10
1 တၭစအၫဟၭအဖိၪခွၫ အီၪလၧစမ့ရအၫအဖၧၩ့နွ့ၫ ဆံၫလီၫ. စယံဟုၫကွ့ၭလံၬလဖၪတၭ, ဖ့ၪယုဝ့ၫလၧ စမ့ရအၫလၧယံၭစရ့လၭအၦဒိၪဖၭဒိၪအအီၪ, လၧၦ ၥုၪ့က့ၭၥၭၡါအအီၪနီၪ, ဒဲလၧၦလၧအယိစအၫဟၭ
2 အဖိၪလဖၪတၭ, စံၭဝ့ၫဒၪ,- ထီးလံၬလဘံၪ့ယီၩအ့ၪ ထီၩ့လၧနၥံၪအအီၪတၭ, မွဲနၥံၪအကဆါ အဖိၪခွၫလ ဖၪအီၪလၧနၥံၪအၥိၭ, ဒဲလဲၪ့ၥုၭလဖၪ, ဒဲကၥ့ၪလဖၪ, ဒဲဒိၩ့အီၪလၧအခိၪဒၧၩ့လဖျိၪ့ဆ့, ဒဲစူၪဝဲၩအီၪလၧနၥံၪ
3 အၥိၭတၭ,- အၪ့ဎၬယိနၥံၪအကဆါအဖိၪခွၫလၧအ ဂ့ၩထုၬ,ကြၨၭထုၬလဂၩတၭ, အီၪက့ၪထၪ့လၧအဖါ အလးဆီၩ့ဆီအဖၫ့ခိၪတၭ, ဒုၭၥုၭလၧနၥံၪအကဆါအ
4 ၡၩဂံၪ့ဖိၪအဂးနီၪဆံၭ.- မွဲလါနၫ့ဘိၩ အဝ့ၫၥံၪၥၭမဲၪ ဆၧဒိၪဒိၪလ့ၬတၭ, စံၭဝ့ၫဒၪ,ယိခွါ, စဎွၩနံၫဂၩဆၧၫ့ ထုၪ့လၧအမ့ၬယၫ လၥ့ၪဘၪတၭ, ပဝ့ၫဒၪယီၩ ပမိ
5 ဆၧၫ့ထုၪ့ဘဲၫၥ့ၪလဲၪ.- တၭၦလၧအပၧၩ့ဂံၪ့လဂၩ,ဒဲၦ လၧအပၧၩ့ဒိၩ့လဂၩ, ၦၥုၪ့က့ၭၥၭၡါဆ့, ဒဲၦယိထဲၩ့ ခွါထဲၩ့ဖိၪဒံၩဖိၪၥၪလဖၪနီၪ အၪ့မၧၫ့လၩ့ဆၧလၧစယံ ဟုၫအအီၪတၭ, စံၭဝ့ၫဒၪပမွဲနခ့ၫနၡၩတၭ, ပမိမၩက ယဲဆၧလၧနအၪ့မၧၫ့ပၧၩထီးအလူၬ, ပမိအီၪက့ၪလၩ့ စဎွၩနးဂၩအ့ၬ. မၩနဝ့ၫဆၧလၧအဂ့ၩလၧနမ့ၬၥၪဖၧၩ့ ဆံၭ.
