18
1 ၦလၧအမၩလၩ့ဖၭအၥၭလဂၩနီၪ အၪ့ဎူၫအၪ့ဎၬအ ဆၧမုၬဆၧလၩဒၪဝ့ၫတၭ, လၧကယဲဆၧဒုၭကိၪ့အဂ့ၩ နီၪအဝ့ၫထၫ့ဒုၪဒၩ ၥၭဂဲၫ့ထီးအလူၬလီၫ.
2 လၧၥုၪ့ဖၭၥၭဖၭအဖၧၩ့နီၪ ၦအဂီၩ့မုၬလၩအၥၭၥ့ၪ နးစီၪ့အ့ၬး အ့ၪမွဲဘၪအၥၭလၧအမိနဲၪဖျီၪထၪ့ အၥၭဒၪ ဝ့ၫဒိၪဒၪဆၧဒံၭလီၫ.
3 ထီးၦလတီၩလလီၩ့ဘၪဂဲၫဝ့ၫတၭ, ဆၧမၩကြၩ့ထ မးဂဲၫဝ့ၫဒၪဆ့း ဒဲဆၧဒုၪဒွ့ၪနီၪ အီၪဎုၬလၧဆၧမ့ၬမဲဆ့ လီၫ.
4 ၦၡၩအနိၭအဆၧချဲၩ့ၥံၪ မွဲထံၫယိၬလဖၪတၭး ဆၧ ကိၪ့ဘၪကိၪ့ၥ့ၪအထံၫထၪ့ဖျိၭနီၪ မွဲထံၫချိၬလၧအလၩ့ ယွၩဝ့ၫလီၫ.
5 ယိမ့ၬ ၦလတီၩလလီၩ့ဘၪ ဘဲၫၥိၭအမိဘိၭကၠၪခွံၬ ၦတီၩၦလီၩ့အဆၧစ့ၩရၫ့နီၪ, မွဲဆၧအဂ့ၩအ့ၬ.
6 ၦအဂီၩ့အနိၭဖျံၩနုၬလၧဆၧဂဲးလိၬ တ့ၭလိၬအဖၧၩ့, ဒဲအနိၭကိၭထၪ့ဆၧထးဝ့ၫ အဂးလီၫ.
7 ၦအဂီၩ့အနိၭနီၪ မွဲဆၧဂၭဂီၩ့, ဒဲအနိၭဖျံၩမွဲဖျံၩခွၩ့ လၧအၥၭမၧၫ့အဂးလီၫ.
8 ၦလၧအချဲၩ့ခဲၪဆၧအဆၧချဲၩ့ၥံၪ မၩအၥၭဘဲၫဆၧ လၧၦအၪ့အွံၪအၥိၭတၭး အဝ့ၫၥံၪလ့ၩနုၬလၩ့လၧဂူၭ ဖိၫ့အၥၭခံဖၧၩ့နီၪလီၫ.
9 ၦလၧအမၩကၠႃၪ့အၥၭ လၧအဆၧဖံၭဆၧမၩအဖၧၩ့ နီၪ, မွဲအထၧၫ့ဖုဝဲ လၧၦမၩလူၬဂီၩ့ဆၧနီၪလီၫ.
10 ယဟိဝၩအမံၩ့နီၪ မွဲတၨၭထီၫအခၧၫ့တၭး ၦအတီၩ အလီၩ့ၥံၪစဲၪ့တလဲးနုၬ လၧအဖၧၩ့တၭ, အီၪဖီၩ့ဖျ့ၭဝ့ၫ လီၫ.
11 ၦၥထံၫအစူၪလးခၪ့ခိၪနီၪမွဲဒိၩ့အဂုးခၧၫ့, ဒဲလၧအ ဆၧဆီၫ့မီၪ့ဒၪဝ့ၫအဖၧၩ့နီၪ မွဲဝ့ၫဘဲၫခိၪဒၧၩ့ထၪ့ထီၫအ ၥိၭလီၫ.
12 ၦၡၩအီၪက့ၪထၪ့ထီၫအၥၭ လၧဆၧဂၭဂီၩ့လချႃၭ ထီၩ့ဒံၭဘၪနီၪး ဒဲဆၧဆၪ့လၩ့ၥၭ အီၪဆိၫနဲၪ့ဒံၭဆၧ လၩဖၩ့နီၪလီၫ.
