26
1 ဘဲၫမူၭခိၪဖီၫလၧဆၧခိခၫအၥိၭ, ဒဲဆၧဂဲၫဆၧၩ့လၧ ကူၭဘုၪအထီအၥိၭနီၪး ဘဲၫနီၪၥိၭဆ့ဆၧလၩဆၧဖၩ့ ကြၨၭလၧၦအဂီၩ့အဂးအ့ၬ.
2 ဘဲၫထိၪဎွံၭယူၩဝံၩ့ဝၩ့, ဒဲထိၪမးလံၫ့ယူၩထၪ့ခွံၬအ အၥိၭနီၪ, ဆၧဆိၪအၧၩ့ လၧအဂဲးလအီၪဘၪနီၪ ဘၪ ဆၧဆ့အ့ၬ.
3 နိၪဖျ့ၪလၧကၥ့ၪအဂး, ဒဲဖျံၩလၧကၥ့ၪယီၩ့အဂးနီၪး ဒဲနိၪထးလၧၦအဂီၩ့ အချိၫ့ခိၪအဂးနီၪဆ့လီၫ.
4 ထီးစံၭဆၧၫ့ၦအဂီၩ့ ဘဲၫအဆၧဂီၩ့ အၥိၭနီၪလဂ့ၩး နမိလၩ့ဂၬဘၪခိၬအဝ့ၫနီၪလီၫ.
5 စံၭဆၧၫ့ၦအဂီၩ့ ဘဲၫအဆၧဂီၩ့အီၪဝ့ၫအၥိၭနီၪဆံၭး မိကဲၪထၪ့ဘၪခိၬ ၦကိၪ့ၥ့ၪလၧအမ့ၬၥၪဒၪဝ့ၫအဖၧၩ့လီၫ.
6 ၦလၧအမၪလူၬ ဆၧလၧၦအဂီၩ့အစူၪဖၧၩ့နီၪ, ဒၪ့ ထ့ၬခွံၬၦခၪ့ဒဲအီၩဆၧ မၩဂၭဂီၩ့လီၫ.
7 ၦလၧအခၪ့ဂၭဂီၩ့ဖၨၪထီၫဝ့ၫနီၪး ဆၧချဲၩ့ဒီၩ့လၩ့လ မံၩ့လၧၦအဂီၩ့အနိၭဖၧၩ့, မွဲဘဲၫနီၪၥိၭဆ့လီၫ.
8 ဘဲၫၦစၧၩ့ထၬ လိးလဖျိၪ့ လၧဖလီအဖၧၩ့အၥိၭနီၪး ၦလၧအမၩလၩမၩဖၩ့ၦအဂီၩ့နီၪ, မွဲဘဲၫနီၪၥိၭဆ့လီၫ.
9 ဘဲၫဆၧဆူၪဘၪဆ့ၭၦအီၩ မၧၩ့အၥၭအစူၪအၥိၭနီၪ, ဆၧချဲၩ့ဒီၩ့လၩ့လမံၩ့ လၧၦအဂီၩ့အနိၭဖၧၩ့ မွဲဘဲၫနီၪ ၥိၭဆ့လီၫ.
10 ၦမၩဆၧအခိၪလဂၩ မၩထၪ့ဆၧထီးအလူၬ အခံး အဂၩ့း အ့ၪမွဲၦလၧအအၪ့လံၩ့ ၦအဂီၩ့လဂၩ, မၩအၥၭ ဘဲၫၦလၧအအၪ့လံၩ့ ၦလ့ၩဆၧလဂၩ အၥိၭနီၪလီၫ.
11 ၦအဂီၩ့လဂၩ လၧအမၩထဲၩ့ဒီၭ အဆၧဂီၩ့နီၪ,မၩ အၥၭဘဲၫထွံၪ လၧအကၠၪထဲၩ့အၥၭ လၧအဆၧပၠိၭထၪ့ ဒၪဝ့ၫအၥိၭနီၪလီၫ.
12 ၦလၧအကိၪ့ၥ့ၪ လၧအမ့ၬၥၪဒၪဝ့ၫအဖၧၩ့နီၪ, မွဲနဒၪ ဘၪဆ့ဧၪး ဆၧယိလါၦအဂီၩ့နီၪ အီၪအၪနဲၪ့ဒံၭအဝ့ၫ ဒၪလီၫ.
13 ၦအကၠႃၪ့လဂၩစံၭဝ့ၫ, ဆၬလၥၧၫ့လဒုၩအီၪလၧဖၧၩ့ ၥၭနီၪး ဒဲဆၬလၥၧၫ့လဒုၩ အီၪဝ့ၫ လၧဖၧၩ့ၥၭမုနီၪဆ့ လီၫ.
14 ဘဲၫတရၫ့ကၠၪအၥၭ လၧအခွၩ့ဖၧၩ့အၥိၭ, ၦကၠႃၪ့ လဂၩကၠၪအၥၭ လၧအလးမံၫအဖၧၩ့ ဘဲၫနီၪၥိၭဆ့
15 လီၫ.- ၦကၠႃၪ့လဂၩ ဘၧၩ့လၩ့အစူၪ လၧဆၧဖၧၩ့နီၪ တၭးထုၭထၪ့ထဲၩ့ဒီၭ လၧအနိၭနီၪ ဆၧပွံၭအၥၭလီၫ.
