12
1 ၦလၧအအဲၪဆၧၥီၪ့ဆၧၥၫ့နီၪ အဲၪဆၧၥ့ၪယၫး အ့ၪမွဲ ၦလၧအမ့ၬလဲၩၥၭဂဲၫ့ဆၧအၪ့ၥီၪ့ဝ့ၫနီၪ, မၩအၥၭဘဲၫ ဆၧဖိၪဆၧဎါအၥိၭ နီၪလီၫ.
2 ၦအဂ့ၩၥံၪမိန့ဘၪ ယဟိဝၩအခိးအတၩး အ့ၪမွဲၦ လၧအကိၪ့ဆၧအၧၩ့လဂၩနီၪ, ယွၩမိစ့ၩရၫ့စၪဝ့ၫလ ခီၫလီၫ.
3 ၦၡၩမိအီၪဂုးခၧၫ့ လၧဆၧလတီၩလလီၩ့ဘၪအကၠီၩ့ အ့ၬ, အ့ၪမွဲၦတီၩၦလီၩ့အဝံနီၪ မိဘၪၥုၭအၥၭအ့ၬ.
4 ၦမုၪအဂ့ၩအဘၪနီၪ မွဲၥရဖူၩလၧအဝၩအဂးအ့ၪမွဲ ၦမုၪဒုၭမ့ၬမဲဆၧနီၪ မၩအၥၭဘဲၫဆၧအုၪဆၧကျၪလၧ အဎွံၪၥံၪအဖၧၩ့ အၥိၭလီၫ.
5 ၦအတီၩအလီၩ့ အဆၧဆီၫ့မီၪ့ၥံၪ မွဲဆၧစ့ၩရၫ့တီၩ တၭး ၦလတီၩလလီၩ့ဘၪအဆၧၥိၫ့နီၪ, မွဲဆၧအၪ့လီၫ ဝ့ၫလီၫ.
6 ၦလတီၩလလီၩ့ဘၪအဆၧချဲၩ့ၥံၪ မွဲဆၧအီၪခိၭၥူၪ လၧဆၧၥွံၪအဂး အ့ၪမွဲၦအတီၩအလီၩ့အနိၭမိမၩဖီၩ့ မၩဖျ့ၭဝ့ၫဒၪလီၫ.
7 ၦလတီၩလလီၩ့ဘၪၥံၪ ဘၪဆၧဘိၭလၩ့ချႃၬဝ့ၫတၭ, အီၪလၧၩ့အ့ၬး အ့ၪမွဲၦတီၩၦလီၩ့အဂံၪ့နီၪ မိအီၪဂုးအီၪ ခၧၫ့ဝ့ၫဒၪလီၫ.
8 ၦၡၩမိဘၪဆၧစံၭထၪ့အၪ့အူၭဝ့ၫ ဘဲၫအဆၧကိၪ့ၥ့ၪ အီၪဝ့ၫအၥိၭနီၪး အ့ၪမွဲၦလၧအၥၭကဲၪ့နီၪ, မိဘၪဆၧ အီၪက့ၪဝ့ၫဘဲၫဆၧၥၭလိၪ အၥိၭနီၪလီၫ.
9 ၦလၧအမၩဆၧ လၧအနၫ့ဆါဒၪဝ့ၫ အဂးနီၪ, အ့ၪ ဘၪဆၧအီၪက့ၪဝ့ၫဘဲၫအလမွဲဘၪ ဆၧနးမံၩ့အၥိၭလါ နၫ့ဘိၩ ဂ့ၩနဲၪ့ဒံၭၦလၧအအီၪက့ၪ ဖိၫလိၫအၥၭတၭ, အကိၪလအီၪဘၪနီၪလီၫ.
10 ၦတီၩၦလီၩ့ၥံၪယိဆီၫ့မီၪ့ဆၧ လၧအဆၧဖိၪဆၧဎါ မိမၧၫ့ဝ့ၫအဂး အ့ၪမွဲၦလတီၩလလီၩ့ဘၪ အဆၧယၫ့ ၥၭနီၪ, မွဲဆၧၥုၪ့နီၩ့ၥၭနီၩ့လီၫ.
11 ၦလၧအမၩကၩ လၧအဂၪ့ခိၪဒၪဝ့ၫနီၪ, မိဘျဲၩအၪ့ ဘျဲၩအီၩဝ့ၫး အ့ၪမွဲၦလၧအလီၩ့ဖိၬ ဆၧပျီၩပျီၩအခဲၫ့ နီၪ, အၥုၪ့ဖၭအၥၭဖၭအီၪအ့ၬ.
12 ၦလတီၩလလီၩ့ဘၪနီၪ မုၬလၩအၥၭလၧၦအၧၩ့အ ၡၬဖၧၩ့း အ့ၪမွဲၦတီၩၦလီၩ့အဝံ မိဒုၭမဲၪထၪ့ဆၧလီၫ.
13 လၧနိၭဖျံၩအမၩမၪဆၧအဖၧၩ့နီၪ, မွဲဖျံၩခွၩ့အၧၩ့ တၭး အ့ၪမွဲၦတီၩၦလီၩ့ၥံၪ မိစဲၪ့ထၪ့ခွံၬ လၧဆၧခိဆၧ ဝီၩအဖၧၩ့လီၫ.
