6
1 တၭလၧၦအံၫစရ့လၭဖိၪစဲၪ့ထၪ့ခွံၬ လၧခးအံဇံၭအ လးခဲၫ့အနံၪ့လံယၩဎိၭဆံၫလနံၪ့နီၪ, လၧစစီလမၧၫ့ ကဲၪစဎွၩလၧအံၫစရ့လၭ အဖၫ့ခိၪလံနံၪ့လနံၪ့လၧ လၩဇံဖၭအဖၧၩ့ လၧအမွဲလၩနံၫဘံၪ့လဘံၪ့နီၪဆၧ မၩအၥၭလၧစစီလမၧၫ့ မၩထၪ့ၥၫ့ ယဟိဝၩ အဂံၪ့ လီၫ.
2 တၭဂံၪ့လၧစစီလမၧၫ့မၩဝ့ၫ လၧယဟိဝၩအဂးနီၪ အဖၭထီၫမွဲအဖျါဎူၫဆံၫ, ဒဲအဒၪ့ဎၩ့အဖျါနံၫဆံၫ,ဒဲအ
3 ဆီၩ့ဆီထၪ့အဖျါၥၧၫ့ဆံၫလီၫ.- တၭအလးလၧနီးအ မ့ၬယၫ, ထိၬချိၫ့နီၪ အဖၭထီၫအဖျါနံၫဆံၫ ဘဲၫဂံၪ့အ ဒၪ့ဎၩ့အၥိၭး လၧဂံၪ့အမ့ၬယၫနီၪ အဒၪ့ဎၩ့ ဆံၫဖျါ
4 လီၫ.- တၭမၩတရၫ့ လံၩလဖၪ အဲၪ့လၧအချိၫ့လခီၫ
5 တၭ,လဲလၧအဖၧၩ့လခီၫလၧဂံၪ့အဂးလီၫ.- တၭမၩ ဒူၭဖၧၩ့ဘုၭထၬလၧဂံၪ့အဒီၪ့ဝၬဖီၩ့ဝ့ၫ, ဝၬဖီၩ့နီးနီၪ, ဒဲ လၧချဲၩ့ဆၧအလးနီၪလီၫ. တၭမၩဒူၭဖၧၩ့ ဝၬဖီၩ့ဝ့ၫ
6 လီၫ.- ဒူၭအဖၫ့လၬထုၬလစီၪ့နီၪ အဒၪ့ဎၩ့မွဲယဲဖျါတၭ, ဒူၭအကျၩလစီၪ့နီၪအဒၪ့ဎၩ့ ဎူၫဖျါတၭ,ဒူၭၥၧၫ့ဆၫ့လ ဆၫ့နီၪအဒၪ့ဎၩ့မွဲနွ့ၫဖျါလီၫ. အဂဲးဘဲၫယီၩ လၧဂံၪ့ အချိၫ့နီၪမၩဝ့ၫအခၪ့အအဲၪ့လဖၪ ဝၬဖီၩ့ဝ့ၫ,ဘဲၫၥိၭ ဎွံၩ့လဖၪအထီးဘၪ ဆၧမၩထၬဝ့ၫလၧဂံၪ့ဒီၪ့ဖၧၩ့လ
7 ဂ့ၩလီၫ.- တၭထီးအမၩဂံၪ့နီၪ, ၦမၩဝ့ၫလၧလိးတဲၩ့ ဝဲၩအၥၭ, လၧၦလချႃၭဂဲၫဆိၬဒံၭဘၪ ထီးနီၪတၭး ထီးအမၩဂံၪ့နီၪ, စၭခုၫမွဲဂ့ၩ, ကွၩမွဲဂ့ၩ,ထီးဒၪအဎၧၩ့ အဎီထၭမွဲဂ့ၩ, မွဲအထီးဂၧၫ့ထၪ့ဘၪ လၧဂံၪ့ဖၧၩ့လ
8 ဂ့ၩ.- ဒူၭအၥၭကျၩအတရၫ့နီၪ အီၪဝ့ၫလၧအဂံၪ့အပၪ လၧစူၪထွ့ၪလခီၫတၭး ၦလ့ၩထၪ့လၧအၥၭကျၩနီၪ လၧဎၫ့ဝံၬအၥၭ, ဒဲစဲၪ့ထၪ့လၧအၥၭကျၩနီၪနုၬလၧၥၧၫ့
9 ဆၫ့လဆၫ့နီၪလီၫ.- မၩဂံၪ့နီၪ,မၩဂီၩ့ဝ့ၫတၭး မၩဂံၪ့ခိၪ
10 အဂၩ့ဖၩၥံၪဒဲၥံၪ့ပၪၥံၪ မွဲၥံၪ့ၡိၫအ့ရ့ၭလီၫ.- မၩဒူၭဖၧၩ့ လၧဂံၪ့ထၧၫ့ဖျိၪ့ယၫအနဲၩ့ထံၭ, အဆီၩ့ဆီထၪ့ယဲဖျါ တၭ,ဒိၭနဲၩ့အၥၭလၧဂံၪ့နီၪအီၪလၧၥံၪ့ၡိၫအ့ရ့ၭလီၫ.
