18
1-2 ချဲၩ့ ထၪ့လၧၦအံၫစရ့လၭဖိၪတၭ,စံၭအဝ့ၫၥံၪ, ယဝ့ၫဒၪ
3 ယီၩ,ယမွဲယဟိဝၩနၥံၪအယွၩလီၫ.- ဘဲၫၦမၩဆၧလၧ ခးအံဇံၭလၧနၥံၪအီၪယူၭလၧအဖၧၩ့အၥိၭနီၪ, ထီးမၩ လဂ့ၩ. တၭဘဲၫၦမၩဆၧလၧခးကၫနအၫ့ ထီးအလး လၧယဒုၭလ့ၩနၥံၪလၧအအီၪအၥိၭနီၪ ထီးမၩလဂ့ၩ, တၭထီးလ့ၩလၧအဝ့ၫၥံၪ အထူၫအရူၫအဖၧၩ့လဂ့ၩ.
4 နၥံၪဘၪမၩ ယဆၧစ့ၩရၫ့လဖၪ, ဒဲထီးန့ယၥနိၫလဖၪ ဘဲၫၥိၭနၥံၪမိလ့ၩလၧအဖၧၩ့လီၫ. ယဝ့ၫဒၪယီၩ ယမွဲ
5 ယဟိဝၩနၥံၪအယွၩလီၫ.- တၭနၥံၪဘၪထီးန့ယၥနိၫ လဖၪ, ဒဲယဆၧစ့ၩရၫ့လဖၪ လၧၦလၧအမၩဝ့ၫနီၪ မိ မၧၫ့ဝ့ၫလၧအဖၧၩ့လီၫ. ယဝ့ၫဒၪယီၩ ယမွဲယဟိဝၩ လီၫ.
6 ၦလၧနၥံၪအကျၩနီၪ, မွဲအထီးမၩဘူၭအၥၭလၧအ ဘူၭအထံးဘဲၫၥိၭအမိနဲၪဖျီၪထၪ့ အဆၧအီၪဘိၪ့နး
7 ဂၩလဂ့ၩ, ယဝ့ၫဒၪယီၩယမွဲယဟိဝၩလီၫ.- နဖါအ ဆၧအီၪဘိၪ့မွဲဂ့ၩ, နမိအဆၧအီၪဘိၪ့မွဲဂ့ၩ, နဲၪဖျီၪထၪ့ လဂ့ၩ, အနီၪမွဲနမိလီၫ. နဲၪဖျီၪထၪ့အဆၧအီၪဘိၪ့လ
8 ဂ့ၩ.- နဖါအမၫအဆၧအီၪဘိၪ့နီၪ နဲၪဖျီၪထၪ့လဂ့ၩ,
9 အဝ့ၫနီၪမွဲနဖါအဆၧအီၪဘိၪ့လီၫ.- နထၧၫ့ဖုဝဲမုၪနဖါ အဖိၪမုၪမွဲဂ့ၩ, နမိအဖိၪမုၪမွဲဂ့ၩ, အီၪဖျဲၪလၧဂံၪ့ဖၧၩ့ မွဲဂ့ၩ, အီၪဖျဲၪလၧခီၫ့မွဲဂ့ၩ, နဲၪဖျီၪထၪ့အဆၧအီၪဘိၪ့
10 လဂ့ၩ,- နဖိၪခွၫအဖိၪမုၪမွဲဂ့ၩ, နဖိၪမုၪအဖိၪမုၪမွဲဂ့ၩ, နဲၪဖျီၪထၪ့အဆၧအီၪဘိၪ့လဂ့ၩ, အဂဲးဘဲၫယီၩအဝ့ၫ ၥံၪအဆၧအီၪဘိၪ့နီၪ, မွဲနဆၧအီၪဘိၪ့ ဒၪနဝ့ၫလီၫ.
