8
1 စအံၫလဲၡၫချဲၩ့ဒုၪ့ၦမုၪ လၧအဒုၭမၧၫ့ထၪ့ထဲၩ့အ ဖိၪခွၫလဂၩနီၪတၭ, စံၭဝ့ၫ,ဂဲထုၪ့, လ့ၩဆၧ,နဝ့ၫဒၪ ဒဲနၡၩဂံၪ့ဖိၪလဖၪတၭ, အီၪၦမွံၩထီးဒၪအလးလၧနမိ အီၪၦမွံၩဆံၭ. အဂဲးဘဲၫယီၩ ယဟိဝၩကိၭန့ဆၧၥၭဝံ
2 လၩ့ဒိၩတၭ, မိဂဲၫဘၪဆ့ထံၫၥံၪခးၥံၪနွ့ၫနံၪ့လီၫ.- ၦမုၪ နီၪဂဲထုၪ့တၭ, မၩဝ့ၫဘဲၫယွၩအၡၩအလူအၥိၭတၭ, လ့ၩဆၧ, အဝ့ၫဒၪဒဲအၡၩဂံၪ့ဖိၪလဖၪတၭ, အီၪၦမွံၩ
3 လၧၦဖလံၡၫဖိၪအခးဖၧၩ့နွ့ၫနံၪ့လီၫ.- တၭနွ့ၫနံၪ့အ ထုၬနီၪဆၧမၩအၥၭ လၧၦမုၪလဂၩနီၪ, ဂဲၫထဲၩ့ထဲၩ့ လၧၦဖလံၡၫဖိၪအခးဖၧၩ့တၭ, လ့ၩကိၭထၪ့စဎွၩလၧ
4 အဂံၪ့အဂး ဒဲလၧအဂၪ့ခိၪအဂးလီၫ.- တၭစဎွၩချဲၩ့ ဆၧလၧယွၩအၡၩအခ့ၫအၡၩ, စဂံၫဟၫဇဲၫ,စံၭဝ့ၫဒၪ, ကယဲဆၧလၧအဒိၪလဖၪ လၧစအံၫလဲၡၫမၩယူၭဝ့ၫ နီၪ,လီၩဘၪယၧၩ ထီးအလူၬဆံၭ.- အဝ့ၫလီၩဘၪ စဎွၩလၧအဒုၭမၧၫ့ထၪ့ဆၧၥံၫအဘိၩ့ဘၭတၭ, ယိခွါ, ဆၧမၩအၥၭလၧၦမုၪ လၧအဆၧဒုၭမၧၫ့ထၪ့ထဲၩ့အဖိၪ ခွၫလဂၩနီၪ, ကိၭထၪ့စဎွၩလၧအဂံၪ့အဂး, ဒဲလၧအ
5 ဂၪ့ခိၪအဂးလီၫ.- တၭစဂံၫဟၫဇဲၫစံၭဝ့ၫဒၪ, ယကဆါ, စဎွၩဧ့,အဝ့ၫဒၪယီၩမွဲၦမုၪနီၪတၭ, အဝ့ၫဒၪယီၩမွဲအ
6 ဖိၪခွၫလၧစအံၫလဲၡၫ ဒုၭမၧၫ့ထၪ့ထဲၩ့ဝ့ၫလီၫ.- တၭ စဎွၩအၪ့စၪ့ၦမုၪတၭ, အဆၧလီၩဘၪဝ့ၫလီၫ. စဎွၩ အီၪက့ၪလၩ့ ၦဒိၪလဂၩ လၧအဂးတၭ, စံၭဝ့ၫဒၪ,ခီၫ လၧမုနံၩလၧအဝ့ၫဒၪစဲၪ့ထၪ့ခွံၬ လၧဂၪ့ခိၪနီၪခီးဘိၩ့ နဲၪ့ယီၩနီၪ ဖ့ၪထဲၩ့ကယဲအဆၧ, ဒဲအဂၪ့ခိၪအဆၧၥၪ ထီးအလူၬဆံၭ.
