30
1 စယ့ကံၫအဖိၪခွၫ စအ့ဂၧၫအဆၧချဲၩ့လဖၪးယွၩအ ဆၧချဲၩ့လီၫ. အလဂၩနီၪ ချဲၩ့ဆၧလၧစအံၭၥအ့ၫလၭ လၧစအံၭၥအ့ၫလၭဒၪလ့ၬ ဒဲစယုၫကလၭလီၫ.
2 မွဲမၬ, ယၥၭကၪနဲၪ့ၦၡၩထီးအလူၬတၭ, ယအီၪလၧ
3 ၦၡၩအၥုၪ့ဖၭၥၭဖၭဆ့အ့ၬ.- ယမၩလိၪဆၧကိၪ့ဘၪ ကိၪ့ၥ့ၪအ့ၬး ဆၧဆံၫ့ဎံၪလဂၩနီၪ ယၥ့ၪယၫဆ့အ့ၬ.
4 မွဲပလၫထၪ့ဘၭမူၭခိၪနီၪ ဒဲဂဲၫထဲၩ့လၩ့ဒီၭလဂၩလဲၪး မွဲပလၫထီၩ့ဒူၪလံၩ လၧအစူၪဖၧၩ့လဂၩလဲၪး မွဲပလၫ ဘီၪ့ထၬထံၫၥံၪ လၧဖၬဘဲၩ့ဖၧၩ့လဂၩလဲၪး မွဲပလၫအီၪ က့ၪလၩ့ဂၪ့ခိၪထုၬ ထီးအလူၬနီၪလဂၩလဲၪး အဝ့ၫဒၪ အမံၩ့ဘဲၫၥ့ၪလဲၪး ဒဲအဖိၪခွၫနီၪ အမံၩ့ဘဲၫၥ့ၪလဲၪး အ ဂဲးဘဲၫယီၩ နၥ့ၪယၫနဝ့ၫလီၫ.
5 ယွၩအလူအထၫနီၪ မွဲဆၧဆံၫ့ဎံၪကိၭအထံၪဒ့ၭး အဝ့ၫနီၪမွဲဆၧထၩ့ဖံၭ လၧကယဲၦလၧအဒိၭနဲၩ့ အၥၭလၧ
6 အဖၧၩ့နီၪအဂးလီၫ.- နဝ့ၫဒၪထီးအီၪက့ၪ အၪထၪ့ဆၧ လၧအဝ့ၫဒၪအဆၧချဲၩ့နီၪလဂ့ၩး အဝ့ၫဒၪမိအၪ့ၥီၪ့ဘၪ ခိၬနၧၩတၭ, ဆၧမိဖျီၪထၪ့ လၧနမွဲၦအဘျံၭအဘျၪလီၫ.
7 ယအၪ့ကံၩ့ဆၧလၧနၧၩနံၫမံၩ့ လၧယလချႃၭၥံၫဒံၭ
8 ဘၪနီၪဖ့ၪလၫ့ယၧၩဆံၭ.- ဆၧပျီၩပျီၩနီၪ ဒဲဆၧဘျံၭ ဆၧဘျၪၥံၪအီၪက့ၪခွံၬယဲၩ့ လၧယၧၩဆံၭး ဆၧၡၪ့ဆၧ ယၬမွဲဂ့ၩ, ဆၧလူဒိၪဎွ့ၩဒိၪမွဲဂ့ၩနီၪ, ထီးဖ့ၪလၫ့ယၧၩ လဂ့ၩဧီၪး ဒုၭအၪ့ယဆၧအၪ့ ကြၨၭလၧယဂးဆံၭ.
9 ယမိလၧၫ့ဎွ့ၩဘၪခိၬတၭ, မီၪ့ဘံၭခွံၬနၧၩး ဒဲစံၭ, ယ ဟိဝၩနီၪ, မွဲပလၫလဂၩလဲၪး ဒဲယဘၪၡၪ့ဘၪယၬဘၪ ခိၬတၭ, အၪ့ဂူၪဆၧဒဲကိၭထၪ့ ယယွၩအမံၩ့နီၪ ပျီၩပျီၩ ဆ့လီၫ.
