9
1 မီၪစအံၫလဲၡၫနီၪကိၭန့မီၪလဖၪ အဖိၪခွၫလဂၩတၭ, စံၭဝ့ၫ,ခဲးထူၬနယးဒံၩ့တၭ, မၩန့ၥိၪလပလၫ့ယီၩလၧ
2 နစူၪဖၧၩ့တၭ,လ့ၩလၧရၫမီၭဂံလအၭဆံၭ.- ထီးနအ့ၪ ထီၩ့ထီးနီၪတၭ, ယိစနံၫ့ၡံၫအဖိၪခွၫ စယဟီၡဖၭအ ဖိၪခွၫစယံဟုၫထီးနီၪတၭ, လ့ၩနုၬ, ဒုၭဂဲထုၪ့အဝ့ၫလၧ အထၧၫ့ဖုဝဲၥံၪအကျၩတၭ, ဒုၭလ့ၩနုၬဝ့ၫလၧဒူၭလၧ
3 ယၫလခီၫအဖၧၩ့ဆံၭ. ထီးနီၪလဖၧၫ့မၩန့ၥိၪလပလၫ့ ဂါလၩ့လၧအခိၪဎွံၪတၭ, စံၭ, ယဟိဝၩစံၭဘဲၫယီၩ, ယဂုၪနၧၩလၧစဎွၩလၧအံၫစရ့လၭအဖၫ့ခိၪလီၫ. ထီး နီၪလဖၧၫ့ဝဲထၪ့တရၫ့, စဲၪ့ထၪ့ခွံၬ, အီၪယံၬအီၪနးလ
4 ဂ့ၩ.- တၭဖိၪၥၪခွၫ, မီၪလဂၩနီၪ, လ့ၩထီၩ့လၧရၫမီၭ ဂံလအၭနီၪလီၫ.
5 လ့ၩထီၩ့ဝ့ၫတၭ, ယိခွါ,ၥုၭမုခမျၧးအခိၪလဖၪဆၧၫ့ နၩ့ဝ့ၫတၭ, အဝ့ၫဒၪစံၭ, ယချဲၩ့ဆၧလၧနၧၩအလးအီၪ, ဆၧအခိၪဧ့, တၭစယံဟုၫစံၭဝ့ၫဒၪ, လၧၦထီးအလူၬ ယီၩအကျၩနီၪ, လဂၩဂၩလဲၪ. တၭအဝ့ၫဒၪစံၭ,လၧ
6 နၧၩ,ဆၧအခိၪဧ့,- အဝ့ၫဒၪဂဲထုၪ့လ့ၩနုၬလၧဂံၪ့ဖၧၩ့ တၭ,ၦလဂၩနီၪဂါလၩ့ၥိၪ လၧအခိၪဎွံၪအဖၫ့ခိၪတၭ, စံၭဝ့ၫ,ယဟိဝၩအံၫစရ့လၭအယွၩ စံၭဘဲၫယီၩ,ယဂုၪ နၧၩလၧစဎွၩလၧယဟိဝၩ အၡၩခမျၧးအဖၫ့ခိၪ,လၧ
7 အံၫစရ့လၭအဖၫ့ခိၪလီၫ.- တၭနမိကျီၪ့ခွံၬ နကဆါ စအၫဟၭအၡၩဂံၪ့ဖိၪ, ဘဲၫၥိၭယမိမၩဆၧၫ့ဆၧအၧၩ့ လၧယခ့ၫယၡၩမီၪလဖၪအၥွံၪ, ဒဲယဟိဝၩအခ့ၫအၡၩ ထီးအလူၬအၥွံၪ, လၧနးယ့ၭဇဘ့လၭအစူၪဖၧၩ့လီၫ.