6 ထီးနီၪလဖၧၫ့အဝ့ၫဒၪကွ့ၭလံၬ နံၫဖၧၫ့လဖၧၫ့တၭ, စံၭဝ့ၫဒၪ,နၥံၪအ့ၪအီၪလၧယဂး, နၥံၪအ့ၪခိၭနၪယလူ တၭ,မၩန့နၥံၪအကဆါအဖိၪခွၫလဖၪ အခိၪဎွံၪတၭ, ကဲဂီၩခိၬလၧအဆၧၫ့အထီယီၩ, ဂဲၫလၧယအီၪလၧ ယံၭစရ့လၭအဖၧၩ့ဆံၭ. (တၭၦပၧၩ့စဎွၩအဖိၪခွၫနွ့ၫ ဆံၫနီၪအီၪဝ့ၫလၧဒိၩ့အၦဒိၪလဖၪ လၧအလုအၪ့အ
7 ဝ့ၫၥံၪအၥိၭလီၫ.)- ထီးလံၬလဘံၪ့နီၪ ထီၩ့ဝ့ၫလၧအ ဝ့ၫၥံၪအအီၪတၭ, ဆၧမၩအၥၭလၧအဝ့ၫၥံၪမၩန့စဎွၩ အဖိၪခွၫလဖၪတၭ, မၩၥံၫၦနွ့ၫဆံၫတၭ, ဒုၭနုၬအခိၪ ဎွံၪလဖၪလၧဒၩ့ဖၧၩ့တၭ, ဖ့ၪယုဝ့ၫလၧယံၭစရ့လၭ
8 လီၫ.- အၥီၫ့လဂၩဂဲၫဝ့ၫတၭ, လီၩဘၪအဝ့ၫ,စံၭဝ့ၫဒၪ, ၦဂဲၫဆိၬစဎွၩအဖိၪခွၫလဖၪ အခိၪဎွံၪလီၫ. အဝ့ၫဒၪ စံၭ,အီၪက့ၪလၩ့အဝ့ၫၥံၪ လၧအပိၩ့နးနံၫပိၩ့လၧဆၧ
9 လ့ၩနုၬလၧတရၫ့ဖၧၩ့ ထီးမုဆဲၪ့ထၪ့နီၪဆံၭ.- မုဆဲၪ့ ထၪ့နီၪဆၧမၩအၥၭလၧအစဲၪ့ထၪ့ဝ့ၫတၭ, ဆၧၫ့ထုၪ့ စံၭၦခမျၧးထီးအလူၬ, နၥံၪမွဲၦအတီၩလီၫ. ယိခွါ,ယ ဝ့ၫဒၪယီၩယပိၩ့ထၪ့ယကဆါ, ဒဲမၩၥံၫဝ့ၫလီၫ. မွဲပ
10 လၫမၩၥံၫၦထီးအလူၬယီၩလဂၩလဲၪ.- ၥ့ၪယၫတၡါ ဆၧလၧယဟိဝၩအဆၧချဲၩ့ လၧယဟိဝၩချဲၩ့လၧစအၫ ဟၭအဂံၪ့အဂဲးအကၠီၪ့နီၪ လလၩ့ထ့ၬဘၪလၧဂၪ့ခိၪ နးထံၪဘၪနီၪဆံၭ. အဂဲးဘဲၫယီၩ ယဟိဝၩမၩဘဲၫအ
11 ချဲၩ့ဆၧလၧအခ့ၫအၡၩစအံၫလဲယၫနီၪလီၫ.- တၭစယံ ဟုၫမၩၥံၫကယဲၦလၧအအီၪလၩ့ထး လၧစအၫဟၭအ ၡၩဂံၪ့ဖိၪအကျၩလၧယံၭစရ့လၭအဖၧၩ့, ဒဲအၦဒိၪဖၭ ဒိၪလဖၪထီးအလူၬ, အဘူၭအထံး, ဒဲအၡၩလုဆၧလ ဖၪထီးအအီၪက့ၪလၩ့ထး လၧအဂးနးဂၩအ့ၬ.
12 အဝ့ၫဒၪစဲၪ့ထၪ့ခွံၬတၭ, လ့ၩထီၩ့လၧစမ့ရအၫလီၫ. လၧအဝ့ၫဒၪအီၪလၧၦထံၬၥိၪဆီၪ့အဂံၪ့လၧဖၧၩ့ၥၭနဲၩ့
13 နီၪ,- စယံဟုၫဘၪခီၩ့လၧယုဒၫအစဎွၩ အၫဟဇဲအၫ အထၧၫ့ဖုဝဲလဖၪတၭ, စံၭဝ့ၫဒၪ, နၥံၪဝ့ၫယီၩနၥံၪမွဲၦ လဖၪလဲၪ, အဝ့ၫၥံၪစံၭဆၧၫ့ဆၧ, ပမွဲစအၫဟဇဲအၫအ ထၧၫ့ဖုဝဲလဖၪတၭ, ပလ့ၩလၩ့ဘဲၫၥိၭပမိချဲၩ့ဒုၪ့စဎွၩ
14 အဖိၪ,ဒဲနးဎွၩမုၪအဖိၪလဖၪလီၫ.- တၭအဆၧစံၭဝ့ၫ ဒၪ,ဖီၪ့န့မၧၫ့အဝ့ၫၥံၪဆံၭ. ၦလဖၪနီၪ ဖီၪ့န့မၧၫ့အဝ့ၫ ၥံၪတၭ,မၩၥံၫဝ့ၫလၧၦထံၬၥိၪဆီၪ့အဂံၪ့ အကမၫနဲၩ့ ထံၭနီၪ,ၦလံဆံၫနံၫဂၩတၭ, အီၪက့ၪလၩ့ထးဝ့ၫနးဂၩ အ့ၬ.