11 ယဟိဝၩအလူလၩ့ဘၪ စစီလမၧၫ့တၭ,စံၭဝ့ၫဒၪး
12 ဆၧလၧဂံၪ့လၧနမၩယီၩ နအ့ၪလ့ၩလၧယဆၧၥီၪ့ဆၧ ၥၫ့အဖၧၩ့,ဒဲမၩယဆၧစ့ၩရၫ့, ဒဲထီးန့ယဆၧမၪလူၬ ထီးအလူၬဘဲၫၥိၭနမိလ့ၩဆၧလၧအဖၧၩ့တၭ, ယမိဒုၭ ကဲၪထၪ့ယဆၧချဲၩ့လၧနဂးလၧ ယချဲၩ့ဆၧလၧနဖါစဒၫ
13 ဝံၭနီၪလီၫ.- ယမိအီၪလၧအံၫစရ့လၭဖိၪအကျၩတၭ, ယစဲၪ့ဒၪယၡၩခမျၧးအံၫစရ့လၭအ့ၬ.
14 စစီလမၧၫ့မၩဂံၪ့တၭမၩဂီၩ့ဝ့ၫလီၫ.
(၂ကွ့ၭ ၃;၈-ၥ၄).
15 တၭအဝ့ၫမၩဂံၪ့အဒီၪ့လၧအဖၧၩ့လခီၫ ၥံၪ့ပၪလၧ ၥံၪ့ၡိၫအ့ရ့ၭလၧဂံၪ့အဒၩလၩ့ဖိးလၧဂံၪ့ခိၪအဒၩနီၪ, မၩ ဘံၭဝ့ၫအဖၧၩ့လခီၫလၧၥံၪ့တၭ, ဒၩလၩ့ဂံၪ့အဒၩလၧၥံၪ့
16 ပၪၡိၫအတၪ့လီၫ.- တၭလၧဂံၪ့အဒီၪ့ၥံၪမၩထၪ့ဝ့ၫအ ဖျါနံၫဆံၫ, အဒၩမွဲဂ့ၩ, အဒီၪ့ၥံၪမွဲဂ့ၩလၧၥံၪ့ပၪၡိၫအ့ ရ့ၭလီၫ.မၩထၪ့ဝ့ၫလၧအဖၧၩ့လခီၫ အဂးဒၪလ့ၬ,လၧ ချဲၩ့ဆၧအလးအဂး, လၧလးဆံၫ့ဎံၪထုၬအဂးဆ့လီၫ.
17 တၭလၧဂံၪ့အမ့ၬယၫ, နီးနီၪအီၪဝ့ၫအဖျါလံဆံၫလီၫ.
