16
1 ၦၥၭအဆၧကိၪ့ထၪ့ဖၭလၩ့ၥံၪ ဘၪဆဲၫ့လၧၦၡၩးအ့ၪ မွဲဖျ့ၩအဆၧစံၭဆၧၫ့နီၪ ဂဲၫလၧယဟိဝၩလီၫ.
2 ၦၡၩအဖၧၩ့ၥၭထီးအလူၬၥံၪ ဆံၫ့လၧအမ့ၬၥၪဒၪဝ့ၫ အဖၧၩ့နီၪး အ့ၪမွဲၦလၧအခံၫ့ၦၥၭၥံၪ မွဲယဟိဝၩလီၫ.
3 အီၪက့ၪနဆၧမၩလဖၪ လၧယဟိဝၩအစူၪဖၧၩ့တၭး နကိၪ့ထၪ့ဖၭလၩ့ဆၧလဖၪနီၪ မိဂုးထၪ့ခၧၫ့ထၪ့ဆ့လီၫ.
4 ယဟိဝၩမၩကဲၪထၪ့ဆၧထီးအလူၬ လၧအလးဒၪဝ့ၫ အဂးတၭး ၦအၧၩ့ဖိၪဒၪလ့ၬ လၧမုအၧၩ့လနံၩအဂး လီၫ.
5 ကယဲၦလဂၩလါလါ လၧအအီၪက့ၪထၪ့ထီၫအၥၭ ကိၭဂၩဒ့ၭနီၪ, မွဲဆၧၥၭလိၪ လၧယဟိဝၩ အမ့ၬယၫ တၭး စူၪဖီၪ့ထၬစူၪလါနၫ့ အဆၧဒဲၩဘၭမိဘၪဆၧဖျါ ခွံၬဝ့ၫအ့ၬ.
6 လၧဆၧအခိးအတၩ ဒဲဆၧမွဲဆၧတီၩအကၠီၩ့နီၪဆၧ အၧၩ့ဆၧၥၫ့လၧဆၧချႃၬဘံၭဝ့ၫး ဒဲလၧဆၧၥၭမဲၪယဟိ ဝၩအကၠီၩ့နီၪ မွဲဆၧဂၭဎ့ၭဆၧအၧၩ့လီၫ.
7 ထီးၦၡၩအဖၧၩ့ၥၭၥံၪ အ့ၪဘၪယဟိဝၩ အၥၭနီၪ, အဝ့ၫဒုၭဘၪလိၬအိၭလိၬ အဒုၪအဒၩၥံၪဒၪလ့ၬ လၧအ ဝ့ၫဒၪလဂၩနီၪလီၫ.
8 ဆၧလဆံၭဖိၪအီၪဎုၬ လၧဆၧတီၩဆၧလီၩ့တၭ,ဂ့ၩ နဲၪ့ဆၧအၪထၪ့ဖၭဒိၪ လၧဆၧတီၩဆၧလီၩ့လအီၪဘၪ နီၪလီၫ.
9 ၦၡၩအၥၭကိၪ့ထၪ့ဖၭလၩ့အဖၧၩ့ၥၭး အ့ၪမွဲယဟိ ဝၩၥိၫ့အခၫထၪ့ဆၧလဖၪလီၫ.
10 ဆၧတီၩအလူအီၪလၧ စဎွၩအနိၭဖျံၩအဖၧၩ့တၭးလၧ အစ့ၩရၫ့ဆၧအဖၧၩ့နီၪ အနိၭအၪ့လီၫဆၧအ့ၬ.
11 ခံၫ့ၥၪၥံၪဒဲခံၫ့အတီၩနီၪ အီၪလၧယဟိဝၩတၭ,ကယဲ ခံၫ့ၥၪလၧထိၪ့ဖၧၩ့နီၪ မွဲအဝ့ၫဒၪအဆၧမၩလီၫ.
12 ဆၧမၩလတီၩလလီၩ့ဘၪနီၪ မွဲစဎွၩၥၭလိၪဝ့ၫတၭး အဂဲးဘဲၫယီၩ လၧဆၧတီၩဆၧလီၩ့အကၠီၩ့နီၪလးဆီၩ့ ဆီအီၪဂုးခၧၫ့ဝ့ၫလီၫ.
13 နိၭဖျံၩၥံၪအတီၩအလီၩ့နီၪ ဘၪစဎွၩၥံၪအၥၭး ဒဲအအဲၪ ၦလၧအချဲၩ့ဆၧတီၩလီၫ.
14 စဎွၩအၥၭထၪ့နီၪ မွဲဘဲၫဆၧၥံၫဒိၪအၥီၫ့တၭး အ့ၪ မွဲၦကိၪ့ဆၧၥ့ၪလဂၩနီၪ မိမၩလၩ့ဆါထဲၩ့ဝ့ၫလီၫ.
15 လၧစဎွၩ အမ့ၬဖၩ့အဖၧၩ့နီၪ ဆၧမၧၫ့အီၪဝ့ၫတၭး အခိးအတၩနီၪ မွဲဘဲၫဆၧဆၧၩ့လၩ့ လၧခဲၫ့လဖၧၫ့အၥိၭ နီၪလီၫ.
16 ဆၧန့ဘၪဆၧကိၪ့ၥ့ၪနီၪ, ဂ့ၩနဲၪ့ထီၫ့ဆံၭဒိၪလဲၪၬ ဒဲ ဆၧရွံန့ဘၪၥုၪ့ဖၭၥၭဖၭနီၪ ဂ့ၩနဲၪ့စ့ၩလီၫ.
17 ၦၥၭဆုးလီၩ့ အဖၧၩ့ၥၭမုနီၪ မွဲဆၧစဲၪ့ဖၭလၧဆၧ အၧၩ့တၭး ၦလၧအယိအဖၧၩ့ၥၭဒၪဝ့ၫ လဂၩနီၪခိၭထၬ အၥၭမၧၫ့လီၫ.