8 စအၫဟၭအၡၩဂံၪ့ဖိၪထီးအလူၬ မိထီၩ့လၧဆၧဂၭဂီၩ့ တၭ,ယမိဒၪ့ထ့ၬခွံၬ ၦဘၪဆဲၫ့လၧစအၫဟၭလၧကယဲ အခွၫလဖၪထီးအလူၬ ဒဲၦလၧအဘၪဆၧဒုၭထၬဝ့ၫဒဲ
9 အီၪလၩ့ထးဝ့ၫလၧအံၫစရ့လၭအဖၧၩ့လီၫ.- တၭယ မိအီၪက့ၪစအၫဟၭအဂံၪ့ ဘဲၫစနံဘၭအဖိၪခွၫ စယ့ၫ ရဘိအၫ့အဂံၪ့အၥိၭနီၪ, ဒဲဘဲၫစအဟဲယၫ အဖိၪခွၫ
10 စဘၫအၡၫအဂံၪ့အၥိၭနီၪလီၫ.- ထွံၪလဖၪမိအၪ့နး ယ့ၭဇဘ့လၭ လၧယံၭစရ့လၭအလးဖၧၩ့တၭ, ၦခုၪ့ လၩ့ဘၧၩ့ခွံၬဝ့ၫ အီၪနးဂၩအ့ၬ. အဝ့ၫဒၪဝဲထၪ့တရၫ့ တၭ,စဲၪ့ထၪ့ခွံၬဝ့ၫလီၫ.
11 စယံဟုၫဂဲၫထၪ့လၧအကဆါ အခ့ၫအၡၩၥံၪအအီၪ တၭ,အလဂၩစံၭအဝ့ၫ, ဆၧအမုၬဆ့ဧၪ.ၦအဖျႃလဂၩ နီၪဂဲၫလၧနအီၪ, မွဲဘၪလဲၪ. တၭအဝ့ၫလီၩဘၪအဝ့ၫ
12 ၥံၪ,နၥံၪၥ့ၪယၫၦလဂၩနီၪ ဒဲအချဲၩ့ဆၧဆ့လီၫ.- တၭ အဝ့ၫၥံၪစံၭဝ့ၫ, နချဲၩ့ဆၧဘၪအ့ၬ. လီၩဘၪလါပၧၩ ဆံၭ.အဆၧစံၭဝ့ၫ အဝ့ၫဒၪစံၭယၧၩဘဲၫအံၩဘဲၫအိၩ တၭ,စံၭဝ့ၫဒၪ, ယဟိဝၩစံၭဘဲၫယီၩ, ယဂုၪယူၭနၧၩ
13 လၧစဎွၩလၧအံၫစရ့လၭအဖၫ့ခိၪယူၭ.- ထီးနီၪလဖၧၫ့ အဝ့ၫၥံၪမၩဝ့ၫချဲၫ့ချဲၫ့တၭ, မၩန့လဂၩအဖၬဘဲၩ့ဒၪဝ့ၫ, လဂၩအဖၬဘဲၩ့ဒၪဝ့ၫတၭ, ဒၩလၩ့ဝ့ၫလၧဎၫ့အၥွၫဒၪ လ့ၬအဖၫ့ခိၪ, လၧအဝ့ၫလဂၩအဖၫ့လၬတၭ, အူၪထၪ့ ခွ့ၩလဖၪတၭစံၭဝ့ၫဒၪ, စယံဟုၫကဲၪယူၭစဎွၩယူၭ.
14 တၭစနံၫ့ၡံၫအဖိၪခွၫစယဟီၡဖၭ အဖိၪခွၫစယံဟုၫနီၪ, အုၩ့လၩ့ဆၧထၫ့ဒၩစယိရၫ့လီၫ. (တၭစယိရၫ့ပၧၩ့ရၫ မီၭဂံလအၭ, အဝ့ၫဒၪဒဲအံၫစရ့လၭထီးအလူၬ, လၧစံ
15 ရအၫအစဎွၩ ဟၭဇအ့လၭအကၠီၩ့လီၫ.- တၭစဎွၩ ယိရၫ့ဂဲၫထဲၩ့ကဒၩထဲၩ့, ဘဲၫၥိၭအဖၧၩ့လးလၧၦစံရ အၫဖိၪမၩဝ့ၫ, ထီးအဒုၭၥုၭ လၧစံရအၫ အစဎွၩဟၭ ဇအ့လၭလဂၩနီၪ မိဘျၪထဲၩ့လီၫ.) တၭစယံဟုၫစံၭ ဝ့ၫဒၪ,အ့ၪဘၪနၥံၪအၥၭတၭ, ထီးဒုၭစဲၪ့ထၪ့ဖီၩ့ဖျ့ၭ ၦလၧဒိၩ့ဖၧၩ့, ဘဲၫၥိၭအမိလ့ၩလီၩဘၪ ဆၧလၧယံၭ စရ့လၭအဖၧၩ့နီၪနးဂၩလဂ့ၩ.
