24
1 ၦအၧၩ့ၥံၪထီးၥၭခ့ၬလဂ့ၩး ဒဲထီးဆိၫ့အီၪလၧအဝ့ၫ
2 ၥံၪအကျၩလဂ့ၩ.- အဂဲးဘဲၫယီၩ အဝ့ၫၥံၪအၥၭကိၪ့ ထၪ့ဖၭလၩ့ဆၧမၩဆီၪ့တၭ, အဝ့ၫၥံၪအနိၭဖျံၩၥံၪချဲၩ့ ဆၧမၩဂၭဂီၩ့ဆ့လီၫ.
3 ဆၧမၩထၪ့ဂံၪ့ လၧဆၧကိၪ့ဘၪကိၪ့ၥ့ၪအကၠီၩ့း ဒဲလၧ ဆၧၥုၪ့ဖၭၥၭဖၭအကၠီၩ့ မိဂုးထၪ့ခၧၫ့ထၪ့ဝ့ၫဒၪလီၫ.
4 ဒဲလၧဆၧၥ့ၪယၫအကၠီၩ့နီၪ, ဖၫ့ၥံၪဘၪဆၧမၩဎွ့ၩထၪ့ ဝ့ၫလၧကယဲဆၧဂ့ၩလဖၪ ဒဲဆၧအဎၧၩ့အဎီ လၧအလူ ဒိၪဎွ့ၩဒိၪလီၫ.
5 ၦကိၪ့ၥ့ၪလဂၩနီၪ အီၪလၧဂဲးဆီၪ့ဘၭဆီၪ့ဒဲၦၥုၪ့ဖၭ
6 ၥၭဖၭလဂၩနီၪ အဂဲးအဘၭအၪထၪ့ဝ့ၫလီၫ.- အဂဲး ဘဲၫယီၩ နမိဒုၭဘၪၥုၭလၧဆၧကိၪ့ၥ့ၪ အဆၧၥိၫ့ဝ့ၫအ ကၠီၩ့, ဒဲလၧၦဒုၭကိၪ့ဆၧအၪဂၩအကၠီၩ့နီၪ ဆၧဂုးဂုး ခၧၫ့ခၧၫ့အီၪဝ့ၫလီၫ.
7 ဆၧကိၪ့ဘၪကိၪ့ၥ့ၪ အီၪထၪ့ထီၫလၨၪလၧၦအဂီၩ့ အဂးနီၪ အဝ့ၫဒၪအၩ့ထၪ့အနိၭ လၧတရၫ့ဖၧၩ့နီၪအ့ၬ.
8 ၦလဂၩဂၩအ့ၪကိၪ့ထၪ့မၩဆၧအၧၩ့နီၪ, ဆၧမိကိၭ ဝ့ၫၦမၩဂၭဂီၩ့ဆၧလီၫ.
9 ဆၧဂီၩ့အဆၧကိၪ့ထၪ့ဖၭလၩ့နီၪ, မွဲဆၧဒဲၩဘၭတၭ, ၦချဲၩ့ကြၩ့ထမးဆၧလဂၩ, မွဲဆၧၥၭလိၪလၧၦၡၩၥံၪ အမ့ၬယၫလီၫ.
10 လၧဆၧၡၪ့ဆၧနၭမုနံၩအဖၧၩ့နီၪ, နၥၭအ့ၪလၩ့ဘဲၩ တၭ, နဂဲးနဘၭအီၪလဆံၭဖိၪလီၫ.
11 ၦလၧဆၧအီၪက့ၪဝ့ၫ လၧဆၧၥံၫအဂးနီၪ, ဒဲၦအီၪ ဘူၭလၧဆၧမိမၩၥံၫဝ့ၫး မွဲနမိမၩဘိၭမၩဆၧၩ့အ့ၬဧၪ.
