9
(၂ကွ့ၭ ၇:ၥၥ-၂၂).
1 ထီးစစီလမၧၫ့မၩယဟိဝၩအဂံၪ့ဂီၩ့, ဒဲစဎွၩအ ဂံၪ့, ဒဲကယဲစစီလမၧၫ့ဆိၫ့ဆၧလၧအဘၪအၥၭ လၧအ
2 မိမၩဝ့ၫတၭ,- ဆၧမၩအၥၭလၧယဟိဝၩနဲၪဖျီၪထၪ့အ ၥၭလၧစစီလမၧၫ့ အမ့ၬယၫနံၫဘျၩ့လဘျၩ့ ဘဲၫအအီၪ ဖျီၪလၧအမ့ၬယၫ လၧဂံဘအၧၫ့အဖၧၩ့ အၥိၭနီၪလီၫ.
3 တၭယဟိဝၩစံၭအဝ့ၫ, ယနါဂၧၫ့ယူၭနဘၩဆိၪဖၪ ဆၧ, ဒဲနအၪ့ကံၩ့အၪ့ယၫဆၧလၧ နမၩလၧယမ့ၬယၫး ယမၩဆံၫ့ဎံၪယူၭဂံၪ့လဖျိၪ့ယီၩ လၧနမၩအဝ့ၫဘဲၫၥိၭ ယမိအီၪက့ၪယမံၩ့ထီးနီၪ လၩ့ဆိၩလၩ့ကၠၪတၭ,ယမ့ၬ ၥၪၥံၪ, ဒဲယၥၭမိအီၪထီးနီၪ ကိၭမုနံၩမုနၩဒ့ၭလီၫ.
4 တၭနအ့ၪလ့ၩဆၧလၧယမ့ၬယၫ, ဘဲၫနဖါစဒၫဝံၭလ့ၩ ဆၧအၥိၭ လၧနၥၭထၧၫ့ဖျိၪ့ယၫ ဒဲလၧယဆၧတီၩဆၧ လီၩ့အဖၧၩ့ဘဲၫၥိၭနမိမၩကယဲဆၧလၧ ယမၪလူၬနၧၩ, ဒဲနမိထီးန့ယဆၧၥီၪ့ဆၧၥၫ့, ဒဲယဆၧစ့ၩရၫ့ လဖၪနီၪ
5 တၭ,ယမိဒုၭအီၪဂုးအီၪခၧၫ့ နဘၩ့နမုးအလးဆီၩ့ဆီ လၧအံၫစရ့လၭအဖၫ့ခိၪ အဆိၩအကၠၪ,ဘဲၫယချဲၩ့ဝဲၩ ဆၧလၧနဖါစဒၫဝံၭအၥိၭနီၪတၭ, ယစံၭ, ၦလၧအဘၪ ဆဲၫ့လၧနၧၩ လၧအံၫစရ့လၭ အလးဆီၩ့ဆီ အဖၫ့ခိၪ
6 လၩ့ထူၬဘၪအ့ၬ.- အ့ၪမွဲနၥံၪမွဲဂ့ၩ, နၥံၪအဖိၪအလံၩ မွဲဂ့ၩ, အ့ၪကၠၪခွံၬလၧအဖိၬယခဲၫ့တၡါတၭ, လထီးန့ ဘၪယဆၧမၪလူၬ ဒဲယဆၧၥီၪ့ဆၧၥၫ့, လၧယအီၪက့ၪ လၩ့လၧနၥံၪအမ့ၬယၫတၭ, လ့ၩမၩယွၩဂူၫဂၩလဖၪ
7 အဆၧ,ဒဲဘၩထၪ့ဝ့ၫတၭ,- ထီးနီၪလဖၧၫ့ယမိဒၪ့ထ့ၬ ခွံၬအံၫစရ့လၭလၧအခး လၧယဖ့ၪလၫ့ဝ့ၫ, ဒဲဂံၪ့လၧ ယမၩဆံၫ့ဎံၪလၧယမံၩ့အဂးလဖျိၪ့ယီၩ, ယမိခွံၬၡိၭ လၧယမ့ၬယၫတၭ, အံၫစရ့လၭမိကဲၪထၪ့ဆၧချဲၩ့ဒီၩ့ အလး, ဒဲဆၧဒုၪဒွ့ၪအလး လၧၦခမျၧးထီးအလူၬအ
8 ကျၩလီၫ.- တၭဂံၪ့လၧအထီၫယီၩ ကယဲၦလၧအလဲး လီၩ့ဝ့ၫလဂၩလါလါ မိအီၪက့ၪအၥၭ ထီၫမံၫထီၫမၪ, ဒဲဒုၪဒွ့ၪဆၧတၭ, မိစံၭ,ယဟိဝၩမၩဘဲၫယီၩၥိၭလၧ
9 ခးယီၩ,ဒဲဂံၪ့ယီၩမွဲဘၪလဲၪ.- တၭၦမိစံၭဆၧၫ့ဝ့ၫ,မွဲ အဝ့ၫၥံၪလ့ၩဒၪယဟိဝၩ အဝ့ၫၥံၪအယွၩလၧအဂဲၫဆိၬ ထၪ့ခွံၬအဖါၥံၪလၧခးအံဇံၭအဖၧၩ့တၭ, မၩန့အယွၩ အဂူၫဂၩတၭ, ဘၩထၪ့ဝ့ၫ, ဒဲမၩအဆၧအကၠီၩ့လီၫ.မွဲ ဘဲၫနီၪတၭ ယဟိဝၩဒုၭဂဲၫဘၪအဝ့ၫၥံၪ လၧကယဲဆၧ အၧၩ့ယီၩထီးအလူၬလီၫ.
