20
1-2 နဘၪ စံၭဒီၭၦအံၫစရ့လၭဖိၪ, ထီးဒၪၦၡၩလၧၦအံၫစရ့လၭ ဖိၪအကျၩမွဲဂ့ၩ, ၦလခီၫဘၩ့မုးဖိၪ လၧအအီၪဝ့ၫလၧ အံၫစရ့လၭအကျၩမွဲဂ့ၩ, လၧအဖ့ၪလၫ့အချံၫအၥၪလၧ မိလ့ၭလဂၩဂၩနီၪ, မိဘၪဆၧမၩၥံၫတၡါဝ့ၫလီၫ. ၦခး
3 ဖိၪမိဘၪခွံၬအဝ့ၫလၧလိးလီၫ.- ယမိအီၪက့ၪထၫ့ဒၩယ မ့ၬလၧၦလဂၩနီၪအလီၩ့တၭ, ယမိဒၪ့ထ့ၬခွံၬဝ့ၫလၧ အၡၩလဆၨၩဒၪဝ့ၫအကျၩနီၪလီၫ. အဂဲးဘဲၫယီၩဖ့ၪ လၫ့ယူၭအချံၫအၥၪ လၧမိလ့ၭဘဲၫၥိၭ အမိမၩၥၭလိၪ
4 ယလးဆံၫ့ဎံၪဒဲမၩကြၩ့ထမးယမံၩ့ဆံၫ့ဎံၪလီၫ.- ၦခး ဖိၪအ့ၪမၩဘံၭအမ့ၬ လၧၦၡၩလၧအဖ့ၪလၫ့တၡါအချံၫ
5 အၥၪလၧမိလ့ၭနီၪ, အ့ၪလမၩၥံၫဘၪဝ့ၫတၭ,- ယမိအီၪ က့ၪထၫ့ဒၩယမ့ၬ လၧၦလဂၩနီၪအလီၩ့, ဒဲလၧအဂံၪ့ ဒီၪ့ဖိၪအလီၩ့, ဒဲကယဲၦလၧအမၩမၪဖိၬထွ့ၫအခဲၫ့လၧ အမိမၩမၪဆၧလၧမိလ့ၭထီးအလူၬလဖၪနီၪ, ယမိဒၪ့
6 ထ့ၬခွံၬလၧအၡၩလဆၨၩဒၪဝ့ၫအကျၩနီၪလီၫ.- တၭ ၦလၧအကၠၪစိၩအၥၭ လၧၦဒၪဆၧလၧယၫလခီၫ အ အီၪ, ဒဲၦၥ့ၪဆၧအူၪဆၧပီၩ လၧအမၩဆၧလဲးဆၧဘျၪ ဖိၬအခဲၫ့လဂၩဂၩနီၪ, ယမိအီၪက့ၪထၫ့ဒၩယမ့ၬလၧၦ လဂၩနီၪအလီၩ့တၭ, ယမိဒၪ့ထ့ၬခွံၬဝ့ၫ လၧအၡၩလ
7 ဆၨၩဒၪဝ့ၫအကျၩနီၪလီၫ.- အခိးမွဲမၩဆံၫ့ဎံၪနၥံၪအ ၥၭတၭ, ကဲၪထၪ့ၦဆံၫ့ဎံၪဆံၭ. အဂဲးဘဲၫယီၩ ယမွဲယ
8 ဟိဝၩ, နၥံၪအယွၩလီၫ.- တၭနၥံၪဘၪထီးန့ယၥနိၫလ ဖၪ,ဒဲမၩအဝ့ၫၥံၪလီၫ. ယမွဲယဟိဝၩလၧအမၩဆံၫ့ဎံၪ နၥံၪလီၫ.
9 အဂဲးဘဲၫယီၩ ထီးဒၪၦလၧအဆိၪအၧၩ့ အမိအဖါ လဂၩဂၩနီၪ, မိဘၪဆၧမၩၥံၫတၡါဝ့ၫလီၫ. အဝ့ၫဆိၪ အၧၩ့ယူၭအမိအဖါယူၭ, အၥွံၪမိအီၪလၧအလီၩ့လီၫ.
10 တၭၦလၧအမၩမၪၦမၫ, လၧအမၩမၪၦလၧအနဲၩ့ ထံၭအမၫနီၪ မိဘၪဆၧမၩၥံၫဝ့ၫ, ၦလၧအမၩမၪၦမၫ ဒဲၦလၧအအဲၪဘိၩ့ အဝၩနီၪ မိဘၪဆၧမၩၥံၫတၡါဝ့ၫ လီၫ.