11 နဖါအမၫအဖိၪမုၪ, ၦလၧနဖါထၪ့ဖိၪဝ့ၫ မွဲနထၧၫ့ဖုဝဲ
12 မုၪ, နဲၪဖျီၪထၪ့အဆၧအီၪဘိၪ့လဂ့ၩ,- နဲၪဖျီၪထၪ့န ဖါအထၧၫ့ဖုဝဲမုၪအဆၧအီၪဘိၪ့လဂ့ၩ, အဝ့ၫနီၪမွဲနဖါ
13 အဘူၭအထံးလီၫ.- နဲၪဖျီၪထၪ့နမိအထၧၫ့ဖုဝဲမုၪ အ ဆၧအီၪဘိၪ့လဂ့ၩ. အဝ့ၫနီၪမွဲနမိအဘူၭအထံးလီၫ.
14 နဲၪဖျီၪထၪ့နဖါ အထၧၫ့ဖုဝဲခွၫအဆၧ အီၪဘိၪ့လဂ့ၩ.
15 မၩဘူၭအမၫလဂ့ၩ, အဝ့ၫနီၪမွဲနမိဂါလီၫ.- နဲၪဖျီၪထၪ့ နဒဲၪအဆၧ အီၪဘိၪ့လဂ့ၩ. အဝ့ၫနီၪ မွဲနဖိၪခွၫအမၫ
16 လီၫ. နဲၪဖျီၪထၪ့အဆၧအီၪဘိၪ့လဂ့ၩ.- နဲၪဖျီၪထၪ့န ထၧၫ့ဖုဝဲခွၫအမၫ အဆၧအီၪဘိၪ့လဂ့ၩ, အဝ့ၫနီၪမွဲန
17 ထၧၫ့ဖုဝဲခွၫအဆၧအီၪဘိၪ့လီၫ.- နဲၪဖျီၪထၪ့ၦမုၪလ ဂၩဒဲအဖိၪမုၪအဆၧအီၪဘိၪ့လဂ့ၩ, တၭမၩန့အဖိၪခွၫ အဖိၪမုၪမွဲဂ့ၩ, အဖိၪမုၪအဖိၪမုၪမွဲဂ့ၩ, ဘဲၫၥိၭနမိနဲၪ ဖျီၪထၪ့အဆၧ အီၪဘိၪ့လဂ့ၩ. အဝ့ၫနီၪ မွဲနဘူၭနထံး
18 လီၫ. အနီၪမွဲဆၧအအၧၩ့အၥၫ့လီၫ.- ထီးမၩန့နမၫ ဘဲၫၥိၭနမိနဲၪဖျီၪထၪ့အဆၧအီၪဘိၪ့နီၪ လၧအထၧၫ့ဖု ဝဲမုၪအဖၫ့ခိၪလၧအမိမၩခိအၥၭ လၧအအီၪမၧၫ့ဒံၭအ ဘိၩ့ဘၭနီၪလဂ့ၩ.
19 တၭလၧၦမုၪအီၪလစီၪ့ဒၪ လၧအဆၧလဆံၫ့ဘၪအ ကၠီၩ့အဘိၩ့ဘၭနီၪ, မၩဘူၭအဝ့ၫဘဲၫၥိၭနမိမၩဖျီၪ
20 ထၪ့အဆၧအီၪဘိၪ့လဂ့ၩ.- ထီးမံၫဎုၬလၧၦလၧနနဲၩ့ ထံၭအမၫ ဘဲၫၥိၭနမိမၩၥၭလိၪ ဘၪနၥၭလၧအဝ့ၫလ
21 ဂ့ၩ.- ဒုၭခၫ့ဂၬ နချံၫနၥၪ လၧမိလ့ၭအဂး နးဂၩလဂ့ၩ တၭ, မၩကြၩ့ထမးယွၩအမံၩ့လဂ့ၩး ယဝ့ၫဒၪယီၩယ
22 မွဲယဟိဝၩလီၫ.- ထီးမံၫဎုၬလၧၦခွၫဘဲၫလၧၦမုၪအၥိၭ
23 နီၪလဂ့ၩ, အနီၪမွဲဆၧဘၪၥၭလိၪလီၫ.- ထီးမံၫဎုၬလၧ ဆၧဖိၪဆၧဎါဘဲၫၥိၭနမိမၩၥၭလိၪနၥၭ လၧအဝ့ၫနးမံၩ့ လဂ့ၩ. တၭမွဲၦမုၪထီးဆၧၫ့ထုၪ့ လၧဆၧဖိၪဆၧဎါအ မ့ၬယၫဘဲၫၥိၭအမိမံၫနၩ့ လၧအဝ့ၫနးဂၩလဂ့ၩ, အ နီၪမွဲဆၧအၧၩ့ဆၧၥၫ့လီၫ.