18 တၭဂံၪ့အၥံၪ့ၡိၫအ့ရ့ၭလၧအဖၧၩ့လခီၫနီၪ, ဒ့ၭကံၪအ ၥၭလၧထံၫလုၩၥၪ,ဒဲဖီၫလီၫ. မွဲၥံၪ့ၡိၫအ့ရ့ၭထီးအလူၬ
19 လိးအီၪဖျီၪနးစီၪ့အ့ၬ.- တၭချဲၩ့ဆၧအလးနီၪမၩဝ့ၫလၧ ဂံၪ့အဖၧၩ့, ဘဲၫၥိၭအမိအီၪက့ၪ ယဟိဝၩအဆၧအုၩ့
20 လၩ့အတလၫထီးနီၪလီၫ.- တၭချဲၩ့ဆၧအလးလၧအ မ့ၬယၫနီၪအဖၭထီၫမွဲအဖျါနံၫဆံၫ, ဒဲအဒၪ့ဎၩ့အဖျါ နံၫဆံၫ,ဒဲအဆီၩ့ဆီထၪ့အဖျါနံၫဆံၫလီၫ. ဖၩ့ဝ့ၫလၧ ထီၫ့ဆံၫ့တၭ, ကျၭထၬဆၧလုအလး လၧၥံၪ့ၡိၫအ့ရ့ၭ
21 လီၫ.- တၭစစီလမၧၫ့ဖၩ့ဂံၪ့အဖၧၩ့လခီၫ လၧထီၫ့ဆံၫ့ တၭ,မၩဆၧအဒီၪ့လၧၥွ့ၫထီၫ့ လၧချဲၩ့ဆၧအလးအ
22 မ့ၬယၫလီၫ. တၭဖၩ့ဝ့ၫလၧထီၫ့လီၫ.- အဝ့ၫဒၪဖၩ့ဂံၪ့ ထၧၫ့ဖျိၪ့ယၫ လၧထီၫ့ထီးအမၩဂီၩ့ဂံၪ့ ထၧၫ့ဖျိၪ့ယၫ လီၫ.တၭဖၩ့ဆၧလုအလးလၧအအီၪဝ့ၫ လၧချဲၩ့ဆၧ အလးအနဲၩ့ထံၭလၧထီၫ့ ထၧၫ့ဖျိၪ့ယၫဆ့လီၫ.
23 တၭလၧချဲၩ့ဆၧအလးဖၧၩ့ တဲၩ့ခ့ၫရူၬလဖၪလၧၥံၪ့
24 အလဲအိၫ့နံၫဒုၩ, အထၪ့ထီၫမွဲဆံၫဖျါလီၫ.- တၭခ့ၫရူၬ အဒံၭလခီၫယဲဖျါ, ဒဲခ့ၫရူၬအဒံၭလခီၫဒၪယဲဖျါ,လၧ အဒံၭလခီၫအထုၬ ဖိးလၧအဒံၭ လခီၫဒၪအထုၬနီၪ မွဲ
25 ဆံၫဖျါလီၫ.- တၭခ့ၫရူၬလဒုၩဒၪနီၪမွဲဆံၫဖျါလီၫ. ခ့ၫ ရူၬနံၫဒုၩလူၬနီၪ မွဲအဖျါဎွ့ၩဎီၩ့, ဒဲအခံးအဂၩ့န့ၫဎီၩ့
26 လိၬအၥၭဆ့လီၫ.- ခ့ၫရူၬလဒုၩနီၪအထၪ့ထီၫမွဲဆံၫဖျါ, ဒဲခ့ၫရူၬလဒုၩဒၪဆ့, မီၪ့ဎီၩ့လိၬအၥၭနံၫဒုၩလူၬလီၫ.
27 ခ့ၫရူၬလဖၪနီၪအီၪက့ၪဝ့ၫလၧဂံၪ့ လၧယၫအဖၧၩ့လခီၫ တၭ,အဝ့ၫၥံၪဒုၭယၩ့ထၪ့ ခ့ၫရူၬလဖၪအဒံၭတၭ, လ ဒုၩအဒံၭဘုၭစိၩလၧဆၧဒီၪ့တၭ, ခ့ၫရူၬလဒုၩဒၪအဒံၭ ဘုၭစိၩလၧဆၧဒီၪ့ဂူၫဂၩတၭ, အဝ့ၫၥံၪအဒံၭထိၭဘုၭ
28 လိၬအၥၭလၧအဂံၪ့အၥၭကျၩနီၪလီၫ.- အဝ့ၫၥံၪဖၩ့ခ့ၫ ရူၬလဖၪလၧထီၫ့လီၫ.
