7
1 စစီလမၧၫ့မၩထၪ့အဂံၪ့ဒၪဝ့ၫ လဆံၫၥၧၫ့နံၪ့တၭ, မၩဂီၩ့အဂံၪ့လီၫ.
2 တၭမၩဆ့ဂံၪ့လဖျိၪ့ လၧလ့ၭဘနၧၫ့အမံၩ့လၬကျၩ အၥံၪ့လီၫ. အထီၫမွဲအဖျါလယၩ, ဒဲအဒၪ့ဎၩ့အဖျါ ယဲဆံၫ,ဒဲအဆီၩ့ဆီထၪ့အဖျါၥၧၫ့ဆံၫလီၫ. အီၪဝ့ၫလၧ ၥံၪ့ၡိၫအ့ရ့ၭ အထုၪ့လံဂဲး, ဒဲဂၩ့ဖၩၥံၪ့ၡိၫအ့ရ့ၭအီၪဝ့ၫ
3 လၧထုၪ့အဖၫ့ခိၪလီၫ.- တၭအခိၪအီၪဝ့ၫလၧၥံၪ့ၡိၫအ့ ရ့ၭလၧထုၪ့ၥံၪလံဆံၫယဲထုၪ့အဖၫ့ခိၪတၭ, ထုၪ့လဖၪ
4 လဂဲးလဂဲးနီၪအီၪဝ့ၫလဆံၫယဲထုၪ့လီၫ.- လၧဆၧဖၩ့ မိနုၬအဂး တရၫ့လံၩအီၪဝ့ၫၥၧၫ့ဂဲး လဆိၬဘၪလဆိၬ
5 အီၪဎၩ့လိၬအၥၭလါခီၫလါခီၫနီၪလီၫ.- ကယဲတရၫ့ ထီးအလူၬ, ဒဲကယဲတရၫ့လံၩအထုၪ့နီၪဎၩ့လိၬၥၭလီၫ. ဆၧဖၩ့နုၬဝ့ၫလဆိၬဘၪလဆိၬ ဆၧၫ့ယၫလိၬအၥၭလါ
6 ခီၫလါခီၫနီၪအီၪၥၧၫ့ဂဲးလီၫ.- တၭအဝ့ၫဒၪမၩထိၬချိၫ့ လၧဆၧအထုၪ့လဖၪအဖၭထီၫ မွဲအဖျါယဲဆံၫတၭ,အ ဒၪ့ဎၩ့အဖျါၥၧၫ့ဆံၫလီၫ. တၭအထိၬချိၫ့အီၪဝ့ၫလၧအ မ့ၬယၫတၭ, ထုၪ့လဖၪ ဒဲကျူၩတၪ့လဖၪအီၪဝ့ၫလၧ
7 အဝ့ၫၥံၪအမ့ၬယၫလီၫ.- တၭအဝ့ၫဒၪမၩထိၬချိၫ့လစီၪ့ လၧလးဆီၩ့ဆီအဂး, ထီးအမိစ့ၩရၫ့ဆၧအလး,ဆၧ စ့ၩရၫ့အထိၬချိၫ့လီၫ. တၭၥိၭဝ့ၫအခိၪ လၧၥံၪ့ၡိၫအ့
8 ရ့ၭလၧအဒၩလခီၫဖိးလၧဝါလခီၫလီၫ.- တၭအဂံၪ့လၧ အအီၪဝ့ၫလၧအဖၧၩ့လဖျိၪ့နီၪ အီၪလၧဝၩ့ အဂူၫဂၩ လစီၪ့လၧအထိၬချိၫ့အမ့ၬယၫလခီၫ လၧဆၧမၩဝ့ၫဘဲၫ နီၪၥိၭလီၫ. တၭစစီလမၧၫ့မၩဂံၪ့လဖျိၪ့ဆ့ လၧဖၫရိၫ အဖိၪမုၪလၧအမၩန့ဝ့ၫလၧအမၫအဂး လၩ့ဂၬထိၬချိၫ့ ယီၩလီၫ.
9 အဝ့ၫၥံၪနီၪမွဲလိးလၧအဎွ့ၩဒိၪလဖၪ, ဘဲၫလိးစိၭ ဖျၩအၥၭအဆၧထိၪအၥိၭနီၪ ဘၪဆၧတဲၩ့ဝဲၩဝ့ၫလၧ လွ့ၬလၧအချိၫ့ဒဲလၧအဖၧၩ့, လၧအခၪ့ထံၭဖိးလၧအခံၫ, ဒဲအီၪလၧခီၫ့လၧဝၩ့ဖၭဒိၪလၧခီၫ့ မွဲဘဲၫနီၪအၥိၭလီၫ.