15 အဝ့ၫဒၪစဲၪ့ထၪ့ထီးနီၪ, ဘၪခီၩ့လၧစရံခၭအဖိၪခွၫ စယီနဒၭလဂၩဂဲၫအၪ့ဂၬဝ့ၫတၭ, အဆၧချဲၩ့ဒုၪ့ဝ့ၫတၭ, စံၭဝ့ၫ,မွဲနၥၭတီၩဘဲၫယၥၭအီၪ လၧနၥၭအၥိၭနီၪဆ့ ဧၪ.တၭစယီနဒၭစံၭဝ့ၫဒၪ, မွဲယူၭ. အ့ၪမွဲဘဲၫနီၪတၭ, ဖ့ၪလၫ့ယၧၩလၧနစူၪဆံၭ. အဆၧဖ့ၪလၫ့ဝ့ၫလၧအ စူၪတၭ, ထုၭထၪ့ဝ့ၫလၧအအီၪလၧ လဲၪ့ၥုၭအဖၧၩ့
16 လီၫ.- စယံဟုၫစံၭဝ့ၫဒၪ, ဂဲၫလၧယၥိၭတၭ, ဒၪဘၪယ ၥၭဆီၪ့လၧယဟိဝၩအဂးဆံၭ. တၭဒုၭထူၬအဝ့ၫလၧ
17 အလဲၪ့ၥုၭနီၪလီၫ.- ထီးအဂဲၫထီၩ့လၧစမ့ရအၫတၭ, မၩၥံၫကယဲၦလၧအအီၪလၩ့ထး ဘၪဆဲၫ့လၧစအၫ ဟၭလၧစမ့ရအၫအဖၧၩ့ထီးအမၩဂၭဂီၩ့ခွံၬဝ့ၫ, ဘဲၫ ယဟိဝၩအလူလၧအချဲၩ့ဝ့ၫ လၧစအံၫလဲယၫအၥိၭနီၪ လီၫ.
18 စယံဟုၫဒုၭအီၪကိၩ့အီၪကိၪ့ ၦခမျၧးထီးအလူၬ တၭ,စံၭအဝ့ၫၥံၪ, စအၫဟၭမၩဘၫအလၭအဆၧလ ဆံၭဖိၪလီၫ. အ့ၪမွဲစယံဟုၫမိမၩဝ့ၫအၪအၪလ့ၬလီၫ.- တၭဘိၩ့နဲၪ့ယီၩကိၭန့ယၧၩလၧ ဘၫအလၭအမီၪထီး
19 အလူၬ,အခ့ၫအၡၩထီးအလူၬ, ဒဲအၡၩလုဆၧထီးအ လူၬဆံၭ. ဒုၭအီၪလၩ့ထးနးဂၩလဂ့ၩ, အဂဲးဘဲၫယီၩ ယအီၪလၧဆၧလုဖၭဒိၪ လၧဘၫအလၭအဂးလီၫ.ၦ လၧအလအီၪဘၪနီၪမိမၧၫ့ဝ့ၫနးဂၩအ့ၬ. တၭစယံဟုၫ မၩဝ့ၫလၧဆၧအၪ့လီၫဘဲၫၥိၭအမိမၩၥံၫၦၡၩ ဘၩဘၫ
20 အလၭလဖၪနီၪလီၫ.- တၭစယံဟုၫစံၭဝ့ၫဒၪ,ကိၭထၪ့ ဆၧအီၪကီၪ့ဆံၫ့ဎံၪ လၧဘၫအလၭအဂးဆံၭ. တၭၦၡၩ
21 ကိၭထၪ့ဝ့ၫလီၫ.- စယံဟုၫအၪ့မၧၫ့လၩ့ဆၧလၧအံၫစ ရ့လၭအကျၩထီးအလူၬတၭ, ၦလၧအဘၩဘၫအလၭ လဖၪဂဲၫဝ့ၫထီးအလူၬတၭ, ၦလၧအလဂဲၫဘၪအီၪ လၩ့ထးနးဂၩအ့ၬ. အဝ့ၫၥံၪဂဲၫလၧဘၫအလၭအဂံၪ့ ဖၧၩ့တၭဘၫအလၭအဂံၪ့ဎွ့ၩဝ့ၫ ထၧၫ့ဖျိၪ့ယၫလီၫ.