10 ထီးချဲၩ့ခဲၪဆၧအခ့ၫအၡၩ လၧအကဆါအမ့ၬယၫ လဂ့ၩး အဝ့ၫမိဆိၪအၧၩ့ဘၪခိၬနၧၩတၭ, ဆၧမၪမိအီၪ
11 လၧနလီၩ့လီၫ.- ၦအဆိၩလၧအဆိၪအၧၩ့အဖါ, ဒဲလ
12 ဆိၪဂ့ၩဘၪအမိနီၪၬ- ၦအဆိၩ လၧအဆံၫ့ဎံၪ လါနၫ့ လၧအမ့ၬၥၪဒၪဝ့ၫအဖၧၩ့, လဘၪဘၪဆၧၥူၫဝၭခွံၬအ
13 ဆၧစံၪစၪနီၪၬ- ၦအဆိၩ, အမ့ၬၥၪၥံၪထၪ့ထီၫဆံၭထီၫ
14 လဲၪ, ဒဲအမ့ၬဖံၭၥံၪဆိၬထၪ့အၥၭနီၪၬ- ၦအဆိၩၥံၪလၧ အၥွၫၥံၪ မွဲနၭလဖၪ, ဒဲအၥွၫခၫ့မွဲဒီၩၥံၪ, ဘဲၫၥိၭအမိ အၪ့ခွံၬ ၦၡၪ့ဖိၪယၬဖိၪၥံၪ လၧဂၪ့ခိၪချိၫ့ယီၩ, ဒဲၦလၧ အကြၨၭန့ဘၪဆၧလမံၩ့မံၩ့ လၧၦၡၩၥံၪအကျၩလီၫ.
15 ၥလံၩနီၪအီၪလၧအဖိၪမုၪနံၫဂၩ, စံၭဝ့ၫ, ဖ့ၪလၫ့ဘီၪ, ဖ့ၪလၫ့ဘီၪး ဆၧလၧအလမံၫ့ၥုၪ့မံၫ့ၥၭဘၪ အီၪဝ့ၫၥၧၫ့ မံၩ့း ဆၧလၧအလစံၭဘၪ, လၧၫ့ယူၭ. အီၪလံမံၩ့ၬ
16 ဖျႃဖၧၩ့, ဒဲဒၧၩ့လးထူၬဖိၪး ဂၪ့ခိၪလၧအလဘျဲၩအီၩ ဘၪထံၫနီၪ, ဒဲမ့ၪလၧအလစံၭဘၪ, လၧၫ့ယူၭၬ
17 မ့ၬၥၪလၧအယိကြၩ့ထမးအဖါ, ဒဲလမိခိၭနၪဘၪ အၥၭ လၧအမိအလူနီၪ, ကျၭၥံၪလၧခိၪလီၩ့ဆူၭဖၧၩ့ မိစိၭထၪ့ခွံၬဝ့ၫနီၪ, ဒဲလၫ့ကထၬအဖိၪၥံၪ မိအၪ့ဝ့ၫဒၪ လီၫ.
18 ဆၧလၧအကၪလၨၪ လၧယမ့ၬယၫအီၪၥၧၫ့မံၩ့, ဒဲလံ
19 မံၩ့နီၪလၧယနၪၥ့ၪဝါအ့ၬ.- လံၬကျီၫ့ကျီၫ့အဖၧၩ့ၥၭ လၧဆၧဖိၭဖၫ့နီၪးဂူအဖၧၩ့ၥၭ လၧလိးၥံၪလဲၫ့ၥံၪအလီၩ့း ကဘၩ့ လၧမၫဆမံၭဖၧၩ့အဖၧၩ့ၥၭနီၪး ဒဲၦၡၩခွၫလၧ
20 ၦမုၪနၩ့အဖၧၩ့ၥၭနီၪလီၫ.- ၦမုၪလၧအအဲၪဘိၩ့အဝၩ အဖၧၩ့ၥၭနီၪ မွဲဘဲၫနီၪၥိၭဆ့, အၪ့ဝ့ၫနီၪထူၭခွံၬအနိၭ တၭ, စံၭဝ့ၫ, ယမၩမၪဆၧနးမံၩ့အ့ၬ.
