8
(၂ကွ့ၭ ၅;၂-၆;၂).
1 ထီးနီၪလဖၧၫ့ စစီလမၧၫ့ ဒုၭအီၪကိၩ့အီၪကီၪ့အံၫ စရ့လၭအၥုၪ့က့ၭၥၭၡါလဖၪ, ဒဲအဒီၪ့ၥံၪအခိၪလဖၪ, ၦအံၫစရ့လၭဖိၪ အဖါၥံၪအခိၪလဖၪ လၧစဎွၩစီလ မၧၫ့အအီၪလၧယရုစလံၫ့အဖၧၩ့, ဘဲၫၥိၭအမိဂဲၫဆိၬ ထၪ့ခွံၬယဟိဝၩအဆၧအုၩ့လၩ့ အတလၫလၧစဒၫဝံၭ အဒိၩ့ဖၧၩ့နီၪ, လၧအမွဲဇံအိၫ့လီၫ.
2 တၭအံၫစရ့လၭအၡၩထီးအလူၬ အီၪကိၩ့အီၪကီၪ့ လၧစဎွၩစီလမၧၫ့အအီၪ လၧဆၧမၩဘိၪ့အဖၧၩ့, လၧ လၩအ့ၥနံၫ့အဖၧၩ့, လၧအမွဲဝ့ၫ လၩနွ့ၫဘံၪ့လဘံၪ့
3 လီၫ.- အံၫစရ့လၭအၥုၪ့က့ၭၥၭၡါ ထီးအလူၬဂဲၫဝ့ၫ
4 တၭ,ၦလုဆၧမၩန့ထၪ့တလၫလီၫ.- တၭအဝ့ၫၥံၪဂဲၫ ဆိၬထၪ့ယဟိဝၩအတလၫ, ဒဲဆၧအီၪကီၪ့အတဲၩဆံၫ့ ဎံၪ,ဒဲဆၧဖိၪဆၧလံၩဆံၫ့ဎံၪထီးအလူၬ လၧအအီၪဝ့ၫ လၧတဲၩဆံၫ့ဎံၪအဖၧၩ့, ဆၧလဖၪနီၪၦလုဆၧၥံၪ,ဒဲၦ
5 လံဝဲၫဖိၪၥံၪဂဲၫဆိၬဝ့ၫလီၫ.- စဎွၩစီလမၧၫ့ ဒဲအံၫစရ့ လၭအဆၧအီၪကီၪ့ထီးအလူၬ လၧအအီၪကီၪ့လၧအ အီၪနီၪ, အီၪဝ့ၫလၧအၥိၭလၧတလၫ အမ့ၬယၫတၭ, လုထၪ့ၥိၪလဖၪ, ဒဲချီဖၫၥံၪအၪလ့ၬ, မွဲအအီၪအၪဒုၩ တၭ,အီၪဎွ့ၩအံၩဎွ့ၩအိၩၦစံၭဝ့ၫအ့ၬး တၭဝံထၪ့နၬ
6 ထၪ့ဝ့ၫၥ့ၪဝါအ့ၬ.- တၭၦလုဆၧဂဲၫဆိၬ ယဟိဝၩအ ဆၧအုၩ့လၩ့ အတလၫထီၩ့လၧဂံၪ့ အချဲၩ့ဆၧအလး ဖၧၩ့,အလးဆံၫ့ဎံၪထုၬ လၧခ့ၫရူၬလဖၪအဒံၭအဖၫ့
7 လၬလီၫ.- အဂဲးဘဲၫယီၩခ့ၫရူၬၥံၪယၩ့ထၪ့ အဒံၭနံၫခီၫ လၧတလၫအဖၫ့ခိၪတၭ, ခ့ၫရူၬၥံၪချႃၬဘံၭတလၫနီၪ
8 ဒဲအနိၪယိၭဘီၩ့လၧအဖၫ့ခိၪလီၫ.- တၭအဝ့ၫၥံၪထုၭ ထၪ့နိၪယိၭဘီၩ့, ထီးနိၪယိၭဘီၩ့အခံၫထိၭၥံၪအီၪဖျီၪ ဝ့ၫလၧဆၧအလးဆံၫ့ဎံၪအဖၧၩ့ လၧချဲၩ့ဆၧအလးအ မ့ၬယၫတၭ, လအီၪဖျီၪဘၪလၧခီၫ့တၭ, အီၪဝ့ၫထီးနီၪ
9 ခီၫ့မုဆၫလနံၩယီၩလီၫ.- တၭဆၧအီၪဝ့ၫလၧတလၫ ဖၧၩ့နးမံၩ့အ့ၬ, အီၪန့ၫလိးပၪနံၫဘံၪ့ လၧစမိစ့ၭ အီၪ က့ၪထီးနီၪလၧဟိရ့ၭ, ထီးယဟိဝၩအုၩ့လၩ့ဆၧလၧ ၦအံၫစရ့လၭဖိၪ, ထီးအဝ့ၫၥံၪဂဲၫစဲၪ့ထၪ့ခွံၬ လၧခးအံ ဇံၭအဖၧၩ့နီၪလီၫ.