7 စအံၫလဲၡၫဂဲၫထီၩ့လၧဒမၭစကၧၭတၭ, စံရအၫအ စဎွၩဘံၫ့ဟၫဒၭနီၪဘၪဆၧဆၫတၭ, ၦလီၩဘၪအဝ့ၫ,
8 စံၭဝ့ၫဒၪ, ယွၩအၡၩဂဲၫထီးယီၩလီၫ.- စဎွၩစံၭစဟၭ ဇအ့လၭမၩန့လၬဆီၪ့ လၧနစူၪဖၧၩ့တၭ, လ့ၩလၧယွၩ အၡၩအအီၪတၭ, အၪ့စၪ့ယဟိဝၩလၧအဝ့ၫအစူၪဖၧၩ့
9 တၭ,စံၭ, ဆၧဆၫယီၩမိဘျၪထဲၩ့ဆ့ဧၪ,နီၪဆံၭ.- စဟၫ ဇအ့လၭနီၪ လ့ၩလၧအအီၪ, လၬဆီၪ့အီၪလၧအစူၪ ဖၧၩ့,ကယဲဆၧဂ့ၩလၧဒမၭစကၧၭ ဘျဲၩဆိၬကလအူၭ လံဆံၫတၭ, ဂဲၫဝ့ၫ, ဒဲဆၧၫ့ထုၪ့လၧအမ့ၬယၫတၭ, စံၭ ဝ့ၫဒၪ,နဖိၪခွၫ, စံရအၫအစဎွၩဘံၫ့ဟၫဒၭ အၪ့မၧၫ့လၩ့ ယၧၩလၧနအီၪတၭ, စံၭဝ့ၫဒၪ, ဆၧဆၫယီၩမိဘျၪထဲၩ့
10 ဒဲယမိမၧၫ့ဒံၭဆ့ဧၪ.- တၭစအံၫလဲၡၫစံၭအဝ့ၫ, လ့ၩ လီၩဘၪဝ့ၫ, မၧၫ့ဒံၭတၭ, နမၧၫ့နီၪအလးအီၪလါနၫ့
11 တၭ,ယဟိဝၩဒုၭနဲၪယၧၩ လၧနမိၥံၫတၡါလီၫ.- အီၪ က့ၪအမ့ၬ, ဒဲယိဆၧထံၫထံၫထီးအမ့ၬမဲတၭ, ယွၩအ
12 ၡၩအမ့ၬထံၫလၩ့လီၫ. တၭစဟၫဇအ့လၭစံၭဝ့ၫဒၪ, ယကဆါအမ့ၬထံၫလၩ့နီၪ, မွဲဘၪလဲၪ. တၭအဝ့ၫဒၪ စံၭ,အဂဲးဘဲၫယီၩ ယၥ့ၪယၫဆၧအၧၩ့လၧနမိမၩၦအံၫ စရ့လၭဖိၪလီၫ. အထိၬလဖၪနီၪနမိဆူၭထၪ့ခွံၬလၧမ့ၪ တၭ,အဖိၪၥၪခွၫလဖၪနီၪ နမိမၩၥံၫလၧနၭတၭ,နမိခွံၬ လၩ့ခွံၬအဖိၪဆံၭတၭ, နမိဎွ့ၭဖၭၦမုၪလၧအဒၧၩ့လီၫ.
