28
1 ထီးၦၡၩ လီၩ့ဆီးဝ့ၫ လအီၪဘၪလါနၫ့တၭ, ၦလ တီၩလလီၩ့ဘၪၥံၪစဲၪ့ဖျိၭဝ့ၫး အ့ၪမွဲၦတီၩၦလီၩ့ၥံၪအ ၥၭဒူၩဘဲၫဆၬလၥၧၫ့ အၥိၭနီၪလီၫ.
2 ထီးၦထံၫဖိၪခးဖိၪၥံၪ အ့ၪမၩမၪဆၧတၭ, ၦဒိၪဖၭ ဒိၪၥံၪအီၪဝ့ၫအၪအၪလ့ၬး အ့ၪမွဲလၧၦအီၪလၧဆၧကိၪ့ ဆၧဖၭဒဲအဆၧၥ့ၪယၫအကၠီၩ့နီၪ, ဆၧဂုးဆၧခၧၫ့အီၪ ဝ့ၫဒၪဆ့လီၫ.
3 ၦၡၩလၧအမွဲလါနၫ့ၦၡၪ့ဖိၪနီၪ အ့ၪမၩအၧၩ့မၩၥၫ့ ၦၡၪ့ဖိၪတၭ, မၩအၥၭဘဲၫဆၧဆၧၩ့လၩ့ ဝ့ၬခွံၬဆၧ တၭ, ဆၧအၪ့အီၪလၩ့ထး နးမံၩ့အ့ၬ.
4 ၦလၧအစဲၪ့ဒၪခွံၬဆၧၥီၪ့ဆၧၥၫ့နီၪ, အၪ့အူၭၦအၧၩ့ ဖိၪၥံၪး အ့ၪမွဲၦလၧအထီးန့ဝ့ၫ လဂၩလါလါနီၪဂဲးလိၬ တ့ၭလိၬ လၧအဝ့ၫၥံၪလီၫ.
5 လၧဆၧစ့ၩရၫ့တီၩ အဂဲးအကၠီၪ့နီၪ ၦအၧၩ့ဖိၪၥံၪနၪ ဝ့ၫၥ့ၪအ့ၬး အ့ၪမွဲၦလၧအအၪ့ဎူၫအၪ့ဎၬ ယဟိဝၩနီၪ နၪဆၧၥ့ၪထီးအလူၬလီၫ.
6 ၦၡၪ့ဖိၪယၬဖိၪလၧအလ့ၩဆၧ လၧအၥၭတီၩအဖၧၩ့ နီၪး ဂ့ၩနဲၪ့ဒံၭၦကဲၪဒိၪလါနၫ့, အဖၧၩ့ၥၭၥံၪကဲၪ့ဝ့ၫဒၪ လီၫ.
7 ၦလၧအထီးန့ဆၧၥီၪ့ဆၧၥၫ့နီၪ မွဲၦဖိၪခွၫကိၪ့ဘၪကိၪ့ ၥ့ၪး အ့ၪမွဲၦလၧအထၧၫ့ထံၩထၧၫ့ၥိၭ လၧၦလၧအအၪ့ လၨၪအီၩလၨၪဆၧလဂၩနီၪ, မၩမဲအဖါအမ့ၬလီၫ.
8 ၦလၧအမၩအၪထၪ့ အစူၪလး အခၪ့ခိၪလၧစ့ၩအ အ့ၪထၪ့ဒဲဆၧအၪထၪ့နီၪ, မိအီၪက့ၪကီၪ့ဝ့ၫလၧၦလၧ အယၫ့ၥၭၦၡၪ့ဖိၪယၬဖိၪၥံၪ အဂးလီၫ.
9 ၦလၧအဘိၭကၠၪခွံၬအနါ ဘဲၫၥိၭအထီးနါဂၧၫ့ဆၧ ၥီၪ့ဆၧၥၫ့လဂ့ၩနီၪ, အဝ့ၫဒၪအဆၧဘၩဆိၪဖၪဒၪလ့ၬ ကဲၪထၪ့ဆၧၥၭလိၪနီၪလီၫ.