10 ဆၧမၩအၥၭထီးၦလုဆၧ ဂဲၫထဲၩ့ထၪ့လၧဆၧအ လးဆံၫ့ဎံၪနီၪတၭ, ဆၧအုၪ့နီၪ ဎွ့ၩယဟိဝၩအဂံၪ့ဖၧၩ့
11 လီၫ.- တၭလၧဆၧအုၪ့အကၠီၩ့ ၦလုဆၧလဖၪနီၪဆၧၫ့ ထုၪ့မၩဆၧလၥ့ၪဘၪလီၫ. အဂဲးဘဲၫယီၩ ယဟိဝၩအ လၩအဖၩ့ဎွ့ၩယဟိဝၩအဂံၪ့ဖၧၩ့လီၫ.
12 ထီးနီၪလဖၧၫ့စစီလမၧၫ့စံၭဝ့ၫဒၪ, ယဟိဝၩစံၭလၧ
13 အမိအီၪလၧဆၧခံၭတၪ့အဖၧၩ့လီၫ.- ယမၩတၡါယူၭ ဂံၪ့လဖျိၪ့ ဘဲၫၥိၭနမိအီၪလၧအဖၧၩ့, ဆၧအလးခၧၫ့ ဘဲၫၥိၭနမိအီၪလၧအဖၧၩ့ လၩ့ဆိၩလၩ့ကၠၪလီၫ.
(၂ကွ့ၭ ၆;၃-ၥၥ).
14 တၭစဎွၩကၠၪစိၩအမ့ၬတၭ ဆိၪဂ့ၩအံၫစရ့လၭအ ဆၧအီၪကီၪ့ထီးအလူၬ, (တၭအံၫစရ့လၭ အဆၧအီၪ
15 ကီၪ့ဆၧၫ့ထုၪ့ကိၭဂၩဒ့ၭ,)- တၭအဝ့ၫဒၪစံၭ, ယဟိဝၩ အံၫစရ့လၭအယွၩလၧ အချဲၩ့လၧအနိၭလၧယဖါစဒၫ ဝံၭတၭ, မၩဎွ့ၩထၪ့ဝ့ၫလၧအစူၪလဂၩ, မွဲအဘၪဆၧ
16 စံၭထၪ့အၪ့အူၭဆံၭ,- တၭစံၭဝ့ၫဒၪ, ခီၫဒၪလၧမုလနံၩ လၧယဂဲၫဆိၬထၪ့ခွံၬ ယၡၩခမျၧး အံၫစရ့လၭလၧအံ ဇံၭအဖၧၩ့နီၪ လၧကယဲအံၫစရ့လၭအဒီၪ့ ထီးအလူၬ အကျၩ ယရွံန့ဘၪဒိၩ့ လၧၦမိမၩဂံၪ့ ဘဲၫၥိၭယမံၩ့မိ အီၪလၧအဖၧၩ့နးဖျိၪ့အ့ၬ. အ့ၪမွဲယရွံန့စဒၫဝံၭဘဲၫၥိၭ အမိအီၪလၧယၡၩခမျၧး အံၫစရ့လၭအဖၫ့ခိၪလီၫ.
17 တၭအီၪဝ့ၫလၧယဖါစဒၫဝံၭအၥၭ လၧအမိမၩဂံၪ့နး ဖျိၪ့လၧယဟိဝၩအံၫစရ့လၭအယွၩ အမံၩ့အဂးလီၫ.