11 တၭၦလၧအမံၫဎုၬလၧအဖါအမၫလဂၩနီၪ, မွဲအနဲၪ ဖျီၪထၪ့အဖါ အဆၧအီၪဘိၪ့လီၫ. အဝ့ၫၥံၪမိဘၪဆၧ မၩၥံၫဝ့ၫနံၫဂၩလူၬလီၫ. အၥွံၪမိအီၪလၧအလီၩ့ဒၪဝ့ၫ လီၫ.
12 ၦအ့ၪမံၫဎုၬလၧအဒဲၪတၭ, အဝ့ၫၥံၪမိဘၪဆၧမၩၥံၫ တၡါနံၫဂၩလူၬလီၫ. အဝ့ၫၥံၪမၩယူၭ ဆၧအၧၩ့ယူၭး အၥွံၪမိအီၪလၧအလီၩ့လီၫ.
13 ၦခွၫအ့ၪမံၫဎုၬ လၧၦခွၫဘဲၫအမံၫဎုၬ လၧၦမုၪအၥိၭ, ၦနံၫဂၩလူၬနီၪ မၩယူၭဆၧၥၭလိၪယူၭတၭ, မိဘၪဆၧ မၩၥံၫတၡါဝ့ၫလီၫ. အၥွံၪမိအီၪလၧအလီၩ့လီၫ.
14 ၦအ့ၪန့အမၫဒဲအမၫအမိတၭ, မွဲဆၧအၧၩ့လီၫ. မိဘၪ ဆၧဆူၭထၪ့ခွံၬဝ့ၫလၧမ့ၪ, ၦခွၫဒဲၦမုၪနံၫဂၩ, ဘဲၫၥိၭဆၧ အၧၩ့ဆၧၥၫ့ထီးအီၪ လၧနၥံၪအကျၩလဂ့ၩလီၫ.
15 ၦခွၫအ့ၪမံၫဎုၬလၧဆၧဖိၪဆၧဎါလဒုၩတၭ, မိဘၪ ဆၧမၩၥံၫတၡါဝ့ၫလီၫ. တၭနၥံၪဘၪမၩၥံၫဆၧဖိၪဆၧ ဎါလဒုၩနီၪဆ့လီၫ.
16 တၭၦမုၪအ့ၪမၩဘူၭအၥၭ လၧဆၧဖိၪဆၧဎါ, ဒဲမံၫ နၩ့လၧအဝ့ၫတၭ, နဘၪမၩၥံၫတၡါၦမုၪနီၪ, ဒဲဆၧဖိၪ ဆၧဎါဆ့, အဝ့ၫၥံၪ မိဘၪဆၧမၩၥံၫတၡါဝ့ၫတၭး အ ၥွံၪမိအီၪလၧအလီၩ့လီၫ.
17 ၦၡၩအ့ၪမၩန့အထၧၫ့ဖုဝဲမုၪ, အဖါအဖိၪမုၪမွဲဂ့ၩ, အမိအဖိၪမုၪမွဲဂ့ၩ, ဒဲဒၪဘၪအဆၧအီၪဘိၪ့, ဒဲအဆၧ ဒၪဘၪၦခွၫအဆၧအီၪဘိၪ့တၭ, မွဲဆၧအၧၩ့လီၫ. တၭ အဝ့ၫၥံၪမိဘၪဆၧဒၪ့ထ့ၬခွံၬဝ့ၫ လၧအၡၩဒၪဝ့ၫလဆၨၩ အမ့ၬယၫလီၫ. အဝ့ၫနဲၪဖျီၪထၪ့အထၧၫ့ဖုဝဲမုၪ အဆၧ
18 အီၪဘိၪ့တၭး မိဘၪထိးအဆၧဒဲၩဘၭလီၫ.- တၭၦခွၫ အ့ၪမံၫဎုၬလၧၦမုၪ လၧအအၪ့ဆူၫဝၭအၥၭအဘိၩ့ဘၭ နီၪ,နဲၪဖျီၪထၪ့အဆၧအီၪဘိၪ့တၭ, မွဲအမၩအီၪဖျီၪအ ဆၧထၪ့ဖျိၭတၭး မိဘၪဆၧဒၪ့ထ့ၬခွံၬဝ့ၫလၧအၡၩလ ဆၨၩဒၪဝ့ၫအကျၩနံၫဂၩလူၬလီၫ.
19 နမိအထၧၫ့ဖုဝဲမုၪအဆၧအီၪဘိၪ့မွဲဂ့ၩ, နဖါအထၧၫ့ ဖုဝဲမုၪ အဆၧအီၪဘိၪ့မွဲဂ့ၩ, နဲၪဖျီၪထၪ့လဂ့ၩး အဂဲး ဘဲၫယီၩ ၦလၧအနဲၪဖျီၪထၪ့ အဘူၭအထံးအဆၧအီၪ ဘိၪ့လဖၪနီၪ, မိဘၪထိးအဆၧဒဲၩဘၭလီၫ.
