17
1-2 လီၩဘၪ စအၫရၧၫ့ ဒဲအဖိၪခွၫလဖၪဒဲၦအံၫစရ့လၭဖိၪ ထီးအ လူၬတၭး စံၭအဝ့ၫၥံၪ, အယီၩမွဲဆၧလၧယဟိဝၩမၪ
3 လူၬဆၧတၭ, စံၭဝ့ၫ, ချီဖၫလဒုၩမွဲဂ့ၩ,ၥိၪဖိၪမွဲဂ့ၩ, ဘ့ၪ ဖိၪမွဲဂ့ၩ, ထီးဒၪၦလၧအံၫစရ့လၭအဂံၪ့ လၧအမၩၥံၫ အဝ့ၫလၧၦၥုၪ့တဲၩအလးဖၧၩ့မွဲဂ့ၩ, လၧအမၩၥံၫဝ့ၫ
4 လၧၦၥုၪ့တဲၩအလး လၧခီၫ့လခီၫမွဲဂ့ၩ,- တၭလဂဲၫ ဆိၬဘၪလၧဆၧအီၪကီၪ့ အတဲၩဆံၫ့ဎံၪအတရၫ့, ဘဲၫ ၥိၭအမိမၩဘိၪ့ဆၧမၩဘိၪ့ လၧယဟိဝၩအဂး, လၧယ ဟိဝၩအတဲၩဆံၫ့ဎံၪ အမ့ၬယၫလဂၩဂၩနီၪ, ဆၧမိအီၪ က့ၪဆၧၥွံၪ လၧအဝ့ၫဒၪအလီၩ့ လၧအဂါလၩ့ဆၧၥွံၪ အကၠီၩ့တၭ, မိဘၪဆၧဒၪ့ထ့ၬခွံၬဝ့ၫ လၧအဆၨၩဒၪဝ့ၫ
5 အကျၩနီၪလီၫ.- အဂဲးဘဲၫယီၩဘဲၫၥိၭၦအံၫစရ့လၭဖိၪ မိဂဲၫဆိၬအဆၧလုလဖၪ လၧအလုထၪ့ဝ့ၫလၧဆၧပျၩ့ ဖၧၩ့တၭ, ဂဲၫဆိၬဝ့ၫလၧယဟိဝၩအအီၪ ထီးဆၧအီၪ ကီၪ့အတဲၩဆံၫ့ဎံၪအတရၫ့, လၧၦလုဆၧလဂၩအအီၪ တၭလုထၪ့ဝ့ၫ လၧဆၧလုဘၪလိၬအိၭလိၬ လၧယဟိဝၩ
6 အဂးလီၫ.- ၦလုဆၧလဂၩနီၪ ဘၪဎွံၪဆၧၥွံၪလၧယဟိ ဝၩအဆၧလုလးအဖၫ့ခိၪ, ထီးဆၧအီၪကီၪ့အတဲၩဆံၫ့ ဎံၪအတရၫ့တၭ, ဆူၭခဲၩဆၧၥိၪ လၧဆၧနၧၫ့မၧၫ့မုၬ
7 လၧယဟိဝၩအဂးလီၫ.- တၭအဝ့ၫၥံၪဘၪလုထၪ့လၧၩ့ အဆၧလုလၧဆၧနၪလဖၪ, လၧၦၡၩမၩဆၧလဲးဆၧ ဘျၪဖိၬအဖၧၩ့ၥၭနီၪလဂ့ၩ. အနီၪမွဲဆၧမၪလူၬအဆိၩ အကၠၪလၧအဂး, ထီၩ့လၩ့လၧအဆၨၩအဆၬလဆိၩ ဘၪလဆိၩလီၫ.
8 တၭနဘၪစံၭအဝ့ၫၥံၪ, ထီးဒၪၦလၧၦအံၫစရ့လၭအ ဂံၪ့ဖိၪအကျၩမွဲဂ့ၩ, လၧၦလခီၫဘၩ့မုးဖိၪလၧအအီၪ လၧနၥံၪအကျၩမွဲဂ့ၩ လၧအလုထၪ့ ဆၧလုမ့ၪ မွဲဂ့ၩ,
9 ဆၧလုမွဲဂ့ၩ,- တၭလဂၩဂၩလဂဲၫဆိၬဘၪ လၧဆၧအီၪ ကီၪ့အတဲၩဆံၫ့ဎံၪအတရၫ့, ဘဲၫၥိၭအမိလုထၪ့ဝ့ၫလၧ ယဟိဝၩနီၪမိဘၪဆၧဒၪ့ထ့ၬခွံၬ လၧအၡၩလဆၨၩဒၪ ဝ့ၫအကျၩနီၪလီၫ.
