စ အိၫ ဘ ဒဲ အၫ အ လံၬ.
1
1 ကဆါယဟိဝၩစံၭ လၧအံဒၧၫ့အဂဲးအကၠီၪ့ဘဲၫယီၩ, ပနါဂၧၫ့ဆၧအပရၧၫ့ လၧယဟိဝၩတၭ, ဆၧအၪ့မၧၫ့ လၩ့အၥီၫ့လဂၩ လၧၦဆၨၩလဖၪအကျၩနီၪ, ဂဲထုၪ့ ဘီၪ,မွဲပဂဲထုၪ့ၡီၩ့ထၫ့ဒၩ အဝ့ၫလၧဆၧဒုၭၥုၭအဖၧၩ့
2 ဆံၭ.- ယိခွါ,ယအီၪက့ၪဆံၭနၧၩလၧၦဆၨၩလဖၪအ ကျၩ,ဆၧမၩကြၩ့ထမးနၧၩဒိၪမၬလီၫ.
3 နၥၭထၪ့ထီၫနီၪအၪ့လီၫန့နၧၩ, နဝ့ၫဒၪလၧအအီၪဝ့ၫ လၧလိးအိၩဖၧၩ့, လၧအအီၪအလးနီၪ အီၪလၧဆၧ ထၪ့ထီၫ, လၧအစံၭလၧအၥၭဖၧၩ့, မွဲပလၫမိဒုၭဂဲၫ လၩ့ယၧၩလၧဂၪ့ခိၪအဖၫ့ခိၪလဂၩလဲၪနီၪ, လဂၩဧ့,
4 နအ့ၪယူၩထၪ့ဘဲၫလံၬကျီၫ့ကျီၫ့အၥိၭတၭ, နအီၪက့ၪန ၥွံၫလၧၡၪလဖၪအကျၩလါနၫ့တၭ, ယမိဆိၬလၩ့န့ခွံၬ
5 နၧၩထီးနီၪ, ယဟိဝၩစံၭဝ့ၫဒၪ.- ၦအၪ့ဂူၪဆၧအ့ၪဂဲၫ လၧနအီၪ. ထမျၬအ့ၪဂဲၫ လၧမုနၩလခီၫတၭ, (နမိဂၭ ဂီၩ့ဆံၭဒိၪလဲၪ.) မိအၪ့ဂူၪဆၧထီးအလၧၫ့ လၧအဂး ဒၪဝ့ၫနီၪ,မွဲအ့ၬဧၪ. ၦအၪ့ထုၫ့ကီၪ့စဘံၭၥၪလဖၪအ့ၪ ဂဲၫလၧနအီၪတၭ, မိအီၪက့ၪလၩ့ထးဆၧၥၪလဖၪအီၪ
6 ပြံၩပၩလနၩ့,မွဲအ့ၬဧၪ.- စအံစီၫအဆၧဘၪဆၧအၪ့ ဎၬယိဝ့ၫဆံၭအၪလဲၪၬ အဆၧအီၪၥူၪအလးနီၪဆၧအၪ့
7 ဎၬန့ဝ့ၫဆံၭအၪလဲၪ.- ကယဲၦလၧနအုၩ့လၩ့ဆၧလၧ အဝ့ၫနီၪနၫ့ထၪ့နၧၩလၧခးအနဲၩ့ထံၭ, ၦလၧအအီၪဘၪ လိၬအိၭလိၬလၧနၧၩလဖၪနီၪ, အၪ့လီၫန့နၧၩတၭး မၩ နၧၩ့နၧၩလီၫ. ၦလၧအအၪ့နကိၪနီၪ အီၪက့ၪ နိၪဆ့ၭ လၧနဖၫ့လၬလီၫ. ဆၧကိၪ့ဆၧဖၭနီၪ အီၪလၧအဖၧၩ့
8 အ့ၬ.- ယဟိဝၩစံၭဝ့ၫဒၪ, ဆၧလၧမုလနံၩနီၪ,ယမိမၩ ဂၭဂီၩ့ ၦကိၪ့ဆၧၥ့ၪလၧအံဒၧၫ့အဖၧၩ့, ဒဲၦနၪဆၧၥ့ၪ
9 လၧစအံစီၫ အခိၪလီၩ့အလီၩ့,မွဲအ့ၬဧၪ.- တံမၫ့ဧ့ၬ နၡၩအဆီၪ့လဖၪမိၥၭမဲၪဆၧ, ဘဲၫၥိၭကယဲၦလၧစအံ စီၫအခိၪလီၩ့အလီၩ့နီၪ မိဘၪဆၧမၩၥံၫဝ့ၫလီၫ.