16 စယံဟုၫထူၬလဲၪ့ၥုၭတၭ, လ့ၩထီၩ့လၧယံၭစရ့လၭ လီၫ. အဂဲးဘဲၫယီၩစယိရၫ့မံၫနၩ့ဝ့ၫထီးနီၪလီၫ. တၭ ယုဒၫအစဎွၩစအၫဟဇဲအၫ ဂဲၫလၩ့အီၪၡီၩ့ စယိရၫ့
17 ထီးနီၪလီၫ.- ၦခိၭဆၧလဂၩ ဆၧၫ့ထုၪ့လၧတၨၭထီၫ အဖၫ့ခိၪလၧယံၭစရ့လၭအဖၧၩ့တၭ, ဒၪဘၪစယံဟုၫ အၡၩလဒီၪ့ဂဲၫဝ့ၫတၭ, စံၭဝ့ၫဒၪ, ယဒၪဘၪၦလဒီၪ့ လီၫ.စယိရၫ့စံၭဝ့ၫဒၪ, မၩန့ၦကၥ့ၪၥုၭဖိၪလဂၩတၭ, အၪ့မၧၫ့အလ့ၩအၪ့ဂၬဝ့ၫတၭ, မိဘၪစံၭ, ဆၧဘၪလိၬ
18 အိၭလိၬဆ့ဧၪ.- ၦထူၬကၥ့ၪလဂၩလ့ၩအၪ့ဂၬဝ့ၫတၭ, စံၭဝ့ၫဒၪ, စဎွၩစံၭဘဲၫယီၩ, ဆၧဘၪလိၬအိၭလိၬဆ့ဧၪ. တၭစယံဟုၫစံၭဝ့ၫဒၪ, ဆၧဘၪလိၬအိၭလိၬဘၪဆဲၫ့ လၧနၧၩဘဲၫၥ့ၪလဲၪ. ထဲၩ့ထဲၩ့လၧယလးခဲၫ့ဘီၪ. ၦခိၭ ဆၧလဂၩနီၪဒုၭနဲၪဝ့ၫ,စံၭဝ့ၫဒၪ, အၥီၫ့လဂၩထီၩ့လၧ
19 အဝ့ၫၥံၪအအီၪတၭ, ဂဲၫထဲၩ့ကဒၩထဲၩ့အ့ၬ.- အဝ့ၫဒၪ အၪ့မၧၫ့ၦကၥ့ၪၥုၭဖိၪနံၫဂၩလဂၩတၭ, အဆၧထီၩ့ လၧအဝ့ၫၥံၪအအီၪတၭ, စံၭဝ့ၫဒၪ, စဎွၩစံၭဘဲၫယီၩ, ဆၧဘၪလိၬအိၭလိၬဆ့ဧၪ. စယံဟုၫစံၭဝ့ၫဒၪ, ဆၧဘၪ လိၬအိၭလိၬဘၪဆဲၫ့လၧနၧၩ ဘဲၫၥ့ၪလဲၪ. ထဲၩ့ထဲၩ့လၧ
20 ယလးခဲၫ့ဘီၪ.- ၦခိၭဆၧလဂၩနီၪဒုၭနဲၪဝ့ၫတၭ, စံၭ ဝ့ၫဒၪ,ထီၩ့လၧအဝ့ၫၥံၪအအီၪတၭ, ဂဲၫထဲၩ့ကဒၩထဲၩ့ အ့ၬ.တၭနၫ့ဆၧနီၪမၩအၥၭဘဲၫစနံၫ့ၡံၫအဖိၪခွၫစယံ ဟုၫအနၫ့ဆၧအၥိၭနီၪလီၫ. အဂဲးဘဲၫယီၩနၫ့ဆၧဆီၪ့
21 ဘဲၫၦဖျႃအၥိၭလီၫ.- တၭစယိရၫ့စံၭဝ့ၫဒၪ, တဲၩ့ဝဲၩဆၧ ဆံၭ. တၭၦၡၩတဲၩ့ဝဲၩအလဲၪ့ၥုၭနီၪလီၫ. တၭအံၫစရ့ လၭအစဎွၩယိရၫ့ဒဲယုဒၩအစဎွၩ စအၫဟဇဲအၫနီၪစဲၪ့ ထၪ့ဝ့ၫ,လဂၩလၧအလဲၪ့ၥုၭအဖၧၩ့, လဂၩလၧအလဲၪ့ ၥုၭအဖၧၩ့တၭ, လ့ၩထၪ့ထၫ့ဒၩစယံဟုၫတၭ, ဒၪဘၪ အဝ့ၫထီးၦယံၭစရ့လၭဖိၪ စနၫဘီၭအလးဖၧၩ့နီၪလီၫ.
