17
1 ဆၧအဎဲၫ့လမိၩ အီၪလၧဆၧမုၬဆၧဎၩ့နီၪ, ဂ့ၩနဲၪ့ ဒံၭဂံၪ့လၧအဎွ့ၩဝ့ၫ လၧဆၧဖိၪဆၧဎါ လၧအဘၪဆၧ မၩၥံၫဝ့ၫဒဲအီၪဎုၬ လၧဆၧအဲၪ့လိၬဆိၭချဲၩ့နီၪလီၫ.
2 ၦအဎီးအီၪလၧဆၧကိၪ့ၥ့ၪ မိပၧၩ့ဖိၪခွၫ လၧအဒုၭ အီၪထၪ့ဆၧမ့ၬမဲနီၪ, ဒဲမိန့ဎုၬဆၧန့ၥၫနီၪ လၧထၧၫ့ဖုဝဲ ၥံၪအကျၩလီၫ.
3 ဖၧၩ့ၥိၫ့ဆၧနီၪ မွဲလၧစ့ၩအဂး, ဒဲမ့ၪဖံၫ့ချၪလၧထီၫ့အ ဂး, အ့ၪမွဲၦလၧအမၩခွါၦၡၩအၥၭၥံၪ မွဲယဟိဝၩနီၪ လီၫ.
4 ၦမၩဆၧအၧၩ့လဂၩနီၪ ခိၭနၪနိၭဖျံၩ အၪ့လီၫဆၧ တၭ, ဆၧအဘျံၭအဘျၪဒိၭအနါ လၧဖျ့ၩအၧၩ့လီၫ.
5 ၦလၧအမၩကြၩ့ထမး ၦၡၪ့ဖိၪယၬဖိၪနီၪ, ဒုၪဒွ့ၪၦ လၧအတဲၩ့န့ဝ့ၫလဂၩနီၪတၭး ၦလၧအၥုၪ့ထိၬၥၭထိၬ လၧဆၧၡၪ့ဆၧနၭအကၠီၩ့နီၪ မိန့ဘၪဆၧမၩဖီၩ့မၩဖျ့ၭ အဆၧဒဲၩဘၭအ့ၬ.
6 ၦၥၭၡါအၥရဖူၩနီၪ မွဲအလံၩအလိၩၥံၪး ဒဲဖိၪလဖၪ အလၩအဖၩ့နီၪ မွဲအဖါၥံၪလီၫ.
7 ဆၧချဲၩ့ဂ့ၩနီၪ ကြၨၭလၧၦအဂီၩ့အ့ၬး နိၭဖျံၩအ ဘျံၭအဘျၪနီၪ ဒံၩ့လကြၨၭဘၪ လၧၦအီၪလၧအလၩ အဖၩ့အဂးလီၫ.
8 ဆၧဖ့ၪလၫ့မွဲမနံၬထၫ့မျါ လၧၦန့ဘၪဝ့ၫအမ့ၬၥၪ ဖၧၩ့နီၪး ထီးဒၪအလးလၧအဘိၭကၠၪ အၥၭနီၪဘီၪထၪ့ ယီၫထၪ့ဝ့ၫလီၫ.
9 ၦလၧအမၩဘံၭခွံၬ ဆၧအမၪလမံၩ့နီၪ, အၪ့ဎူၫအၪ့ ဎၬဆၧအဲၪဆၧကွံၩတၭး အ့ၪမွဲၦလၧအလီၩထဲၩ့ဒီၭဝ့ၫ နီၪဒုၭလၩ့ဖၭထၧၫ့ထံၩထၧၫ့ၥိၭလီၫ.
10 ဆၧအၪ့ၥီၪ့လထံၪနီၪ နုၬလၧၦကိၪ့ဆၧၥ့ၪအဖၧၩ့ ယိၬနဲၪ့ဒံၭဆၧထး ၦအဂီၩ့အထံၪလယၩနီၪလီၫ.
11 ၦအၧၩ့လဂၩနီၪ အၪ့ဎူၫအၪ့ဎၬန့ၫပိၩ့ထၪ့ဆၧတၭး ဆၧမိအၪ့မၧၫ့လၩ့အၥီၫ့ လၧအၥၭနီၩ့လ့ၩထၫ့ဒုၪဒၩအ ဝ့ၫလဂၩလီၫ.
12 ဖုၫထၫ့လၧဆၧအၪ့ဂူၬန့ အဖိၪၥံၪဒၪခီၩ့ၦၡၩနီၪ,ဂ့ၩ နဲၪ့ၦအဂီၩ့ လၧအဆၧဂီၩ့အဖၧၩ့နီၪလီၫ.
13 ၦလဂၩဂၩ အ့ၪဖ့ၪထဲၩ့ဆၧအၧၩ့ လၧဆၧဂ့ၩအဂး နီၪး ဆၧအၧၩ့လမံၩ့စဲၪ့ဖၭ လၧအဝ့ၫဒၪအဂံၪ့ဆ့အ့ၬ.
