25
1 အယီၩမွဲစစီလမၧၫ့ အဆၧချဲၩ့ဒီၩ့လၩ့ၥံၪး လၧယု ဒၫအစဎွၩဟ့ၭဇကဲအၫ အခ့ၫအၡၩၥံၪ ကွ့ၭဆဲၫဝ့ၫဒၪ နီၪလီၫ.
2 ယွၩအလၩအဖၩ့နီၪ မွဲအအီၪက့ၪၥူၪခွံၬ ဆၧလမံၩ့ တၭ, အ့ၪမွဲစဎွၩၥံၪအလၩအဖၩ့နီၪ, မွဲအအၪ့ဎူၫအၪ့ ဎၬနဲၪဖျီၪထၪ့ဆၧလီၫ.
3 မူၭခိၪလၧဆၧထၪ့ထီၫအဂး, ဂၪ့ခိၪလၧဆၧယိၬအ ဂး ဒဲစဎွၩၥံၪအၥၭ, မွဲဆၧလၧၦအၪ့ဎူၫအၪ့ဎၬၥ့ၪယၫ လၥ့ၪဘၪလီၫ.
4 မၩန့ခွံၬစ့ၩ အအ့ၪလၧစ့ၩအဖၧၩ့နီၪတၭ, ၦၥိၫ့ဆၧ
5 လဂၩနီၪ ဒုၭကဲၪထၪ့ထွ့ၫၥ့ၪလီၫ.- မၩန့ခွံၬၦလတီၩ လလီၩ့ဘၪ လၧစဎွၩအမ့ၬယၫနီၪ, အလးဆီၩ့ဆီမိအီၪ ဂုးခၧၫ့ လၧဆၧတီၩဆၧလီၩ့အဖၧၩ့လီၫ.
6 ထီးမၩထၪ့ထီၫနၥၭ လၧစဎွၩအမ့ၬယၫနီၪလဂ့ၩး
7 ဒဲလၧၦဒိၪၥံၪအလးနီၪ, ထီးဆၧၫ့ထုၪ့လဂ့ၩ.- အဂဲး ဘဲၫယီၩ ၦလဂၩစံၭနၧၩ ဂဲၫထၪ့လၧထၭယီၩဘီၪးမွဲ ဆၧဂ့ၩနဲၪ့ဒံၭ လၧဆၧဒုၭလ့ၩလၩ့နၧၩ လၧလၬလဆၫ့ လၧၦဒိၪဖၭဒိၪအမ့ၬယၫနီၪ, ၦလဂၩလၧနဒၪဘၪလၧ နမ့ၬၥၪလီၫ.
8 ထီးလ့ၩထၪ့ချဲၫ့ဘဲၫၥိၭနမိချဲၩ့ခွးနီၪလဂ့ၩး ထီးၦ လၧနနဲၩ့ထံၭလဂၩ အ့ၪဒုၭမ့ၬမဲနၧၩတၭ, နမိမၩဘဲၫ ၥ့ၪလဲၪ.
9 ကၩ့ကၩဒၪခလူၬနမူၭဒၪနဝ့ၫ လၧၦအီၪလၧနနဲၩ့ထံၭ အနၫ့ဆါအၥိၭဆံၭး ထီးဒုၭဖျီၪထၪ့ၦဂူၫဂၩ အဆၧအီၪ
10 ၥူၪနီၪလဂ့ၩ.- ဘၪလဘၪၦလၧအနါဂၧၫ့ဝ့ၫနီၪ မိဒုၭမ့ၬ မဲနၧၩတၭ, နလၩနဖၩ့မိလၩ့မါခွံၬလီၫ.
11 ဆၧချဲၩ့လၧၦချဲၩ့ထီးအဆၧၫ့အထီဘၪနီၪ, မၩအၥၭ ဘဲၫပရၧၭၥၪထီၫ့ အီၪလၧစ့ၩဒ့ၭကံၪအဖၧၩ့နီၪလီၫ.
12 ၦကိၪ့ၥ့ၪလဂၩအၪ့ၥီၪ့ဆၧ လၧၦခိၭနၪဆၧအနါဖၧၩ့ နီၪ, မၩအၥၭဘဲၫနါခွၩ့ထီၫ့, ဒဲဆၧကယၧၩ့ထီၫ့ဆံၫ့နီၪ လီၫ.
13 ဘဲၫမူၭခိၪဖီၫအဆၧချံၪ့ လၧကူၭဆၧအထီအၥိၭနီၪး ၦအၥီၫ့လဂၩ လၧအလူတီၩ လၧၦအၪ့မၧၫ့ဝ့ၫအဂးမွဲ ဘဲၫနီၪၥိၭဆ့း အဂဲးဘဲၫယီၩ ဒုၭမုၬထၪ့ထဲၩ့အကဆါ အၥၭလီၫ.
14 ၦလဂၩလၧအအူၭလၩ့အၥၭ လၧဆၧဖ့ၪအၪ့လီၫအ ကၠီၩ့နီၪ, မၩအၥၭဘဲၫဆၧအုၪ့, ဒဲလံၩလၧဆၧလဂဲၫ ဆၧၩ့ဘၪအၥိၭနီၪလီၫ.