24 ထီးမၩစံၪစၪနၥံၪအနၫ့ဆါၥံၪ လၧဆၧနီၪလဖၪနး မံၩ့လဂ့ၩး အဂဲးဘဲၫယီၩ ၦဆၨၩလဖၪ လၧယနၫ့ထၪ့ ခွံၬလၧနၥံၪအမ့ၬယၫနီၪ လဆံၫ့ဘၪလၧဆၧလဖၪနီၪ
25 ထီးအလူၬအဖၧၩ့လီၫ.- ထံၫၥံၪခးၥံၪလဆံၫ့ဘၪတၭ, ယမိစ့ၩရၫ့ဝ့ၫ လၧအဆၧအၧၩ့အကၠီၩ့တၭ, ခးနီၪပၠိၭ
26 ထၪ့ခွံၬၦအီၪဝ့ၫလၧအဖၧၩ့လီၫ.- အခိးမွဲထီးန့ယၥနိၫ လဖၪ, ဒဲယဆၧစ့ၩရၫ့ လဖၪဆံၭ. တၭၦလၧနၥံၪအ ဆၨၩဒၪနၥံၪဝ့ၫမွဲဂ့ၩ, ၦလခီၫဘၩ့မုးဖိၪ လၧအအီၪလၧ နၥံၪအကျၩမွဲဂ့ၩ, မွဲအထီးမၩဆၧၥၭလိၪနးဂၩလဂ့ၩ,
27 (အဂဲးဘဲၫယီၩ ကယဲဆၧၥၭလိၪလဖၪနီၪ ၦခးဖိၪလၧ အအီၪယူၭ လၧနၥံၪအမ့ၬယၫမၩဝ့ၫ, ဒဲထံၫၥံၪခးၥံၪ
28 လဆံၫ့ဘၪလီၫ.)- ဘဲၫၥိၭထီးနၥံၪ အ့ၪမၩဘၪၥၭလိၪ တၭ, ခးနီၪမွဲအထီးပၠိၭထၪ့ခွံၬနၥံၪ ဘဲၫအပၠိၭထၪ့ခွံၬ ၦဆၨၩလဖၪ လၧအအီၪ လၧနၥံၪအမ့ၬယၫ အၥိၭနီၪ လဂ့ၩ.
29 အဂဲးဘဲၫယီၩ ကယဲၦလၧအမၩဆၧၥၭလိၪယီၩလ မံၩ့မံၩ့နီၪ မိဘၪဆၧဒၪ့ထ့ၬခွံၬဝ့ၫ လၧအၡၩလဆၨၩ
30 ဒၪဝ့ၫအကျၩနီၪလီၫ.- တၭထီးန့ယဆၧၥီၪ့ဆၧၥၫ့ဘဲၫ ၥိၭနၥံၪထီးမၩဆၧဘၪၥၭလိၪ အထူၫအရူၫ လၧၦလၧ နၥံၪအမ့ၬယၫမၩဝ့ၫနီၪလဂ့ၩ. ဒဲဘဲၫၥိၭ နၥံၪထီးမၩ ဘၪၥၭလိၪလၩ့နၥံၪအၥၭ လၧဆၧနီၪလဖၪလဂ့ၩ.ယ ဝ့ၫဒၪယီၩ ယမွဲယဟိဝၩနၥံၪအယွၩလီၫ.