10 တၭအခၪ့ထံၭနီၪအီၪဝ့ၫလၧလိးအဎွ့ၩဒိၪ, လိးဖၭဒိၪ,
11 လိးဆံၫဖျါ, ဒဲလိးဎိၭဖျါလီၫ.- တၭလၧထၭလခီၫနီၪ အီၪဝ့ၫလၧလိးအဎွ့ၩဒိၪ ဘဲၫလိးစိၭဖျၩအၥၭအဆၧ
12 ထိၪအၥိၭနီၪ, ဒဲၥံၪ့ၡိၫအ့ရ့ၭလီၫ.- တၭဆၧအဝၩ့ဖၭ ဒိၪအီၪဝၬဖီၩ့ဝ့ၫနီၪ အီၪဝ့ၫလၧလိးစိၭဖျၩအၥၭၥၧၫ့ဂဲး ဒဲဂၩ့ဖၩၥံၪ့ၡိၫအ့ရ့ၭလဂဲး လၧယဟိဝၩအဂံၪ့အဝၩ့ လၧယၫအဂးမွဲဂ့ၩ, ဒဲလၧဂံၪ့အထိၬချိၫ့အဂးမွဲဂ့ၩလီၫ.
13 တၭစဎွၩစီလမၧၫ့ အၪ့မၧၫ့ၦလ့ၩဆၧလၧတဲအၫနီၪ,
14 ဂဲၫထဲၩ့ကိၭန့စဟဲရၫ့လီၫ.- အဝ့ၫဒၪမွဲၦမုၪမဲၫလဂၩအ ဖိၪခွၫဘၪဆဲၫ့လၧနၭၥလဲၫအဒီၪ့တၭ, အဖါမွဲၦတဲအၫ ဖိၪ,ၦစူၪၥ့ၪလၧထီးဘၩ့း အနၫ့ဆါဎွ့ၩဝ့ၫလၧဆၧကိၪ့ ၥ့ၪ,ဒဲအၥုၪ့ဆၭအၥၭဆၭတၭ, ကယဲဆၧမၩလၧထီး ဘၩ့နီၪၥ့ၪယၫဝ့ၫထီးအလူၬလီၫ.
(၂ကွ့ၭ ၃:ၥ၅-ၥ၇).
15 အဝ့ၫဒၪဂဲၫဝ့ၫလၧစဎွၩစီလမၧၫ့အအီၪတၭ, မၩ အဆၧမၩထီးအလူၬလီၫ. တၭၥိၫ့ထုၪ့ထီးဘၩ့နံၫထုၪ့ လီၫ.ထုၪ့အထၪ့ထီၫလထုၪ့လထုၪ့နီၪ မွဲလဆံၫဎိၭဖျါ, ဒဲဖျံၩအဖၭထီၫလဆံၫနံၫဖျါ ခဲးဝၬအဝ့ၫၥံၪလထုၪ့လ
16 ထုၪ့လီၫ.- တၭမၩဝ့ၫအခိၪစီၪ့ထီးဘၩ့အဆံၫ့နံၫဖျိၪ့, ဘဲၫၥိၭအမိအီၪက့ၪဝ့ၫ လၧထုၪ့လဖၪအခိၪလီၫ. ဆၧ အခိၪစီၪ့လဖျိၪ့အထၪ့ထီၫမွဲယဲဖျါ, ဒဲဆၧအခိၪစီၪ့လ
17 ဖျိၪ့ဒၪအထၪ့ထီၫမွဲယဲဖျါလီၫ.- တၭဆ့ၭကံၪဒီၩ့ၡၬၥံၪ, ဒဲမၩၥွ့ၫချၩ့ၥံၪလၧဆၧအခိၪစီၪ့ လၧအအီၪဝ့ၫလၧထုၪ့ လဖၪအဖၫ့ခိၪအဂး, လၧခိၪစီၪ့လဖျိၪ့အဂးနွ့ၫဒုၩ,လၧ
18 ခိၪစီၪ့လဖျိၪ့ဒၪအဂးနွ့ၫဒုၩလီၫ.- မၩဝ့ၫအထုၪ့လဖၪ တၭ,ဆၧအဂဲးနံၫဂဲးအီၪဝၬဖီၩ့ဝ့ၫ, လၧဆၧဆ့ၭကံၪဒီၩ့ ၡၬအဆၧမၩလဘံၪ့အဖၫ့ခိၪ ဘဲၫၥိၭအမိချႃၬဘံၭဆၧ အခိၪစီၪ့လၧအအီၪဝ့ၫ လၧအခံၫထိၭလၧၥလဲၩအၥၪ နီၪလီၫ. တၭမၩဝ့ၫအခိၪစီၪ့အဂူၫဂၩ လဖျိၪ့အဂးဘဲၫ နီၪၥိၭလီၫ.