15 လၧဆၧအွံၪၥၭဆၧၩ့ယံၬအကၠီၩ့နီၪ, ၦဒိၪဖၭဒိၪဘၪ ဆၧအၪ့လွ့ၫန့တၭ, ဖျ့ၩဖူၬလူၭနီၪ မၩခါခွံၬဎွံၪလီၫ.
16 န့ၫစၩ့နီၪမွဲနဒၪဘၪယူၭဧၪး အၪ့ဘျဲၩအၪ့ဘီၪး ဘၪ လဘၪနအၪ့အၪလၨၪတၭ, နမိပၠိၭထၪ့ခွံၬဘၪခိၬလီၫ.
17 လ့ၩလၧနထံၩနၥိၭ အဂံၪ့နီၪပဒၩ့နခၪ့ဘီၪး ဘၪလ ဘၪအဝ့ၫဒၪမိဘၪဆၧမၩပွံၭအၥၭတၭ, မိမ့ၬလဲၩဘၪ ခိၬနၧၩလီၫ.
18 ၦလဂၩ လၧအထိးအၥၭ အဘျံၭအဘျၪ ထၫ့ဒုၪဒၩ ၦလၧအနဲၩ့ထံၭနီၪ, မၩအၥၭဘဲၫၥံၪ့မုကုၭ, ဒဲနၭၥံၪ ဖၩ့ၥံၪ, ဒဲဖျါလၧအစူၩဝ့ၫအၥိၭလီၫ.
19 လၧဆၧခိဆၧဝီၩမုနံၩအဖၧၩ့နီၪ ၦဒိၭနဲၩ့အၥၭလၧ ၦလတီၩဘၪအစူၪဖၧၩ့, မၩအၥၭဘဲၫၥွၫခါလဘံၪ့, ဒဲ ခၪ့ဆၧၫ့တဖျၬခွံၬ အၥိၭနီၪလီၫ.
20 ဘဲၫၦဘဲၪ့လၩ့ခွံၬ ဆၧကီၩ့ဆၧၥိၭ လၧဆၧဂီးအထီ နီၪ, ဘဲၫဆၧဆဲၪ့ထံၫ လၧဖျၪအ့ၪၥံၫ့အဖၫ့ခိၪအၥိၭနီၪ, ၦလၧအၥံၫကျံၩထၭခိၪ လၧၦၥၭအုၭအဂး, မွဲဘဲၫနီၪ ၥိၭဆ့လီၫ.
21 နဒုၪနဒၩအ့ၪၥၭဝံအၥၭတၭ, ဒုၭအၪ့ကိၪဘီၪး အ့ၪ
22 ၥူၫအီၩအၥၭနီၪ ဒုၭအီၩထံၫဘီၪ.- အဂဲးဘဲၫယီၩနအီၪ က့ၪကီၪ့မ့ၪအၧၩ့ လၧအခိၪဎွံၪလီၩ့တၭ, ယဟိဝၩမိဖ့ၪ ဆၧၫ့ထဲၩ့နၧၩလီၫ.
23 လံၩလၧမုဖၩနီၪဒုၭဆၧၩ့လၩ့ဆၧး ဒဲဖျ့ၩလၧအဒုၭ အဲၪ့လိၬဆၧနီၪ ဒုၭအီၪထၪ့ဆၧၥၭထၪ့လီၫ.
24 ၦအီၪလၧဂံၪ့ခိၪအနိၪ့ဖၧၩ့နီၪ, ဂ့ၩနဲၪ့အီၪဝ့ၫလၧၦမုၪ လၧအဂဲးလိၬတ့ၭလိၬဆၧလၧဂံၪ့ဖၭလဲအဖၧၩ့ဒံၭလီၫ.
25 ဆၧပရၧၫ့ဂ့ၩ လၧထံၫယဲၩ့ခးယဲၩ့နီၪ, မၩအၥၭဘဲၫ ထံၫချံၪ့, လၧၦလၧအၥၭလၩ့ဘဲၩအဂးအၥိၭနီၪလီၫ.
26 ၦတီၩၦလီၩ့လၩ့ထံၩဖါ လၧၦလတီၩလလီၩ့ဘၪအ မ့ၬယၫတၭး မွဲဘဲၫထံၫထၪ့ဖျိၭဒုၪဝ့ၫ, ဒဲထံၫဖၧၩ့ဘၪ ဆၧစံၪစၪအၥိၭနီၪလီၫ.
27 ၦအၪ့န့ၫစၩ့ အၪလၨၪဂ့ၩအ့ၬး ဘဲၫနီၪအၥိၭၦအၪ့ ဎၬအလၩအဖၩ့ဒၪဝ့ၫနီၪ မွဲဆၧလၩဖၩ့ဆ့အ့ၬ.
28 ၦလဂၩလၧအလပၧၩ့ဘၪအၥၭ ဒၪဝ့ၫနီၪ, မၩအၥၭ ဘဲၫဒိၩ့လၩ့ဎီးခွံၬ, ဒဲအခိၪဒၧၩ့လအီၪဘၪ အၥိၭနီၪလီၫ.