22 ထီးစယိရၫ့ဒၪဘၪစယံဟုၫတၭ, ဆၧမၩအၥၭလၧ အစံၭ, ဆၧဘၪလိၬအိၭလိၬဆ့ဧၪ, စယံဟုၫဧ့, တၭ အဝ့ၫဒၪစံၭ, လၧနမိအဆၧလဲးဆၧဘျၪၥံၪ, ဒဲအမၩဆၧ ယူၬမုၪအဆၧမၩအီၪအၪမံၩ့အဘိၩ့ဘၭတၭ, ဆၧဘၪ
23 လိၬအိၭလိၬမိအီၪဘဲၫၥ့ၪလဲၪ.- စယိရၫ့ကၠၪကဒၩအ စူၪတၭ,စဲၪ့ဖျိၭတၭ, စံၭစအၫဟဇဲအၫ, ဆၧပိၩ့ထၪ့
24 ယူၭစအၫဟဇဲအၫဧ့,- တၭစယံဟုၫဖဲၪ့ထၪ့အချံၪတၭ, ခၭဘၪစယိရၫ့လၧအစူၪဒူၪနံၫခီၫအဘိၩ့ဆၧၩ့တၭ, ဖျါ လဘံၪ့နီၪနုၬဖျီၫ့ထၪ့ထဲၩ့လၧအၥၭလီၫ. တၭလၩ့ဘျၭ
25 ဝ့ၫလၧအလဲၪ့ၥုၭအဖၧၩ့လီၫ.- စယံဟုၫလီၩဘၪအၥုၭ ဖိၪအခိၪစဘံဒကၫ, မၩန့ထၪ့တၭ, ခွံၬလၩ့ခွံၬအဝ့ၫလၧ ၦယံၭစရ့လၭဖိၪစနၫဘီၭအဂၪ့ခိၪ အဝၩ့ဖၧၩ့ဆံၭ.အ ဂဲးဘဲၫယီၩလၧယၧၩဒဲနၧၩ ပထူၬၡီၩ့ကၥ့ၪနံၫဂၩလၧ အဝ့ၫအဖါစအၫဟၭ အလးခဲၫ့နီၪ ယဟိဝၩအီၪက့ၪ
26 ဆၧအဎၧၫ့ယီၩလၧအလီၩ့နီၪ, နၪ့ထၪ့ထဲၩ့ဆံၭ.- မွဲ ယူၭ,လၧမုဂၪလနံၩနီၪ ယဒၪဘၪယူၭစနၫဘီၭအၥွံၪ, ဒဲအဖိၪခွၫလဖၪအၥွံၪနီၪ, ယဟိဝၩစံၭဝ့ၫဒၪ,တၭယမိ ဖ့ၪကၪဆၧလၧနၧၩ လၧဆၧအလးလစီၪ့ယီၩ, ယဟိ ဝၩစံၭဝ့ၫဒၪလီၫ. ဘိၩ့နဲၪ့ယီၩမၩန့ထၪ့, ခွံၬလၩ့ခွံၬ အဝ့ၫလၧဆၧအလးဖၧၩ့, ဘဲၫယဟိဝၩအလူအၥိၭနီၪ ဆံၭ.
27 ထီးယုဒၫအစဎွၩအၫဟဇဲအၫဒၪဘၪဝ့ၫတၭ, စဲၪ့ဝ့ၫ လၧကျိၭဂံၪ့အဖၧၩ့ၥၭတၭ, စယံဟုၫလီၩ့ဆီးဝ့ၫတၭ, စံၭဝ့ၫဒၪ, ကျီၪ့ခွံၬဆ့အဝ့ၫလၧအလဲၪ့ၥုၭအဖၧၩ့ဆံၭ. အီၪဝ့ၫလၧဆၧလ့ၩထၪ့လၧဂၧၫ, လၧအအီၪဝ့ၫလၧ အံၭဘျံၫအၫ့အနဲၩ့လီၫ. တၭအဝ့ၫဒၪ စဲၪ့ခွံၬဝ့ၫထီၩ့
28 လၧမဂံၭဒိၫတၭ, ၥံၫဝ့ၫထီးနီၪလီၫ.- အခ့ၫအၡၩဆိၬ ဝ့ၫလၧအလဲၪ့ၥုၭအဖၧၩ့ ထီၩ့လၧယရုစလံၫ့တၭ, ခုၪ့ လၩ့ဘၧၩ့ခွံၬဝ့ၫလၧအၥွၪခိၪအဖၧၩ့, အီၪလၧအဖါလ
29 ဖၪအၥိၭလၧစဒၫဝံၭအဒိၩ့ဖၧၩ့လီၫ.- တၭစအၫဟၭ အဖိၪခွၫစယိရၫ့အနံၪ့လဆံၫလနံၪ့နီၪ စအၫဟဇဲအၫ ကဲၪၥၫ့စဎွၩလၧယုဒၫအဖၫ့ခိၪလီၫ.
