19
1-2 ချဲၩ့ထၪ့ လၧၦအံၫစရ့လၭဖိၪ အဆၧအီၪကီၪ့ ထီးအလူၬတၭ, စံၭအဝ့ၫၥံၪနၥံၪဘၪမွဲၦဆံၫ့ဎံၪလီၫ. အဂဲးဘဲၫယီၩယ ဝ့ၫဒၪယဟိဝၩနၥံၪအယွၩ, ယမွဲဆၧဆံၫ့ဎံၪလီၫ.
3 နၥံၪဘၪၥၭမဲၪလဂၩအမိအဖါ, လဂၩအမိအဖါ ဆုၬဆုၬ, ဒဲထီးန့ယမးၥံၫအနံၩလဖၪလီၫ. ယဝ့ၫ ဒၪယီၩ,ယမွဲယဟိဝၩ, နၥံၪအယွၩလီၫ.
4 ကၠၪထဲၩ့နၥံၪအၥၭလၧဆၧဂၩ့လဂ့ၩ. ထီးၥိၫ့န့ယွၩ လဖၪလၧနၥံၪအဂးလဂ့ၩး ယဝ့ၫဒၪယီၩယမွဲယဟိဝၩ, နၥံၪအယွၩလီၫ.
5 နၥံၪအ့ၪလုထၪ့ ဆၧလုဘၪလိၬအိၭလိၬ လၧယဟိ ဝၩတၭ, နၥံၪဘၪလုထၪ့ဆၧဘဲၫအဘၪ ဆၧအၥၭအ
6 ၥိၭဆံၭ.- ၦဘၪအၪ့ဝ့ၫလၧမုလနံၩဎး လၧနၥံၪလုထၪ့ ဝ့ၫဒဲလၧမုဆဲၪ့ထၪ့လနံၩလီၫ. ဆၧအ့ၪအီၪလၩ့ထး ထီးမုၥၧၫ့နံၩလနံၩတၭ, ၦဘၪဆူၭထၪ့ခွံၬဝ့ၫ လၧမ့ၪ
7 လီၫ.- ၥၧၫ့နံၩလနံၩနီၪ ၦၡၩအ့ၪအၪ့တၡါတၭ, မွဲဆၧ
8 ဘၪၥၭလိၪနီၪး ဘၪဆၧအၥၭအ့ၬ.- တၭၦလၧအအၪ့ ဆၧနီၪမိဘၪထိးအဆၧဒဲၩဘၭလီၫ. အဂဲးဘဲၫယီၩမၩ ၥၭလိၪယူၭ ယဟိဝၩအဆၧဆံၫ့ဎံၪလီၫ. တၭၦလဂၩ နီၪမိဘၪဆၧဒၪ့ထ့ၬခွံၬဝ့ၫ လၧအၡၩလဆၨၩဒၪဝ့ၫအ ကျၩနီၪလီၫ.
9 ထီးနၥံၪကူၭနၥံၪအဂၪ့ခိၪအဝၩ့ အဘုၪတၭ, ကူၭ ဆၧလၧနဆံၬအနိၪ့တၡါနီၪလဂ့ၩ. အၪ့ထုၫ့ထၪ့ဆၧ အီၪလၩ့ထး လၧနကူၭဆၧအဖၧၩ့နီၪလဂ့ၩ.
10 အၪ့ထုၫ့ထၪ့ ဆၧအီၪလၩ့ထး လၧနစဘံၭမုအလး ဖၧၩ့လဂ့ၩ, ဒဲအၪ့ထုၫ့ထၪ့နစဘံၭၥၪ ထီးအလူၬ လၧ နစဘံၭမုအလးဖၧၩ့လဂ့ၩ, နဘၪအီၪက့ၪလၩ့ထးဆၧ လၧၦၡၪ့ဖိၪယၬဖိၪ, ဒဲၦလခီၫဘၩ့မုးဖိၪအဂးလီၫ. ယ ဝ့ၫဒၪယီၩယမွဲယဟိဝၩ, နၥံၪအယွၩလီၫ.
