11
1 ခံၫ့အၪ့လီၫဆၧနီၪ, မွဲဆၧၥၭလိၪလၧယဟိဝၩအမ့ၬ ယၫး အ့ၪမွဲခံၫ့ၥၪအဘၪနီၪ, မွဲဆၧမုၬလၩလၧအမ့ၬယၫ လီၫ.
2 ထီးၥၭထၪ့ထီၫအ့ၪဂဲၫနီၪ, ဆၧမ့ၬမဲဂဲၫဆ့း အ့ၪမွဲၦ လၧအဆၪ့လၩ့အၥၭနီၪ, အီၪလၧဆၧကိၪ့ဘၪကိၪ့ၥ့ၪ လီၫ.
3 ၦအတီၩအလီၩ့အၥၭတီၩနီၪမိၥိၫ့ဝ့ၫဒၪတၭး အ့ၪမွဲ ၦမၩမၪဆၧလဖၪ အဆၧအၪ့လီၫဝ့ၫနီၪ, မိမၩဂၭဂီၩ့ အဝ့ၫၥံၪလီၫ.
4 ထီးဆၧၥၭထၪ့အမုနံၩနီၪ, ဆၧလူဒိၪဎွ့ၩဒိၪန့ကၩ ဆၧနးမံၩ့အ့ၬး အ့ၪမွဲဆၧတီၩဆၧလီၩ့ မၩဖီၩ့မၩဖျ့ၭ ခွံၬလၧဆၧၥံၫလီၫ.
5 ၦလၧၫ့လၧၫ့ဎွ့ၩဎွ့ၩ အဆၧတီၩဆၧလီၩ့နီၪ မိမၩပျၩ့ အဖၧၩ့ၥၭး အ့ၪမွဲၦလတီၩလလီၩ့ဘၪနီၪ မိလၩ့ထံၩဖါ လၧအဆၧအၧၩ့အကၠီၩ့လီၫ.
6 ၦလၧအၥၭဆုးလီၩ့နီၪ အဆၧတီၩဆၧလီၩ့မိမၩဖီၩ့ ဖျ့ၭဝ့ၫ အ့ၪမွဲၦမၩမၪဆၧလဖၪနီၪ, မိဘၪဆၧဖီၪ့ထၬ ဝ့ၫလၧအနၫ့ဆါဒၪဝ့ၫ အဆၧအၧၩ့ဆၧၥၫ့အဖၧၩ့လီၫ.
7 ထီးၦလတီၩလလီၩ့ဘၪအ့ၪၥံၫနီၪ ဆၧယိလါလၩ့မါ ဝ့ၫတၭး မွဲမၬ, ဆၧအၧၩ့ဆၧၥၫ့ အဆၧယိလါနီၪဂၭဂီၩ့ ဝ့ၫဒၪလီၫ.
8 ၦတီၩၦလီၩ့ဘၪဆၧမၩဖီၩ့မၩဖျ့ၭယူၭ လၧဆၧခိဆၧ ဝီၩတၭး ၦလတီၩလလီၩ့ဘၪ ဂဲၫနုၬဘၪလၧအဝ့ၫဒၪ အလးလီၫ.
9 ၦလၧအစံၪစၪဝ့ၫနီၪ လၧအနိၭအကၠီၩ့ မၩဂၭဂီၩ့အ ထံၩအၥိၭး အ့ၪမွဲလၧဆၧၥ့ၪယၫအကၠီၩ့နီၪ, ၦတီၩၦ လီၩ့ဘၪဆၧမၩဖီၩ့မၩဖျ့ၭ ဝ့ၫဒၪလီၫ.
10 ထီးၦတီၩၦလီၩ့အ့ၪန့ဘၪဆၧဂ့ၩဆၧဘွၩနီၪ, ဒိၩ့ဖိၪ ၥံၪၥုၪ့ထိၬၥၭထိၬတၭး ထီးၦလတီၩလလီၩ့ဘၪနီၪအ့ၪ ထီၩ့လၧဆၧဂၭဂီၩ့တၭ, ဆၧကိၭၡၭထၪ့ ၥၭထိၬဝ့ၫ လီၫ.
