10
(၂ကွ့ၭ ၉:ၥ-ၥ၂).
1 ထီးၡံဘၫအနးဎွၩမုၪနါဂၧၫ့ စစီလမၧၫ့အပရၧၫ့ လၧယဟိဝၩအမံၩ့အဂဲးအကၠီၪ့တၭ, ဂဲၫဝ့ၫဘဲၫၥိၭအမိ
2 မၩခွါဝ့ၫလၧဆၧချဲၩ့ဒီၩ့လီၫ.- တၭဂဲၫထီၩ့ဝ့ၫလၧယ ရုစလံၫ့အီၪဝ့ၫလၧအၡၩဖိၬ အခဲၫ့အၪအၪလ့ၬ, ဒဲကလ အူၭ လၧအဆိၬဆၧနၧၫ့မၧၫ့, ဒဲထီၫ့ၥံၪလွ့ၫၥံၪ အၪအၪ လ့ၬ, ဒဲမနံၬလဖၪတၭ, ဂဲၫထီၩ့လၧစစီလမၧၫ့ အအီၪ တၭ,ချဲၩ့ဆၧလၧအဝ့ၫ လၧကယဲဆၧလၧအအီၪဝ့ၫလၧ
3 အၥၭခံဖၧၩ့အဂဲးအကၠီၪ့လီၫ.- စစီလမၧၫ့ဒုၭနဲၪဝ့ၫလၧ ဆၧဘၪဆဲၫ့လၧအဆၧချဲၩ့ ထီးအလူၬတၭး ဆၧအီၪ ဘံၭလၧစဎွၩလၧအလလီၩဘၪဝ့ၫနီၪ အီၪနးမံၩ့အ့ၬ.
4 တၭၡံဘၫအနးဎွၩမုၪနီၪ ဒၪဘၪကယဲ စစီလမၧၫ့အ
5 ဆၧကိၪ့ၥ့ၪ, ဒဲဂံၪ့လၧအမၩဝ့ၫနီၪ,- ဒဲဆၧအၪ့လၧအစ ပွဲခိၪ,ဒဲအခ့ၫအၡၩဆၧၫ့နၩ့ဝ့ၫ, ဒဲအၡၩမၩအဆၧဆၧၫ့ ထုၪ့ဝ့ၫ,ဒဲအဝ့ၫၥံၪအကီၩ့အၥိၭ, ဒဲအၡၩဆိၬအထွ့ၫ, ဒဲဎၫ့ၥံၪလၧအလ့ၩထၪ့ဝ့ၫလၧ ယဟိဝၩအဂံၪ့ဖၧၩ့တၭ
6 အၥၭအီၪလၧၩ့လၧအဖၧၩ့အ့ၬ.- တၭစံၭစဎွၩ, ဆၧချဲၩ့ လၧယနါဂၧၫ့လၧယခးဒၪယဝ့ၫအဖၧၩ့, လၧနဆၧချဲၩ့ အဂဲးအကၠီၪ့, ဒဲလၧနကိၪ့ဆၧၥ့ၪအဂဲးအကၠီၪ့နီၪမွဲဆၧ
7 အတီၩလီၫ.- မွဲလါနၫ့ယလချႃၭဂဲၫဒံၭဘၪ, ဒဲယမ့ၬလ ချႃၭဒၪဒံၭဘၪတၭ, ယနဲၩယဝ့ၫအ့ၬ. တၭယိခွါ,ဆၧ လီၩဘၪယၧၩလၧဆၧနီၪဖိၭဖၫ့ဒံၭအ့ၬ. နဆၧကိၪ့ၥ့ၪ, ဒဲဆၧဘီၪဆၧယီၫနီၪ အၪနဲၪ့ဒံၭအပရၧၫ့လၧယနါဂၧၫ့