13 ၦလဂၩဂၩ အ့ၪချဲၩ့ဆၧၫ့ဆၧ လၧအလချႃၭနါဂၧၫ့ ဆၧအဂဲးအကၠီၪ့ဒံၭဘၪနီၪ, မွဲဆၧအဂီၩ့ဒဲဆၧမ့ၬမဲလၧ အဝ့ၫဒၪအဂးလီၫ.
14 ၦအၥၭနီၩ့ ထိးအဆၧဆၫနၧၩ့း အ့ၪမွဲဆၧၥုၪ့ခါၥၭ လၩ့နီၪ မွဲပလၫထိးဝ့ၫနၧၩ့ လဂၩလဲၪၬ
15 ၦၥုၪ့ဖၭၥၭဖၭ မိန့ဘၪဆၧၥ့ၪယၫတၭး ၦကိၪ့ၥ့ၪအ နါနီၪ မိအၪ့ဎူၫအၪ့ဎၬ ဆၧၥ့ၪယၫလီၫ.
16 ၦၡၩအလၬဆီၪ့နီၪ မၩပျၩ့အလး ဒဲၥိၫ့ထၪ့ဝ့ၫလၧ ၦဒိၪၥံၪအမ့ၬယၫလီၫ.
17 ၦလၧအအီၪဆိၫဝ့ၫ လၧဆၧချဲၩ့ခွးအဖၧၩ့နီၪဆီၫ့မီၪ့ ဝ့ၫလၧအတီၩ လါနၫ့ဘိၩး ၦဂူၫဂၩ ဂဲၫအၪ့စိၭအၪ့စၪ့ နဲၪဖျီၪထၪ့ဝ့ၫ အဂဲးအကၠီၪ့လီၫ.
18 ဆၧဖၭနီၪဒုၭလၩ့မါ ဆၧဂဲးလိၬတ့ၭလိၬလဖၪ, ဒဲဒုၭ လၩ့ဖၭၦအဆီၪ့ၥံၪလီၫ.
19 ထၧၫ့ဖုဝဲလၧအၥၭဂၭဂီၩ့နီၪ, ဆၧန့ထဲၩ့အၥၭမွဲဆၧ ကၪနဲၪ့ဒံၭ လၧအန့ဒိၩ့ခၧၫ့း ဒဲဆၧဂဲးလိၬတ့ၭလိၬလဖၪ မွဲဝ့ၫဘဲၫထိၬ အနိၪဘီၩ့ၥံၪ အၥိၭလီၫ.
20 ၦၡၩအဂူၭဖိၫ့မိလၧၫ့ဎွ့ၩ လၧအနိၭအဆၧၥၪၥံၪ, ဒဲ မိလၧၫ့ဎွ့ၩ လၧအနိၭဖျံၩၥံၪ အဆၧအၪထၪ့ဝ့ၫလီၫ.
21 ဆၧၥံၫဒဲဆၧမၧၫ့နီၪ အီၪလၧဖျ့ၩအစီၩ့အမၩ့အဖၧၩ့ တၭ, ၦလၧအအဲၪဝ့ၫလဂၩနီၪ မိအၪ့ဝ့ၫအၥၪဆ့လီၫ.
22 ၦလဂၩဂၩဒၪန့အမၫတၭ, ဒၪန့ဆၧအဂ့ၩလမံၩ့,ဒဲန့ ဘၪယဟိဝၩ အခိးအတၩဆ့လီၫ.
23 ၦၡၪ့ဖိၪယၬဖိၪနီၪ အၪ့ကံၩ့အၪ့ယၫဆၧလဖၪး အ့ၪ မွဲၦၥထံၫၥံၪ ချဲၩ့ဆၧၫ့ဆၧဆီၪ့ဆီၪ့လ့ၬလီၫ.
24 ၦလၧအအီၪက့ၪအၥၭ လၧအမိန့ဘၪအထံၩအၥိၭ အၪဂၩနီၪ မိမၩဂၭဂီၩ့အနၫ့ဆါဒၪဝ့ၫ, အ့ၪမွဲၦလၧအ အဲၪဝ့ၫ ဒဲစဲၩဘုၭထၬအၥၭ ထံးနဲၪ့ဒံၭထၧၫ့ဖုဝဲနီၪ အီၪ ဝ့ၫလဂၩလီၫ.