10 ၦလဂၩလၧအဒုၭလ့ၩ ၦအတီၩအလီၩ့လၧဖၧၩ့ၥၭ အၧၩ့ဖၧၩ့နီၪ, အနၫ့ဆါမိလၩ့ထ့ၬ လၧအဆၧဖၧၩ့ဒၪ ဝ့ၫး အ့ၪမွဲၦတီၩၦလီၩ့ၥံၪ မိန့ၥၫဆၧအဂ့ၩလီၫ.
11 ၦၥထံၫလဂၩ အီၪလၧဆၧကိၪ့ဘၪကိၪ့ၥ့ၪ လၧအမ့ၬ ၥၪဒၪဝ့ၫအဖၧၩ့နီၪး အ့ၪမွဲၦၡၪ့ဖိၪ အီၪလၧဆၧၥုၪ့ဖၭ ၥၭဖၭမိအၪ့ဎၬယိအဝ့ၫလီၫ.
12 ထီးၦတီၩၦလီၩ့ အ့ၪပၧၩ့ဆၧတၭ, ဆၧလၩဖၩ့အီၪ အၪအၪလ့ၬး အ့ၪမွဲထီးၦလတီၩလလီၩ့ဘၪအ့ၪဂဲထုၪ့ တၭ, ၦၡၩအီၪက့ၪၥူၪခွံၬ အၥၭလီၫ.
13 ၦလဂၩအ့ၪမၩလၩ့ဘံၭခွံၬ အမၩမၪဆၧနီၪ, မိဘီၪ ထၪ့ယီၫထၪ့အ့ၬး အ့ၪမွဲၦလၧအလီၩလၩ့အၥၭ ဒဲစဲၪ့ ဒၪခွံၬနီၪ မိဒၪန့ဆၧယၫ့ၥုၪ့ယၫ့ၥၭလီၫ.
14 ၦလၧအၥၭမဲၪဆၧ လထံၪဎးလဘီၩ့ဎးလဂၩနီၪဘၪ ဆၧဆိၪဂ့ၩဝ့ၫး အ့ၪမွဲၦလၧအမၩနီၩ့ထၪ့အၥၭလဂၩ နီၪမိလၩ့ဘၪ လၧဆၧအၧၩ့ဖၧၩ့လီၫ.
15 ၦလတီၩလလီၩ့ဘၪလဂၩ အ့ၪပၧၩ့ၦၡၪ့ဖိၪယၬဖိၪ နီၪး မၩအၥၭဘဲၫဆၬလၥၧၫ့ယုၩ့ဆၧ, ဒဲဖုၫထၫ့ဂၭဝံၩ့ ဝၩ့ဝ့ၫအၥိၭနီၪလီၫ.
16 ၦဒိၪဖၭဒိၪ လၧအၥုၪ့ဖၭၥၭဖၭ လအီၪဘၪနီၪ, မၩ အၧၩ့ဆၧအၪအၪလ့ၬတၭ, အ့ၪမွဲၦလၧအၥၭဂဲၫ့ဆၧ ၥၭကွံၩနီၪ, အနံၩအၥၫ့လဖၪ မိအၪထၪ့ဝ့ၫလီၫ.
17 ၦလၧအမၩန့ဆီၪ့ ၦၡၩအၥွံၪနီၪ, မိဘၪစဲၪ့ဖျိၭစိၩ လၧဆၧဖၧၩ့အအီၪ, ဘဲၫၥိၭၦဖီၪ့န့ဝ့ၫၥ့ၪအ့ၬ.
18 ၦလၧအလ့ၩဆၧဆုးလီၩ့လဂၩနီၪ, မိထီၩ့လၧဆၧ ထိးထဲၩ့တၩ့ထဲၩ့ဝ့ၫး အ့ၪမွဲၦလၧအဖၧၩ့ၥၭ ကဲၪ့ဝ့ၫလ ဂၩနီၪ မိလၩ့ထံၩဖါဝ့ၫချဲၫ့လ့ၬလီၫ.