13 တၭစဟၫဇအ့လၭစံၭဝ့ၫဒၪ, မွဲဘဲၫၥ့ၪလဲၪ, နခ့ၫနၡၩ မွဲထွံၪလဒုၩ လၧအမိမၩဆၧဒိၪလမံၩ့နီၪဆ့ဧၪ. တၭ စအံၫလဲၡၫစံၭဆၧၫ့ဝ့ၫဒၪ, ယဟိဝၩဒုၭနဲၪယူၭယၧၩ
14 လၧနမိကဲၪထၪ့စံရအၫအစဎွၩလီၫ.- အဝ့ၫဒၪစဲၪ့ထၪ့ ခွံၬလၧစအံၫလဲၡၫအအီၪတၭ, ဂဲၫဝ့ၫလၧအကဆါအ အီၪနီၪ,အဝ့ၫဒၪစံၭ, မွဲစအံၫလဲၡၫစံၭနၧၩလၧဆၧနီၪ လမံၩ့လဲၪး အဝ့ၫဒၪစံၭဆၧၫ့ဝ့ၫ, စံၭယၧၩ, နမိဘျၪထဲၩ့
15 တၡါလီၫ.- တၭလၧမုဆဲၪ့ထၪ့လနံၩနီၪ ဆၧမၩအၥၭ လၧအမၩန့ဆၧကဲၩ့ယၬတၪ့လဘံၪ့တၭ, စုၪလၩ့ဝ့ၫ လၧထံၫကျၩတၭ, ဒၩလၩ့ဝ့ၫလၧစဎွၩအမ့ၬအဖၫ့ခိၪ တၭ,အဆၧၥံၫဝ့ၫဒၪတၭ, စဟၭဇအ့လၭကဲၪစဎွၩလၧ အလးလီၫ.
(၂ကွ့ၭ ၂ၥ:ၥ-၂ဝ).
16 တၭအံၫစရ့လၭအစဎွၩ အၫဟၭအဖိၪခွၫစယိရၫ့ အနံၪ့ယဲနံၪ့လနံၪ့နီၪ (စယဟီၡဖၭမွဲယုဒၫအစဎွၩ) ယုဒၫအစဎွၩစယဟီၡဖၭအဖိၪခွၫ စယဟိရၫ့ကဲၪၥၫ့
17 စဎွၩလီၫ.- လၧအကဲၪၥၫ့စဎွၩနီၪ အၥၭၡါၥၧၫ့ဆံၫနံၫ နံၪ့တၭ,ကဲၪစဎွၩလၧယရုစလံၫ့အဖၧၩ့နီၪ ဎိၭနံၪ့လီၫ.
18 တၭဖိၬအံၫစရ့လၭလဖၪအဖၧၩ့ၥၭ, ဘဲၫစအၫဟၭအ ၡၩဂံၪ့ဖိၪအၥိၭနီၪလီၫ. အဂဲးဘဲၫယီၩ စအၫဟၭအဖိၪ မုၪလဂၩမွဲအမၫတၭ, အဝ့ၫဒၪမၩဆၧအၧၩ့လၧယဟိ
19 ဝၩအမ့ၬယၫဆ့လီၫ.- လါနၫ့တၭ ယဟိဝၩမၩဂၭဂီၩ့ ယုဒၫနီၪအၥၭလအီၪဘၪ, လၧအခ့ၫအၡၩစဒၫဝံၭအ ကၠီၩ့,ဘဲၫအစံၭဝဲၩ လၧအမိဖ့ၪလၫ့အဖိၪအလံၩလၧ
20 ဆၧဖၩ့လဖျိၪ့လထံၪဎးဘီၩ့ဎးအၥိၭနီၪလီၫ.- လၧအ နံၩလဖၪနီၪအံဒၧၫ့ပိၩ့ထၪ့ဆၧတၭ, စဲၪ့ထၪ့ခွံၬလၧယု ဒၫအစူၪဖၫ့လၬတၭ, အီၪက့ၪထၪ့စဎွၩ လၧအနၫ့ဆါ ၥံၪအဖၫ့ခိၪလီၫ.
21 စယိရၫ့အီၪက့ၪလၩ့အၥၭ လၧစဇၫအၧၫအစူၪဖၧၩ့ ဒဲလဲၪ့ကၥ့ၪထီးအလူၬ အီၪလၧအၥိၭတၭး ဂဲထုၪ့လၧ မုနၩလခီၫတၭ, ကျီၪ့ခွံၬၦအံဒၧၫ့ဖိၪ လၧအအီၪဝၬဖီၩ့ ဝ့ၫဒဲလဲၪ့ၥုၭအခိၪလဖၪတၭ, ၦခမျၧးၥံၪစဲၪ့ဖျိၭလၧအ
22 တဲၩလဖၪအဖၧၩ့လီၫ.- တၭအံဒၧၫ့ပိၩ့ထၪ့ဆၧတၭ,စဲၪ့ ထၪ့ခွံၬလၧယုဒၫအစူၪဖၫ့လၬ ထီးမုဆၫလနံၩယီၩ လီၫ.ထီးနီၪလဖၧၫ့ လံဘနၫပိၩ့ထၪ့ဆၧအဆၧၫ့အထီ လဖၧၫ့ဎးလီၫ.
