စ ယိ နၫ အ လံၬ.
1
1 ယဟိဝၩအလူလၩ့ဘၪ စအမံၭတ့ၫအဖိၪခွၫ,စယိ
2 နၫတၭ, စံၭဝ့ၫဒၪ- ဂဲထုၪ့,လ့ၩလၧနံနဝ့ၫ, ဒိၩ့ဖၭဒိၪ လဖျိၪ့နီၪတၭ, ကိၭထၪ့ဆၧထၫ့ဒၩအဝ့ၫဆံၭ. အဂဲး ဘဲၫယီၩအဆၧဒဲၩဘၭနီၪထၪ့ဘၭ လၧယမ့ၬယၫလီၫ.
3 မွဲလါနၫ့တၭ, စယိနၫနီၪဂဲထုၪ့စဲၪ့ဖျိၭခွံၬလၧယဟိဝၩ အမ့ၬယၫလ့ၩစိၩလၧတၫၡံၭတၭ, လ့ၩဝ့ၫထီၩ့လၧယီၭ ပၫ,ဒၪဘၪကဘၩ့လဖျိၪ့မိလ့ၩစိၩတၫၡံၭတၭ, ဖ့ၪလၫ့ ဝ့ၫအလံၩ့အလဲၫနီၪ, နုၬလၩ့ဝ့ၫလၧအဖၧၩ့ဘဲၫၥိၭအမိ စဲၪ့ထၪ့ခွံၬလၧယဟိဝၩအမ့ၬယၫ, ဒဲလ့ၩလၧအဝ့ၫၥံၪ အၥိၭဖိးလၧတၫၡံၭနီၪလီၫ.
4 အ့ၪမွဲယဟိဝၩအၪ့မၧၫ့လၩ့ လံၩဖၭဒိၪလၧမၫဆမံၭ ဖၧၩ့တၭ, လံၩလဖုၬထၪ့လၧမၫဆမံၭနီၪ, ဆၧၥၭမဲၪ
5 လၧကဘၩ့မိဂၭဂီၩ့ဝ့ၫလီၫ.- ထီးနီၪလဖၧၫ့ ၦကဘၩ့ ဖိၪၥံၪၥၭမဲၪဆၧတၭ, ကိၭၡၭထၪ့ဝ့ၫ,လဂၩလၧအယွၩ ဒၪဝ့ၫလဂၩလၧအယွၩဒၪဝ့ၫတၭ, ဆၧဖိၪဆၧလံၩလၧ ကဘၩ့ဖၧၩ့နီၪ ခွံၬလၩ့ခွံၬဝ့ၫလၧမၫဆမံၭအဖၧၩ့ဘဲၫ အမိဎွံၫထၪ့ဝ့ၫအၥိၭလီၫ. အ့ၪမွဲစယိနၫနီၪ, အဝ့ၫဒၪ လ့ၩနုၬလၩ့ယူၭလၧကဘၩ့အအီၩ့ဖၧၩ့တၭ, မံၫမၪဝ့ၫ
6 ထီးနီၪလီၫ.- ကဘၩ့အခိၪလ့ၩနုၬဝ့ၫလၧအအီၪနီၪ, စံၭဝ့ၫဒၪးနမံၫမၪနဝ့ၫဘဲၫၥ့ၪလဲၪၬ ဂဲထုၪ့ဘီၪ, ကိၭထၪ့ နယွၩဆံၭး ဘၪလဘၪယွၩနီၪမိယၫ့ၥၭပၧၩတၭ, ပလ ထီၩ့ဘၪလၧဆၧဂၭဂီၩ့နီၪဧီၪ.
7 ၦလဖၪနီၪချဲၩ့လိၬအၥၭလဂၩဒဲလဂၩတၭ, ဆၧၡၪ့ ဆၭနၭယီၩ လၩ့ဘၪပၧၩ လၧၦလဂၩအကၠီၩ့လဲၪနီၪ, ဘဲၫၥိၭပမိၥ့ၪယၫတၭ, ဂဲၫဘီၪ, မွဲပမိဖၭၡီၩ့ဆၧဆံၭ. အဝ့ၫၥံၪဖၭဆၧဂီၩ့တၭ, ဆၧဖၭနီၪဘၪ စယိနၫလဂၩ
8 လီၫ.- ထီးနီၪလဖၧၫ့အဝ့ၫၥံၪစံၭ အဝ့ၫလဂၩနီၪ,မွဲဆၧ ၡၪ့ဆၧနၭလမံၩ့ယီၩ လၩ့ဘၪပၧၩ လၧဆၧနီၪလၫအ ကၠီၩ့လမံၩ့လဲၪနီၪ, လီၩဘၪပၧၩနးထံၪဘီၪ. နဝ့ၫဒၪ, မွဲနမၩကၩ လၧဆၧနီၪလမံၩ့လဲၪ. နဂဲၫအထံၭ ခီၫခီၫ လဲၪ.နမွဲခးပလၫအဖိၪလဲၪ. တၭနမွဲပလၫအဆၨၩ
9 လဲၪ.-တၭအဝ့ၫဒၪ စံၭအဝ့ၫၥံၪ, ယမွဲၦဟံဘြႃၫဖိၪ တၭ,ယၥၭမဲၪယဟိဝၩ, မူၭခိၪအယွၩလၧအမၩကဲၪ ထၪ့မၫဆမံၭ,ဒဲခီၫ့နီၪလီၫ.
