13
1 ဖိၪခွၫအီၪလၧဆၧကိၪ့ၥ့ၪနီၪ, မွဲၦလဂၩ လၧအဖါ အၪ့ၥီၪ့ဝ့ၫ, အ့ၪမွဲၦလၧအမၩကြၩ့ထမး ဆၧလဂၩနီၪ, ခိၭနၪဆၧအၪ့ၥီၪ့ဝ့ၫအ့ၬ.
2 ၦၡၩမိအၪ့ဆၧအဂ့ၩ လၧအနိၭ အဆၧၥၪနီၪတၭး အ့ၪမွဲၦအၪ့လီၫဆၧအၥၭနီၪ, မိဘၪအၪ့ဆၧမၩဆီၪ့ဝ့ၫ အဆၧၥၪလီၫ.
3 ၦလၧအပၧၩ့အနိၭလဂၩနီၪ, ယိထဲၩ့ခွါထဲၩ့အၥၭ မၧၫ့း အ့ၪမွဲၦလၧအအၩ့လဲထၪ့ အနိၭနီၪ, မိထီၩ့လၧ ဆၧဂၭဂီၩ့ဂၭစၪလီၫ.
4 ၦအကၠႃၪ့နီၪ အၥၭဆိၫ့န့ဘၪဆၧလါနၫ့တၭ, အဆၧ အီၪနးမံၩ့အ့ၬး အ့ၪမွဲၦအဎၭနီၪ, မိထူၭထၪ့လၧၫ့ထၪ့ ဝ့ၫဒၪလီၫ.
5 ဆၧချဲၩ့အဘျံၭအဘျၪနီၪ, ၦတီၩၦလီၩ့ မ့ၬလဲၩၥၭ ဂဲၫ့ဝ့ၫး အ့ၪမွဲၦလတီၩလလီၩ့ဘၪအဆၧမၩနီၪ, မွဲဆၧ ၥၭလိၪဒဲဒုၭမဲၦမ့ၬလီၫ.
6 ဆၧတီၩဆၧလီၩ့မိခိၭထၬ ၦလၧအလမၩမၪဘၪဆၧ နီၪလၧဖၧၩ့ၥၭး အ့ၪမွဲဆၧအၧၩ့ဆၧၥၫ့ မိဘိၭထဲၩ့ဆၧ လၧဆၧဒဲၩဘၭဖၧၩ့လီၫ.
7 ၦလၧအဒုၭထူၭထၪ့လၧၫ့ထၪ့လါနၫ့ အနၫ့ဆါတၭ, အဆၧလအီၪဘၪနးမံၩ့နီၪ, ၦအီၪဝ့ၫလနၩ့, ၦလၧအ မၩလၩ့ၡၪ့အၥၭလါနၫ့တၭ, အီၪလၧစူၪလးခၪ့ခိၪအၪ အၪလ့ၬနီၪ, အီၪဝ့ၫဆ့လီၫ.
8 ဆၧဎွ့ၩန့ထဲၩ့ ၦၡၩအၥၭမၧၫ့နီၪ, မွဲအဆၧလူဒိၪ ဎွ့ၩဒိၪတၭး ၦၡၪ့ဖိၪယၬဖိၪနီၪ, နါဂၧၫ့ဆၧအၪ့ၥီၪ့ဝ့ၫ အ့ၬ.
9 ၦတီၩၦလီၩ့အဆၧဖၩ့နီၪ, မွဲဆၧၥုၪ့ဎွံၫၥၭယီၫး အ့ၪ မွဲၦလတီၩလလီၩ့ဘၪအမ့ၪဒိၩ့နီၪ, မိလၩ့ဖံၬခွံၬဝ့ၫဒၪ လီၫ.
10 ဆၧအဲၪ့လိၬဆိၭချဲၩ့နီၪ, ဂဲၫထၪ့န့ၫလၧဆၧအီၪက့ၪ ထၪ့ထီၫအၥၭး အ့ၪမွဲၦလၧအဒိၭန့ဆၧဒုၭကိၪ့ဝ့ၫနီၪ, အီၪလၧဆၧကိၪ့ဘၪကိၪ့ၥ့ၪလီၫ.
11 ဆၧလူဒိၪဎွ့ၩဒိၪနီၪ လၩ့မါဝ့ၫချဲၫ့နဲၪ့ဆၧအွံၩထၪ့နီၪ တၭး အ့ၪမွဲၦလၧအအီၪက့ၪကီၪ့ဆၧလၧအစူၪဖၧၩ့နီၪ, မိဒုၭအၪထၪ့ဆၧလီၫ.
12 ဆၧယိလါလၧအၥုၪ့အၥၭနီၪ, မၩဆၫၦအၥၭး အ့ၪ မွဲဆၧလၧၦၡၩဆိၫ့န့ဘၪနီၪ, ထီးအ့ၪန့ဘၪယူၭမွဲဆၧ မၧၫ့အၥံၪ့လထံၭလီၫ.