14 ဆၧအဲၪ့လိၬဆိၭချဲၩ့အခၪ့ထံၭနီၪ မွဲဘဲၫထံၫဆ့ၭဖိး ထၪ့အၥိၭနီၪး အခိးမွဲဂၭဎ့ၭခွံၬ ဆၧဂဲးလိၬတ့ၭလိၬဘိၩ့ အလချႃၭကဲၪထၪ့ဒံၭဘၪနီၪဆံၭ.
15 ၦလၧအအီၪက့ၪတီၩၦလတီၩလလီၩ့ဘၪ, ဒဲၦလၧ အစ့ၩရၫ့စၪ ၦအတီၩအလီၩ့နီၪ, မွဲယဟိဝၩအဆၧၥၭ လိၪနံၫဂၩလူၬမီၪ့ဎီၩ့လီၫ.
16 ၦအဂီၩ့နီၪ အၥၭလၧအမိန့ဘၪ ဆၧကိၪ့ၥ့ၪလအီၪ ဘၪတၭး မွဲဘၪနီၫဆၧအီၪက့ၪအဎွ့ၩ လၧအစူၪဖၧၩ့ ဘဲၫၥိၭအမိန့ဘၪနီၪလဲၪၬ
17 ၦအထံၩအၥိၭအဲၪဆၧကိၭအဆၧၫ့အထီဒ့ၭး ဒဲၦအ ထၧၫ့ဖုဝဲအီၪဖျဲၪဝ့ၫ လၧဆၧၡၪ့ဆၧနၭအဂးနီၪလီၫ.
18 ၦလၧအဖီၪ့လိၬစူၪ, ဒဲထိးအၥၭလၧဂူၫဂၩအဂးလၧ အထံၩအၥိၭအမ့ၬယၫနီၪ, မွဲၦလၧအၥုၪ့ဖၭၥၭဖၭလ အီၪဘၪလီၫ.
19 ၦလၧအအဲၪဆၧဂဲးလိၬတ့ၭလိၬနီၪ အဲၪဆၧဒဲၩဘၭ တၭး ၦလၧအအီၪက့ၪထၪ့ထီၫအတရၫ့နီၪ အၪ့ဎူၫအၪ့ ဎၬဆၧဂၭဂီၩ့လီၫ.
20 ၦအၥၭကဲၪ့နီၪ မိဒၪန့ဆၧဂ့ၩနးစီၪ့အ့ၬး ဒဲၦလၧအ ဖျ့ၩအၪ့လီၫဆၧနီၪ မိလၩ့ထ့ၬလၧဆၧမၩဂၭဂီၩ့အဖၧၩ့ လီၫ.
21 ၦလဂၩအ့ၪထၪ့ဖိၪအဂီၩ့နီၪ မွဲလၧဆၧၥုၪ့အုၭၥၭ အုၭဒၪဝ့ၫအဂးတၭ, ၦအဂီၩ့အဖါနီၪ အီၪလၧဆၧၥုၪ့ ထိၬၥၭထိၬနးမံၩ့အ့ၬ.
22 ၥၭအဎွံၫနီၪ ဒုၭအီၪဆီၪ့အီၪချဲၫ့ပနးခီၫ့း အ့ၪမွဲၥုၪ့ခါ ၥၭလၩ့ဒုၭဎဲၫ့ထၬခွံၬဎွံၪၥံၪလီၫ.
23 ၦလတီၩလလီၩ့ဘၪနီၪ မၩန့လၬဆီၪ့ လၧၥၭနၫအ ဖၧၩ့, ဘဲၫၥိၭအမိဘိၭကၠၪခွံၬ ဆၧစ့ၩရၫ့တီၩအဖၧၩ့ၥၭ လီၫ.
24 ဆၧကိၪ့ဘၪကိၪ့ၥ့ၪ အီၪလၧၦၥုၪ့ဖၭၥၭဖၭ အၥိၭ, အ့ၪမွဲၦအဂီၩ့အမ့ၬၥၪၥံၪ လ့ၩစိၩလၧဂၪ့ခိၪအထုၬလီၫ.
25 ဖိၪခွၫအဂီၩ့နီၪ မွဲအဖါအဆၧၥုၪ့အုၭၥၭအုၭ, ဒဲဆၧ အခၪလၧၦလၧအဆီၫ့ အီၪန့ဝ့ၫလဂၩနီၪ အဂးလီၫ.
26 ဆၧဒုၭထိး ၦအတီၩအလီၩ့ လၧဒၫ့နီၪ ကြၨၭအ့ၬ, ဒဲထးၦအီၪလၧအလၩအဖၩ့နီၪ တီၩဆ့အ့ၬ.
27 ၦလၧအအီၪလၧဆၧၥ့ၪယၫနီၪ ချဲၩ့ဆၧၡၩထံၪ,ဒဲၦ အီၪလၧဆၧကိၪ့ၥ့ၪနီၪ အၥၭချံၪ့လီၫ.
28 ၦအဂီၩ့ဒၪလ့ၬ ထီးအအီၪလၩ့မါပံၭနီၪ, ဘၪလဘၪ ဆၧမိအီၪက့ၪဝ့ၫဘဲၫၦကိၪ့ၥ့ၪတၭ, မၩဘံၭထၬအနိၭ ဖျံၩအဘိၩ့ဘၭနီၪ လၧၦအၥုၪ့ဖၭၥၭဖၭဆ့လီၫ.