12 အဂဲးဘဲၫယီၩ နအ့ၪစံၭ, ယိခွါ, ဆၧလမံၩ့ယီၩ, ပၥ့ၪ ယၫအ့ၬတၭး ၦလၧအမၩခွါၦၡၩအၥၭၥံၪနီၪ, အဝ့ၫ ဒၪမိဒၪဘၪအ့ၬဧၪး ဒဲၦလၧအယိထဲၩ့ခွါထဲၩ့နၥၭမၧၫ့ လဂၩနီၪ, မွဲအဝ့ၫလဂၩမိၥ့ၪယၫဆၧအ့ၬဧၪး တၭအ ဝ့ၫလဂၩ ဖ့ၪထဲၩ့ၦၡၩဆၧလၧအကြၨၭဘဲၫအမၩဆၧ အၥိၭနီၪဆ့လီၫ.
13 ယဖိၪခွၫဧ့, အၪ့န့ၫစၩ့ဘီၪ, အဂဲးဘဲၫယီၩမွဲဆၧဂ့ၩ
14 ဒဲန့ၫစၩ့လၩ့ဆၩ့ၥံၪ ဆၧၫ့လၧခိၬဖၧၩ့အဂးလီၫ.- ဘဲၫ နီၪၥိၭမၩလိၪ ဆၧကိၪ့ဘၪကိၪ့ၥ့ၪ လၧနၥၭအဂးဆံၭး နအ့ၪဒၪဘၪတၭ, ထီးနီၪလဖၧၫ့ ထီးမုနံၩထုၬမိအီၪဝ့ၫ တၭ, နဆၧယိလါၥံၪ မိဘၪဆၧဒၪ့ထ့ၬခွံၬအ့ၬ.
15 ၦလတီၩလလီၩ့ဘၪလဂၩဧ့, လၧၦတီၩၦလီၩ့အဂံၪ့ နီၪ, ထီးအီၪခိၭၥူၪလဂ့ၩ ထီးမၩဂၭဂီၩ့အဆၧအီၪပွံၭ
16 အလးနီၪလဂ့ၩ.- အဂဲးဘဲၫယီၩ ၦတီၩၦလီၩ့လၩ့ထံၩ ဖါနွ့ၫဘျၩ့လါနၫ့တၭ, မိဂဲထုၪ့ထဲၩ့ဒီၭ, အ့ၪမွဲၦလတီၩ လလီၩ့ဘၪနီၪ မိလၩ့ထံၩဖါ လၧဆၧဂၭဂီၩ့အဖၧၩ့လီၫ.
17 ထီးနဒုၪနဒၩအ့ၪလၩ့ထံၩဖါနီၪ, ထီးၥုၪ့ထိၬၥၭထိၬ လဂ့ၩး အခၪ့အ့ၪဘၪထၧၩ့တၭ, ထီးၥုၪ့ဎွံၫၥၭယီၫလ
18 ဂ့ၩ.- ယဟိဝၩမိဒၪဘၪခိၬတၭ, မိကဲၪဆၧအၧၩ့လၧ အမ့ၬၥၪဖၧၩ့, ဒဲအမိဒုၭကၠၪခွံၬ အဆၧၥၭထၪ့ လၧအ ဝ့ၫလဂၩနီၪလီၫ.
19 ထီးမၩခိနၥၭ လၧၦမၩဆၧအၧၩ့အကၠီၩ့နီၪလဂ့ၩး
20 ထီးၥၭခ့ၬၦလတီၩလလီၩ့ဘၪလဖၪနီၪလဂ့ၩ.- အဂဲးဘဲၫ ယီၩဆၧအလံၩ့အလဲၫ လၧၦအၧၩ့ဖိၪၥံၪအဂးအီၪအ့ၬး ၦလတီၩလလီၩ့ဘၪအမ့ၪဒိၩ့ မိဘၪဆၧမၩလၩ့ဖံၬခွံၬ ဝ့ၫလီၫ.
21 ယဖိၪခွၫဧ့, ၥၭမဲၪယဟိဝၩ ဒဲစဎွၩဆံၭး ထီးထၧၫ့ ထံၩထၧၫ့ၥိၭ လၧၦလၧအမၩ ကဒံၩကဒၩ အၥၭနီၪလ
22 ဂ့ၩ.- အဂဲးဘဲၫယီၩ အဝ့ၫၥံၪအဆၧၡၪ့ဆၧနၭ မိဂဲထုၪ့ ရှုၭဝ့ၫတၭး အဝ့ၫၥံၪနံၫဂၩလူၬနီၪ မွဲပလၫၥ့ၪယၫအ ဆၧဂၭဂီၩ့လဂၩလဲၪ.