10 ထီးနီၪလဖၧၫ့ ၦလဖၪနီၪ ၥၭမဲၪဆၧနၭနၭလ့ၬတၭ, စံၭဝ့ၫဒၪ, နမၩဆၧယီၩမွဲဆၧနီၪလမံၩ့လဲၪ. အဂဲးဘဲၫ ယီၩၦလဖၪနီၪၥ့ၪယၫလၧအစဲၪ့ထၪ့ခွံၬ လၧယဟိဝၩ အမ့ၬယၫ, အဂဲးဘဲၫယီၩအဝ့ၫလီၩဘၪယူၭအဝ့ၫၥံၪ
11 လီၫ.- ၦလဖၪစံၭအဝ့ၫ, ဘဲၫၥိၭမၫဆမံၭ မိအီၪဂုးဖုး လၧပဂးတၭ, မွဲပဘၪမၩနၧၩဘဲၫၥ့ၪလဲၪ. အဂဲးဘဲၫ ယီၩမၫဆမံၭအလပီၩနၭထၪ့ဝ့ၫတၭ, လဖုၬနီၪဆီၪ့
12 ထၪ့နၭထၪ့လခီၫလီၫ.- အဝ့ၫလဂၩစံၭအဝ့ၫၥံၪ, မၩန့ ထၪ့ယၧၩတၭ, ခွံၬလၩ့ခွံၬယၧၩ လၧမၫဆမံၭဖၧၩ့ဆံၭ. တၭမၫဆမံၭမိအီၪဂုးဖုးလၧနၥံၪအဂးလီၫ. အဂဲးဘဲၫ ယီၩလဖုၬဖၭဒိၪယီၩလၩ့ဘၪနၥံၪ, မွဲလၧယကၠီၩ့ယ ၥ့ၪယၫလီၫ.
13 မွဲလါနၫ့တၭ, ၦလဖၪနီၪခၧးတငၨၭ ဆီၪ့ဆီၪ့လ့ၬ ဘဲၫၥိၭအမိထၪ့လၧခီၫ့လီၫ. အ့ၪမွဲမၫဆမံၭအလပီၩ နၭထၪ့ဝ့ၫတၭ, လဖုၬနီၪဆီၪ့ထၪ့နၭထၪ့လခီၫတၭ, မၩ
14 ဝ့ၫၥ့ၪအ့ၬ.- အခိးမွဲအဝ့ၫၥံၪကိၭထၪ့ယဟိဝၩတၭ,စံၭ ဝ့ၫ,ဘိၩ့နဲၪ့ယီၩ, ယဟိဝၩဧ့, ပအၪ့ကံၩ့အၪ့ယၫနၧၩ, မွဲပထီးဘၪဆၧဂၭဂီၩ့လဂ့ၩ, လၧၦလဂၩယီၩအၥၭ မၧၫ့အကၠီၩ့နီၪ, ပအၪ့ကံၩ့နဆၧယၫ့ၥၭတၭးထီးအီၪ က့ၪဆၧၥွံၪလၧဆၧဒဲၩဘၭ လအီၪဘၪ လၧပလီၩ့လ ဂ့ၩ.အဂဲးဘဲၫယီၩနဝ့ၫဒၪ, ယဟိဝၩဧ့, နမၩဆၧထီး
15 ဒၪအဘၪနၥၭလီၫ.- အဝ့ၫၥံၪမၩန့စယိနၫတၭ, ခွံၬလၩ့ ခွံၬဝ့ၫလၧမၫဆမံၭဖၧၩ့တၭ, မၫဆမံၭနီၪအီၪထဲၩ့ဂုး
16 ဖုးလီၫ.- ထီးနီၪလဖၧၫ့ ၦလဖၪနီၪၥၭမဲၪယဟိဝၩဒိၪ မၬတၭး လုထၪ့ယဟိဝၩလၧဆၧလုတၭ, ဆိၪလၩ့အ ၥၭဆ့လီၫ.
17 တၭယဟိဝၩတဲၩ့ဝဲၩယၪဖၭဒိၪလဘံၪ့ ဘဲၫၥိၭအမိ ယုလၩ့ခွံၬစယိနၫနီၪလီၫ. တၭစယိနၫအီၪဝ့ၫလၧယၪ အဂူၭဖိၫ့ဖၧၩ့နီၪၥၧၫ့နံၩဒဲၥၧၫ့နၩလီၫ.