8 ဘၪနီၪလီၫ.- နၡၩၥံၪဘၪဆိၪဂ့ၩဝ့ၫလီၫ. ၦလၧအဆၧၫ့ ထုၪ့လၧနမ့ၬယၫလထံၪဎး, ဒဲလၧအနါဂၧၫ့နဆၧကိၪ့
9 ၥ့ၪ,နခ့ၫနၡၩလဖၪယီၩဘၪဆိၪဂ့ၩဝ့ၫလီၫ.- ယဟိဝၩ နယွၩလၧအဘၪအၥၭလၧနၧၩ ဘဲၫၥိၭအမိဖ့ၪနဆၧၫ့နၩ့ လၧအံၫစရ့လၭ အလးဆီၩ့ဆီအဖၫ့ခိၪနီၪ, မွဲအဘၪ ဆၧစံၭထၪ့အၪ့အူၭဆံၭ. ယဟိဝၩအဲၪအံၫစရ့လၭအ ဆိၩဆိၩအကၠၪကၠၪအကၠီၩ့တၭ, အီၪက့ၪနၧၩလၧစဎွၩ,
10 ဘဲၫၥိၭနမိစ့ၩရၫ့ဆၧ, ဒဲမၩဆၧတီၩဆၧလီၩ့လီၫ.- တၭ အဝ့ၫဖ့ၪလၫ့စဎွၩ လၧထီၫ့အကံကၫလယၩနံၫဆံၫ,ဒဲ ဆၧနၧၫ့မၧၫ့အၪအၪလ့ၬ ဒဲမနံၬလဖၪလီၫ. ဆၧနၧၫ့မၧၫ့ အၪအၪလ့ၬဎွ့ၩဎီၩ့ လၧၡံဘၫအနးဎွၩမုၪ ဖ့ၪလၫ့စစီ လမၧၫ့နီၪဂဲၫလၧၩ့ဝ့ၫအ့ၬ.
11 တၭစဟဲရၫ့အကဘၩ့ လၧအဂဲၫထဲၩ့ဆိၬထီၫ့ၥံၪ လွ့ၫၥံၪလၧအိဖၧၫအလးနီၪ ဂဲၫဆိၬဆ့ၥံၪ့အၪလမၧၭအၪ
12 အၪလ့ၬဒဲမနံၬလဖၪ လၧအိဖၧၫလီၫ.- စဎွၩတဲၩ့ထုၪ့ လဖၪလၧၥံၪ့အၪလမၧၭ လၧယဟိဝၩအဂံၪ့အဂး,ဒဲလၧ စဎွၩအဂံၪ့အဂး, ဒဲတဲၩ့ဆ့ၥၫ့ထီးဒဲနါဒံၩ့လၧၦၥံၫကျံၩ ဆၧဖိၪအဂးလီၫ. ၥံၪ့အၪလမၧၭဘဲၫနီၪအၥိၭဂဲၫလၧၩ့ အ့ၬးတၭဆၧလဒၪလၧၩ့ဘၪ ထီးမုဆၫလနံၩယီၩလီၫ.
13 တၭစဎွၩစီလမၧၫ့ ဖ့ၪလၫ့ၡံဘၫအနးဎွၩမုၪလၧက ယဲအဆၧဆိၫ့န့ဘၪ, ထီးဒၪအအၪ့ကံၩ့ဝ့ၫ လမံၩ့လါ လါလၧစစီလမၧၫ့ဖ့ၪလၫ့လၧအဝ့ၫ လၧအဘၪဆဲၫ့လၧ ဆၧဖ့ၪလၫ့အၪဘဲၫစဎွၩအၥိၭ အဖၫ့ခိၪဒံၭလီၫ. ၦမုၪ နီၪကၠၪထဲၩ့အၥၭတၭ, ထဲၩ့ထဲၩ့ဝ့ၫလၧအခးဒၪဝ့ၫ,အ ဝ့ၫဒၪဒဲအခ့ၫအၡၩလဖၪလီၫ.
(၂ကွ့ၭ ၉:ၥ၃-၂၉).