13 ၦလၧအမၩကြၩ့ထမးဆၧအလူနီၪ, မိဘၪဆၧ ဂၭဂီၩ့ဝ့ၫး အ့ၪမွဲၦလၧအၥၭမဲၪဆၧမၪလူၬနီၪ, မိအီၪမုၬ အီၪဎၩ့ဝ့ၫလီၫ.
14 ၦကိၪ့ၥ့ၪအဆၧၥီၪ့ဆၧၥၫ့နီၪ, မွဲဆၧမၧၫ့အထံၫထၪ့ ဖျိၭ, ဘဲၫၥိၭအမိဘိၭကၠၪခွံၬ လၧဆၧၥံၫအဖျံၩခွၩ့ ၥံၪလီၫ.
15 ဆၧၥုၪ့ဖၭၥၭဖၭအဂ့ၩနီၪ ဒုၭအီၪထၪ့ဆၧအခိးအ တၩး အ့ၪမွဲၦမၩမၪဆၧအဖၧၩ့ၥၭနီၪ, ကၪမၬလီၫ.
16 ကယဲၦလဂၩလါလါ လၧအၥ့ၪယၫ ထီးလၩ့အၥၭ ဂ့ၩနီၪ, မၩဆၧလၧဆၧၥ့ၪယၫအကၠီၩ့, အ့ၪမွဲၦအဂီၩ့ ဒုၭဖျီၪထၪ့အဆၧဂီၩ့နီၪလီၫ.
17 အၥီၫ့လတီၩလလီၩ့ဘၪနီၪ, လၩ့ဘၪလၧဆၧမၩဂၭ ဂီၩ့အဖၧၩ့း အ့ၪမွဲၦဘၪဆၧအၪ့မၧၫ့ဝ့ၫ အီၪလၧအလူ တီၩနီၪ,မွဲဆၧမၩဘျၪထဲၩ့ဆၧလီၫ.
18 ၦလၧအခွံၬၡိၭခွံၬဆၧအၪ့ၥီၪ့ဝ့ၫနီၪ, မိဘၪၡၪ့ဘၪ ယၬဒဲဆၧမ့ၬမဲး အ့ၪမွဲၦလၧအဒိၭန့ဆၧအၪ့ၥီၪ့နီၪ, မိန့ ဘၪဆၧလၩဆၧဖၩ့လီၫ.
19 ဆၧလၧၦဆိၫ့န့ဘၪနီၪ, ထီးအန့ဘၪဝ့ၫမၩမုၬအၥၭး အ့ၪမွဲၦအဂီၩ့စဲၪ့ဒၪဆၧအၧၩ့နီၪ, မွဲဆၧၥၭလိၪလၧအ မ့ၬယၫလီၫ.
20 ၦလၧအလ့ၩဆၧလၧ ၦကိၪ့ၥ့ၪအၥိၭနီၪ, မိန့ဘၪဆၧ ကိၪ့း အ့ၪမွဲၦအဂီၩ့အထံၩအၥိၭ မိဘၪဆၧအၧၩ့လီၫ.
21 ဆၧအၧၩ့ဆၧၥၫ့မိလီၩ့ဆီး ၦဆၧဒဲၩဘၭဖိၪး အ့ၪမွဲ ဆၧမိဖ့ၪလၫ့ဆၧအဂ့ၩ လၧၦတီၩၦလီၩ့ၥံၪနီၪလီၫ.
22 ၦအဂ့ၩၥံၪ မိဒုၭအီၪလၩ့ထးဆၧန့ၥၫ လၧအဖိၪလ ဖၪအဖိၪၥံၪအဂး အ့ၪမွဲဆၧအီၪက့ၪကီၪ့ၦဆၧဒဲၩဘၭ ဖိၪအဆၧလူဒိၪဎွ့ၩဒိၪ လၧၦတီၩၦလီၩ့အဂးလီၫ.
23 လၧၦၡၪ့ဖိၪယၬဖိၪ ထဲၫဆၧအကၠီၩ့နီၪ, ဆၧအၪ့အီၪ ထၪ့ဝ့ၫအၪအၪလ့ၬး အ့ၪမွဲၦလၧအဘၪဆၧဂၭဂီၩ့ဂၭ စၪလၧဆၧလတိၪ့န့ဘၪနီၪ အီၪဝ့ၫလီၫ.
24 ၦလၧအလမၩဘၪ လၧနိၪဖျ့ၪနီၪ, မ့ၬလဲၩအဖိၪခွၫ အ့ၪမွဲၦလၧအအဲၪဝ့ၫနီၪ, အၪ့ၥီၪ့ဝ့ၫထီးအဆၧၫ့အထီ ဘၪလီၫ.
25 ၦတီၩၦလီၩ့အၪ့ဝ့ၫ ထီးအဘျဲၩအၪ့အၥၭး အ့ၪမွဲၦ လတီၩလလီၩ့ဘၪအဂူၭဖိၫ့ လၩ့အိၩဝ့ၫလီၫ.