11 ထီးအၪ့ဂူၪဆၧလဂ့ၩ, ဒဲထီးအၪ့လီၫန့ ဆၧလဂ့ၩ, ဒဲထီးချဲၩ့လိၬနၥံၪအၥၭ ကဘျံၭကဘျၪ ၥကိၭၥကိၭလ
12 ဂ့ၩ,- ထီးဆိၪလၩ့နၥံၪအၥၭ လၧယမံၩ့ဒဲအၪ့လီၫန့ဆၧ လဂ့ၩ. တၭထီးမၩကြၩ့ထမး နယွၩအမံၩ့လဂ့ၩ, ယ ဝ့ၫဒၪယီၩ, ယမွဲယဟိဝၩလီၫ.
13 ထီးအၪ့ဘျံၭအၪ့ဘျၪ ၦလၧနနဲၩ့ထံၭ အဆၧလဂ့ၩ တၭ, ထီးအၪ့ဂူၪန့အဆၧလဂ့ၩ. ၦလၧအဒိၭအၪ့လံၩ့ အၥၭလဂၩအလံၩ့အလဲၫနီၪ ဒုၭအီၪလၧနစူၪဖၧၩ့ၥၫ့ နၩချီၩ့ထီးမုဆဲၪ့ထၪ့လဂ့ၩ.
14 ဆိၪအၧၩ့ ၦလၧအနါအၧၩ့လဂ့ၩတၭ, အီၪက့ၪဆၧ လၩ့ထံၩဖါအလး လၧၦမ့ၬဘျီၪအမ့ၬယၫလဂ့ၩတၭ,န ဘၪၥၭမဲၪနယွၩလီၫ. ယဝ့ၫဒၪယီၩ, ယမွဲယဟိဝၩလီၫ.
15 လၧဆၧစ့ၩရၫ့အဖၧၩ့နီၪ ထီးမၩဆၧလတီၩလလီၩ့ ဘၪလဂ့ၩ, ယိမ့ၬၦၡၪ့ဖိၪယၬဖိၪလဂ့ၩတၭ, အီၪက့ၪ လၩဖၩ့ၦအဆီၪ့လဂ့ၩ, နဘၪစ့ၩရၫ့ၦလၧနနဲၩ့ထံၭလၧ ဆၧတီၩဆၧလီၩ့လီၫ.
16 ထီးလ့ၩဝံၩ့ဝၩ့ခဲၪဆၧလၧနၥံၪ အၡၩခမျၧးအကျၩ လဂ့ၩ, ဒဲဆၧၫ့ထုၪ့လၧၦလၧနနဲၩ့ထံၭ အၥွံၪအဖၫ့ခိၪလ ဂ့ၩး ယဝ့ၫဒၪယီၩ, ယမွဲယဟိဝၩလီၫ.
17 ထီးၥၭဂဲၫ့နထၧၫ့ဖုဝဲလၧနၥၭခံဖၧၩ့လဂ့ၩတၭ, အၪ့ ၥီၪ့ၦလၧနနဲၩ့ထံၭဆံၭ. ထီးဘၪဆၧဒဲၩဘၭ လၧအဝ့ၫ ဒၪအကၠီၩ့လဂ့ၩ.
18 ထီးမၩအၧၩ့ဆၧၫ့ဆၧလဂ့ၩ, အၪ့ဎၬယိဆၧထၫ့ဒၩ နၡၩခမျၧးဖိၪလဂ့ၩး တၭနဘၪအဲၪ ၦလၧနနဲၩ့ထံၭ ဘဲၫနနၫ့ဆါဒၪနဝ့ၫအၥိၭနီၪဆံၭ. ယဝ့ၫဒၪယီၩ ယမွဲ ယဟိဝၩလီၫ.
19 နဘၪထီးန့ယၥနိၫလဖၪလီၫ. ဆၧဖိၪဆၧဎါနံၫမံၩ့ လၩ့မဲၩလိၬအၥၭနီၪ, ထီးဒုၭလီၩ့လိၬအၥၭ အမိအဖၫ လဂ့ၩး နဆၧချံၫကျီၪမွံၩလိၬအၥၭနီၪ, ထီးဎွံၪလၩ့လၧ နဆံၬဖၧၩ့လဂ့ၩး ဒဲကီၩ့ထၪ့ၥိၭထၪ့ဆၧ အကီၩ့အၥိၭ မၩဝ့ၫလၧလူၪဒဲၥၭကလၭလဂ့ၩ.