18 တၭယဟိဝၩစံၭယဖါစဒၫဝံၭ, မွဲဆၧအီၪလၧနၥၭဖၧၩ့ လၧနမိမၩဂံၪ့ လၧယမံၩ့အဂးတၭ, မွဲနမၩဆၧအဂ့ၩ
19 လီၫ.- မွဲလါနၫ့နမၩဘၪဂံၪ့နီၪအ့ၬ. အ့ၪမွဲနဖိၪခွၫလၧ အမိဂဲၫထၪ့လၧနယးဒံၩ့ဖၧၩ့လဂၩနီၪ, အဝ့ၫဒၪမိမၩ
20 ဂံၪ့လဖျိၪ့နီၪလၧယမံၩ့အဂးလီၫ.- ယဟိဝၩမၩလၧၫ့ ထၪ့ဎွ့ၩထၪ့အလူလၧအချဲၩ့ဝ့ၫတၭ, ယဂဲထုၪ့လၧယ ဖါစဒၫဝံၭအလးတၭ, ဆၧၫ့နၩ့လၧအံၫစရ့လၭအလး ဆီၩ့ဆီအဖၫ့ခိၪ ဘဲၫယဟိဝၩ စံၭဝဲၩဆၧအၥိၭတၭ, မၩဂံၪ့လၧယဟိဝၩ အံၫစရ့လၭအယွၩ အမံၩ့အဂး
21 လီၫ.- တၭယအီၪက့ၪယူၭဆၧအလး ထီးနီၪလၧတလၫ အဂးလၧယဟိဝၩအဆၧအုၩ့လၩ့ အီၪလၧအဖၧၩ့လၧ အအုၩ့လၩ့လၧပဖါၥံၪ ထီးအဂဲၫဆိၬထၪ့ခွံၬအဝ့ၫၥံၪ လၧခးအံဇံၭအဖၧၩ့လီၫ.
(၂ကွ့ၭ ၆:ၥ၂-၄၂).
22 တၭစစီလမၧၫ့ဆၧၫ့ထုၪ့ လၧယဟိဝၩအဆၧလုလး အမ့ၬယၫလၧအံၫစရ့လၭ အဆၧအီၪကီၪ့ထီးအလူၬ
23 အအီၪတၭ, ယူၬထၪ့အစူၪလၧမူၭခိၪ,- စံၭဝ့ၫဒၪ,ယ ဟိဝၩအံၫစရ့လၭအယွၩဧ့, လၧမူၭခိၪထၭမွဲဂ့ၩ, လၧ ဂၪ့ခိၪချိၫ့မွဲဂ့ၩ ယွၩဘဲၫနၧၩအၥိၭအီၪနးဂၩအ့ၬး ယွၩ လၧအထီးန့ဆၧအုၩ့လၩ့, ဒဲဆၧအခိးအတၩလၧနခ့ၫ နၡၩလဖၪလၧအလ့ၩဆၧလၧ နမ့ၬယၫလၧအၥၭထၧၫ့
24 ဖျိၪ့ယၫး- လၧအထီးန့ဆၧလၧနခ့ၫနၡၩ ယဖါစဒၫဝံၭ လၧဆၧလၧနစံၭဝဲၩလီၫ. တၭနချဲၩ့ဆၧလၧနနိၭတၭ, နမၩလၧၫ့ထၪ့ဎွ့ၩထၪ့လၧ နစူၪဘဲၫလၧမုဆၫလနံၩယီၩ
25 အၥိၭလီၫ.- အခိးမွဲဘိၩ့နဲၪ့ယီၩ, ယဟိဝၩအံၫစရ့လၭ အယွၩဧ့, ထီးန့ဆၧလၧနခ့ၫနၡၩ ယဖါစဒၫဝံၭလၧဆၧ လၧနချဲၩ့ဝဲၩလၧအဝ့ၫဆံၭ. နစံၭ, ၦဘၪဆဲၫ့လၧနၧၩ မိဆၧၫ့နၩ့လၧအံၫစရ့လၭအလး ဆီၩ့ဆီလဂၩလၩ့ထူၬ ဘၪလၧယမ့ၬယၫအ့ၬ, န့ၫအယီၩလမံၩ့, မွဲနဖိၪနလံၩ ထီးန့အဖၧၩ့ၥၭဘဲၫၥိၭအမိလ့ၩဆၧလၧ ယမ့ၬယၫဘဲၫ နလ့ၩယူၭနဝ့ၫလၧ ယမ့ၬယၫအၥိၭနီၪဆံၭ.
26 တၭဘိၩ့နဲၪ့ယီၩ, အံၫစရ့လၭအယွၩဧ့,မွဲနမၩတီၩ လါနလူလၧနချဲၩ့ဆၧလၧ နခ့ၫနၡၩယဖါစဒၫဝံၭဆံၭ.
27 မွဲလါနၫ့ဘိၩယွၩ မိအီၪတၡါလၧဂၪ့ခိၪချိၫ့ဆ့ဧၪ,ယိခွါ, မူၭခိၪဒဲမူၭခိၪအထီၫထုၬနီၪ နအီၪလထီဘၪတၭး ဂံၪ့ လၧယမၩလဖျိၪ့ယီၩ မွဲအဆံၭနဲၪ့အနီၪဆံၭအၪလဲၪ.