19 တၭဆၧအခိၪစီၪ့လဖၪ လၧအအီၪဝ့ၫလၧထုၪ့အခံၫ ထိၭနီၪ,မၩကံၪဖီၫယၫ လၧထိၬချိၫ့ဖၧၩ့လံဖျါလီၫ.
20 တၭဆၧအခိၪစီၪ့လဖၪ လၧနံၫထုၪ့အဖၫ့ခိၪနီၪအီၪဝ့ၫ လၧထၭလခီၫဆ့အီၪဆဲၫဎၩ့ ဒဲအဖျိၪ့လၧအအီၪဝ့ၫလၧ ဆၧဆ့ၭကံၪဒီၩ့ၡၬအနဲၩ့ထံၭလီၫ. ၥလဲၩၥၪနီၪအီၪဝ့ၫ နံၫယၩလၧနံၫဂဲးအဖၧၩ့ ဝၬဖီၩ့ဆၧအခိၪစီၪ့အလဖျိၪ့ အလီၩ့လီၫ.
21 တၭဘီၩ့ထၪ့ထုၪ့လဖၪနီၪ လၧနီးအထိၬချိၫ့ဖၧၩ့လီၫ. တၭဘီၩ့ထၪ့ထုၪ့လၧစူၪထွ့ၪလခီၫတၭ, ဖျိၬဝ့ၫအမံၩ့ လၧယၫခံၫ့တၭ, ဘီၩ့ထၪ့ထုၪ့လၧစူၪစ့ၪလခီၫတၭ,ဖျိၬ
22 ဝ့ၫအမံၩ့လၧဘိအၭလီၫ.- တၭမၩကံၪဖီၫယၫလၧထုၪ့ လဖၪ အခံၫထိၭလီၩ့တၭး ထုၪ့လဖၪအဆၧမၩဂီၩ့ ဝ့ၫလီၫ.
(၂ကွ့ၭ ၄;၂-၅).
23 အဝ့ၫဒၪၥိၫ့ကမၫထီးဘၩ့လဖျိၪ့, အခိၪဖဲၩ့လခီၫဖိး လၧဝါလခီၫနီၪ, အဖျါလဆံၫလီၫ. အီၪဝ့ၫဝၩ့ဒၩ့တၭ, အလၩ့အိၪ့ယဲဖျါတၭ, ဖျံၩဖၭထီၫအဖျါ ၥၧၫ့ဆံၫနီၪ
24 ခဲးဝၬဖီၩ့ဝ့ၫလီၫ.- တၭလၧအခိၪဖဲၩ့ ဝၬဖီၩ့အဝ့ၫလၧ ထံၫလုၩၥၪဝၬဖီၩ့ဝ့ၫ, လဖျါဆံၫဖျိၪ့, လဖျါဆံၫဖျိၪ့ဝၬဖီၩ့ ကမၫထၧၫ့ဖျိၪ့ယၫလီၫ. လၧကမၫဘၪၥိၫ့အၥၭတၭ,
25 ထံၫလုၩၥၪလဖၪနီၪ ဘၪၥိၫ့အၥၭလၧနံၫဂဲးလီၫ.- တၭ အီၪဝ့ၫလၧချီဖၫလဆံၫနံၫဒုၩအဖၫ့ခိၪလီၫ. ၥၧၫ့ဒုၩယိ ဆၧလၧမုဖၩ, ဒဲၥၧၫ့ဒုၩယိဆၧလၧမုနုၬ, ဒဲၥၧၫ့ဒုၩယိ ဆၧလၧမုခံၫ့, ဒဲၥၧၫ့ဒုၩ, ယိဆၧလၧမုထၪ့လခီၫလီၫ. တၭကမၫနီၪအီၪဝ့ၫ လၧအဝ့ၫၥံၪအဖၫ့ခိၪတၭ, အဝ့ၫ ၥံၪထီးအလူၬအခဲၫ့အီၪထဲၩ့လၧအဖၧၩ့လခီၫလီၫ.
