘၪ ၦၡၩအၥွံၪနီၪ မ့ၬလဲၩၦၥၭဆုး လီၩ့လဖၪး အ့ၪမွဲၦတီၩၦလီၩ့ မိယိထဲၩ့ခွါထဲၩ့ဝ့ၫဒၪ လီၫ.
11 ၦအဂီၩ့လီၩဖျီၪထၪ့အၥၭထီးအလူၬး အ့ၪမွဲၦကိၪ့ ဘၪကိၪ့ၥ့ၪဖီၪ့ထၬဝ့ၫဒၪလီၫ.
12 ၦဒိၪလဂၩလၧအခိၭနၪ ဆၧချဲၩ့အဘျံၭအဘျၪၥံၪအ ခ့ၫအၡၩလဖၪ မွဲၦအအၧၩ့ ထီးအလူၬလီၫ.
13 ၦၡၪ့ဖိၪယၬဖိၪ ဒဲၦလၧအမၩအၧၩ့မၩၥၫ့ဆၧနီၪဒၪ ခီၩ့လိၬအၥၭတၭး ယဟိဝၩဒုၭဖၩ့ထၪ့ အမ့ၬၥၪနံၫဂၩ လူၬလီၫ.
14 စဎွၩလဂၩ လၧအစ့ၩရၫ့ ၦၡၪ့ဖိၪယၬဖိၪ တီၩတီၩ လီၩ့လီၩ့နီၪ,အဝ့ၫလဂၩ အလးဆီၩ့ဆီနီၪမိအီၪဂုးခၧၫ့ အဆိၩဆိၩအကၠၪကၠၪလီၫ.
15 နိၪဖျ့ၪဒဲဆၧအၪ့ၥီၪ့ဝ့ၫ လၧနိၭနီၪဒုၭအီၪထၪ့ဆၧကိၪ့ ဘၪကိၪ့ၥ့ၪး အ့ၪမွဲဖိၪၥၪလဂၩ အ့ၪလီၩ့အၥၭဒၪဝ့ၫ တၭ, ဒုၭမဲအမိအမ့ၬလီၫ.
16 ထီးၦလတီၩလလီၩ့ဘၪ အ့ၪအၪထၪ့နီၪ,ၦမၩမၪဆၧ အၪထၪ့ဆ့း အ့ၪမွဲၦတီၩၦလီၩ့ၥံၪ မိဒၪဘၪအဝ့ၫၥံၪအ ဆၧလၩ့ထ့ၬနီၪလီၫ.
17 အၪ့ၥီၪ့နဖိၪခွၫတၭ, အဝ့ၫဒၪမိဒုၭအီၪပွံၭနၧၩး ဒဲမိ ဒုၭၥုၪ့ဎွံၫၥၭယီၫနၧၩဆ့လီၫ.
18 ထီးဆၧဒၪဘၪ လၧယၫလခီၫ အ့ၪလအီၪဘၪတၭး ၦခမျၧးၥံၪဘၪဆၧပဒၩ့ဝ့ၫ နးမံၩ့အ့ၬး အ့ၪမွဲၦလၧအ ထီးန့ဆၧၥီၪ့ဆၧၥၫ့လဂၩနီၪ, ဘၪဆၧဆိၪဂ့ၩဝ့ၫလီၫ.
19 လၧဆၧချဲၩ့ၥံၪအကၠီၩ့နီၪ, ဆၧအခ့ၫအၡၩဘိၭကၠၪ လီၩ့အၥၭအ့ၬး အဂဲးဘဲၫယီၩ မွဲအနၪၥ့ၪလါနၫ့တၭ, စံၭဆၧၫ့ဆၧနးမံၩ့အ့ၬ.
20 ၦလဂၩအနိၭဖျဲၪနီၪ, မွဲနဒၪဘၪဆ့ဧၪး ၦယိလါဆၧ လၧၦအဂီၩ့အလး အီၪအၪနဲၪ့ဒံၭ ၦလဂၩနီၪလီၫ.
21 ၦလဂၩလုအၪ့လုအီၩ အခ့ၫအၡၩမုၬမုၬ ခီၫလၧအ ဖိၪၥၪနီၪတၭး လၧခဲၫ့အဝ့ၫဒၪ မိကဲၪထၪ့ဘဲၫအဖိၪခွၫ အၥိၭလီၫ.
22 ၦလၧအၥၭထၪ့ဆီၪ့နီၪ ထိၪဂဲထုၪ့ ဆၧဂဲးလိၬတ့ၭ လိၬး ဒဲၦၡၩလၧအၥၭထၪ့နီၪ မၩမၪဆၧအၪမၬလီၫ.
23 ၦၡၩအၥၭထၪ့ထီၫနီၪ မိဒုၭဆၪ့လၩ့အနၫ့ဆါး အ့ၪ မွဲၦလၧအၥုၪ့ဆၧၩ့ၥၭဆၧၩ့ၥံၪ မိဒိၭန့ထၬဆၧလၩဖၩ့ ဆ့လီၫ.
24 ၦလၧအထၧၫ့ထံၩထၧၫ့ၥိၭ လၧၦအၪ့ဂူၪဆၧနီၪၥၭ ဂဲၫ့အၥၭဒၪဝ့ၫတၭး နါဂၧၫ့လါနၫ့ဆၧဆိၪအၧၩ့တၭ, ဒုၭဖျီၪထၪ့ဝ့ၫအ့ၬ.
25 ဆၧၥၭမဲၪၦၡၩနီၪ ဒုၭအီၪထၪ့ဖျံၩခွၩ့း အ့ၪမွဲၦလၧ အဒိၭနဲၩ့အၥၭ လၧယဟိဝၩအစူၪဖၧၩ့နီၪ, မိဘၪဆၧ အီၪက့ၪထၪ့ထီၫဝ့ၫလီၫ.
26 ၦအၪဂၩအၪ့ဎူၫအၪ့ဎၬ ၦဒိၪဖၭဒိၪအမ့ၬး အ့ၪမွဲၦ ၡၩအဆၧစ့ၩရၫ့နီၪ ဂဲၫလၧယဟိဝၩလီၫ.
27 ၦလတီၩဘၪလဂၩနီၪ မွဲဆၧၥၭလိၪလၧၦတီၩၦလီၩ့ အမ့ၬယၫတၭး ၦလၧအဖၧၩ့ၥၭတီၩဝ့ၫနီၪ, မွဲဆၧၥၭ လိၪလၧၦလတီၩဘၪ အမ့ၬယၫဆ့လီၫ.