28 တၭကၠၪစိၩနမ့ၬလၧနခ့ၫနၡၩ အဆၧဘၩဆိၪဖၪ,ဒဲ အအၪ့ကံၩ့အၪ့ယၫဆၧဆံၭ, ယဟိဝၩယယွၩဧ့, ထီး န့ဆၧကိၭၡၭထၪ့, ဒဲဆၧဘၩဆိၪဖၪ လၧနခ့ၫနၡၩဘၩ
29 ဆိၪဖၪလၧနမ့ၬယၫလၧ မုဆၫလနံၩယီၩ,- ဘဲၫၥိၭန မ့ၬၥၪၥံၪမိအီၪဝၩ့ဝဲအၥၭတီၩလၧ ဂံၪ့လဖျိၪ့ယီၩလၧမု ဆၫဒဲလၧမုနၩလၧဆၧအလးလၧ နစံၭလၧအဂဲး,ယမံၩ့ မိအီၪထီးနီၪ, ဘဲၫၥိၭနမိခိၭနၪဆၧဘၩဆိၪဖၪလၧနခ့ၫ
30 နၡၩဘၩဆိၪဖၪတီၩလၧအလးယီၩဆံၭ.- ထီးအဘၩ ဆိၪဖၪဆၧလၧဆၧအလးယီၩတၭ, ခိၭနၪနခ့ၫနၡၩ,ဒဲ နၡၩခမျၧးအံၫစရ့လၭအအၪ့ယၫဆၧတၭ, ခိၭနၪဆၧ လၧမူၭခိၪ,နအီၪအလး, ထီးနနါဂၧၫ့ဆၧတၭ, ဖျါခွံၬ ဆၧဆံၭ.
31 ၦလဂၩအ့ၪမၩမၪၦၡၩလဂၩ လၧအနဲၩ့ထံၭတၭ, အၪ့မၧၫ့ဝ့ၫလၧအဆိၪလၩ့အၥၭ လၧအဝ့ၫတၭ, ဆၧ ဆိၪလၩ့အၥၭနီၪ အ့ၪဂဲၫဝ့ၫလၧနဆၧလုလးအမ့ၬယၫ
32 လၧဂံၪ့လဖျိၪ့ယီၩအဖၧၩ့တၭ,- ထီးနီၪလဖၧၫ့ခိၭနၪန ဝ့ၫလၧမူၭခိၪအဖၧၩ့တၭ, မၩဆၧတၭစ့ၩရၫ့နခ့ၫနၡၩ, ဘဲၫၥိၭနမိဖ့ၪလၫ့ဆၧဒဲၩဘၭ လၧၦလတီၩလလီၩ့ဘၪ, ဘဲၫၥိၭနမိဖ့ၪလၫ့အဖၧၩ့ၥၭ လၧအခိၪဒၪဝ့ၫ အဖၫ့ခိၪ တၭ,ဘဲၫၥိၭနမိအီၪက့ၪတီၩအီၪက့ၪလီၩ့ ၦအတီၩအ လီၩ့,ဘဲၫၥိၭနမိဖ့ၪလၫ့ဝ့ၫ ဘဲၫအဆၧတီၩဆၧလီၩ့အ ၥိၭနီၪဆံၭ.
33 ထီးနၡၩခမျၧးအံၫစရ့လၭ ဘၪဆၧဖ့ၬခွံၬဝ့ၫလၧအ ဒုၪအဒၩအမ့ၬယၫ လၧအမၩမၪဘၪနၧၩအကၠီၩ့တၭ, ကၠၪထဲၩ့အၥၭလၧနအီၪ, ဒဲစံၭထၪ့အၪ့အူၭနမံၩ့ဒဲဘၩ ဆိၪဖၪဆၧ,ဒဲအၪ့ကံၩ့အၪ့ယၫဆၧလၧနၧၩ လၧဂံၪ့ယီၩ
34 အဖၧၩ့တၭ,- ထီးနီၪလဖၧၫ့ခိၭနၪနဝ့ၫလၧမူၭခိၪတၭ, ဖျါခွံၬနၡၩခမျၧးအံၫစရ့လၭ အဆၧဒဲၩဘၭတၭ, ဒုၭ ဂဲၫထဲၩ့ဝ့ၫလၧခးလၧ နဖ့ၪလၫ့အဖါလဖၪနီၪဆံၭ.
