27
1 ထီးအူၭလၩ့နၥၭ လၧကဲဂီၩအဂးလဂ့ၩး အဂဲးဘဲၫ ယီၩ မုလနံၩမိမၩအၥၭ ဘဲၫၥ့ၪလဲၪဘဲၫၥ့ၪလဲၪနီၪ, နၥ့ၪ ယၫနဝ့ၫအ့ၬ.
2 မွဲၦဂူၫဂၩအၪ့အူၭနၧၩဘီၪ, ထီးမွဲနနိၭဒၪနဝ့ၫနီၪလ ဂ့ၩ.
3 လိးလဖျိၪ့မွဲဆၧအဎၧၫ့, ဒဲမ့ၭနီၪအီၪလၧအလယၧး ဆ့း အ့ၪမွဲၦအဂီၩ့အဆၧၥၭထၪ့နီၪ ဎၧၫ့နဲၪ့ဒံၭဆၧနီၪ နံၫမံၩ့လူၬလီၫ.
4 ၥၭခဲၩထၪ့မွဲၥၭနီၩ့, ဒဲၥၭထၪ့နီၪမွဲဆၧမၩဂၭဂီၩ့တၭး အ့ၪမွဲၦလၧအဆၧၫ့ထုၪ့ လၧဆၧၥၭကဲၪ့အမ့ၬယၫနၧၩ့ နီၪ, မွဲပလၫလဂၩလဲၪ.
5 အၪ့ၥီၪ့ဆၧအီၪဖျီၪနီၪ, ဂ့ၩနဲၪ့ဒံၭဆၧအဲၪအီၪၥူၪဝ့ၫ
6 လီၫ.- ထံၩၥိၭမၩဖၧၩ့လးနီၪ မွဲအတီၩအဘၪး ဒဲဒုၪဒၩ အဆၧအဲၪဂါနီၪ အီၪအၪအၪလ့ၬလီၫ.
7 ၦလၧအဘျဲၩအၪ့ဝ့ၫနီၪ ယဲးထဲးန့ၫခိၪထံၫလၩ့ဆၩ့း အ့ၪမွဲလၧၦၥၭဝံအၥၭအဂးနီၪ, ကယဲဆၧအခၪလမံၩ့ လါလါမွဲဆၧအအွံၪလီၫ.
8 ၦလၧအစဲၪ့ဒၪခွံၬအလးဒၪဝ့ၫနီၪ, မၩအၥၭဘဲၫထိၪ လၧအခွံၬၡိၭအၥွံၫ အၥိၭနီၪလီၫ.
9 ဆၧၥိၪဒဲဆၧနၧၫ့မၧၫ့နီၪ ဒုၭၥုၪ့ထိၬၥၭထိၬၦအၥၭး အ့ၪမွဲၦအထံၩအၥိၭ အဆၧမုၬနီၪ မုၬနဲၪ့ဒံၭဆၧဘဲၫနီၪ ၥိၭလီၫ.
10 နထံၩနၥိၭဒဲနဖါအထံၩအၥိၭနီၪ ထီးစဲၪ့ဒၪလဂ့ၩးဒဲ ထီးနအ့ၪဘၪၡၪ့ဘၪနၭအမုနံၩနီၪ, လ့ၩနုၬလၧနထၧၫ့ ဖုဝဲခွၫအဂံၪ့ဖၧၩ့နီၪလဂ့ၩး အဂဲးဘဲၫယီၩ ၦအီၪလၧန နဲၩ့ထံၭလဂၩနီၪ ဂ့ၩနဲၪ့ထၧၫ့ဖုဝဲခွၫ လၧအအီၪယဲၩ့ လီၫ.
11 ယဖိၪခွၫဧ့, ဘဲၫၥိၭယမိစံၭဆၧၫ့ ၦလၧအဒုၪဒွ့ၪ ယၧၩလဂၩနီၪ အီၪလၧဆၧကိၪ့ၥ့ၪတၭ, ဒုၭၥုၪ့ထိၬၥၭ ထိၬယၧၩဆံၭ.
12 ၦလၧအၥ့ၪယၫ ထီးလၩ့အၥၭဂ့ၩလဂၩနီၪ ဒၪဘၪ ဝဲၩဆၧအၧၩ့တၭ, အီၪက့ၪၥူၪခွံၬအၥၭး အ့ၪမွဲၦလၧ အလမၩလိၪဘၪဆၧနီၪ လ့ၩဒၪဆၧဘဲၫနီၪတၭ, ဘၪၡၪ့ ဘၪနၭဝ့ၫလီၫ.
13 ၦလၧအထိးအၥၭလၧၦမွံၩအဂးနီၪ, မၩန့အကီၩ့ အၥိၭဘီၪး ၦလၧအထိးအၥၭ လၧၦမုၪလၩ့မဲၩအဂးနီၪ, မွဲအပီၩ့လၩ့ ဆၧလမံၩ့မံၩ့ဆံၭ.