23 ဆၧအီၪလၩ့ထးဘၪဆဲၫ့လၧစယိရၫ့, ဒဲကယဲဆၧ လၧအမၩဝ့ၫနီၪကွ့ၭအၥၭလၧ ယုဒၫအစဎွၩအလံၬကွ့ၭနဲၪ့
24 ဆၧအဖၧၩ့နီၪ, မွဲအ့ၬဧၪ.- စယိရၫ့မံၫဝ့ၫလၧအဖါၥံၪ အၥိၭတၭ, ၦခုၪ့လၩ့ဘၧၩ့ခွံၬဝ့ၫလၧ အဖါၥံၪအၥိၭလၧ စဒၫဝံၭအဒိၩ့ဖၧၩ့တၭ, အဖိၪခွၫစအၫဟဇဲအၫကဲၪထၪ့ စဎွၩလၧအလးနီၪလီၫ.
(၂ကွ့ၭ ၂၂:ၥ-၆).
25 အံၫစရ့လၭအစဎွၩအၫဟၭ အဖိၪခွၫစယိရၫ့အနံၪ့ လဆံၫနံၫနံၪ့နီၪ, ယုဒၫအစဎွၩစယဟိရၫ့အဖိၪခွၫစအၫ
26 ဟဇဲအၫကဲၪၥၫ့စဎွၩလီၫ.- လၧစအၫဟဇဲအၫကဲၪၥၫ့ စဎွၩနီၪအၥၭၡါယူၭနံၫဆံၫနံၫနံၪ့တၭ, ကဲၪစဎွၩလၧ ယရုစလံၫ့အဖၧၩ့လနံၪ့လီၫ. အမိအမံၩ့မွဲနးအၫၥလဲ
27 အၫ,အံၫစရ့လၭအစဎွၩ အီမြဲၫအဖိၪမုၪနီၪလီၫ.- အဝ့ၫ ဖိၬစအၫဟၭအၡၩဂံၪ့ဖိၪအဖၧၩ့ၥၭတၭ, မၩဆၧအၧၩ့ လၧယဟိဝၩအမ့ၬယၫ, ဘဲၫစအၫဟၭ အၡၩဂံၪ့ဖိၪ အၥိၭနီၪလီၫ. အဂဲးဘဲၫယီၩမွဲအမၬ လၧစအၫဟၭအ
28 ၡၩဂံၪ့ဖိၪအကျၩလီၫ.- အဝ့ၫဒၪလ့ၩလၧစအၫဟၭ အဖိၪခွၫစယိရၫ့အၥိၭ လၧဆၧဒုၭၥုၭလၧစံရအၫအ စဎွၩဟၭဇအ့လၭ လၧရၫမီၭဂံလအၭအဖၧၩ့တၭ, ၦ
29 စံရအၫဖိၪဆ့ၭစယိရၫ့လီၫ.- တၭစဎွၩယိရၫ့ထဲၩ့ကဒၩ ထဲၩ့လၧယံၭစရ့လၭ, ဘဲၫၥိၭအဆၧဖၧၩ့လးလၧၦစံရ အၫဖိၪမၩဝ့ၫလၧရၫမၫ ထီးအဒုၭၥုၭလၧစံရအၫအ စဎွၩဟၭဇအ့လၭလဂၩနီၪ မိဘျၪထဲၩ့ဝ့ၫလီၫ. တၭ ယုဒၫအစဎွၩယဟိရၫ့အဖိၪခွၫ စအၫဟဇဲအၫနီၪလ့ၩ လၩ့အီၪၡီၩ့ စအၫဟၭအဖိၪခွၫ စယိရၫ့ လၧယံၭစရ့ လၭအဖၧၩ့နီၪး အဂဲးဘဲၫယီၩဆၫဝ့ၫလီၫ.