11 ဒိၩ့နီၪဘၪဆၧအီၪက့ၪထၪ့ထီၫဝ့ၫ လၧၦအၥၭဆုး လီၩ့ၥံၪအဆၧဆိၪဂ့ၩအကၠီၩ့း အ့ၪမွဲဘၪဆၧရိလၩ့ခွံၬ ဝ့ၫလၧၦအၧၩ့ၥံၪအနိၭအကၠီၩ့လီၫ.
12 ၦလၧအမၩကြၩ့ထမး ၦအီၪလၧအနဲၩ့ထံၭနီၪ, အ ၥုၪ့ဖၭၥၭဖၭအီၪအ့ၬး အ့ၪမွဲၦလၧအၥ့ၪယၫဆၧနီၪအီၪ လၩ့မါပံၭလီၫ.
13 ၦလၧအလ့ၩချဲၩ့ခဲၪဆၧနီၪ, မွဲၦဒုၭဖျီၪထၪ့ဆၧအီၪ ၥူၪၥံၪး အ့ၪမွဲၦအၥၭတီၩလဂၩနီၪ, အီၪက့ၪၥူၪခွံၬဆၧ လီၫ.
14 ထီးဆၧၥိၫ့ဝ့ၫအ့ၪလအီၪဘၪနီၪ, ၦခမျၧးၥံၪလၩ့ထံၩ ဖါဝ့ၫး အ့ၪမွဲလၧၦဒုၭကိၪ့ဆၧအီၪ အၪဂၩအဖၧၩ့နီၪ, ဆၧဂုးဂုးခၧၫ့ခၧၫ့အီၪဝ့ၫဒၪလီၫ.
15 ၦလၧအထိးအၥၭ လၧၦလခီၫဘၩ့မုးဖိၪ အဂးနီၪ, မိဘၪဆၧအၧၩ့တၭး အ့ၪမွဲၦလၧအၥၭဂဲၫ့ဆၧထိးအၥၭ လၧဂူၫဂၩအဂးနီၪ အီၪဂုးခၧၫ့ဝ့ၫဒၪလီၫ.
16 ၦမုၪအဂ့ၩအဘၪနီၪ, န့ဘၪဆၧလၩဖၩ့, ဘဲၫၦဆီၪ့ အၪ့ဂူၬန့ဘၪဆၧအလူဒိၪဎွ့ၩဒိၪ အၥိၭနီၪလီၫ.
17 ၦယၫ့ၥုၪ့ယၫ့ၥၭဆၧလဂၩနီၪ, မၩဆၧဂ့ၩလၧအၥၭ ဒၪဝ့ၫအဂး အ့ၪမွဲၦမၩခိမၩဝီၩဆၧနီၪ, မၩၡၪ့မၩနၭ လၩ့အဖံၭအယၪဒၪဝ့ၫလီၫ.
18 ၦလတီၩလလီၩ့ဘၪနီၪ မၩဆၧလၧအလံၩ့အလဲၫ အၪ့လီၫဆၧအဂး, အ့ၪမွဲၦလၧအဎွံၪဆၧတီၩဆၧလီၩ့ နီၪ, မွဲလၧအလံၩ့အလဲၫ တီၩဝ့ၫအဂးလီၫ.
19 ဘဲၫနီၪၥိၭဆၧတီၩဆၧလီၩ့ မွဲလၧဆၧမၧၫ့အဂးတၭး ၦလၧအဖိၬဆၧအၧၩ့အခဲၫ့နီၪ, မွဲလၧအဆၧၥံၫဒၪဝ့ၫ အဂးလီၫ.
20 ၦလၧအၥၭကဲၪ့နီၪ, မွဲယဟိဝၩအဆၧၥၭလိၪးအ့ၪမွဲ ၦလၧအဖၧၩ့ၥၭဆုးလီၩ့ဝ့ၫနီၪ, မွဲဆၧဘၪအၥၭလီၫ.
21 စူၪဖီၪ့ထၬလါနၫ့စူၪနီၪ, ၦအၧၩ့အဆၧဒဲၩဘၭဖီၩ့ဖျ့ၭ အ့ၬး အ့ၪမွဲၦအတီၩအလီၩ့အချံၫအၥၪ ဘၪဆၧဖီၩ့ဖျ့ၭ ဝ့ၫဒၪလီၫ.