35 ထီးမူၭခိၪကၭဘံၭထၬအၥၭနီၪ, လၧအဝ့ၫၥံၪမၩမၪ ဘၪနၧၩအကၠီၩ့ဆၧလဂဲၫဆၧၩ့ဘၪတၭ, ထီးနမၩၡၪ့မၩ နၭဝ့ၫတၭး အ့ၪဘၩဆိၪဖၪဆၧတီၩအလးယီၩ, ဒဲအုၩ့ လၩ့နမံၩ့တၭ, ကၠၪခွံၬအၥၭလၧအဆၧဒဲၩဘၭအအီၪ
36 တၭး- ထီးနီၪလဖၧၫ့ခိၭနၪနဝ့ၫလၧမူၭခိၪတၭ, ဖျါခွံၬ နခ့ၫနၡၩ,ဒဲနၡၩခမျၧးအံၫစရ့လၭ အဆၧဒဲၩဘၭ, ဘဲၫ ၥိၭနမိၥီၪ့လိၪအဝ့ၫၥံၪလၧ ဖၧၩ့ၥၭအဂ့ၩ လၧအကြၨၭ ဖိၬဝ့ၫတၭ, ဒုၭဂဲၫလၩ့ဆၧဆၧၩ့ လၧခးဖၧၩ့ လၧနဖ့ၪ လၫ့ယူၭနၡၩခမျၧး လၧဆၧန့ၥၫအဂးနီၪဆံၭ.
37 ဆၧၥၭဝံလၩ့ဒိၩ အ့ၪအီၪလၧခးဖၧၩ့, ဆၧၥံၫခမျၧး, လံၩအူၪမၩဂၭဂီၩ့ဆၧ, ဘုၪအဆၧဆၫထွ့အၪဘၩအ့ၪ အီၪ,ထွ့ဎစံအ့ၪအီၪ, ဒဲအဝ့ၫၥံၪအဒုၪအဒၩအ့ၪဝၩ့ထၬ ဝ့ၫလၧအဝ့ၫၥံၪအဒိၩ့လဖၪအခးဖၧၩ့, ဒဲထီးဒၪဆၧဆၫ
38 လမံၩ့မံၩ့အ့ၪအီၪတၭ,- ကယဲဆၧဘၩဆိၪဖၪ, ကယဲ ဆၧအၪ့ကံၩ့အၪ့ယၫလၧၦလဂၩဂၩမွဲဂ့ၩ, လၧနခ့ၫန ၡၩခမျၧးအံၫစရ့လၭ ထီးအလူၬမွဲဂ့ၩ, မၩဝ့ၫလၧအၥ့ၪ ယၫအၥၭဒၪဝ့ၫ အဆၧထးလဂၩဘၪလဂၩနီၪ, ဒဲယူၬ
39 ထၪ့အစူၪတီၩလၧဂံၪ့ယီၩတၭ,- ထီးနီၪလဖၧၫ့ခိၭနၪ နဝ့ၫလၧနအီၪအလးလၧမူၭခိၪတၭ, ဖျါခွံၬ, ဒဲမၩဆၧ, ဒဲဖ့ၪလၫ့ၦၡၩလၧနၥံၪၥ့ၪယၫအၥၭ လဂၩလါလါဘဲၫ အဖၧၩ့ၥၭအၥိၭနီၪ, (အဂဲးဘဲၫယီၩ နၥ့ၪယၫၦၡၩၥံၪ
40 အၥၭထီးအလူၬ, မွဲန့ၫနၧၩလဂၩဎးလီၫ.)- ဘဲၫၥိၭ အဝ့ၫၥံၪမိၥၭမဲၪနၧၩ ကယဲမုနံၩမုနၩ လၧအမၧၫ့ဝ့ၫလၧ ခးဖၧၩ့လၧနဖ့ၪလၫ့ပဖါၥံၪနီၪဆံၭ.
41 တၭၦလခီၫဘၩ့မုးဖိၪဆ့ လၧအလမွဲဘၪနၡၩခမျၧး အံၫစရ့လၭဖိၪတၭ, ဂဲၫဝ့ၫလၧထံၫယဲၩ့ခးယဲၩ့လၧနမံၩ့
42 အကၠီၩ့နီၪ,- (အဂဲးဘဲၫယီၩ ၦမိနါဂၧၫ့လၧနမံၩ့ဒိၪဒဲ နစူၪဆီၪ့, ဒဲနစူၪဒူၪ ယၩ့ထၪ့အၥၭ အဂဲးအကၠီၪ့လီၫ.)
43 ထီးအဂဲၫဘၩဆိၪဖၪဆၧတီၩ လၧအဂံၪ့ယီၩတၭ.- ခိၭ နၪနဝ့ၫလၧနအီၪအလးလၧမူၭခိၪတၭ, မၩဆၧဘဲၫကယဲ ဆၧလၧၦလခီၫဘၩ့မုးဖိၪ ကိၭထၪ့လၧနၧၩ လမံၩ့လါ လါအၥိၭ, ဘဲၫၥိၭၦခမျၧးလၧဂၪ့ခိၪချိၫ့ ထီးအလူၬမိၥ့ၪ ယၫနမံၩ့, ဒဲၥၭမဲၪနၧၩဘဲၫနၡၩခမျၧးအံၫစရ့လၭအၥိၭ နီၪတၭ,ဘဲၫၥိၭအမိၥ့ၪယၫ လၧဂံၪ့လဖျိၪ့ယီၩ လၧယ မၩအဝ့ၫဘၪဆၧကိၭဝ့ၫလၧနမံၩ့နီၪဆံၭ.