14 တၭထီၫ့ၥံၪလွ့ၫၥံၪလၧအဂဲၫ လၧစစီလမၧၫ့အအီၪ လၧလနံၪ့အထးဖၧၩ့နီၪ အခံၫ့အီၪဎူၫယၩဎူၫဆံၫ ဎူၫ
15 ကံကၫလီၫ.- လၧနီၪအမ့ၬယၫန့ဘၪဆၧလၧၦဖနံၬဖိၪ ၥံၪ,ဒဲလၧၦမၩဖနံၬလၧဆၧနၧၫ့မၧၫ့ဖိၪ, ဒဲလၧအရ့ဘၠၫ အစဎွၩထီးအလူၬ, ဒဲလၧထံၫၥံၪခးၥံၪ အၦဒိၪဖၭဒိၪ
16 လဖၪနီၪလီၫ.- တၭစဎွၩစီလမၧၫ့ တဲၩ့ထၩ့ဖံၭဖၭဒိၪ နံၫယၩလၧထီၫ့ခိလီၪ့လီၫ. ထီၫ့အၡက့လၬ ဎူၫယၩ
17 လူၬဝ့ၫလၧထၩ့ဖံၭလဘံၪ့အဂးလီၫ.- တၭတဲၩ့ထၩ့ဖံၭ ဖိၪၥၧၫ့ယၩ လၧထီၫ့ခိလီၪ့, ထီၫ့အၡက့လၬၥၧၫ့ယၩ လူၬဝ့ၫလၧထၩ့ဖံၭလဘံၪ့အဂးလီၫ. တၭစဎွၩအီၪက့ၪ အဝ့ၫၥံၪလၧလ့ၭဘနၧၫ့အမံၩ့လၬကျၩ အဂံၪ့ဖၧၩ့ လီၫ.
18 တၭစဎွၩတဲၩ့လးဆီၩ့ဆီဖၭဒိၪ လၧကဆၫ့မဲၪတၭ,
19 ဖၩ့ဝ့ၫလၧထီၫ့ဆံၫ့လီၫ.- တၭလးဆီၩ့ဆီနီၪအီၪဝ့ၫလၧ အဎၫ့ဎူၫၥွၫတၭ, လးဆီၩ့ဆီအဖၫ့ခိၪနီၪကဲၪ့ခွၩ့ခွၩ့လၧ အချိၫ့တၭ, ဆၧဒိၭနဲၩ့အလးအီၪဝ့ၫထီးဆၧၫ့နၩ့အလး အနဲၩ့ထံၭလါခီၫလါခီၫတၭ, ဆၬလၥၧၫ့နံၫဒုၩဆၧၫ့
20 ထုၪ့အီၪဝ့ၫထီးဆၧဒိၭနဲၩ့အလးအနဲၩ့ထံၭလီၫ.- တၭ ဆၬလၥၧၫ့လဆံၫနံၫဒုၩ ဆၧၫ့ထုၪ့ထီးနီၪလၧဎၫ့ဎူၫၥွၫ အလီၩ့လၧလခီၫ, ဒဲလၧအနီၪလခီၫလီၫ. ဆၧတဲၩ့ဝ့ၫဘဲၫ နီၪအၥိၭလၧဘၩ့မုးအဂူၫဂၩအဖၧၩ့ အီၪဝ့ၫနးစီၪ့အ့ၬ.
21 တၭကယဲစဎွၩအထွ့ၫအီၩဆၧနီၪ မွဲထီၫ့ထီးအလူၬ လီၫ. တၭကယဲထွ့ၫအီၪဝ့ၫ လၧလ့ၭဘနၧၫ့အမံၩ့လၬ ကျၩအဂံၪ့ဖၧၩ့နီၪမွဲထီၫ့ဆံၫ့လီၫ. တဲၩ့ဝ့ၫလၧစ့ၩနးဖျိၪ့ အ့ၬ.လၧစစီလမၧၫ့ အမုနံၩလဖၪနီၪ, ဆၧအီၪက့ၪစ့ၩ လၧဆၧနးမံၩ့အ့ၬ.