23 ဆၧယီၩလဖၪဆ့ ဘၪဆဲၫ့လၧၦကိၪ့ဘၪကိၪ့ၥ့ၪလီၫ.
24 လၧဆၧစ့ၩရၫ့အဖၧၩ့နီၪ ဆၧယိမ့ၬၦၡၩဂ့ၩအ့ၬ.- ၦလ ဂၩလၧအစံၭ ၦလတီၩလလီၩ့ဘၪနီၪ, နဝ့ၫဒၪနမွဲၦအ တီၩအလီၩ့, တၭၦခမျၧးၥံၪ မိဆိၪအၧၩ့အဝ့ၫဒၪ, ၦ
25 ဆၨၩၥံၪအီၪက့ၪၥၭလိၪခွံၬဝ့ၫဒၪလီၫ.- အ့ၪမွဲၦလၧအ အၪ့ၥီၪ့ဝ့ၫနီၪ မိန့ဘၪဆၧမုၬလၩး ဒဲၦဂ့ၩၥံၪအဆၧဆိၪ ဂ့ၩနီၪမိဘၪအလီၩ့လီၫ.
26 ၦၡၩမိအဲၪဂါ ၦလၧအချဲၩ့ဆၧၫ့ဆၧလၧဆၧချဲၩ့အ တီၩအလီၩ့လဖၪနီၪလီၫ.
27 တဲၩ့ဝဲၩနဆၧမၩလၧခီၫ့တၭ, မၩဆၧလၧနနၫ့ဆါအ ဂးလၧဆံၬၥံၪနၩၥံၪအဖၧၩ့တၭး ထီးနီၪလဖၧၫ့, လၧ အလးခဲၫ့နီၪ, မၩထၪ့နဂံၪ့ဘီၪ.
28 ထီးအလးအ့ၪလအီၪဘၪနီၪ, ထီးထိးနၥၭ ထၫ့ဒၩ ၦလၧနနဲၩ့ထံၭနီၪလဂ့ၩး အဂဲးဘဲၫယီၩ မွဲနမိအၪ့လီၫ ဆၧလၧနနိၭဖျံၩၥံၪဆ့ဧၪ.
29 ဘဲၫအဝ့ၫလဂၩမၩယၧၩအၥိၭ, ယမိမၩအဝ့ၫဘဲၫ နီၪအၥိၭဆ့း ယမိမၩဆၧၩ့ၦၡၩ ဘဲၫအမၩဆၧအၥိၭ နီၪတၭ, ထီးစံၭလဂ့ၩ.
30 ယလ့ၩလၧၦကၠႃၪ့ အဆံၬအနၩအနဲၩ့ထံၭး ဒဲလၧၦ အၥုၪ့ဖၭၥၭဖၭလအီၪဘၪနီၪ, အစဘံၭလးအနဲၩ့ထံၭ
31 တၭ,- ယိခွါ, လၭဆၫၥံၪဒဲနၪ့ၥံၪခဲၪဘံၭခွံၬတၭ, ဆၧ ဆူၪဆၧမဲၪအီၪဝ့ၫ လၧအဖၫ့ခိၪထၧၫ့ဘံၪ့ယၫ, ဒဲအခိၪဒၧၩ့လိးနီၪ လၩ့ဎီးခွံၬဝ့ၫဒၪလီၫ.-
32 ထီးနီၪလဖၧၫ့ယယိ ဆၧတၭ, ယဆီၫ့မီၪ့ဆၧ ထံၫထံၫဆၭဆၭတၭ, ယဒၪ
33 ဘၪတၭယဒိၭန့ဆၧၥီၪ့ဆၧၥၫ့လီၫ.-
34 မံၫလဆံၭ, မံၫခံၫ့ လဆံၭဆံၭ, ချံၭလၩ့စူၪလၧဆၧအီၪပွံၭအဂး, တၭဆၧ ၡၪ့ဆၧယၬမိဂဲၫဘၪနၧၩ, ဘဲၫထမျၬအၥိၭ, ဒဲဆၧမၩခိ မၩဝီၩနၧၩ ဘဲၫၦအီၪလၧစူၪဝဲၩအၥိၭနီၪလီၫ.