16 ၦကၠႃၪ့လဂၩ လၧအမ့ၬၥၪဒၪဝ့ၫအဖၧၩ့, အီၪလၧဆၧ ကိၪ့ၥ့ၪအၪနဲၪ့ၦနွ့ၫဂၩ လၧအလီၩဖျီၪထၪ့ ဆၧအဂဲး အကၠီၪ့ၥ့ၪဒံၭလီၫ.
17 ၦလၧအလ့ၩဆၧလၧဖၧၩ့ၥၭနီၪတၭ, ၥၭထၪ့ဆၧဂဲး လိၬတ့ၭလိၬ လဘၪဆဲၫ့ဘၪအနၫ့ဆါနီၪး မၩအၥၭဘဲၫ ၦဖီၪ့ထၬ ထွံၪအနါၥံၪ အၥိၭနီၪလီၫ.
18 ဘဲၫၦဖျႃလဂၩ, ခွံၬဖျါမ့ၪ, ဖၩ့ၥံၪနၭၥံၪ, ဒဲဆၧၥံၫအ
19 ၥိၭနီၪး- ၦလဂၩလၧအအၪ့လီၫန့ ၦလၧအနဲၩ့ထံၭတၭ, စံၭဝ့ၫ, ယချဲၩ့လိၬကွ့ၩနီၪမွဲအ့ၬဧၪ, မၩအၥၭဘဲၫနီၪ ၥိၭဆ့လီၫ.
20 ထီးဒၪအလးလၧၥံၪ့မုလအီၪဘၪတၭ, မ့ၪလၩ့ဖံၬ ခွံၬဝ့ၫဒၪး ဒဲၦချဲၩ့ခဲၪဆၧနီၪ အ့ၪလအီၪဘၪတၭ, ဆၧဂဲး လိၬတ့ၭလိၬလၩ့ဖံၬခွံၬ ဘဲၫနီၪၥိၭဆ့လီၫ.
21 ဘဲၫၥွၫထီး လၧမ့ၪအၧၩ့အဂးအၥိၭ, ဒဲၥံၪ့မုလၧမ့ၪ အဂးအၥိၭနီၪး ၦလၧအဂဲးလိၬတ့ၭလိၬ ဆၧလဂၩနီၪ ဒုၭအီၪထၪ့ ဆၧအၪ့ဂူၬလိၬအၥၭ ဘဲၫနီၪၥိၭဆ့လီၫ.
22 ၦချဲၩ့ခဲၪဆၧ အဆၧချဲၩ့ၥံၪ မၩအၥၭဘဲၫဆၧလၧၦ အၪ့အွံၪအၥိၭနီၪး ဒဲဆၧနီၪလဖၪ နုၬလၩ့လၧဂူၭဖိၫ့ယိၬ ထုၬအဖၧၩ့နီၪလီၫ.
23 နိၭဖျံၩၥံၪခဲၩ ထၪ့ဒဲၥၭအၧၩ့နီၪ မၩအၥၭဘဲၫဖၧၩ့ဂၪ့ ခိၪဖၩ့ထၬအၥၭ လၧစ့ၩအအ့ၪအၥိၭနီၪလီၫ.
24 ၦလၧအၥၭဂဲၫ့ဆၧနီၪ အၪ့လီၫဆၧလၧအနိၭဖျံၩၥံၪး အ့ၪမွဲလၧအၥၭခံဖၧၩ့ အီၪက့ၪထၬဆၧအၪ့လီၫဝ့ၫနီၪ
25 လီၫ.- ထီးအဝ့ၫဒၪအ့ၪချဲၩ့ဆၧ လၧအလူမုၬမုၬနီၪ, နဲၩ လဂ့ၩး အဂဲးဘဲၫယီၩ ဆၧစံၪစၪနွ့ၫမံၩ့ၥံၪ အီၪလၧအ
26 ၥၭခံဖၧၩ့လီၫ.- အဆၧအၪ့လီၫနီၪ မၩလၩ့ဘံၭခွံၬအ ဆၧၥုၪ့ထၪ့ၥၭဂဲၫ့တၭး အဆၧအၧၩ့နီၪ မိဘၪဆၧဒုၭ ဖျီၪထၪ့လၧဆၧအီၪကီၪ့ အဖၧၩ့လီၫ.
27 ၦလၧအခုၪ့ဆၧဖၧၩ့နီၪ မိလၩ့ထ့ၬလၧအဖၧၩ့း ဒဲၦ လၧအချံးလိးလဖျိၪ့နီၪ, ဆၧမိဂဲၫထဲၩ့ထဲၩ့ လၧအလီၩ့ ဒၪဝ့ၫလီၫ.
28 ဖျ့ၩအဘျံၭအဘျၪနီၪ ၥၭဂဲၫ့မ့ၬလဲၩၦလၧအမၩအၧၩ့ ဝ့ၫး ဒဲနိၭချဲၩ့မုၬနါဆၧနီၪ မၩဂၭဂီၩ့ဆၧလီၫ.