29 တၭဒ့ၭကံၪဂံၪ့အဒီၪ့ဝၬဖီၩ့ထီးအလူၬ လၧခ့ၫရူၬအ ဂၩ့,ဒဲၥံၪ့စီၩ့မလီၫ့, ဒဲဖီၫၥံၪအဂၩ့လဖၪ, လၧအဖၧၩ့ဒဲ
30 လၧအချိၫ့လီၫ.- တၭဂံၪ့အဒၩလၩ့နီၪ ဖၩ့ဝ့ၫလၧထီၫ့ လၧအချိၫ့ဒဲလၧအဖၧၩ့လီၫ.
31 တၭဆၧလ့ၩနုၬလၧချဲၩ့ဆၧအလးအဂးနီၪ တဲၩ့တ ရၫ့လၧၥံၪ့အလဲအိၫ့လီၫ. လၧတရၫ့အဖိၫဆိၬဒဲတရၫ့ အထုၪ့နီၪမွဲယဲခီၫလီၫ.
32 တရၫ့နံၫဘံၪ့နီၪဆ့မွဲၥံၪ့အလဲအိၫ့တၭ, ဒ့ၭကံၪဝ့ၫလၧ ခ့ၫရူၬၥံၪဒဲစီၩ့မလီၫ့ဒဲဖီၫလဖၪလၧအလီၩ့, ဒဲဖၩ့ဝ့ၫလၧ ထီၫ့တၭ,ဖၩ့ခ့ၫရူၬ, ဒဲစီၩ့မလီၫ့လၧထီၫ့နီၪလီၫ.
33 ဘဲၫနီၪၥိၭဆ့လၧ နီးအတရၫ့အထုၪ့လဖၪအဂးမၩ ဝ့ၫလၧၥံၪ့အလဲအိၫ့တၭ, အီၪဝ့ၫလံပိၩ့လပိၩ့လီၫ.တ
34 ရၫ့နံၫဘံၪ့နီၪမွဲၥံၪ့ၡိၫလီၫ.- တရၫ့လဘံၪ့အလၪနံၫခီၫ ခါချံၭအၥၭ,ဒဲတရၫ့လဘံၪ့ဒၪအလၪနံၫခီၫခါချံၭအၥၭ
35 လီၫ.- တၭဒ့ၭကံၪခ့ၫရူၬဒဲၥံၪ့စီၩ့မလီၫ့, ဒဲဖီၫလၧအ လီၩ့,တၭဖၩ့ဝ့ၫလၧထီၫ့ဘုၭထၬလိၬအၥၭ လၧဆၧဒ့ၭကံၪ ဝ့ၫလီၫ.
36 တၭမၩဆၧဝၩ့ထၬ လၧအဖၧၩ့လဆၫ့လၧလိးစိၭဖျၩ ဝ့ၫၥၧၫ့ဂဲး, ဒဲၥံၪ့ၡိၫအ့ရ့ၭအထုၪ့လဂဲးလီၫ.
37 တၭလၧလံနံၪ့လနံၪ့ လၧလၩဇံဖၭအဖၧၩ့နီၪၦအီၪ
38 က့ၪလၩ့ယဟိဝၩအဂံၪ့အခၪ့ထံၭလီၫ.- အနံၪ့လဆံၫ လနံၪ့လၧလၩဘၧလၭအဖၧၩ့နီၪ, (အဝ့ၫနီၪမွဲလၩဎိၭ ဘံၪ့လဘံၪ့) ၦမၩဂံၪ့ဂီၩ့ဝ့ၫတၭ, ဘဲၫကယဲဆၧချဲၩ့အ ၥိၭ,ဒဲဘဲၫကယဲဆၧစ့ၩရၫ့ ထီးအလူၬ အၥိၭနီၪလီၫ. တၭမၩထၪ့ဂံၪ့နီၪ နွ့ၫနံၪ့အထးဖၧၩ့လီၫ.