44 နၡၩခမျၧးအ့ၪလ့ၩထၪ့ဒုၭဆၧလၧ အဒုၪအဒၩတၭ, ထီးဒၪနအၪ့မၧၫ့လၩ့ဝ့ၫနီၪ, အ့ၪဘၩဆိၪဖၪယဟိဝၩ တီၩလၧဒိၩ့လဖျိၪ့လၧနရွံန့ယူၭဝ့ၫနီၪ, ဒဲဂံၪ့လၧယမၩ
45 လၧနမံၩ့အဂးတၭ,- ထီးနီၪလဖၧၫ့ ခိၭနၪနဝ့ၫအဆၧ ဘၩဆိၪဖၪ, ဒဲအဆၧအၪ့ကံၩ့အၪ့ယၫလၧမူၭခိၪတၭ, စ့ၩရၫ့ဆၧလၧအဂးနီၪဆံၭ.
46 အ့ၪမၩမၪဘၪနၧၩတၭ, (အဂဲးဘဲၫယီၩ ၦလၧအလ မၩမၪဘၪဆၧအီၪအ့ၬ,) ဒဲနၥၭထၪ့အဝ့ၫနီၪ, နဖ့ၪလၫ့ ခွံၬအဝ့ၫၥံၪလၧအဒုၪအဒၩတၭ, အဝ့ၫၥံၪဆိၬထၪ့ခွံၬ ဝ့ၫဒုၭကဲၪဎီး လၧအဒုၪအဒၩအခးဖၧၩ့ လၧအယဲၩ့မွဲ
47 ဂ့ၩ,လၧအဘူၭမွဲဂ့ၩတၭ,- အဝ့ၫၥံၪအ့ၪနၪ့ထၪ့ထဲၩ့ အၥၭလၧခးဖၧၩ့ ထီးဆၧဆိၬအၪ့မၧၫ့ဎီးဝ့ၫတၭ, နီၫ့ ယါလၩ့ထဲၩ့အၥၭတၭ, အၪ့ကံၩ့အၪ့ယၫနၧၩ လၧၦ အခးဖၧၩ့ လၧအဆိၬအၪ့မၧၫ့ ဎီးဝ့ၫနီၪ, စံၭဝ့ၫ, ပမၩ မၪယူၭဆၧယူၭတၭ, ပမၩယူၭဆၧအၧၩ့ယူၭ, ပမၩ
48 ယူၭဆၧဒဲၩဘၭယူၭ.- တၭအ့ၪဂဲၫထဲၩ့ထဲၩ့ လၧနအီၪ လၧအၥၭထၧၫ့ဖျိၪ့ယၫ, ဒဲလၧအၥၭၡီၩ့ထီးအလူၬလၧ အဒုၪအဒၩအခးဖၧၩ့ လၧအဆိၬအၪ့မၧၫ့ဎီးဝ့ၫတၭ, အ့ၪဘၩဆိၪဖၪဆၧတီၩ လၧအဝ့ၫၥံၪအခး လၧနဖ့ၪလၫ့ အဝ့ၫၥံၪအဖါလဖၪ, လၧဒိၩ့လၧနရွံန့ယူၭဝ့ၫ, ဒဲလၧ
49 ဂံၪ့လၧယမၩလၧနမံၩ့အဂး,- ထီးနီၪလဖၧၫ့ခိၭနၪနဝ့ၫ အဝ့ၫၥံၪအဆၧဘၩဆိၪဖၪ, ဒဲအဆၧအၪ့ကံၩ့အၪ့ယၫ လၧနအီၪအလးလၧမူၭခိၪတၭ, စ့ၩရၫ့ဆၧလၧအဂး
50 တၭ,- မၩဖီၩ့မၩဖျ့ၭနၡၩခမျၧး လၧအမၩမၪဘၪနၧၩ တၭ,ဖျါခွံၬကယဲအဆၧမၪ လၧအမၩမၪဘၪနၧၩ ထီး အလူၬတၭ, ဖ့ၪလၫ့အဝ့ၫၥံၪလၧဆၧယၫ့ၥၭ လၧၦလၧ အဆိၬအၪ့မၧၫ့ဎီးဝ့ၫလဖၪအမ့ၬယၫ, ဘဲၫၥိၭအဝ့ၫၥံၪ
51 မိယၫ့ၥၭဘၪဝ့ၫနီၪဆံၭ.- အဂဲးဘဲၫယီၩ မွဲဝ့ၫလၧနၡၩ ခမျၧးဒဲနဆၧန့ၥၫ လၧနဂဲၫဆိၬထၪ့ခွံၬ လၧအံဇံၭအ
52 ဖၧၩ့,လၧဖံၫ့ချၪထၭအၥၭကျၩလီၫ.- ဘဲၫၥိၭနမ့ၬၥၪၥံၪ မိအီၪဝၩ့ဝဲလၧနခ့ၫနၡၩ လၧအအၪ့ကံၩ့အၪ့ယၫဆၧအ ဂး, ဒဲလၧနခ့ၫနၡၩခမျၧး အံၫစရ့လၭအအၪ့ကံၩ့အၪ့ ယၫဆၧအဂး, ဘဲၫၥိၭနမိခိၭနၪအလူ လၧကယဲဆၧ လၧအဝ့ၫၥံၪအၪ့ကံၩ့န့ ဆၧလၧနၧၩလီၫ.