22 အဝ့ၫဒၪစံၭၦလၧအပၧၩ့ဆၧကီၩ့ဆၧၥိၭ, ဂဲၫဆိၬဆၧအ ကီၩ့အၥိၭလၧၦၡၩ ဘၩဘၫအလၭအဂး ထီးအလူၬ
23 ဆံၭ. တၭအဝ့ၫဒၪဂဲၫဆိၬ ဆၧကီၩ့ဆၧၥိၭနီၪလီၫ. စယံ ဟုၫဒဲစရံခၭအဖိၪခွၫ စယီနဒၭလ့ၩနုၬဝ့ၫလၧဘၫအ လၭအဂံၪ့ဖၧၩ့တၭ, စံၭၦလၧအဘၩဘၫအလၭလဖၪ နီၪ,အၪ့ဎၬယိထံၫထံၫဆၭဆၭတၭ, ယိခွါ, ဘဲၫၥိၭ ယဟိဝၩအခ့ၫအၡၩထီး အီၪဘၪလၧနၥံၪအကျၩထီး ယီၩနးဂၩလဂ့ၩ. မွဲအအီၪန့ၫၦဘၩဘၫအလၭၥံၪနီၪ
24 ဆံၭ.- ထီးအဝ့ၫၥံၪဂဲၫနုၬဘဲၫၥိၭ အမိလုထၪ့ဆၧလုဒဲ ဆၧလုမ့ၪတၭ, စယံဟုၫအီၪက့ၪလၩ့ ၦဎိၭဆံၫလၧခီၫ့ တၭ,စံၭဝ့ၫဒၪ, ၦလၧယအီၪက့ၪလၧနၥံၪအစူၪဖၧၩ့ အ့ၪဖီၩ့ဖျ့ၭလဂၩဂၩတၭ, ၦလၧအဒုၭဖီၩ့ဖျ့ၭလဂၩနီၪ အဝ့ၫအၥၭမၧၫ့လၧ ၦလဂၩနီၪအၥၭမၧၫ့အဂးလီၫ.
25 ထီးၦလုထၪ့ဆၧလုမ့ၪဂီၩ့တၭ, ဆၧမၩအၥၭလၧ စယံဟုၫစံၭၦခိၭထၬဆၧ, ဒဲၦၥုၭအခိၪလဖၪ, လ့ၩနုၬ မၩၥံၫအဝ့ၫၥံၪဆံၭ. ဒုၭဂဲၫထၪ့နးဂၩလဂ့ၩ. တၭအဝ့ၫ ၥံၪကျီၪ့ခွံၬဝ့ၫလၧနၭအနါတၭ, ၦခိၭထၬဆၧ, ဒဲၦၥုၭဖိၪ အခိၪလဖၪ, ခွံၬၡိၭခွံၬအဝ့ၫၥံၪတၭ, လ့ၩဝ့ၫလၧဘၫ
26 အလၭအဂံၪ့အဒိၩ့နီၪလီၫ.- အဝ့ၫၥံၪဂဲၫဆိၬထၪ့ခွံၬ ဆၧဂၩ့ၥံၪအီၪဝ့ၫလၧဘၫအလၭအဂံၪ့ဖၧၩ့တၭ, ဆူၭ
27 ထၪ့ခွံၬဝ့ၫလၧမ့ၪလီၫ.- မၩလၩ့ဘျ့ၭဘၫအလၭအဆၧ ဂၩ့တၭ မၩလၩ့ဎီးခွံၬဘၫအလၭအဂံၪ့တၭ, အီၪက့ၪ ဝ့ၫလၧဂၭလိၫအလး ထီးမုဆၫလနံၩယီၩလီၫ.