10 တၭလၧအနံၪ့နံၫဆံၫအထုၬနီၪ ထီးစစီလမၧၫ့မၩ ယူၭယဟိဝၩအဂံၪ့, ဒဲစဎွၩအဂံၪ့ဒၪဝ့ၫနံၫဖျိၪ့တၭ,
11 (တဲအၫအစဎွၩဟဲရၫ့ ဖ့ၪလၫ့ဝဲၩယူၭစစီလမၧၫ့လၧၥံၪ့ ၡိၫအ့ရၭ,ဒဲၥံၪ့ၡိၫ, ဒဲထီၫ့ဘဲၫကယဲဆၧဘၪအၥၭအၥိၭ နီၪလီၫ.) ဆၧမၩအၥၭလၧစဎွၩစီလမၧၫ့ ဖ့ၪလၫ့စဟဲ
12 ရၫ့လၧဒိၩ့နံၫဆံၫလၧခးဂၫလလံၫအဖၧၩ့နီၪလီၫ.- တၭ စဟဲရၫ့ဂဲၫထၪ့လၧတဲအၫအဖၧၩ့ ဘဲၫၥိၭအမိယိဒိၩ့ၥံၪ
13 လၧစစီလမၧၫ့ဖ့ၪလၫ့အဝ့ၫတၭ, ဘၪအၥၭအ့ၬ.- တၭ စံၭဝ့ၫဒၪ, ဒိၩ့လဖၪယီၩလၧနဖ့ၪလၫ့ယၧၩ မွဲဆၧနီၪ လမံၩ့လဲၪ. ယထၧၫ့ဖုဝဲဧ့, တၭဖျိၬဝ့ၫအမံၩ့လၧကၫ
14 ဘူလၭထီးမုဆၫလနံၩယီၩလီၫ.- တၭစဟဲရၫ့ဖ့ၪယု ယူၭစဎွၩလၧထီၫ့အကံကၫလယၩနံၫဆံၫလီၫ.
(၂ကွ့ၭ ၈;၃-ၥ၈).
15 တၭစစီလမၧၫ့အၪ့မၧၫ့ ၦဖ့ၪလၫ့အခီၫ့နီၪအဂဲးဘဲၫ ယီၩ,ဘဲၫၥိၭအမိမၩယဟိဝၩအဂံၪ့, ဒဲအဂံၪ့ဒၪဝ့ၫ,ဒဲဒိၩ့ မံလိၫ,ဒဲယရုစလံၫ့အခိၪဒၧၩ့, ဒဲဟၫဇီၫ,ဒဲမဂံဒိၫ,ဒဲဂံ
16 ဇၧၫလီၫ.- အံဇံၭအစဎွၩဖၫရိၫလ့ၩထၪ့ယူၭ, မၩန့ဂံ ဇၧၫတၭ,ဆူၭထၪ့ခွံၬဝ့ၫ လၧမ့ၪတၭ, မၩၥံၫၦကၫနအၫ့ ဖိၪလၧအအီၪဝ့ၫလၧဒိၩ့ဖၧၩ့တၭ, ဖ့ၪလၫ့ဝ့ၫလၧဆၧဖ့ၪ လၫ့အဂးလၧအဖိၪမုၪစစီလမၧၫ့အမၫလီၫ.
17 တၭစစီလမၧၫ့မၩထၪ့ဂံဇၧၫ, ဒဲဘ့ၭၥဟိရၫ့လၧလၬ.
18 ဒဲဘၫအလၭ,ဒဲဘၫဒမီၫလၧမံၩ့လၬကျၩ, လၧခးဖၧၩ့,
19 ဒဲကယဲဒိၩ့အီၪက့ၪကီၪ့ ဆၧလၧအအီၪ လၧစစီလမၧၫ့ အစူၪဖၧၩ့, ဒဲဒိၩ့ၥံၪလၧအလဲၪ့ၥုၭလဖၪအဂး, ဒဲဒိၩ့ ၥံၪလၧအၡၩထူၬကၥ့ၪအဂး, ဆၧလၧစစီလမၧၫ့ဆိၫ့ မၩဝ့ၫလၧယရုစလံၫ့အဖၧၩ့, ဒဲလၧလ့ၭဘနၧၫ့အလီၩ့, ဒဲလၧအခးဖၧၩ့ထၧၫ့ဘံၪ့ယၫလၧအပၧၩ့ဝ့ၫလီၫ.