26 ကမၫနီၪအတၪ့အီၪစူၪယၫလခီၫတၭ, အခိၪဖဲၩ့မၩ အၥၭဘဲၫလိၫ့အခိၪဖဲၩ့အၥိၭနီၪ မၩကံၪဝ့ၫလၧဖီၫယၫ အဖီၫလဖၪတၭ, ထီဝ့ၫဘၭၥၫနံၫထီၫ့လီၫ.
27 တၭမၩဝ့ၫအခၪ့ထီးဘၩ့ဆံၫဖျိၪ့လီၫ. တၭခၪ့လဖျိၪ့ နီၪအဖၭထီၫလံဖျါ, အဒၪ့ဎၩ့လံဖျါ, ဒဲအဆီၩ့ဆီထၪ့မွဲ
28 ၥၧၫ့ဖျါလီၫ.- တၭခၪ့လဖၪၦမၩဝ့ၫနီၪမွဲဘဲၫယီၩ, အီၪ လၧအခိၪချၩ့တၭ, ခိၪချၩ့နီၪအီၪဝ့ၫလၧခၪ့အဆၧၫ့အ
29 ဘိၩ့ဆၧၩ့နီၪလီၫ.- တၭလၧခိၪချၩ့အလီၩ့ လၧအအီၪ ဝ့ၫလၧအခၪ့အဆၧၫ့အဘိၩ့ဆၧၩ့နီၪ ဆၬလၥၧၫ့ၥံၪ,ချီ ဖၫၥံၪ, ခ့ၫရူၬၥံၪအီၪဝ့ၫတၭ, လၧဆၬလၥၧၫ့ဒဲချီဖၫအ ဖၫ့ခိၪဒဲလၧအဖၫ့လၬနီၪ ခၪ့အဆၧၫ့အီၪဝ့ၫလၧဖီၫလၩ့
30 ဆဲၩလဖၪလီၫ.- တၭကယဲဆၧအခၪ့အီၪဝ့ၫလၧလဲၪ့ ပၪထီးဘၩ့လံဘံၪ့, ဒဲအရံၬထီးဘၩ့တၭအနိၪ့လံနိၪ့နီၪ အီၪဝ့ၫလၧဆၧဒိၭထၪ့ထၬလီၫ. လၧအံၪ့ဒိၫ့နီၪအဖၫ့ လၬဆၧဒိၭထၪ့ၥိၫ့အၥၭအီၪဝ့ၫလၧ အနဲၩ့ထံၭကိၭစီၪ့
31 ဒ့ၭလီၫ.- တၭလၧအံၪ့ဒိၫ့အခိၪထိၭ အချၩ့နီၪအလဲ အီၪဝ့ၫလဖျါလီၫ. အခိၪထိၭအီၪခွၩ့ဒၩ့ ဘဲၫဆၧမၩအ ခၪ့အၥိၭ,အီၪဝ့ၫလဖျါထၫ, မွဲဆၧဝၩ့ဒၩ့အ့ၬ, မွဲဆၧလံ နိၫ့နီၪလၧၫ့ဎွ့ၩလၧဆၧစိၭဖျၩဝ့ၫလဖၪလီၫ.
32 တၭလၧအခၪ့ခွၩ့အဖၫ့လၬနီၪ လဲၪ့ပၪလံဘံၪ့အီၪဝ့ၫ, လဲၪ့အရံၬဘုၭထၬလၧဆၧအခၪ့တၭ, လဲၪ့ပၪနီၪအလဲ မွဲလဖျါဒဲလထၫလီၫ.
33 တၭလဲၫ့ပၪအခံးအဂၩ့နီၪ မၩအၥၭဘဲၫလဲၫ့ၥုၭအ ပၪအခံးအဂၩ့အၥိၭနီၪလီၫ. အလဲၫ့ရံၬ, ဒဲအလဲၫ့ပၪ အနီး,ဒဲအချၩ့ဒဲအဎံၫ့လဖၪနီၪ မွဲဆၧၥိၫ့အၥၭထီးအ
34 လူၬလီၫ.- ဆၧဒိၭထၪ့ထၬလံဒုၩအီၪဝ့ၫလၧဆၧအခၪ့ လဖျိၪ့အနိၪ့လံနိၪ့အဂးတၭ, ဆၧဒိၭထၪ့ထၬလဖၪနီၪ
35 ဘၪဆဲၫ့လၧဆၧအခၪ့လီၫ.- လၧဆၧအခၪ့အဖၫ့ခိၪနီၪ ဆၧခွၩ့အထၪ့ထီၫလထၫအီၪဝ့ၫတၭ, ဆၧလၧအခၪ့အ ခိၪ,ဒဲအဆၧအဆၧၫ့, ဒဲအဆၧခိၪချၩ့နီၪမွဲဆၧလမံၩ့ဎး
36 လီၫ.- တၭလၧဆၧအဆၧၫ့အလီၩ့နီၪ, ဒဲလၧဆၧအခိၪ ချၩ့အလီၩ့နီၪကွ့ၭဝ့ၫလၧခ့ၫရူၬၥံၪ, ဆၬလၥၧၫ့ၥံၪ, ဒဲ ၥံၪ့စီၩ့မလီၫ့ဘဲၫအလးအီၪပျီၩဝ့ၫအၥိၭနီၪ ဝၬဖီၩ့ဝ့ၫဒၪ လီၫ.