28 စယံဟုၫမၩဂၭဂီၩ့ခွံၬ ဘၫအလၭ လၧအံၫစရ့လၭ
29 အဖၧၩ့ဘဲၫနီၪၥိၭလီၫ.- မွဲလါနၫ့ဘိၩစနံဘၭအဖိၪခွၫ စယ့ၫရဘိအၫ့လၧအဒုၭမၩ အံၫစရ့လၭအဆၧဒဲၩဘၭ လဂၩနီၪ, စယံဟုၫလီၩ့ဖိၬအခဲၫ့, ဘဲၫၦစံၭဆၧအၥိၭ, ချီဖိၪထီၫ့ၥံၪလၧအအီၪဝ့ၫလၧ ဘ့ၫၥလၭအဖၧၩ့,ဒဲလၧ ဒၫ့အဖၧၩ့လီၫ.
30 ယဟိဝၩစံၭစယံဟုၫ, မွဲနမၩဆၧဂ့ၩ လၧနမၩဆၧ တီၩလၧယမ့ၬယၫ, ဒဲမၩစအၫဟၭအဂံၪ့ဖိၪဘဲၫကယဲ ဆၧလၧအအီၪဝ့ၫလၧယၥၭခံဖၧၩ့တၭ, နဖိၪမိဆၧၫ့နၩ့ လၧအံၫစရ့လၭအလးဆီၩ့ဆီနီၪ ထီၩ့လၩ့လၧလံဆိၩ
31 လဆိၩလီၫ.- အ့ၪမွဲစယံဟုၫထီးလၩ့အၥၭဘဲၫၥိၭအမိ လ့ၩလၧယဟိဝၩအံၫစရ့လၭအယွၩ အဆၧၥီၪ့ဆၧၥၫ့ အဖၧၩ့, လၧအၥၭထၧၫ့ဖျိၪ့ယၫအ့ၬ. စဲၪ့ဒၪစယ့ၫရဘိ အၫ့လၧအဒုၭမၩအံၫစရ့လၭ လၧဆၧဒဲၩဘၭလဂၩနီၪ အဆၧဒဲၩဘၭအ့ၬ.
32 ဆၧလၧမုနံၩလဖၪနီၪ ယဟိဝၩဒၪ့ထ့ၬခွံၬၥၫ့အံၫစရ့ လၭလီၫ. တၭစဟၭဇအ့လၭ ကျီၪ့ခွံၬဝ့ၫလၧအံၫစရ့
33 လၭအခးနဲၩ့အဖၧၩ့ထီးအလူၬလီၫ.- လၧယီၫဒၫ့လၧ မုထၪ့လခီၫကယဲဂၪ့ခိၪဘၪဆဲၫ့လၧဂံလအၭ, ၦဂၭဖိၪ, ဒဲၦရုဘံၫ့ဖိၪ, ဒဲၦမနၭစ့ၫဖိၪ လၧအရိအၧၫလၧအအီၪ ဝ့ၫလၧထံၫအၫနၫ့နဲၩ့, ဖိးလၧဂံလအၭ, ဒဲဘၫၡၫ့လီၫ.
34 တၭဆၧအီၪလၩ့ထး ဘၪဆဲၫ့လၧစယံဟုၫဒဲကယဲ ဆၧလၧအမၩဝ့ၫ, ဒဲကယဲဆၧအစီၩ့အမၩ့နီၪ, ကွ့ၭအ ၥၭလၧအံၫစရ့လၭအစဎွၩ အလံၬကွ့ၭနဲၪ့ဆၧအဖၧၩ့
35 နီၪ,မွဲအ့ၬဧၪ.- စယံဟုၫမံၫဝ့ၫလၧအဖါလဖၪ အၥိၭ တၭ,ၦခုၪ့လၩ့ဘၧၩ့ခွံၬဝ့ၫ လၧစမ့ရအၫအဖၧၩ့လီၫ. တၭအဖိၪခွၫစယဟိအဟၭ ကဲၪစဎွၩလၧအလးလီၫ.
36 တၭမုနံၩလဖၪလၧစယံဟုၫကဲၪစဎွၩ လၧအံၫစရ့လၭ အဖၫ့ခိၪလၧစမ့ရအၫအဖၧၩ့နီၪ, မွဲနံၫဆံၫဎိၭနံၪ့လီၫ.