22 အဂဲးဘဲၫယီၩ စဎွၩအီၪလၧအကဘၩ့တၫၡံၭလၧ မၫဆမံၭအဖၧၩ့နီၪ, ဒဲအီၪလၧစဟဲရၫ့အကဘၩ့လဖၪဆ့ လီၫ.ၥၧၫ့နံၪ့လဖၧၫ့နီၪ ကဘၩ့တၫၡံၭဂဲၫထုၭထီၫ့ၥံၪလွ့ၫ ၥံၪ,ကျိၪၥံၪစ့ၩၥံၪ, ကဆၫ့မဲၪ,ဒဲကယုၩဖၩၥံၪ,ဒဲထိၪၡၬ ၥံၪလီၫ.
23 တၭစဎွၩစီလမၧၫ့ဒိၪနဲၪ့ကယဲစဎွၩ လၧဂၪ့ခိၪချိၫ့ လၧအစူၪလးအခၪ့ခိၪအကၠီၩ့, ဒဲလၧအဆၧကိၪ့ၥ့ၪကိၪ့
24 ဘၪအကၠီၩ့နီၪဆ့လီၫ.- တၭဂၪ့ခိၪဖိၪထီးအလူၬအၪ့ဎၬ စစီလမၧၫ့အမ့ၬ ဘဲၫၥိၭအမိနါဂၧၫ့ အဆၧကိၪ့ၥ့ၪကိၪ့ ဘၪလၧယွၩအီၪက့ၪလၩ့ဝ့ၫလၧအၥၭခံဖၧၩ့နီၪလီၫ.
25 တၭၦလဂၩဒဲလဂၩဂဲၫဆိၬအလၬ ဆီၪ့ဆုၬဆုၬ,ထွ့ၫ စ့ၩ,ဒဲထွ့ၫထီၫ့, ဒဲဆၧအကီၩ့အၥိၭ, ဒဲဆၧဒုၭၥုၭအစူၪ ဝဲၩ,ဒဲဆၧနၧၫ့မၧၫ့, ဒဲကၥ့ၪ, ဒဲကၥ့ၪလၫၥံၪလနံၪ့ဘၪ လနံၪ့လီၫ.
26 တၭစစီလမၧၫ့အီၪက့ၪကီၪ့လဲၪ့ၥုၭ, ဒဲၦကၥ့ၪၥုၭဖိၪ တၭ, အီၪဝ့ၫလၧလဲၫ့ၥုၭလထီၫ့လံယၩး ဒဲၦကၥ့ၪၥုၭဖိၪ လလၬနံၫထီၫ့တၭ, အီၪက့ၪဝ့ၫလၧလဲၪ့ၥုၭလဖၪအဒိၩ့ ဖၧၩ့, ဒဲအီၪလၧစဎွၩအၥိၭ လၧယရုစလံၫ့အဖၧၩ့လီၫ.
27 စဎွၩအီၪက့ၪစ့ၩလၧယရုစလံၫ့အဖၧၩ့, ဘဲၫလိးၥံၪလဲၫ့ ၥံၪအၥိၭ, ဒဲအီၪက့ၪၥံၪ့ၡိၫအ့ရ့ၭအၪအၪလ့ၬ ဘဲၫၥံၪ့
28 ကူၪၥံၪလၧဆၧပျၩ့ဖၧၩ့အၥိၭနီၪလီၫ.- တၭဆၧဂဲၫဆိၬ ကၥ့ၪလၧခးအံဇံၭအဖၧၩ့ လၧစစီလမၧၫ့ အဂးလီၫ.
29 တၭစဎွၩအၡၩဖနံၬဖိၪဒိၭန့ဝ့ၫလၧအဎွ့ၩလီၫ.- ၦလ့ၩ ဆၧတၭ, ဂဲၫထဲၩ့ဆိၬလဲၪ့ၥုၭလခိၪ လၧအံဇံၭအဖၧၩ့ လၧၡက့လၭဎူၫယၩ, ဒဲကၥ့ၪလဒုၩလၧလယၩယဲဆံၫ လီၫ. ဘဲၫနီၪအၥိၭဂဲၫထဲၩ့န့ဝ့ၫလၧအဝ့ၫၥံၪအစူၪလၧၦ ဟံၥၭဖိၪအစဎွၩ ထီးအလူၬအဂး, ဒဲလၧစံရအၫအ စဎွၩၥံၪအဂးလီၫ.