53 အဂဲးဘဲၫယီၩ နမၩလၩ့မုလၩ့ဖၭဝ့ၫလၧကယဲၦခ မျၧးလၧဂၪ့ခိၪချိၫ့ဘဲၫၥိၭအမိကဲၪထၪ့နဆၧန့ၥၫ, ဘဲၫန ချဲၩ့ဆၧလၧနခ့ၫနၡၩစမိစ့ၭအစူၪဖၧၩ့ ထီးနဂဲၫဆိၬထၪ့ ခွံၬပဖါလဖၪလၧအံဇံၭအဖၧၩ့နီၪ, ယဟိဝၩယွၩဧ့.
54 တၭထီးစစီလမၧၫ့ဘၩဆိၪဖၪနီၪ, ဒဲအၪ့ကံၩ့အၪ့ယၫ ဆၧထီးအလူၬလၧယဟိဝၩဂီၩ့တၭ, ဆၧမၩအၥၭလၧ အဂဲထုၪ့လၧယဟိဝၩအဆၧလုလးအမ့ၬယၫ ထီးအ ချံၭလၩ့အခၪ့အီၪလၧအစူၪယူၬထၪ့အၥၭ လၧမူၭခိၪး
55 ဆၧၫ့ထုၪ့ဝ့ၫတၭ, ဆိၪဂ့ၩအံၫစရ့လၭအဆၧအီၪကီၪ့
56 ထီးအလူၬလၧအလူဖၭဒိၪတၭ, စံၭဝ့ၫဒၪ,- ယဟိဝၩ လၧအဖ့ၪလၫ့ဆၧအီၪပွံၭ လၧအၡၩခမျၧးအံၫစရ့လၭ ဘဲၫကယဲဆၧလၧအချဲၩ့ယူၭအၥိၭနီၪ, မွဲအဘၪဆၧစံၭ ထၪ့အၪ့အူၭဆံၭ. လၧကယဲဆၧချဲၩ့ လၧအချဲၩ့ဆၧ လၧအခ့ၫအၡၩ စမိစ့ၭအစူၪဖၧၩ့ ထီးအလူၬအကျၩ
57 နီၪ,လၩ့ထ့ၬဘၪနးထံၪအ့ၬ.- တၭမွဲယဟိဝၩပယွၩ အီၪလါလၧပၥိၭ ဘဲၫအအီၪလၧပဖါၥံၪအၥိၭနီၪဆံၭ. မွဲအထီးလ့ၩဒၪပၧၩ, မွဲအထီးစဲၪ့ထၪ့ခွံၬလၧပအီၪလ
58 ဂ့ၩ,- မွဲအဘိၭကၠၪပၥၭ လၧအအီၪဘဲၫၥိၭ ပမိဖိၬအ ဖၧၩ့ၥၭထီးအလူၬ, ဒဲထီးန့အဆၧမၪလူၬလဖၪ, ဒဲအၥ နိၫလဖၪ, ဒဲအဆၧစ့ၩရၫ့ လၧအမၪလူၬပဖါလဖၪနီၪ
59 ဆံၭ.- တၭယဆၧချဲၩ့လဖၪယီၩ လၧယအၪ့ကံၩ့အၪ့ ယၫဆၧလၧအဝ့ၫလၧယဟိဝၩအမ့ၬယၫနီၪ, မွဲအအီၪ ဘူၭလၧယဟိဝၩပယွၩ လၧမုဆၫဒဲလၧမုနၩဘဲၫၥိၭအ မိစ့ၩရၫ့ ဆၧလၧအခ့ၫအၡၩအဂး, ဒဲလၧအၡၩခမျၧး ထီးအလူၬအဂး, လနံၩအဆၧဘဲၫလနံၩ အဆၧဒၪဝ့ၫ
60 အၥိၭနီၪဆံၭ.- ဘဲၫၥိၭၦခမျၧးလၧဂၪ့ခိၪချိၫ့ထီးအလူၬ မိၥ့ၪယၫလၧယဟိဝၩမွဲယွၩ, ဒဲလၧအဂူၫဂၩအီၪနးဂၩ
61 အ့ၬ.- တၭမွဲနၥံၪအၥၭလၧၫ့ထၪ့ဎွ့ၩထၪ့ လၧယဟိဝၩ ပယွၩအမ့ၬယၫ, ဘဲၫၥိၭနၥံၪမိလ့ၩဆၧလၧအဆၧၥီၪ့ ဆၧၥၫ့အဖၧၩ့, ဒဲထီးန့အဆၧမၪလူၬလဖၪ, ဘဲၫလၧမု ဆၫလနံၩယီၩအၥိၭနီၪဆံၭ.