37 ဘဲၫနီၪအၥိၭမၩဝ့ၫလၧအခၪ့ဆံၫဖျိၪ့လီၫ. အီၪလၧ ဆၧၥိၫ့ဝ့ၫလမံၩ့ဎး, အထိၪထီၫဎီၩ့, အခံးအဂၩ့န့ၫဎီၩ့
38 လီၫ.- တၭအဝ့ၫဒၪ မၩအံၪ့ဒိၫ့ထီးဘၩ့ ဆံၫဖျိၪ့လီၫ. အံၪ့ဒိၫ့လဖျိၪ့ထီဝ့ၫ ဘၭၥၫလံဆံၫ, အံၪ့ဒိၫ့လဖျိၪ့လ ဖျိၪ့နီၪအီၪဝ့ၫလံဖျါ, လၧခၪ့ဆံၫဖျိၪ့လဖျိၪ့လဖျိၪ့အဖၫ့ ခိၪနီၪ အံၪ့ဒိၫ့အီၪဝ့ၫလဖျိၪ့ကိၭဖျိၪ့ဒ့ၭဆုၬဆုၬလီၫ.
39 အီၪက့ၪလၩ့ဆၧအခၪ့ယဲဖျိၪ့ လၧဂံၪ့အစူၪထွ့ၪလခီၫ, ဒဲယဲဖျိၪ့လၧဂံၪ့အစူၪစ့ၪလခီၫတၭ, အီၪက့ၪကမၫနီၪ လၧဂံၪ့အစူၪထွ့ၪလခီၫ လၧမုထၪ့ဆဲၫဎၩ့ လၧမုခံၫ့လ
40 ခီၫနီၪလီၫ.- တၭစဟဲရၫ့မၩအံၪ့ဒိၫ့လဖၪ, ဒဲဆွးၥံၪ, ဒဲ လိၫ့ၥံၪနီၪလီၫ.
(၂ကွ့ၭ ၄:ၥၥ-၅:ၥ).
41 တၭစဟဲရၫ့ မၩဂီၩ့ဆၧမၩထီးလူၬ လၧအမၩလၧ စဎွၩစီလမၧၫ့အဂး လၧယဟိဝၩအဂံၪ့အဂး, ထုၪ့ဖၭ ဒိၪနံၫထုၪ့နီၪ, ဒဲဆၧအဖျိၪ့ဒိၪ့ လၧဆၧအခိၪစီၪ့အဂး လၧအအီၪဝ့ၫလၧထုၪ့ဖၭဒိၪနံၫထုၪ့အခံၫထိၭ, ဒဲဆၧ ဆ့ၭကံၪဒီၩ့ၡၬနံၫဘံၪ့ ဘဲၫၥိၭအမိချႃၬဘံၭဆၧအခိၪ စီၪ့အဖျိၪ့ဒိၪ့နံၫဖျိၪ့ လၧအအီၪဝ့ၫလၧထုၪ့ဖၭဒိၪအဖၫ့
42 ခိၪနီၪး- ဒဲၥလဲၩၥၪလံယၩ လၧဆၧဆ့ၭကံၪဒီၩ့ၡၬနံၫ ဘံၪ့အဂး, ၥလဲၩၥၪနံၫဂဲး လၧဆၧဆ့ၭကံၪဒီၩ့ၡၬလ ဘံၪ့အဂး, ဘဲၫၥိၭအမိချႃၬဘံၭဆၧအခိၪစီၪ့အဖျိၪ့ဒိၪ့ နံၫဖျိၪ့အီၪဝ့ၫလၧထုၪ့ဖၭဒိၪလဖၪ အဖၫ့ခိၪနီၪလီၫ.