22 ၦမုၪအီၪလၧအဎံၫအလၩတၭ, အဆၧကိၪ့လအီၪ ဘၪနီၪ, မွဲဘဲၫဆၧခွၩ့ထီၫ့ လၧထိၭအနၫဖၧၩ့အၥိၭနီၪ လီၫ.
23 ၦတီၩၦလီၩ့ အဆၧဆိၫ့န့ဘၪနီၪ, မွဲန့ၫဆၧအဂ့ၩး အ့ၪမွဲၦလတီၩလလီၩ့ဘၪ အဆၧယိလါနီၪ, မွဲဆၧၥၭ ထၪ့လီၫ.
24 ၦလၧအဎွံၪဖၭဆၧလါနၫ့တၭ, အဆၧအၪထၪ့ထူထူ နီၪအီၪဝ့ၫး ဒဲၦလၧအဖီၪ့ထၬဆၧအၪလၨၪနီၪ, ဒုၭအီၪ ထၪ့ဆၧၡၪ့ဆၧနၭ, အီၪဝ့ၫဒၪဆ့လီၫ.
25 ၦလၧအၥၭယီၫနီၪ မိန့ဘၪဆၧလူဒိၪဎွ့ၩဒိၪးဒဲၦလၧ အလူၫထံၫလဂၩနီၪ, မိဘၪဆၧလူၫအနၫ့ဆါဒၪဝ့ၫလၧ ထံၫဆ့လီၫ.
26 ၦလၧအခိၭထၬ ဘုၪၥံၪဂူၫၥံၪနီၪ, ၦခမျၧးၥံၪမိဆိၪ အၧၩ့အဝ့ၫး အ့ၪမွဲၦလၧအအၪ့ဆၫခွံၬဝ့ၫနီၪ, ဆၧဆိၪ ဂ့ၩၥံၪလၩ့ဘၪ လၧအခိၪဎွံၪအလီၩ့လီၫ.
27 ၦလၧအအၪ့ဎူၫအၪ့ဎၬ တၡါဆၧအဂ့ၩနီၪ, န့ဘၪဆၧ အခိးအတၩး အ့ၪမွဲၦလၧအအၪ့ဎူၫအၪ့ဎၬ ဆၧအၧၩ့ နီၪ,ဆၧအၧၩ့မိလၩ့ဘၪဝ့ၫ လၧအလီၩ့လီၫ.
28 ၦလၧအဒိၭနဲၩ့အၥၭ လၧအဆၧလူဒိၪဎွ့ၩဒိၪနီၪ, အဝ့ၫဒၪမိလၩ့ထံၩဖါဝ့ၫတၭး အ့ၪမွဲၦတီၩ ၦလီၩ့ၥံၪမိ ဒိၭထၪ့ဘဲၫၥံၪ့လၪဒိၭထၪ့ဝ့ၫ အၥိၭနီၪလီၫ.
29 ၦလၧအမၩခိမၩဝီၩအဂံၪ့ဒၪဝ့ၫနီၪ, မိန့ၥၫလံၩတၭး ၦအဂီၩ့မိကဲၪ ၦအၥၭကိၪ့ဆၧၥ့ၪအဎီးအၡၩလီၫ.
30 ၦတီၩၦလီၩ့အဆၧၥၪနီၪ, မွဲၥံၪ့မၧၫ့း ဒဲၦလၧအကိၪ့ န့ဘၪၥၭၡီၩ့လဖၪနီၪ, အီၪလၧဆၧကိၪ့ၥ့ၪလီၫ.
31 ယိခွါ, ၦတီၩၦလီၩ့ၥံၪ လၧဂၪ့ခိၪချိၫ့ယီၩ, မိန့ဘၪ ဆၧ ဖ့ၪထဲၩ့ဝ့ၫဒၪတၭး ၦလတီၩလလီၩ့ဘၪ ဒဲၦမၩမၪ ဆၧနီၪ, မိန့ဘၪဆၧဖ့ၪထဲၩ့ဝ့ၫအၪဒၪဆၧဒံၭလီၫ.