20 တၭၦအ့ၪမံၫဎုၬ လၧၦမုၪလၧအမွဲဆၧအဎီးမုၪဘၪ အဲၪတၩ့လၧအဝၩ, ဒဲလဘၪဆၧဎွ့ၩန့ထဲၩ့ဝ့ၫ တၡါမွဲ ဂ့ၩ, ဆၧလဖ့ၪလၫ့အဖျ့ၭထၪ့ဘၪမွဲဂ့ၩ, မိဘၪဆၧထး ဝ့ၫလီၫ. ဘၪဆၧမၩၥံၫအဝ့ၫၥံၪအ့ၬ, အဂဲးဘဲၫယီၩၦမုၪ
21 နီၪမွဲၦပျီၩဖျ့ၭဖိၪအ့ၬ.- တၭၦခွၫနီၪဘၪဂဲၫဆိၬ အဆၧ လုမၪဘၪဆၧလၧယဟိဝၩအအီၪ ထီးဆၧအီၪကီၪ့အ တဲၩဆံၫ့ဎံၪအတရၫ့, ၥိၪဖၫလဒုၩလၧဆၧလုမၪဘၪ ဆၧအဂးလီၫ.
22 တၭၦလုဆၧဘၪမၩဆၧဖီၩ့ဖျ့ၭ လၧအဂးလၧၥိၪဖၫ ဆၧမၪဘၪ ဆၧလၧယဟိဝၩအမ့ၬယၫ လၧအဆၧဒဲၩ ဘၭလၧအမၩဝ့ၫအကၠီၩ့လီၫ. တၭဆၧမိဖျါခွံၬဆၧဒဲၩ ဘၭလၧအမၩယူၭလီၫ.
23 ထီးနၥံၪအ့ၪလ့ၩနုၬလၧခးဖၧၩ့တၭ, ၥုၪ့လၩ့ဖျၭလၩ့ ကယဲၥံၪ့ၥံၪဝၪၥံၪလၧဆၧအၪ့အဂးတၭ, နၥံၪဘၪအီၪ က့ၪအၥူၪအၥၪ လၧဆၧလဒိၭဘၪ ဆၧကူၭတရံၭနီၪ လီၫ. ၥၧၫ့နံၪ့နီၪ မိဘၪကဲၪထၪ့လၧဆၧလဒိၭဘၪ ဆၧ
24 ကူၭတရံၭလၧနၥံၪအဂးလီၫ. ထီးအၪ့လဂ့ၩ.- လံနံၪ့ လနံၪ့နီၪကယဲအၥူၪအၥၪ မိကဲၪထၪ့ဆၧဆံၫ့ဎံၪဘၪဆဲၫ့
25 လၧဆၧစံၭထၪ့အၪ့အူၭယဟိဝၩလီၫ.- တၭယဲနံၪ့လ နံၪ့နီၪ နၥံၪမိအၪ့ဘၪအၥူၪအၥၪ လၧအမိမၩအၪထၪ့ ဆၧလၧနၥံၪအဂးလီၫ. ယဝ့ၫဒၪယီၩ ယမွဲယဟိဝၩ, နၥံၪအယွၩလီၫ.
26 ထီးအၪ့ဆၧအီၪဒဲအၥွံၪနီၪလဂ့ၩ, အၪ့ဖၩ့ဆၧခါဆၧ လဂ့ၩ, ထီးဒုၪဆၧအဆၧၫ့အထီလဂ့ၩ.
27 ထီးမၩဝၩ့ဖီၩ့နၥံၪအခိၪအနိၪ့လဖၪလဂ့ၩ, ဒဲထီးမၩ ဂၭဂီၩ့နၥံၪအနိၭဆီၪ့အနိၪ့လဂ့ၩ.
28 ထီးဂ့ၬလၩ့နၥံၪအဖံၭအယၪလၧၦၥံၫ အကၠီၩ့လဂ့ၩ, ဒဲထီးမၩဆၧကွ့ၭအဆၧနဲၪ့ လၧနၥံၪအလီၩ့လဂ့ၩ, ယ ဝ့ၫဒၪယီၩ, ယမွဲယဟိဝၩလီၫ.