43 တၭဆၧအခၪ့ဆံၫဖျိၪ့, ဒဲအံၪ့ဒိၫ့ဆံၫဖျိၪ့လၧအအီၪဝ့ၫ
44 လၧခၪ့လဖၪအဖၫ့ခိၪ,- ဒဲကမၫလဖျိၪ့, ဒဲချီဖၫလဆံၫ
45 နံၫဒုၩအီၪဝ့ၫလၧကမၫအဖၫ့လၬ,- ဒဲဖၧၩ့ၥံၪ,ဒဲဆွးၥံၪ, ဒဲလိၫ့ၥံၪလီၫ. တၭကယဲဆၧအဎၧၩ့အဎီ လၧစဟဲရၫ့ မၩဝ့ၫလၧစဎွၩစီလမၧၫ့အဂး, လၧယဟိဝၩ အဂံၪ့အ
46 ဂးနီၪမွဲထီးဘၩ့ဆံၫ့ ထီးအလူၬလီၫ.- လၧယီၫဒၫ့အ ဆၧပျၩ့ဖၧၩ့, လၧစၧကီၭဒဲဇၫၥၫ့အဘိၩ့ဆၧၩ့ လၧဖံၬ
47 ယဲၩအကျၩနီၪ,စဎွၩၥိၫ့ဝ့ၫလီၫ.- တၭဆၧဖိၪဆၧလံၩ နီၪမွဲအအီၪအၪအၪလ့ၬတၭ, စစီလမၧၫ့လခံၫ့ဘၪဝ့ၫ တၭးၥိၫ့ဝ့ၫလီၫ. ထီးဘၩ့အလယၧးနီၪ မွဲအအီၪဆံၭ အၪလဲၪၦၥ့ၪယၫနးဂၩအ့ၬ.
48 ကယဲယဟိဝၩအဂံၪ့အဎၧၩ့အဎီ ထီးအလူၬနီၪစစီ လမၧၫ့မၩကဲၪထၪ့ဝ့ၫဒၪ, ဆၧလုအလးနီၪလၧထီၫ့,ဒဲစ ပွဲနီၪလၧထီၫ့, လၧဆၧမ့ၬယၫအကိၪအီၪဝ့ၫလၧအဖၫ့
49 ခိၪ,- ဒဲမ့ၪဒိၩ့ၥံၪလၧထီၫ့ဆံၫ့ယဲဖျိၪ့ အီၪလၧစူၪထွ့ၪ, ဒဲ ယဲဖျိၪ့အီၪလၧစူၪစ့ၪ, လၧချဲၩ့ဆၧအလး အမ့ၬယၫ, လၧဖီၫၥံၪ,ဒဲမ့ၪဒိၩ့ဖိၪၥံၪ, ဒဲဆၧထံၬထၬမ့ၪၥံၪ. ဎမၩဝ့ၫ
50 လၧၭထီၫ့,- ဒဲထွ့ၫအဖျိၪ့ၥံၪ, ဒဲဆၧထံၬခွံၬမ့ၪဘိၪၥံၪ,ဒဲ လိၫ့ၥံၪ,ဒဲနိၪထိၩ့ၥံၪ, ဒဲဖၧၩ့ၥံၪလၧထီၫ့ဆံၫ့, ဒဲပၭတၫ ထီၫ့ၥံၪလၧဂံၪ့လၧယၫအတရၫ့အဂး, ဆၧအလးဆံၫ့ ဎံၪထုၬ. ဒဲလၧဂံၪ့အတရၫ့အဂး, ဘဲၫၦစံၭဆၧအၥိၭနီး နီၪလီၫ.
51 ဘဲၫနီၪၥိၭစဎွၩစီလမၧၫ့ မၩဂီၩ့ဆၧမၩထီးအလူၬ လၧယဟိဝၩအဂံၪ့အဂးလီၫ. တၭစစီလမၧၫ့ဂဲၫဆိၬန့ ဆၧလဖၪလၧအဖါစဒၫဝံၭမၩဘိၪ့ဝ့ၫလီၫ. ကျိၪၥံၪစ့ၩ ၥံၪ,ထီၫ့ၥံၪလွ့ၫၥံၪ, ဒဲဆၧအဎၧၩ့အဎီနီၪအီၪက့ၪဝ့ၫလၧ ဆၧလူဒိၪဎွ့ၩဒိၪအကျၩ လၧယဟိဝၩအဂံၪ့ဖၧၩ့လီၫ.