19
1 ၦၡၪ့ဖိၪယၬဖိၪလၧအလ့ၩဆၧ လၧအၥၭတီၩအဖၧၩ့ နီၪ, ဂ့ၩနဲၪ့ဒံၭ ၦလၧအနိၭဖျံၩအကဲၪ့ ဒဲအမွဲၦအဂီၩ့နီၪ လီၫ.
2 ၦၥၭလအီၪဘၪ လၧဆၧၥ့ၪယၫနီၪ ဂ့ၩဆ့အ့ၬး ဒဲၦ လၧအခၪ့ဖျဲၪဂၭဖျိၭဖၧၩ့ၥၭလီၫ.
3 ၦၡၩအဂီၩ့နီၪ ဘိၭကဲၪ့အဖၧၩ့ၥၭတၭး အၥၭထၪ့ ထၫ့ဒုၪဒၩယဟိဝၩလီၫ.
4 ဆၧအစူၪလးခၪ့ခိၪနီၪ ဒုၭအၪထၪ့ၦထံၩၦၥိၭး အ့ၪ မွဲၦၡၪ့ဖိၪယၬဖိၪ ဘၪဆၧမၩလၩ့ဖၭဝ့ၫ လၧအထံၩအ ၥိၭလီၫ.
5 ၦထိးအၥၭအဘျံၭအဘျၪလဂၩနီၪ မိဘၪဆၧဖျါခွံၬ အဆၧမၪအ့ၬး ဒဲၦလၧအချဲၩ့ဆၧလတီၩဘၪနီၪ ဖီၩ့ ဖျ့ၭၥ့ၪအ့ၬ.
6 ၦအၪဂၩ အၪ့လွ့ၫၦဒိၪအၥၭး ဒဲၦကိၭဂၩဒ့ၭထၧၫ့ ထံၩထၧၫ့ၥိၭ လၧၦဖ့ၪလၫ့ဆၧယီၫ လဂၩနီၪလီၫ.
7 ၦအၡၪ့အယၬ အထၧၫ့ဖုဝဲၥံၪ မ့ၬလဲၩအဝ့ၫကိၭဂၩ ဒ့ၭး အထံၩအၥိၭၥံၪ အီၪယဲၩ့ထၪ့ အၪဒၪအဆၧဒံၭး အဝ့ၫလီၩ့ဆီးဆၧချဲၩ့ၥံၪတၭ, န့ဘၪဆၧနီၪလဖၪလီၫ.
8 ၦလၧအန့ဘၪဆၧကိၪ့ဘၪကိၪ့ၥ့ၪလဂၩနီၪ အဲၪအၥၭ မၧၫ့ဒၪဝ့ၫတၭး ၦလၧအအီၪက့ၪထၬ ဆၧၥုၪ့ဖၭၥၭဖၭ နီၪဒၪန့ဆၧဂ့ၩလီၫ.
9 ၦထိးအၥၭအဘျံၭအဘျၪနီၪ မိဘၪဆၧဖျါခွံၬ အဆၧ မၪအ့ၬး ဒဲၦလၧအချဲၩ့ဆၧလတီၩလလီၩ့ဘၪနီၪ မိဘၪ ဆၧဂၭဂီၩ့ဂၭစၪဝ့ၫဒၪလီၫ.
10 ဆၧအၪ့အွံၪအီၩဆၧၫ့နီၪ ကြၨၭလၧၦအဂီၩ့အ့ၬး ဆၧအခ့ၫအၡၩပၧၩ့ၦဒိၪၥံၪ, ဒံၩ့လကြၨၭဘၪလီၫ.
11 ၦၡၩအီၪလၧဆၧကိၪ့ဘၪကိၪ့ၥ့ၪနီၪ ၥၭထၪ့ကၪးဒဲယိ ဖၬခွံၬဆၧအမၪနီၪ မွဲအဆၧလၩဖၩ့လီၫ.
12 စဎွၩအဆၧၥၭထၪ့နီၪ မၩအၥၭဘဲၫဆၬလၥၧၫ့ယုၩ့ ဆၧအၥိၭး အ့ၪမွဲအခိးအတၩနီၪ မၩအၥၭဘဲၫဆၩ့ထံၫ ဘၪနၪ့ၥံၪမံၩ့ၥံၪ အၥိၭနီၪလီၫ.
13 ဖိၪခွၫအဂီၩ့နီၪ မွဲဖါအဆၧၡၪ့ဆၧနၭး ဒဲမၫအဆၧ ဂဲးလိၬတ့ၭလိၬနီၪ မွဲဆၧလၩ့ဆၩ့လထံၪဎးဘီၩ့ဎးလီၫ.
14 ဂံၪ့ၥံၪဎၫ့ၥံၪ ဒဲဆၧအစူၪလးခၪ့ခိၪနီၪ, မွဲဆၧလၧၦန့ ၥၫလၧဖါး အ့ၪမွဲမၫလၧအၥ့ၪယၫ ထီးလၩ့အၥၭဂ့ၩ လဂၩနီၪ ဂဲၫဝ့ၫလၧယဟိဝၩလီၫ.
15 ဆၧကၠႃၪ့နီၪ ဒုၭမံၫမၪဆၧယိၬလ့ၬ, ဒဲၦကၠႃၪ့နီၪဘၪ ထိးဆၧၥၭဝံအၥၭဆ့လီၫ.