20 တၭကယဲၦလၧအအီၪလၩ့ထး လၧၦအၫမိၫဖိၪၥံၪ, ၦဟံၥၭဖိၪၥံၪ, ၦပံရ့ၭဖိၪၥံၪ, ၦဟံဝဲၫဖိၪၥံၪ,ဒဲၦယ့ဘုၫ ဖိၪၥံၪလၧအလဘၪဆဲၫ့ဘၪ လၧအံၫစရ့လၭဖိၪနီၪ,
21 အဝ့ၫၥံၪအဖိၪအလံၩ လၧအအီၪလၩ့ထး လၧခးဖၧၩ့ လၧၦအံၫစရ့လၭဖိၪ မၩဂၭဂီၩ့ဝ့ၫ ထီးအလူၬ အဆံၫ့ လၥ့ၪဘၪနီၪ, စစီလမၧၫ့အၪ့မၧၫ့အဖ့ၪလၫ့အခီၫ့ လၧ
22 အမၩဎီးအဆၧမၩထီးမုဆၫလနံၩယီၩလီၫ.- အ့ၪမွဲ ၦအံၫစရ့လၭဖိၪနီၪ စစီလမၧၫ့အၪ့မၧၫ့အကဲၪဎီးအ့ၬ. အ့ၪမွဲအဝ့ၫၥံၪနီၪမွဲၦၥုၭဖိၪလဖၪ, ဒဲအခ့ၫအၡၩလဖၪ, ဒဲအၦဒိၪလဖၪ, ဒဲအၦၥုၭခိၪၥံၪ, ဒဲအလဲၪ့ၥုၭအခိၪၥံၪ,
23 ဒဲအၡၩထူၬကၥ့ၪလဖၪလီၫ.- တၭၦဒိၪဖၭဒိၪလၧအ အီၪဝ့ၫလၧစစီလမၧၫ့အဆၧမၩအဖၫ့ခိၪနီၪ, မွဲၦယဲ ယၩယဲဆံၫလၧအပၧၩ့ ၦလၧအမၩဆၧလီၫ.
24 အ့ၪမွဲဖၫရိၫအဖိၪမုၪဂဲၫထၪ့ခွံၬ လၧစဒၫဝံၭအဒိၩ့ ဖၧၩ့ထီၩ့လၧအဂံၪ့ လၧစစီလမၧၫ့မၩဝ့ၫလၧအဂးလီၫ. ထီးနီၪလဖၧၫ့ဆၧမၩကဲၪထၪ့မံလိၫဆ့လီၫ.
25 တၭစစီလမၧၫ့ လုထၪ့ဆၧလုမ့ၪ, ဒဲဆၧလုမၩဘၪ လိၬအိၭလိၬလၧဆၧလုလးအဖၫ့ခိၪ လၧအမၩဝ့ၫလၧယ ဟိဝၩအဂးလနံၪ့ၥၧၫ့ဘျၩ့တၭ, ဆူၭခဲၩဆၧနၧၫ့မၧၫ့လၧ ဆၧလုလးအဖၫ့ခိၪ လၧအအီၪဝ့ၫလၧယဟိဝၩအမ့ၬ ယၫလီၫ. တၭအဝ့ၫမၩဂံၪ့ဂီၩ့ဝ့ၫလီၫ.
26 တၭစဎွၩစီလမၧၫ့မၩထၪ့ကဘၩ့လဖၪ လၧအံဇ အၧၫ့ဂံဘၧၫအဖၧၩ့လၧအအီၪဝ့ၫထီးအ့လီၭ လၧမၫဆ
27 မံၭဝီၩအနဲၩ့ထံၭလၧခးအံဒၧၫ့အဖၧၩ့လီၫ.- တၭစဟဲရၫ့ အၪ့မၧၫ့လၩ့အခ့ၫအၡၩ, ၦကဘၩ့ဖိၪလၧအၥ့ၪယၫမၫ ဆမံၭၥံၪအီၪလၧကဘၩ့ဖၧၩ့ လၧစစီလမၧၫ့အခ့ၫအ
28 ၡၩအၥိၭလီၫ.- တၭအဝ့ၫၥံၪလ့ၩထီၩ့လၧအိဖၧၫတၭ, ဂဲၫထဲၩ့ဆိၬန့ထီၫ့အကံကၫလံယၩနံၫဆံၫတၭ, ဂဲၫဆိၬ ဝ့ၫလၧစဎွၩစီလမၧၫ့အအီၪလီၫ.