19 ၦလဂၩအ့ၪမၩကၩ လၧအဆံၬၥံၪနၩၥံၪနီၪ မိဘျဲၩ အၪ့ဝ့ၫး အ့ၪမွဲၦလၧအလီၩ့ဆီးဆၧပျီၩပျီၩနီၪ, မိလၧၫ့ ဎွ့ၩလၧဆၧၡၪ့ဆၧနၭနီၪလီၫ.
20 ၦလဂၩလၧအလူတီၩနီၪ အီၪလၧဆၧဆိၪဂ့ၩအၪမံၩ့း အ့ၪမွဲၦလဂၩ လၧအအၪ့ဎၬ န့ဘၪစူၪလးခၪ့ခိၪချဲၫ့ချဲၫ့ တၭဖီၩ့ဖျ့ၭဆၧဒဲၩဘၭၥ့ၪအ့ၬ.
21 ဆၧယိမ့ၬ ၦၡၩနီၪမွဲဆၧဂ့ၩအ့ၬး အဂဲးဘဲၫယီၩၦလ ဂၩနီၪ မိမၩမၪဆၧ လၧကိၪလမိၩအဂးလီၫ.
22 ၦလဂၩအ့ၪၥၭကွံၩဆၧအစူၪလးခၪ့ခိၪနီၪ, အီၪလၧ အမ့ၬၥၪအၧၩ့တၭး ဆၧၡၪ့ဆၧနၭ မိဘၪဝ့ၫအဆၧၫ့အ ထီနီၪၥ့ၪယၫဝ့ၫ နးစီၪ့အ့ၬ.
23 ၦလဂၩအ့ၪအၪ့ၥီၪ့ၦၡၩနီၪ, လၧခဲၫ့ထဲၩ့တၭမိန့ဘၪ ဆၧအခိးအတၩ အၪနဲၪ့ဒံၭ ၦလၧအချဲၩ့မုၬနါဆၧလၧ အဖျ့ၩလဂၩနီၪလီၫ.
24 ၦလဂၩအ့ၪအၪ့ဂူၬန့ အမိအဖါအဆၧတၭ, စံၭဝ့ၫ, မွဲဆၧမၪနးမံၩ့အ့ၬနီၪ, အဝ့ၫလဂၩမွဲၦမၩဂၭဂီၩ့ဆၧအ ထံၩအၥိၭနီၪလီၫ.
25 ၦလၧအအီၪက့ၪထၪ့ထီၫအၥၭ လဂၩနီၪထိၪဂဲၩဆၧ ဂဲးလိၬတ့ၭလိၬး အ့ၪမွဲၦလၧအဒိၭနဲၩ့အၥၭ လၧယဟိ ဝၩအဖၧၩ့မိန့ဘၪ စူၪလးခၪ့ခိၪလီၫ.
26 ၦလဂၩဂၩအ့ၪဒိၭနဲၩ့အၥၭ လၧအၥၭဒၪဝ့ၫအဖၧၩ့ နီၪ, အဝ့ၫလဂၩမွဲၦအဂီၩ့း အ့ၪမွဲၦလၧအလ့ၩဆၧလၧ ဆၧကိၪ့ဘၪကိၪ့ၥ့ၪအဖၧၩ့း အနီၪမိဖီၩ့မိဖျ့ၭဝ့ၫဒၪလီၫ.
27 ၦလၧအဖ့ၪလၫ့ဆၧ လၧၦၡၪ့ဖိၪယၬဖိၪလဂၩနီၪ, အနၫ့ဆါၡၪ့ဝ့ၫဒၪအ့ၬး အ့ၪမွဲၦလၧအအီၪက့ၪၥူၪခွံၬ အမ့ၬၥၪလဂၩနီၪ, မိဘၪဆၧဆိၪအၧၩ့ အၪမံၩ့လီၫ.
28 ထီးၦလတီၩလလီၩ့ဘၪ အ့ၪဂဲထုၪ့တၭ, ၦၡၩအီၪ က့ၪၥူၪအၥၭး အ့ၪမွဲထီးအဝ့ၫၥံၪ အ့ၪဂၭဂီၩ့နီၪ, ၦတီၩ ၦလီၩ့ၥံၪ အၪထၪ့အၪအၪလ့ၬလီၫ.