(၂ကွ့ၭ ၇;၄-ၥဝ).
62 တၭစဎွၩဒဲအံၫစရ့လၭထီးအလူၬ အီၪလၧအဝ့ၫဒၪ အၥိၭနီၪလုထၪ့ဆၧလၧ ယဟိဝၩအမ့ၬယၫလီၫ.
63 တၭစစီလမၧၫ့လုထၪ့ဆၧလု မၩဘၪလိၬအိၭလိၬလၧ အလုထၪ့ဝ့ၫလၧယဟိဝၩ, ချီဖၫနံၫလၬနံၫထီၫ့, ဒဲၥိၪ လကုၬနံၫလၬလီၫ. တၭစဎွၩဒဲအံၫစရ့လၭဖိၪထီးအ
64 လူၬနီၪမၩဘိၪ့ဖလါ ယဟိဝၩအဂံၪ့လီၫ.- တၭဆၧလၧ မုလနံၩဎးနီၪ စဎွၩအီၪက့ၪဆံၫ့ဎံၪဝၩ့ လၧအၥၭကျၩ လၧအအီၪဝ့ၫလၧယဟိဝၩအဂံၪ့ အမ့ၬယၫလီၫ.အဂဲး ဘဲၫယီၩလုထၪ့ဆၧလုမ့ၪ ဒဲဆၧမၩဘိၪ့ကိၪ, ဒဲဆၧလု မၩဘၪလိၬအိၭလိၬအၥိၪထီးနီၪလီၫ. အဂဲးဘဲၫယီၩ ဆၧလုအလးထီးဝီၩလၧအအီၪဝ့ၫ လၧယဟိဝၩအမ့ၬ ယၫနီၪ, ဘဲၫၥိၭအမိဒိၭန့ဆၧလုမ့ၪ ဒဲဆၧမၩဘိၪ့ကိၪ, ဒဲဆၧလုမၩဘၪလိၬအိၭလိၬအၥိၪနီၪ ဆံၭလၨၪဝ့ၫဒၪ လီၫ.
65 အထီထီးနီၪ စစီလမၧၫ့ မၩဆၧဘိၪ့တၭ, အံၫစရ့ လၭထီးအလူၬအီၪလၧအၥိၭ, ဆၧအီၪကီၪ့ဖၭဒိၪလၧ ဆၧဂဲၫနုၬလၧဟါမၭဖိးလၧ အံဇံၭအထံၫချိၬ, လၧယ ဟိဝၩပယွၩအမ့ၬယၫ နွ့ၫနံၩဒဲနွ့ၫနံၩ, လဆံၫလံနံၩ
66 လီၫ.- ဎိၭနံၩလနံၩနီၪဖျါခွံၬၦခမျၧးတၭ, အဝ့ၫၥံၪစံၭ ထၪ့အၪ့အူၭစဎွၩတၭ, လ့ၩဝ့ၫလၧအဝ့ၫၥံၪအတဲၩဖၧၩ့ လၧအၥုၪ့ထိၬအၥၭထိၬ, ဒဲလၧအၥုၪ့ဎွံၫအၥၭယီၫလၧ ကယဲဆၧအဂ့ၩ လၧယဟိဝၩမၩဝ့ၫ, လၧအခ့ၫအၡၩ စဒၫဝံၭအဂး, ဒဲအၡၩခမျၧးအံၫစရ့လၭ အဂးနီၪလီၫ.