29 ထီးဒုၭဂၭဂီၩ့နဖိၪမုၪ ဘဲၫၥိၭအမိကဲၪထၪ့ၦအ့ၭကံၫ မုၪလဂ့ၩ, ဘဲၫၥိၭၦခးဖိၪထီးလၩ့ဘၪ လၧဆၧလဲးဆၧ ဘျၪအဖၧၩ့, ဒဲထံၫၥံၪခးၥံၪဎွ့ၩဝ့ၫ လၧဆၧအၧၩ့ဆၧၥၫ့ နီၪလဂ့ၩ.
30 နၥံၪဘၪထီးန့ ယမးၥံၫအနံၩလဖၪ, ဒဲယူၭယၪ့ယ လးဆံၫ့ဎံၪလီၫ. ယဝ့ၫဒၪယီၩ, ယမွဲယဟိဝၩလီၫ.
31 ထီးဒူၩယၪ့ၦအီၪလၧဆၧနၪလဖၪလဂ့ၩး ထီးအၪ့ဎူၫ အၪ့ဎၬၦလၧအၥ့ၪဆၧအူၪဆၧပီၩ လၧနၥံၪမိကဲၪထၪ့ ဆၧလဆံၫ့ဘၪလဂ့ၩး ယဝ့ၫဒၪယီၩ ယမွဲယဟိဝၩ, နၥံၪအယွၩလီၫ.
32 နဘၪဂဲထုၪ့လၧၦအခိၪဘွၩအမ့ၬယၫ, ဒဲအီၪက့ၪလၩ ဖၩ့ၦၥၭၡါအမ့ၬ, ဒဲၥၭမဲၪယွၩဆံၭ. ယဝ့ၫဒၪယီၩယမွဲ ယဟိဝၩလီၫ.
33 ၦလခီၫဘၩ့မုးဖိၪ အ့ၪအီၪလၧနၥံၪအခးဖၧၩ့တၭ,
34 ထီးမၩၡၪ့မၩနၭအဝ့ၫလဂ့ၩ,- တၭၦလခီၫဘၩ့မုးဖိၪ လၧအအီၪ လၧနၥံၪအကျၩနီၪ ဘၪကဲၪထၪ့ လၧနၥံၪ အမ့ၬယၫဘဲၫၦလၧအအီၪဖျဲၪ လၧနၥံၪအကျၩအၥိၭနီၪ လီၫ. တၭနဘၪအဲၪအဝ့ၫဘဲၫနအဲၪနနၫ့ဆါဒၪနဝ့ၫအၥိၭ နီၪလီၫ. အဂဲးဘဲၫယီၩ နၥံၪမွဲယူၭၦလခီၫဘၩ့မုးဖိၪလၧ ခးအံဇံၭအဖၧၩ့လီၫ. ယဝ့ၫဒၪယီၩ ယမွဲယဟိဝၩ, နၥံၪ အယွၩလီၫ.
35 လၧစ့ၩရၫ့ဆၧအဖၧၩ့မွဲဂ့ၩ, လၧထိၪဆၧအဖၧၩ့မွဲ ဂ့ၩ,လၧဆၧလယၧးအဖၧၩ့မွဲဂ့ၩ, လၧတိၪ့ဆၧအဖၧၩ့
36 မွဲဂ့ၩ,ထီးမၩဆၧလတီၩလလီၩ့ဘၪလဂ့ၩ,- နၥံၪဘၪ အီၪလၧခံၫ့အတီၩအလီၩ့, ဒဲခံၫ့ၥၪအတီၩအလီၩ့, အ့ ဖၭလဖျိၪ့ အတီၩအလီၩ့, ဒဲဟံၫ့လဖျိၪ့ အတီၩအလီၩ့ လီၫ. ယဝ့ၫဒၪယီၩ, ယမွဲယဟိဝၩ နၥံၪအယွၩလၧအ ဒုၭစဲၪ့ထၪ့ခွံၬနၥံၪ လၧခးအံဇံၭအဖၧၩ့လီၫ.
37 တၭနၥံၪဘၪထီးန့ ယဆၧမၪလူၬ ထီးအလူၬ,ဒဲယ ဆၧစ့ၩရၫ့ထီးအလူၬ, ဒဲမၩအဝ့ၫၥံၪလီၫ. ယဝ့ၫဒၪယီၩ ယမွဲယဟိဝၩလီၫ.