14 ၦၡၩမိမံၫ့ၥုၪ့မံၫ့ၥၭလၧဆၧဂ့ၩ ဘၪဆဲၫ့လၧအနိၭအ ဆၧၥၪနီၪတၭး ဆၧမိဖ့ၪထဲၩ့ၦၡၩ ဘဲၫအစူၪမၩဝ့ၫအ ၥိၭနီၪလီၫ.
15 ၦအဂီၩ့အဖၧၩ့ၥၭလီၩ့ လၧအမ့ၬၥၪဒၪဝ့ၫအဖၧၩ့း အ့ၪမွဲၦလၧအခိၭနၪဆၧ ဒုၭကိၪ့ဝ့ၫနီၪ အီၪလၧဆၧကိၪ့ ၥ့ၪလီၫ.
16 ၦအဂီၩ့အဆၧၥၭထၪ့ဖျီၪထၪ့ဝ့ၫ လၧမုလနံၩဎးနီၪး အ့ၪမွဲၦၥ့ၪယၫ ထီးလၩ့အၥၭဂ့ၩ အီၪက့ၪၥူၪခွံၬဆၧ မၪလီၫ.
17 ၦလၧအချဲၩ့ဆၧဘၪနီၪ ဒုၭနဲၪဖျီၪထၪ့ ဆၧမွဲဆၧတီၩး အ့ၪမွဲၦထိးအၥၭအဘျံၭအဘျၪနီၪ, ဒုၭနဲၪဆၧအၪ့လီၫ ဝ့ၫလီၫ.
18 ၦလၧအချဲၩ့ဆၧ ဘဲၫနၭၥံၪဖၩ့ၥံၪဆ့ၭဆၧအၥိၭနီၪယ အီၪဝ့ၫး အ့ၪမွဲၦကိၪ့ၥ့ၪအဖျ့ၩနီၪ, မွဲဆၧမၩဘျၪထဲၩ့ ဆၧလီၫ.
19 နိၭဖျံၩတီၩအီၪဂုးခၧၫ့အဆိၩအကၠၪး အ့ၪမွဲဖျ့ၩအ ဘျံၭအဘျၪနီၪ အီၪလဆိဖိၪလီၫ.
20 ၦလၧအကိၪ့ထၪ့ဆၧအၧၩ့နီၪ အီၪလၧဆၧအၪ့လီၫ လၧအၥၭခံဖၧၩ့း အ့ၪမွဲၦလၧအဒုၭကိၪ့ ဆၧဘၪလိၬ အိၭလိၬနီၪ, အီၪလၧဆၧၥုၪ့ထိၬၥၭထိၬလီၫ.
21 ဆၧအၧၩ့မိဘၪၦတီၩၦလီၩ့နီၪ နးမံၩ့အ့ၬး အ့ၪမွဲၦ အၧၩ့နီၪမိလၧၫ့ဎွ့ၩ လၧဆၧအၧၩ့ဆၧၥၫ့လီၫ.
22 နိၭဖျံၩအဘျံၭအဘျၪ, မွဲဆၧၥၭလိၪ လၧယဟိဝၩအ မ့ၬယၫး အ့ၪမွဲၦလၧအမၩဆၧ တီၩတီၩလီၩ့လီၩ့နီၪ,မွဲ အဝ့ၫဒၪအဆၧၥုၪ့ထိၬၥၭထိၬလီၫ.
23 ၦလၧအၥ့ၪယၫ ထီးလၩ့အၥၭဂ့ၩနီၪ, ချႃၬဘံၭဆၧ ၥ့ၪယၫး အ့ၪမွဲၦအဂီၩ့အၥၭနီၪ ဒုၭဂၧၫ့ထၪ့ ၥၩလၩ့ ဆၧအဂီၩ့နီၪလီၫ.
24 ၦအဎၭအစူၪမိပၧၩ့ဆၧတၭး အ့ၪမွဲၦအကၠႃၪ့နီၪ,မိ ဘၪဖ့ၪလၫ့အခီၫ့လီၫ.
25 ဆၧဎၧၫ့လၧၦၡၩအၥၭခံဖၧၩ့နီၪ, ဒုၭလၩ့ကူၭအၥၭး အ့ၪမွဲဆၧချဲၩ့ဂ့ၩလထံၪနီၪ ဒုၭၥုၪ့ထိၬၥၭထိၬဝ့ၫလီၫ.
26 ၦအတီၩအလီၩ့မိၥိၫ့အထံၩအၥိၭး အ့ၪမွဲၦလတီၩ လလီၩ့ဘၪအဖၧၩ့ၥၭနီၪ မိဒုၭဂၭဖျိၭဆၧလီၫ.
27 ၦအကၠႃၪ့လဂၩ မိအၪ့ကၪဘၪဆၧလၧ အခၭန့ဝ့ၫဆ့ အ့ၬး အ့ၪမွဲၦအဎၭအဆၧနီၪ မွဲဆၧလူဒိၪဎွ့ၩဒိၪလီၫ.
28 ဆၧမၧၫ့အီၪလၧဆၧတီၩဆၧလီၩ့ အဖၧၩ့ၥၭဖၧၩ့နီၪ, မွဲဖၧၩ့ၥၭ ၦလ့ၩယုၩယါဝ့ၫတၭ, ဆၧၥံၫအီၪလၧအ ဖၧၩ့နးစီၪ့အ့ၬ.