21 လၧဆၧၥၧၫ့မံၩ့အကၠီၩ့နီၪ ထံၫၥံၪခးၥံၪအီၪဂုးဖုးအ့ၬး
22 ဒဲလံမံၩ့အကၠီၩ့နီၪ ထိးနၧၩ့ဝါအ့ၬ.- ဆၧအခ့ၫအၡၩ ပၧၩ့ဆၧအကၠီၩ့း ဒဲၦအဂီၩ့ လၧအအၪ့ဆၧဘျဲၩအၪ့
23 လၧၫ့လၧၫ့ဎွ့ၩဎွ့ၩနီၪး- ဒဲၦမုၪလၧအၥၭဂဲၫ့ဝ့ၫ, ထီးအ န့ဘၪအဝၩအထီနီၪ, ဒဲဎီးမုၪထီးအန့ၥၫဆၧ လၧအက ဆါမုၪအဆၧနီၪလီၫ.
24 လၧဂၪ့ခိၪချိၫ့ယီၩ ဆၧအဆံၭခိၬလါနၫ့ အီၪလၧဆၧ
25 ကိၪ့ၥ့ၪဖၭဒိၪ အီၪဝ့ၫလံမံၩ့လီၫ.- ထုးၥံၪ, ဆၧခမျၧး လၧအဂဲးအဘၭ လဆီၪ့ဘၪလါနၫ့တၭ, လၧဆၧခိအ
26 ခၫနီၪ တဲၩ့ဝဲၩအဆၧအၪ့ဆ့း- ပဒဲၩၥံၪဆၧခမျၧးလၧ အဂဲးဆါအဘၭဆါလါနၫ့နီၪ, အီၪဝ့ၫလၧလိးအိၩဖၧၩ့
27 လဲၫ့အိၩဖၧၩ့လီၫ.- ထွ့ၥံၪလၧအစဎွၩ လအီၪဘၪလါ
28 နၫ့တၭး လ့ၩထၪ့ဆၧလဒီၪ့ လဒီၪ့နီၪလီၫ.- ဒၩ့လဲးလၧ အဖီၪ့ထၬ ဆၧလၧအစူၪနီၪး ဒဲအီၪဝ့ၫလၧစဎွၩ အနီး ဖၧၩ့လဖၪနီၪလီၫ.
29 ဆၧလၧအခၫထၪ့ဂ့ၩအီၪဝ့ၫၥၧၫ့မံၩ့, ဒဲလံမံၩ့လၧအ
30 လ့ၩဖျီၪဎံၫဆ့လီၫ.- ဆၬလၥၧၫ့ဆီၪ့ဝ့ၫ လၧဆၧဖိၪဆၧ ဎါအကျၩ ဒဲကၠၪထဲၩ့အၥၭ လၧဆၧဂူၫဂၩအကၠီၩ့နးမံၩ့
31 အ့ၬ.- ထွံၪမၩ့စဲၩ, ဒဲဘ့ၪဖၫလဒုၩး ဒဲစဎွၩလၧၦခမျၧး ၥံၪဂဲထုၪ့ထၫ့ဒုၪဒၩ လၥ့ၪဘၪနီၪလီၫ.
32 နဝ့ၫဒၪနအ့ၪမၩ ဘဲၫဆၧအဂီၩ့အၥိၭ လၧနအီၪက့ၪ ထၪ့ထီၫနၥၭနီၪမွဲဂ့ၩ, ဒဲနအ့ၪကိၪ့ဆၧအၧၩ့ မွဲဂ့ၩတၭ,
33 မၩဘံၭထၬနနိၭ လၧနစူၪဘီၪၬ- အဂဲးဘဲၫယီၩ ၡိၫ့ၡိၬ နူထံၫနီၪဒုၭကဲၪထၪ့ နူထံၫခိလီၪ့တၭ, ဒဲဆၧဝံၬနၫဖူၫနီၪ ၥွံၪဂဲၫလၩ့တၭ, ဘဲၫနီၪၥိၭ ထိၪဂဲၩဆၧၥၭထၪ့နီၪ ဒုၭ အီၪထၪ့ဆၧဂဲးလိၬတ့ၭလိၬလီၫ.