16 ၦလၧအထီးန့ဆၧမၪလူၬနီၪ ယိထဲၩ့ခွါထဲၩ့အၥၭဒၪ ဝ့ၫ, အ့ၪမွဲၦလၧအမၩကြၩ့ထမးအဖၧၩ့ၥၭနီၪ မိဘၪၥံၫ ဝ့ၫလီၫ.
17 ၦလၧအယၫ့ၥၭၦၡၪ့ဖိၪယၬဖိၪလဂၩနီၪ ဒုၭအၪ့လီး ဆၧလၧယဟိဝၩတၭး အဝ့ၫဒၪမိဖ့ၪလၫ့ထဲၩ့ဆၧလၧ အကြၨၭန့ဘၪလီၫ.
18 လၧဆၧယိလါအလးအီၪဝ့ၫအဘိၩ့ဘၭနီၪ အၪ့ၥီၪ့ နဖိၪခွၫဆံၭး အ့ၪမွဲထီးဆိၫ့မၩၥံၫအဝ့ၫလဂ့ၩ.
19 ၦလၧအၥၭထၪ့ဖၭဒိၪလဂၩနီၪ မိဘၪဆၧစ့ၩရၫ့စၪး အဂဲးဘဲၫယီၩ နမၩဖီၩ့မၩဖျ့ၭဝ့ၫလဖၧၫ့လါနၫ့ဘိၩ, န ဘၪမၩဒီၭနးဖၧၫ့ဒီၭဆ့လီၫ.
20 ဘဲၫၥိၭနမိအီၪလၧဆၧကိၪ့ဘၪကိၪ့ၥ့ၪ လၧနံၪ့လၧယၫ လဖၪနီၪ, ခိၭနၪဆၧဒုၭကိၪ့ ဒဲထိးဆၧၫ့ဆၧအၪ့ၥီၪ့နီၪ ဆံၭ.
21 ဆၧကိၪ့ထၪ့ဖၭလၩ့ၥံၪ လၧၦၡၩအၥၭခံဖၧၩ့နီၪအီၪ ဝ့ၫအၪမံၩ့း အ့ၪမွဲယဟိဝၩအဆၧဒုၭကိၪ့နီၪ မိအီၪဂုး ခၧၫ့ဝ့ၫလီၫ.
22 ၦၡၩအဆၧဂ့ၩနီၪ မွဲအခိးအတၩတၭး ၦၡၪ့ဖိၪယၬ ဖိၪလဂၩနီၪ ဂ့ၩနဲၪ့ဒံၭၦချဲၩ့ဘျံၭချဲၩ့ဘျၪဆၧ လဂၩနီၪ လီၫ.
23 ဆၧၥၭမဲၪယဟိဝၩနီၪ ဘၪဆဲၫ့လၧဆၧမၧၫ့တၭး ၦ မိမံၫ့ၥုၪ့မံၫ့ၥၭ, ဒဲဆၧအၧၩ့ဆၧၥၫ့ ဘၪအဝ့ၫနီၪအ့ၬ.
24 ၦကၠႃၪ့လဂၩ ဘၧၩ့လၩ့အစူၪ လၧထွ့ၫဖၧၩ့တၭးန့ၫ ထုၭထၪ့ထဲၩ့ဝ့ၫ လၧအနိၭနီၪမၩအ့ၬ.
25 နအ့ၪထး ၦမၩကြၩ့ထမး ဆၧလဂၩတၭ, ၦလမၩ လိၪဘၪဆၧနီၪ မိထီးလၩ့အၥၭး အၪ့ၥီၪ့ၦၥုၪ့ဖၭၥၭဖၭ တၭ အဝ့ၫဒၪမိမၩလိၪ ဆၧၥ့ၪယၫအဂဲးအကၠီၪ့နီၪလီၫ.
26 တၭဖိၪခွၫ လၧအဒုၭမ့ၬမဲဆၧ, ဒဲဆၧဒုၪဒွ့ၪနီၪ, မွဲၦ လၧအမၩဂၭဂီၩ့အဖါ ဒဲမၩခိမၩဝီၩ အမိနီၪလီၫ.
27 ယဖိၪခွၫဧ့, ဆၧၥီၪ့ဆၧၥၫ့လၧအဒုၭဂၭဖျိၭနၧၩလၧ ဆၧၥ့ၪယၫအဆၧချဲၩ့လဖၪနီၪ, ထီးခိၭနၪလဂ့ၩ, ဧီၪ.
28 ၦထိးအၥၭ အအၧၩ့အၥၫ့လဂၩနီၪ မၩကြၩ့ထမး ဆၧစ့ၩရၫ့တီၩတၭး ၦလတီၩလလီၩ့ဘၪအနိၭနီၪ ယု လၩ့ဆၧအၧၩ့လီၫ.
29 ဆၧတဲၩ့ဝဲၩဆၧစ့ၩရၫ့ၥံၪ လၧၦမၩကြၩ့ထမးဆၧအ ဂးနီၪး ဒဲဆၧထးဝ့ၫလဖၪ လၧၦအဂီၩ့အချိၫ့ အဂးလီၫ.