20 ၦခွၫအ့ၪမံၫဎုၬ လၧအမၩ့အမၫတၭ, မွဲအနဲၪဖျီၪထၪ့ အမၩ့ အဆၧအီၪဘိၪ့လီၫ. အဝ့ၫၥံၪမိဘၪထိးအဆၧ ဒဲၩဘၭတၭး မိၥံၫထူၬဖိၪဝ့ၫလီၫ.
21 ၦအ့ၪမၩန့အထၧၫ့ဖုဝဲခွၫအမၫတၭ, မွဲဆၧလဆံၫ့ဘၪ တၭး နဲၪဖျီၪထၪ့အထၧၫ့ဖုဝဲခွၫ အဆၧအီၪဘိၪ့လီၫ. မိအီၪထူၬဖိၪဝ့ၫလီၫ.
22 တၭနၥံၪဘၪထီးန့ယၥနိၫလဖၪထီးအလူၬ, ဒဲယဆၧ စ့ၩရၫ့ၥံၪထီးအလူၬ, ဒဲမၩအဝ့ၫၥံၪ, ဘဲၫၥိၭခးလၧယ ဒုၭလ့ၩနုၬနၥံၪလၧအဖၧၩ့ လၧနၥံၪမိအီၪထီးနီၪဘဲၫၥိၭ
23 အထီးပၠိၭထၪ့ခွံၬနၥံၪလဂ့ၩလီၫ.- တၭထီးလ့ၩလၧၦ ဆၨၩလဖၪလၧယနၫ့ထၪ့ခွံၬ လၧနၥံၪအမ့ၬယၫအထူၫ အရူၫအဖၧၩ့လဂ့ၩး အဂဲးဘဲၫယီၩ အဝ့ၫၥံၪနီၪမၩဆၧ လဖၪယီၩထီးအလူၬတၭ, ယၥၭလိၪဆၧလဖၪနီၪလီၫ.
24 တၭယစံၭယူၭ နၥံၪယူၭ, လၧနၥံၪမိန့ဘၪၥၫခးနီၪ, ဒဲယမိဖ့ၪလၫ့ဝ့ၫဘဲၫၥိၭ နၥံၪမိမၩန့ဘၪခးလဘံၪ့ လၧ အယွၩလၩ့ဝ့ၫ လၧဆၧနူထံၫ, ဒဲန့ၫစၩ့လီၫ. ယဝ့ၫဒၪ ယီၩယမွဲယဟိဝၩနၥံၪအယွၩ လၧအမၩလၩ့မုလၩ့ဖၭ ခွံၬနၥံၪ လၧၦဆၨၩလဖၪလီၫ.
25 တၭနၥံၪဘၪအၪ့နၩ့ဖၭ ဆၧဖိၪဆၧဎါအဆံၫ့ဒဲဆၧဖိၪ ဆၧဎါ လဆံၫ့ဘၪအဆၧၫ့, ဒဲထိၪၥံၪ လံၪၥံၪ အဆံၫ့, ဒဲထိၪၥံၪလံၪၥံၪလဆံၫ့ဘၪအဆၧၫ့လီၫ. တၭထီးမၩ ဘၪၥၭလိၪနၥံၪအၥၭ လၧဆၧဖိၪဆၧဎါမွဲဂ့ၩ, ထိၪၥံၪ လံၪၥံၪမွဲဂ့ၩ, ဆၧစွၩလၧဂၪ့ခိၪချိၫ့လမံၩ့လါလါမွဲဂ့ၩ, လၧယအီၪက့ၪ လၩ့မုလၩ့ဖၭခွံၬ လၧနၥံၪလၧဆၧလ ဆံၫ့ဘၪနီၪလဂ့ၩ.
26 တၭနၥံၪမိဆံၫ့ဎံၪထၪ့လၧယဂးလီၫ. အဂဲးဘဲၫယီၩ ဆၧလၧယၧၩ, ယဟိဝၩယီၩ, ယမွဲဆၧဆံၫ့ဎံၪတၭ,ယ မၩလၩ့မုလၩ့ဖၭခွံၬ နၥံၪလၧၦဆၨၩလဖၪ ဘဲၫၥိၭနၥံၪ မိကဲၪထၪ့ယဆၧလီၫ.
27 ၦခွၫမွဲဂ့ၩ, ၦမုၪမွဲဂ့ၩ, ၦလၧအအီၪလၧဆၧနၪလဖၪ မွဲဂ့ၩ, ၦလၧအၥ့ၪဆၧအူၪဆၧပီၩမွဲဂ့ၩ, မိဘၪဆၧမၩ ၥံၫတၡါဝ့ၫလီၫ. ၦၡၩဘၪခွံၬဝ့ၫလၧလိးလဖၪတၭ, အ ဝ့ၫၥံၪအၥွံၪမိအီၪလၧအလီၩ့လီၫ.