10 တၭၦၡၩ လၧၦအံၫစရ့လၭအဂံၪ့ဖိၪအကျၩမွဲဂ့ၩ, လၧၦလခီၫဘၩ့မုးဖိၪ လၧအအီၪ လၧနၥံၪအကျၩမွဲ ဂ့ၩ,ထီးဒၪၦလၧအအၪ့ဆၧၥွံၪ လမံၩ့မံၩ့လဂၩဂၩနီၪ, ယမိအီၪက့ၪယမ့ၬထၫ့ဒုၪဒၩ ၦလၧအအၪ့ဆၧနီၪတၭ, ယမိဒၪ့ထ့ၬခွံၬဝ့ၫလၧအၡၩ လဆၨၩဒၪဝ့ၫ အကျၩနီၪ
11 လီၫ.- အဂဲးဘဲၫယီၩ ဆၧယၪအၥၭအီၪလၧအၥွံၪဖၧၩ့ တၭ, ယဖ့ၪလၫ့နၥံၪလၧအဝ့ၫနီၪ လၧဆၧလုအဖၫ့ခိၪ, ဘဲၫၥိၭအမိမၩဆၧဖီၩ့ဖျ့ၭ လၧနၥံၪအၥၭၡီၩ့အဂးလီၫ. အဂဲးဘဲၫယီၩ ဆၧၥွံၪနီၪ မၩဆၧမၩဖီၩ့ဖျ့ၭ လၧၦၡၩ
12 ၥၭၡီၩ့အဂးလီၫ.- မၩအၥၭဘဲၫနီၪတၭ ယစံၭၦအံၫစ ရ့လၭဖိၪ, ၦလၧနၥံၪအကျၩအၪ့ဘၪဆၧၥွံၪ နးဂၩအ့ၬ. တၭၦလခီၫဘၩ့မုးဖိၪ လၧအအီၪလၧ နၥံၪအကျၩအၪ့ ဘၪဆၧၥွံၪနးဂၩဆ့အ့ၬ.
13 ၦအံၫစရ့လၭဖိၪမွဲဂ့ၩ, ၦလခီၫဘၩ့မုးဖိၪ လၧအအီၪ လၧနၥံၪအကျၩမွဲဂ့ၩ, ထီးဒၪၦၡၩလၧအကဲၪ ၦခိၭခၭ ဆၧတၭ, မၩန့ဆၧဖိၪဆၧဎါမွဲဂ့ၩ, ထိၪၥံၪလံၪၥံၪမွဲ ဂ့ၩ,လၧၦၡၩကြၨၭအၪ့ဘၪလမံၩ့မံၩ့, ဘၪဂါလၩ့ခွံၬ
14 အၥွံၪဒဲမၩဘံၭခွံၬဝ့ၫ လၧဂၪ့ခိၪအမုၬလီၫ.- အဂဲးဘဲၫ ယီၩ ဆၧယၪထီးအလူၬအၥၭမွဲအၥွံၪတၭ, မွဲလၧအ ၥၭအဂးလီၫ. တၭယစံၭၦအံၫစရ့လၭဖိၪ ထီးအၪ့ဆၧ ယၪအၥွံၪနးမံၩ့လဂ့ၩး အဂဲးဘဲၫယီၩ ကယဲဆၧယၪ အၥၭမွဲအၥွံၪလီၫ. ထီးဒၪၦလၧအအၪ့ဝ့ၫ လဂၩဂၩနီၪ မိဘၪဆၧဒ့ၪထ့ၬခွံၬဝ့ၫလီၫ.
15 တၭဆၧလၧအၥံၫဒၪဆၧမွဲဂ့ၩ, ဆၧလၧဆၧဖိၪဆၧ ဎါအဲၪ့ၥံၫမွဲဂ့ၩ, ကယဲၦလၧအအၪ့ဝ့ၫ, ၦခးဖိၪမွဲဂ့ၩ, ၦလခီၫဘၩ့မုးဖိၪမွဲဂ့ၩ, ဘၪအၪ့ဆူၫဝၭအကီၩ့အၥိၭ, ဒဲအၪ့လူထံၫတၭ, မိကဲၪထၪ့ဆၧလဆံၫ့ဘၪ ထီးမုဂၪ လၩ့လီၫ. ထီးနီၪလဖၧၫ့မိဆံၫ့ထၪ့ထဲၩ့ဝ့ၫလီၫ.
16 အ့ၪမွဲ အ့ၪလအၪ့ဆူၫဝၭဘၪ ဒဲအ့ၪလအၪ့လူဘၪထံၫတၭ, မိ ဘၪထိးအဆၧဒဲၩဘၭလီၫ.