10 လၧနမၩအၧၩ့နထၧၫ့ဖုဝဲစယၫကူၭအကၠီၩ့နီၪ, ဆၧမ့ၬ မဲမိချႃၬဘံၭနၧၩတၭ, နမိဘၪဆၧဒၪ့ထ့ၬခွံၬနၧၩလၩ့
11 ဆိၩလၩ့ကၠၪလီၫ.- မုလနံၩလၧနဆၧၫ့ထုၪ့လၧဝါလ ခီၫ,မုလနံၩလၧၦလခီၫဘၩ့မုးဖိၪအၪ့မၧၫ့ကဲၪဎီးအၡၩ ၥုၭမုတၭ, ၦလခီၫဘၩ့မုးဖိၪလ့ၩနုၬ လၧအတရၫ့အ ဖၧၩ့ဒဲဖၭဆၧလၧယရုစလံၫ့အဂးနီၪ, မွဲနၧၩဒၪလ့ၬဘဲၫ
12 ၦလဂၩလၧအကျၩအၥိၭနီၪလီၫ.- လၧနထၧၫ့ဖုဝဲအမု လနံၩနီၪ, မုလနံၩလၧဆၧအီၪက့ၪဝ့ၫဘဲၫၦလခီၫဘၩ့ မုးဖိၪအၥိၭ, နယိဖၧၩ့ဘၪအ့ၬ. မုလနံၩလၧအထီၩ့ လၧဆၧဂၭဂီၩ့နီၪနဂ့ၩၥၭထိၬ လၧစယုဒၫအဖၫ့ခိၪအ့ၬ. လၧဆၧခိဆၧဝီၩ အဖၫ့ခိၪနီၪ နဂ့ၩအီၪက့ၪဒိၪ နနိၭ
13 အ့ၬ.- လၧအဆၧၡၪ့ဆၧနၭအမုလနံၩနီၪ, နဂ့ၩလ့ၩ နုၬလၧယၡၩခမျၧး အတရၫ့အဖၧၩ့အ့ၬ. တၭလၧအ ဆၧၡၪ့ဆၧနၭအမုလနံၩနီၪ နဂ့ၩယိဖၧၩ့အဆၧခိဆၧ ဝီၩအ့ၬ.ဒဲလၧအဆၧၡၪ့ဆၧနၭ အမုလနံၩနီၪ, နဂ့ၩဖီၪ့
14 န့အစူၪလးခၪ့ခိၪအ့ၬ.- နဂ့ၩဆၧၫ့ထုၪ့လၧဖၧၩ့ၥၭထဲၩ့ ဖၫ့ဘဲၫၥိၭနမိဒၪ့ထ့ၬခွံၬ ၦလၧအဖီၩ့ဖျ့ၭဆၧအ့ၬ. ဒဲအ ၡၩလၧအအီၪလၩ့ထး လၧအဆၧၡၪ့ဆၧနၭ အမုလ နံၩနီၪနဂ့ၩဖ့ၪလၫ့ခွံၬအဝ့ၫၥံၪအ့ၬ.
15 အဂဲးဘဲၫယီၩ ယဟိဝၩအမုလနံၩ အီၪဘူၭလၧ ၦဆၨၩထီးအလူၬလီၫ. ဘဲၫနမၩဆၧအၥိၭနီၪဆၧမိမၩ နၧၩလီၫ. နမၩဆၧနီၪ မိဘၪကဒၩထဲၩ့လၧနခိၪဎွံၪဒၪ
16 နဝ့ၫအလီၩ့လီၫ.- အဂဲးဘဲၫယီၩ ဘဲၫနၥံၪအီၩ ဆၧလၧ ယခိၪလီၩ့ဆံၫ့ဎံၪအလီၩ့အၥိၭနီၪ, ၦကိၭဆၨၩဒ့ၭမိ အီၩဆၧလထံၪဎးလီၫ. မွဲတၡါ,မိအီၩဆၧတၭ, မိယု လၩ့ဝ့ၫတၭ, မိအီၪဘဲၫအလအီၪဘၪအၥိၭနီၪလီၫ.
17 အ့ၪမွဲၦလၧအဖီၩ့ဖျ့ၭဆၧမိအီၪ လၧခိၪလီၩ့ဇံအိၫ့အ လီၩ့တၭ, မိကဲၪထၪ့အလးဆံၫ့ဎံၪတၭ, စယၫကူၭအ
18 ၡၩဂံၪ့ဖိၪမိန့ဘၪအဆၧန့ၥၫလီၫ.- စယၫကူၭအဂံၪ့မိ ကဲၪထၪ့မ့ၪ, ဒဲစယိၥၭအဂံၪ့မိကဲၪထၪ့မ့ၪလၪ,ဒဲစအံစီၫ အဂံၪ့မိကဲၪထၪ့လီထိၭနၫတၭ,ဆၧမိဆူၭခဲၩထၪ့အဝ့ၫ ၥံၪ,ဒဲအၪ့ခွံၬအဝ့ၫၥံၪ, ထီးဆၧအီၪလၩ့ထးလၧစအံစီၫ အဂံၪ့ဖၧၩ့နးမံၩ့အ့ၬ. အဂဲးဘဲၫယီၩ ယဟိဝၩချဲၩ့ယူၭ
19 ဆၧယူၭ.- ၦလၧမုခံၫ့နီၪမိမၩန့စအံစီၫအခိၪလီၩ့, ဒဲၦ လၧဆၧဒၩဖၧၩ့နီၪ, ၦဖလံၡၫဖိၪတၭ, မိမၩန့စအံဖြံၫ့ အခး,စမ့ရအၫအခးလီၫ. တၭစဘံၪ့ယမံၫ့ မိမၩန့ဂံ
20 လအၭး- တၭၦအံၫစရ့လၭဖိၪ အၡၩခမျၧးလၧအကဲၪ ဎီးလၧၦကၫနအၫ့ဖိၪအကျၩ ဖိးလၧဇရၫဖၭ ဒဲၦယရု စလံၫ့ဖိၪ လၧအကဲၪဎီး လၧဇ့ၭဖရၭအဖၧၩ့လဖၪနီၪမိ
21 မၩန့ဒိၩ့လဖၪလၧမုခံၫ့လခီၫလီၫ.- ဆၧထိးထဲၩ့တၩ့ ထဲၩ့လဖၪမိဂဲၫထၪ့လၧခိၪလီၩ့ဇံအိၫ့အလီၩ့, ဘဲၫၥိၭ အမိစ့ၩရၫ့ စအံစီၫအခိၪလီၩ့တၭ, ဘၩ့ၥံၪမုးၥံၪနီၪမိ ကဲၪထၪ့ယဟိဝၩအဆၧလီၫ.