18 ဆၧအီၪက့ၪထၪ့ထီၫအၥၭနီၪ အီၪလၧဆၧဂၭဂီၩ့အ မ့ၬယၫး ဒဲဆၧမၩဖိၫလိၫအၥၭ လၧဆၧလၩ့ထံၩဖါအ မ့ၬယၫလီၫ.
19 ၦဆၪ့လၩ့အၥၭလၧၦၥၭဆၧၩ့အကျၩနီၪ, ဂ့ၩနဲၪ့အၪ့ နၩ့ဖၭဆၧအၪ့ဂူၬဆီၪ့ လၧၦအီၪက့ၪထၪ့ထီၫအၥၭအ ၥိၭနီၪလီၫ.
20 ၦလၧအထီးလၩ့အၥၭလၧ ဎယွၩၭ အလူနီၪ, မိဒၪန့ ဆၧဂ့ၩ, ဒဲၦလၧအဒိၭနဲၩ့အၥၭ လၧယဟိဝၩ အဖၧၩ့ နီၪ, ဘၪဆိၪဂ့ၩဝ့ၫလီၫ.
21 ၦၥၭလၧအကိၪ့ၥ့ၪနီၪ, ဆၧမိကိၭအဝ့ၫၥံၪ လၧၦၥုၪ့ ဖၭၥၭဖၭတၭး ၥ့ၪထၪ့ဆၧမၩလိၪနီၪ မၩအၪထၪ့ဆၧ ဆၧၫ့လၧအနိၭဖျံၩအဂးလီၫ.
22 ဆၧကိၪ့ဆၧဖၭနီၪ မွဲထံၫမၧၫ့ထၪ့ဖျိၭ လၧၦလၧအန့ ဘၪဝ့ၫအဂး အ့ၪမွဲၦအဂီၩ့အဆၧၥီၪ့လိၪနီၪ မွဲဆၧအ ဂီၩ့လီၫ.
23 ၦကိၪ့ၥ့ၪအၥၭနီၪ ၥီၪ့လိၪအနိၭး ဒဲမၩအၪထၪ့ဆၧ မၩလိၪလၧအနိၭဖျံၩၥံၪအလီၩ့လီၫ.
24 ဆၧချဲၩ့မုၬၥံၪမၩအၥၭ ဘဲၫန့ၫခိၪထံၫအၥိၭနီၪ, ဆၧၫ့ ဝ့ၫလၧၥၭအဂး, ဒဲမၩဘျၪထဲၩ့ဆၧလၧဎွံၪၥံၪ အဂးဆ့ လီၫ.
25 ဖၧၩ့ၥၭလၧအလီၩ့ဝ့ၫ လၧၦၡၩအမ့ၬယၫနီၪ,အီၪဝ့ၫ လဘီၩ့း အ့ၪမွဲအထုၬနီၪ မွဲဆၧၥံၫအဖၧၩ့ၥၭၥံၪလီၫ.
26 ၦလၧအမၩဆၧနီၪ မၩလၧအနၫ့ဆါဒၪဝ့ၫအဂး, အ ဂဲးဘဲၫယီၩ အနိၭပဂၨၪထၪ့ဝ့ၫလီၫ.
27 ၦအၧၩ့လဂၩ ကိၪ့ထၪ့ဖၭလၩ့ဆၧအၧၩ့း ဒဲလၧအ နိၭဖျံၩအလီၩ့နီၪ ဆၧမၩအၥၭဘဲၫမ့ၪခဲၩထၪ့ဝ့ၫအၥိၭ လီၫ.
28 ၦလၧအအၪ့လီၫဆၧလဂၩနီၪ ထိၪဂဲၩထၪ့ဆၧအဲၪ့ လိၬဆိၭချဲၩ့တၭး ၦချဲၩ့ခဲၪဆၧလဂၩနီၪ ဒုၭလၩ့ဖၭၦ ထၧၫ့ထံၩထၧၫ့ၥိၭၥံၪလီၫ.
29 ၦၡၩအဆီၪ့လဂၩ အၪ့လွ့ၫန့အထံၩအၥိၭ, ဒဲမီၩ့ဝ့ၫ လၧဖၧၩ့ၥၭလဂ့ၩဘၪ လဘီၩ့နီၪလီၫ.
30 ထီးအ့ၪဘံၪ့အမ့ၬနီၪ ကၩ့ကၩဆၧအၪ့လီၫဝ့ၫအဂဲး အကၠီၪ့တၭး အ့ၪအဲၪ့ထံၭအနိၭဖျံၩနီၪ ဒုၭကဲၪထၪ့ယူၭ ဆၧအၧၩ့ယူၭလီၫ.
31 ခိၪဘွၩနီၪ အ့ၪအီၪလၧဆၧတီၩဆၧလီၩ့ အဖၧၩ့ၥၭ ဖၧၩ့တၭ, မွဲဆၧလၩဆၧဖၩ့အၥရဖူၩလီၫ.
32 ၦလၧအၥၭထၪ့ကၪနီၪဂ့ၩနဲၪ့ၦအဆီၪ့ၥံၪ, ဒဲၦလၧ အပၧၩ့အၥၭဒၪဝ့ၫနီၪဂ့ၩနဲၪ့ဒံၭ ၦလၧအဒုၭန့ဒိၩ့လီၫ.
33 ၦခွံၬလၩ့ဆၧဖၭလၧဂူၫလၬအဖၧၩ့လါနၫ့တၭ, ယဟိဝၩစ့ၩရၫ့အဂဲးအကၠီၪ့ ထီးအလူၬလီၫ.