30 ထီးစယံဟုၫဂဲၫထီၩ့ဝ့ၫလၧယံၭစရ့လၭတၭ, နးယ့ၭ ဇဘ့လၭ နါဂၧၫ့ဝ့ၫတၭ, ဂုၪအမ့ၬဖုၪ့အခိၪ, ယိလၩ့ဆၧ
31 လၧဆၧဖိးလီၫ.- စယံဟုၫလၩ့နုၬလၧတရၫ့ဖၧၩ့တၭ, ၦမုၪနီၪစံၭဝ့ၫဒၪ, စဇံၫ့မရဲၫလၧအမၩၥံၫအကဆါနီၪ,
32 အီၪလၧဆၧဘၪလိၬအိၭလိၬဆ့ဧၪ.- စယံဟုၫဘိၭထၪ့ အခိၪလၧဆၧဖိးတၭ, စံၭဝ့ၫဒၪ, ၦအီၪလၧယအီၪလခီၫ မွဲပလၫလဂၩလဲၪး တၭၦဖၫဆွံၪနံၫဂၩၥၧၫ့ဂၩယိလၩ့
33 အဝ့ၫလီၫ.- တၭအဆၧစံၭဝ့ၫဒၪ, ခွံၬလၩ့ၦမုၪနီၪဆံၭ, ၦခွံၬလၩ့ဝ့ၫတၭ, အၥွံၪဎွံၪအၥၭလၧဆၧဒီၪ့အလီၩ့, ဒဲ လၧကၥ့ၪလဖၪအလီၩ့တၭ, ကၥ့ၪလဖၪယဲးလၩ့ထဲး
34 ဝ့ၫလၧအခၪ့အဖၫ့လၬလီၫ.- အဝ့ၫဒၪဂဲၫနုၬဝ့ၫတၭ, အၪ့ဆၧဒဲအီၩဆၧတၭ, စံၭဝ့ၫဒၪ, လ့ၩယိၦမုၪလၧအ ဘၪဆိၪအၧၩ့ဝ့ၫလဂၩယီၩတၭ, ခုၪ့လၩ့ဘၧၩ့ခွံၬဝ့ၫ
35 ဆံၭ. အဂဲးဘဲၫယီၩ မွဲစဎွၩအဖိၪမုၪလီၫ.- ၦလ့ၩဝ့ၫ ဘဲၫၥိၭအမိခုၪ့လၩ့ဘၧၩ့ခွံၬ အဝ့ၫလါနၫ့တၭ, ဒၪန့ဝ့ၫန့ၫ
36 အခိၪဎွံၪလဲၫ, ဒဲအခၪ့ဒဲအစူၪယၫၥၭလီၫ.- ၦဂဲၫထဲၩ့ ထဲၩ့လီၩဘၪဝ့ၫလီၫ. အဝ့ၫဒၪစံၭ, အယီၩမွဲယဟိဝၩ အလူလၧအချဲၩ့ဆၧလၧအခ့ၫအၡၩ, ၦတံၡဘၭဖိၪ စအံၫလဲယၫတၭ, စံၭဝ့ၫဒၪ, လၧယံၭစရ့လၭအလး ဖၧၩ့နီၪထွံၪလဖၪမိအၪ့နးယ့ၭဇဘ့လၭ အဖံၭအယၪ,
37 ဒဲနးယ့ၭဇဘ့လၭအစွၪ မိမၩအၥၭဘဲၫဆၧအ့ၪလၧဂၪ့ ခိၪအဝၩ့လၧယံၭစရ့လၭအလးဖၧၩ့နီၪ, ဘဲၫၥိၭၦမိစံၭ ဘၪဝ့ၫ,အယီၩ မွဲနးယ့ၭဇဘ့လၭနီၪ, လဂ့ၩ.