14 ၦလၧအဂဲထုၪ့ဂီၩဂီၩ, ဒဲဆိၪဂ့ၩအထံၩအၥိၭလၧအ လူၥီၫဖၭဒိၪနီၪး ဆၧမိအီၪက့ၪဝ့ၫ လၧဆၧဆိၪအၧၩ့ လၧအဝ့ၫဒၪအကၠီၩ့လီၫ.
15 ဆၧဂဲၫဆၧၩ့လၩ့ဖၭဒိၪ ဒဲဆၧလၩ့ဆၩ့လထံၪဎးဘီၩ့ ဎးနီၪး ဒဲၦမုၪလၧအဂဲးလိၬတ့ၭလိၬဆၧ, မွဲဆၧမီၪ့ဎီၩ့ လီၫ.
16 ၦလၧအဘဲၩ့ထၬၦမုၪနီၪ ဘဲၩ့ထၬလံၩး ဘဲၫအစူၪ ထွ့ၪဖီၪ့ၥိၪအၥိၭဆ့လီၫ.
17 ထၭနီၪဘၪဆၧကျဲၩ့အဲၪ့ဝ့ၫ လၧထၭအလီၩ့တၭး ၦ ၡၩဒုၭအဲၪ့အထံၩအၥိၭ အမ့ၬဘဲၫနီၪၥိၭဆ့လီၫ.
18 ၦလၧအခိၭချိၪ့ဒိၩ့ထံၭနီၪ မိအၪ့ဘၪအၥၪတၭး ၦ လၧအယူၭယၪ့အကဆါနီၪ မိန့ဘၪဆၧလၩဖၩ့လီၫ.
19 ဘဲၫၦအမ့ၬယိဆၧၫ့ယၫ လၧထံၫကျၩအၥိၭနီၪးၦၡၩ အၥၭလၧၦၡၩအၥၭ မွဲဘဲၫနီၪၥိၭဆ့လီၫ.
20 ဖျႃဖၧၩ့ဒဲဆၧမၩဂၭဂီၩ့နီၪ လၧၫ့ဎွ့ၩဝ့ၫအ့ၬး ဒဲၦၡၩ အမ့ၬၥၪၥံၪ ယိဆၧဘျဲၩၥ့ၪအ့ၬ.
21 ဘဲၫဆၧဖၧၩ့ၥိၫ့ဆၧ လၧစ့ၩအဂး, ဒဲဖံၫ့ချၪဖၧၩ့လၧ ထီၫ့အဂးနီၪး ၦၡၩမွဲဘဲၫနီၪၥိၭ လၧၦနိၭစံၭထၪ့အၪ့ အူၭဝ့ၫအဂးလီၫ.
22 နအ့ၪအၪ့ဆူၫ ၦအဂီၩ့ လၧဆုၪ့ဖၧၩ့ လၧချံၪ့ဆူၫမၩ လၩ့ဘျ့ၭ ဂူၫဆၪအကျၩလါနၫ့တၭး အဆၧဂီၩ့နီၪစဲၪ့ ထၪ့ခွံၬလၧအဖၧၩ့အ့ၬ.
23 နၥိၪၥံၪဘ့ၪၥံၪအဒီၪ့လဖၪနီၪ, ယိထဲၩ့ခွါထဲၩ့ဂ့ၩဘၪ
24 စဲၪး ဒဲထီးလၩ့နၥၭ လၧချီအဒီၪ့ၥံၪအဂးဘီၪး- အဂဲး ဘဲၫယီၩ ဆၧလူဒိၪဎွ့ၩဒိၪအီၪဝ့ၫ အဆိၩအကၠၪအ့ၬး ဒဲ
25 ၥရဖူၩနီၪ လၩ့ဆၨၩလဆိၩဘၪ လဆိၩဆ့အ့ၬ.- နၪ့ဎဲၫ့ လူၬတၭ, နၪ့ၥၫ့နီၪမဲၪထၪ့, ဒဲခိၪလီၩ့အဆၧဒိၭဆၧလၪ
26 ဘၪဆၧအၪ့ထုၫ့ကီၪ့ဝ့ၫလီၫ.- ၥိၪဖိၪၥံၪ လၧနကီၩ့နၥိၭ
27 အဂးအီၪဝ့ၫနီၪး ဒဲဘ့ၪဖၫၥံၪမွဲဂၪ့ခိၪဝၩ့အဎွ့ၩလီၫ.- ဒဲ ဘ့ၪအနူထံၫလၧၫ့ လၧနဆၧအၪ့အဂး, ဆၧအၪ့လၧန ဂံၪ့ဖိၪၥံၪအဂး, ဒဲနၡၩမုၪၥံၪအဆၧအၪ့အဂးနီၪ ဆ့လီၫ.